2022年12月28日星期三

龍媽媽糕點 Mama Long Pastry:「糕」手在民間

早前睇過啲飲食雜誌嘅報道,先知呢間賣傳統中式糕點嘅「龍媽媽」原來製作喺咁有誠意,所以,今日襯出開嚟佐敦一帶都有少少專誠過到嚟幫襯下,買啲糕點返去當飯後甜品,加上老婆本身都鍾意食呢一類中式糕點。

喫麵 YumMee:全新「麵」貌

老婆交完數,專登同佢晌尖沙咀食晏晝飯,原來K11 Musea地庫層有個美食廣場「Food Playground」,真喺唔講唔知,亦無諗過呢個高檔商場內都有個美食廣場,當然,擺得晌度嘅,啲餐廳又會高檔啲啦。先兜一個圈,真喺有好多選擇,最後揀咗主打亞洲各地美食於一身嘅「喫麵」。

2022年12月26日星期一

德興茶餐廳:茶餐「德」力素

上次同一班朋友行完「大刀屻」之後,落咗粉嶺嘅「名都商場」,試咗「太興」,食物都唔錯,喺定價貴啲啲,座位又逼啲啲。今次近乎原班人馬,行完「八仙嶺」終點自然落返粉嶺,改食返「德興」,其實唔喺特別偏好,只喺大家行到好攰吓,純粹就腳費事周圍再搵。

2022年12月25日星期日

俊達信茶餐廳:「脂」不抵債

完咗聚會,同老婆各有各食,佢就同朋友飲茶,得番一支公,好彩仲有個老友同樣得一個,就問聚會所下面嘅茶記「俊達信 」食個午餐,簡簡單單費事周圍搵,香港地梗有一間茶記晌左近。其實呢間茶記開咗好多年喇 ,不過一直都試,因為比較心水喺附近嘅「太子小廚餐廳」。

2022年12月24日星期六

傅記茶餐廳 Fu Kee Restaurant:未分勝「傅」

嚟親深井食嘢,都喺因為行山,上年年中就同個舊同學行「元荃古道」,由荃灣行到嚟深井,再食個下午茶。今次有朋友提議由小弟帶隊行多次,當然今次就舒服好多,感覺清爽涼快 同樣都喺深井為終點,又喺落番「傅記」食下午茶。

2022年12月22日星期四

Miam Bakery:「焙」着你走

晌西營盤嘅「SEOI」食完下午茶,都打算閃人,但記得以前同事請我食過鬆餅,就喺出自附近嘅麵包小店「Miam」,查一查位置,就晌上一條街,所以,順道睇睇有無啱食嘅麵包。

SEOI:希臘小悠遊

趁今日節慶,有得放早,就趁機同朋友過嚟西環嘆個下午茶,何解咁有雅興?究其原因,都喺因為晌IG睇到呢間餐廳「SEOI」嘅貼文,裝修得一室希臘小島風情,無得出門,嚟過吓旅遊癮都好嘛。

2022年12月20日星期二

炯記燒味 Gwing Kee Roasted:懷「油」政策

早前同位舊同學傾開近況,原來,我哋呢3年都無出嚟食過飯,是夜就趁老婆返學,得自己一支公,就搵佢出嚟陪小弟食餐飯,兩個中佬撐撐枱腳,就一就我,就揀咗尖沙咀嘅「炯記燒味」,因為舊同學話未試過鵝油撈麵。

2022年12月18日星期日

QUE:美味「蟹」逅

之前入開「東涌」,晌「東薈城」二期嗰邊試過一家新派居酒屋「QUE」,當時嘅總結喺環境頗舒服,招呼又唔錯,食物嘅配搭、做法都有驚喜。最近,知道佢晌「圓方」落腳,咁就更加方便我呢啲九龍人啦。所以,今日約咗表哥出嚟聚一聚,食餐晏,順便都有啲嘢交收吓,兩老表都有成半年無見過面。

2022年12月17日星期六

蓮香咖啡:長洲搵食第四站:「蓮」月痕跡

噚晚晌渡假屋瞓得麻麻,啲隔音好差,隔離單位嘅外國人又玩到半夜三更,不過,都照原定計劃,今早早起,晌長洲食埋早餐先走,然後搭橫水渡過坪洲玩多半日。晌市區都越嚟越少大牌檔、冬菇亭,所以,早餐專登嚟到「蓮香」試試。

2022年12月16日星期五

火車頭酸辣小窩 LOCOMO:長洲搵食第三站:食好嘢,唔需「車」望!

話說同老婆入嚟長洲宅渡假兩日一夜,先玩長洲,翌日搭橫水渡過坪洲。晏晝飯試咗「餃子冰室」,果然無失望,不過,同場加映嘅「海傍美食店」,啲糯米糍唔喺好得,所以,嚟到晚餐,搵番間啱老婆心水嘅餐廳俾佢,事前已做定少少功課,「火車頭酸辣小窩」應該喺最十拿九穩,一定唔伏。

海傍美食店 Praya Shop:長洲搵食第二站:「糍」不達意

前文提要,清大假同老婆入嚟長洲宅渡假兩日一夜,先去咗「張保仔洞、鯆魚灣、五行石」兜個大圈,再返嚟大街嘅「餃子冰室」食晏,然後去渡假屋攞房。經過碼頭對開嘅「海傍美食店」,見到有唔少長洲名物「芒果糯米糍」,就建議買返去食,當喺飯後甜品。

餃子冰室 Gogi Ice House:長洲搵食第一站:「餃」得佢掂

清吓啲大假,就同老婆入嚟長洲宅渡假一下,點解揀長洲,因為都十幾年無入過嚟,睇吓變化有幾多,所以,專登請日假,星期五入,星期六走,諗住無咁多人,無咁擠逼。因為得兩公婆,都喺輕鬆自在遊,亦專登逛到2:00pm先食晏。「餃子冰室」一早就定好嚟試,一來睇見啲食評覺得頗有特色,二來餃子喺老婆喜愛嘅食物,而佢更喺長洲嘅人氣店。 

2022年12月15日星期四

伴糖水:暖意之伴

自問都好鍾意食甜品,無論中式、日式、西式……,當然,港式就更加要支持啦!所以,有晚經過佐敦柯士甸道,見到呢間「伴糖水」,裡面企滿人,好奇望望,原來喺主打傳統港式糖水嘅小店。

2022年12月14日星期三

蘇山雞飯 Susan chicken rice:獨領風「蘇」

一向都鍾意食馬拉嘢,不過,就唔會太刻意專登去食,喜歡隨遇而安,而「蘇山雞飯」亦都無話刻意嚟,不過,撞啱約咗朋友過嚟長沙灣食飯,而聽住晌附近嘅親戚介紹,呢間主打星馬菜嘅食店,絕對喺平靚正嘅街坊飯堂。

2022年12月10日星期六

Tom Bar & Grill:偷得浮生下午茶

風和日麗,而老婆晏晝有義工活動,咁就當然同啲老友出車啦,不過,今次輕鬆啲,大埔沿吐露港踩去烏溪沙,再原路折返,大部份平路,好易踩。回程比預期早,所以,就晌科學園食個下午茶,晌單車徑側,有幾家餐廳,環境唔錯,點指兵兵就晌「Tom Bar & Grill」坐低咗。

2022年12月7日星期三

上州一頭和牛 Jyoushu Ittou Wagyu:招呼「州」到

旺角本身就唔算多嚟,次次出親嚟大多數都喺有嘢想買,而位處旺角東站上蓋嘅「新世紀廣場」就更少,因為覺得有少少吊腳,不過,依家有東鐵延線,收工過嚟真喺方便咗。故此,相約位老死出嚟一聚,試試日式燒肉,佢同我都話好耐未食過日式燒肉,選址就晌「食代館」裡面嘅「上州」,因見其風評不俗,價位又唔太高。

2022年12月3日星期六

太興 Tai Hing:「興」鬆下午茶

入到嚟粉嶺搵食,不外乎因為同啲老友行完山,今次小弟帶隊再挑戰大刀屻,不過,就由「嘉道理農場」嗰邊上山,粉嶺「蝴蝶山徑」呢邊落山,貪其一到粉嶺就可以食番個下午茶補補體力。大家都行到攰,咁就當然揀最就腳嘅「名都商場」搵食啦,上次試過「德興茶餐廳」,感覺一般,所以,就試試「太興」,諗住大牌子少少,可能會好啲啩。

2022年12月2日星期五

The Pizza Pig:「豬」事順利

自姨仔搬咗入坑口,喺會少咗機會見面,但總有啲藉口走埋一齊食餐飯。之前好幾次嚟D2 Place食飯,都喺夾埋姨仔嚟,今次都喺,我、老婆、姨仔,三人行,皆因賀一賀佢轉新工,順便又聚一聚。揀咗「The Pizza Pig」,因為睇過性價比唔錯,尤其啲長形薄餅,都幾有特色。

2022年11月30日星期三

Owens:清新、稱心一頓飯

近排每逢周中,老婆都要返學,所以,就約啲朋友出嚟食吓飯,但今次就專登等埋佢放學,同佢食餐好嘢,因為,早前晌IG睇到呢一家波希米亞風嘅餐廳,裝修好,食物嘅風評亦好唔錯,故此,先帶佢一試。

2022年11月29日星期二

Feast Oyster Bar and Restaurant:「蠔」情以外

都話近年尾喺會多咗少少飯聚,繼早前同老同學晌中環食餐粵菜午飯聚聚舊,今次就同一位老友記聚一聚。大家都鍾意食西餐,就揀間坐得舒服嘅,偶然睇到呢家西餐廳「Feast Oyster Bar and Restaurant」,午餐有自助沙律吧,百鬆啲蚊,感覺唔錯喎。

2022年11月26日星期六

Café bord de Mer & Lounge:自晚餐嘅「澳」妙

承接之前嘅食評,提到我同老婆入到嚟東涌住民宿,因為玩過幾次酒店宅渡假,所以,今回搞吓住民宿。第二日行程就玩愉景灣,先去梅窩,再行山行去愉景灣,約兩粒鐘左右,再上愉景灣暸望台及其他打卡位,最後嚟到白教堂,而晚飯就晌愉景灣酒店嘅「Café bord de Mer & Lounge」食埋個自晚餐先打道回府,成日行程夠晒豐富,同賣力。

六十年代 The Sixties Restaurant:逸東邨搵食實「六」

又前文提要吓啦,因為入咗東涌近鳳凰山山腳下村落中嘅民宿住番晚,唔包食,所以,早晚兩餐都要自己搞掂。今朝早,屋主就推介我哋去試吓晌「逸東邨」嘅「六十年代 」,所以,就過去試試,跟住,順道先去走訪馬灣涌村,探索昔日東涌嘅小漁村,然後再睇睇東涌炮台。

2022年11月25日星期五

八方雲集鍋貼水餃專門店 Bafang Dumpling:今餐又「餃」掂

平常去宅渡假都喺晌酒店,包一餐或兩餐,但今次入到嚟東涌,仲要喺鳳凰山山腳下村落中嘅民宿「城市綠洲」,唔包食,所以,早晚兩餐都要自己搞掂。雖然,可以借用民宿廚房,但得我哋兩公婆,就費事搞,故此一早已打算食埋晚餐先入民宿。而最近民宿就喺「滿東邨」,完全喺好隨意搵咗「八方雲集」。

RIVA 灣 Bar & Grill:轉個靚「灣」食好嘢

雖然,近排啲出入境防疫要求放鬆咗,但短期內都未有計劃出門,而依幾年無得出遠門,都積累咗唔少假,所以,得閒就揀平日放吓假,攤抖吓之餘,兩公婆搞吓宅渡假或本地遊。今次就先入咗馬灣玩,早上就由沙灘廣場起步,行經青馬橋底,再上大嶺頭,落大排咀碼頭,再返回沙灘廣場食晏。一早已心儀「RIVA 灣 Bar & Grill」,喺朋友推介,貪佢望住大橋景。

2022年11月23日星期三

Eris's Kitchen:秘點廚房

荔枝角都算近我,所以,間唔時都有過嚟食吓飯,食完行返屋企都仲可以嘛。而且,有咗D2 Place,搵食嘅選擇又多咗好多,就好似今晚同位死佬嚟到「Eris's Kitchen」咁,喺第一次到訪,貪其環境舒服。其實,之前嚟過好幾次D2 Place,都無為意呢一家餐廳,一直只以為喺個室內哥爾夫球場。

2022年11月22日星期二

星記海鮮飯店 Sing Kee Seafood Restaurant:有「星」有色

時近年尾會喺多咗啲飯聚,有大有小,今次同老同學短聚食餐晏晝飯,就番小弟就梗喺晌中環啦,而大家都想靜靜局傾吓偈,所以,搵咗「星記」。雖然佢喺中菜館,但有別一般酒家,午市有啲小炒套餐,所以,都幾划算。

2022年11月20日星期日

新泰國廚房 New Maung Thai Food:未復常「泰」

之前晌「屏麗徑」試過間泰國小店,今次完咗聚會,又到搵食時間,今次試另一家泰國小店「新泰國廚房」,不過對好多區外客嚟講,佢嘅位置都幾偏,睇住地址亦好易行過籠,而呢間泰國小館,喺葵涌老友嘅在地推介,紮根於此好多年,睇鋪面嘅招牌都曬到甩晒色。

2022年11月19日星期六

Thai Fire:午餐「泰」優惠

今日老婆又要過嚟「翠屏」參加義工活動,所以,趁過開嚟,但同佢晌觀塘區食餐飯,因為我哋住西九龍呢邊,東九龍就少去啲。講到晌觀塘搵食,就唔可以唔提啲廠廈、商廈內嘅食肆,有不少卧虎藏龍嘅樓上鋪。就好似今次晌網上搵到嘅「Thai Fire」,確喺一家有水準嘅摩登泰菜館。

2022年11月16日星期三

珍珠皇宮印度餐廳 Moti Palace Indian Restaurant:重慶大廈搵食「宮」略

數一數,原來好耐無食過印度菜喇,睇番啲食評,已經超過年半有多,同個老友傾開,佢都好有興趣食番餐印度茶。晌網上查一查,搵到位處「重慶大廈」嘅「珍珠皇宮印度餐廳」,有別要搭電梯上樓,行一層樓梯就到,較為方便。

2022年11月15日星期二

1986地道越南餐廳 Pho Xua 1986:討人喜「越」

是晚老婆上堂無飯開,趁機落一落鴨寮街買啲零件,順便就晌附近食個飯。早兩個月幫襯過「澳葡牛奶餐室」時,記得路過汝州街仲有家越南菜館,所以,專登過嚟望望,就喺呢家「1986地道越南餐廳」。

喜多嬉牡蠣屋 Kitaki Kaki:「蠔」不客氣

早睇晌雜誌睇到呢一家居酒屋「喜多嬉牡蠣屋 」嘅專訪,嚟自日本北木島,小弟唔喺日本通,所以,對北木島呢個地方好陌生,而睇雜誌嘅專訪,「喜多嬉」本身喺歷史悠久嘅牡蠣(我哋就慣叫生蠔)養殖場,今次喺首次進軍香港飲食市場,個人感覺喺幾大膽嘅決定。同位舊同學傾開,原來佢喺蠔痴,所以,今日嚟到就食餐「蠔」華午餐。

2022年11月12日星期六

富記驛站 Fu Kee:未能「驛」轉

我哋一班老死成日講笑,行山行邊度,踩車踩去邊,都唔喺重點,重點喺個下午茶晌邊度食。今次出車,兜勻成個大埔、沙田、大圍,最後由老死帶路嚟到呢個私房秘點,大埔廣福邨冬菇亭嘅「富記驛站」,睇埋環境,就知擺明喺俾單車友中途嘅補始站。

2022年11月9日星期三

Mr. Crab by The Captain's House:再次「蟹」逅

早前,老友睇過小弟一篇提及海鮮嘅食評,又話好耐無食過海鮮,不如趁仲有啲消費券未用晒,約出嚟擦番餐。不過,今次帶老友嚟到「Mr. Crab by The Captain's House」試吓新嘢「海鮮袋」,其實唔喺咩新嘢,小弟大概5年前晌尖沙咀嘅「The Captain's House」初嚐過,喺非常有趣嘅體驗,所以,都推介俾老友試試。

2022年11月1日星期二

Prime Pho:賞心「越」目

記得好耐之前幫襯過一次「Prime Pho」,嗰時仲喺晌「擺花街」窄窄嘅舊鋪,因為嗰次有少少即興,亦唔方便影相,所以,食評就無寫喇。最近,先知佢搬咗去嘉咸市集「My Central」樓上,而正正約咗朋友食飯聚一聚,故就不如揀佢啦,就晒我,收工行過去都得嘛。

2022年10月29日星期六

新上海飯店:疫後「滬」動

停擺咗3年嘅「細胞小組」活動,卒之因防疫措施放寬而成事,大家都經歷艱難嘅日子,自然更想出嚟聚一聚。選咗美孚平台嘅「新上海飯店」,雖然小弟喺美孚街坊,但今次唔喺我主意,不過,呢間上海飯店上手就幫襯過,據聞喺子承父業,我就無深究,但轉咗手就未試過喇。

2022年10月26日星期三

Chapter 3 Steak Bar & Restaurant:「3」心兩意

老友工作上有啲新轉變,約小弟出嚟啤一啤,不過,好老實,小弟一向都唔多好酒,但家下啲酒吧餐廳嘅食物都做得好有水準,就算唔飲酒,三幾個嚟食吓飯都好唔錯。問咗食友嘅心水,就推介太子呢間「Chapter 3 Steak Bar & Restaurant」,話菜式多元化,定價算親民,加上地點都好就到我哋。

2022年10月25日星期二

Karui Bento:捲餅早餐

「Karui Bento」主力喺做精緻輕食便當外賣生意,晌中環都有分店,放飯時間都有幾多想食得健康啲嘅人嚟幫襯。不過,上環呢一家分店就有做埋早市,簡簡單單只賣3款捲餅,期望都趁早市增加多少少收入。

2022年10月22日星期六

祥記燒臘飯店:長食「祥」有

趁星期六,同老婆晌荃灣搞銀行嘢,之後就打算行一轉「元荃古道」,咁都要食咗晏先。老婆曾有段時間晌「福來村」呢邊做兼職,所以,今次佢話事,帶我嚟到「香車街街市」搵食,上到平台層有好多餐廳,不過日頭做生意嘅唔多,得間賣車仔麵、茶記,以及打算試吓嘅「祥記燒臘飯店」。 

2022年10月19日星期三

貴緣小鍋米線 Gui Yuan Siu Wok Mixian:探本尋「緣」

好一段日子無無過嚟紅磡搵食啦,就算屯馬開通呢一邊,都喺較少過嚟,唔喺方唔方便,喺習慣性同朋友群嘅因素。今晚同朋友短聚,想話輕鬆食一餐,曾經因一家日本餐廳令「紅磡」嘅「崇潔街」紅極一時,雖然依家不及當年,但「崇潔街」仲有很多卧虎藏龍,而且,更有唔少喺平民美食,選擇嚟「貴緣」食米線,咪睇話米線咋,「貴緣」嘅餸料同小食,一樣有亮點,否則都唔會專誠走一轉過嚟。

2022年10月18日星期二

少爺燒鵝燉湯館:大少,開飯啦!

燒味喺香港嘅傳統地道美食,小弟就無話因健康關係而少食,但確實近年就真喺食少咗,其實無話咩原因,因為香港美食實在太多。之不過,隔耐咗,對燒味又會有種癮起嘅感覺,所以,趁今晚屋企無飯開,一支公嚟咗位於尖沙咀「戲曲中心」內嘅「少爺燒鵝燉湯館」食個便飯。 

2022年10月12日星期三

QUE:和風新「滋」態

嚟得東涌只有3件事會做,一喺就行山,一喺就宅渡假,一喺就有嘢想買,行Outlet。自從上次入嚟宅渡假,有較多時間逛逛東薈城,發覺多咗個二期,開咗好多餐廳。今次所試嘅日式西餐廳「QUE」又喺晌二期呢邊,並且喺新開無耐。

2022年10月9日星期日

Almond Dessert 杏甜品:有「杏」遇上

小弟甚少出嚟旺角,怕人多,出親嚟就喺行「女人街」、「波鞋街」,主要都喺添少少裝備。而出開嚟都會周圍打個轉,每次出嚟都發覺開咗好多新餐廳,行到嚟豉油街,睇見呢一家以杏仁為主題、門面好清新嘅港式糖水鋪,晌門口望兩望,覺得啲款式又幾特別,所以,膽粗粗一試。

永珍越南食館 Wing Chun Vietnamese Food Restaurant:有圖有「珍」相

完咗聚會,同班朋友都喺照舊落太子食晏, 因為花園街一帶有好多餐廳,有平有貴,選擇非常之多。本來搵間茶記就算,但有人提議「永珍越南食館」,越南嘢,我啱喎。

2022年10月8日星期六

時代冰室 Times Cafe:「代」遇不同

今日過到嚟長沙灣同親友交收,加上行程緊密未有時間食午餐,晚上又有小組聚會,所以,路過呢間「時代冰室」,趁機食番個超級下午茶餐,當喺一餐頂兩餐。

2022年10月4日星期二

鳥山名 Toriyamana:「名」確目標

老婆生日,一年一度,不過今年屋企有啲小維修工程要搞,所以,套番舊年咁,睇場早場(神探伽利略),再食餐晏晝飯,之後,都仲要返屋企繼續啲維修嘢。俾佢揀食乜,佢都喺揀番「鳥山名」,因為佢話呢度嘅銀鱈魚喺最抵食。咁又喺,求先睇完戲,經過「如心二期」都有間日本菜「鮨樂」,同樣有銀鱈魚定食,價錢平幾十,但就得一嚿銀鱈魚,性價比相對無咁高。

2022年9月28日星期三

檳榔島敍 Penang Toujours:美味「檳」紛樂

小弟一向都鍾意馬拉菜,而馬來西亞都曾經去過兩次,兩次都有到訪過檳城,因為真喺幾鍾意呢個小島,人少、地方大、多果園、沙灘區好靚,最搞嘢喺廣東話通行。疫情嘅完結都開始睇到曙光,希望早日能遠行,飛返一轉大馬。咁未飛得住,就食餐馬拉菜嚟懷緬吓,住晌港島東嘅老友推介呢一間小店「檳榔島敍」,講菜式頗特別。

2022年9月27日星期二

為食龍 Hungry Dino:「餓」虎藏龍

約咗舊同學食餐晏仔,又喺叫我搵地方,OK!OK!就搵咗晌「大館」附近,位處半山少少嘅「為食龍」,因為之前睇過食友嘅食評,覺得佢哋嘅腐皮御饍幾特別,所以,一心又想試試,而舊同學本身都鍾意食日本菜,故行遠少少過到嚟「半山扶手電梯」佢都OK。

2022年9月25日星期日

多彩皇宮 Wonder Land Seafood Restaurant:家族飯堂

自從老爸過身,都甚少過番嚟石硤尾食飯,最近阿妹生日,費事佢哋專登走嚟走去,所以,就番佢哋索性晒我同老婆過嚟到「多彩皇宮」食餐便飯。呢間嘢真喺屹立咗好多年,都算算哋喺家族飯堂,其實啲嘢無話好好食,純粹地方大,好坐,就腳而已。

2022年9月21日星期三

澳葡牛奶餐室 Macau Portugal Milk Restaurant:滋味小「澳」秘

呢排真喺成日過嚟「黃金」,早排壞電腦已搞咗我個幾星期,今次就落嚟買打印機墨盒,順便就幾個老友食飯。兩支公,最好就喺茶記啦,平靚正,無拘束。至於茶記,深水埗真喺多的是,最後揀咗位處「汝州街」嘅「澳葡牛奶餐室」,主要喺想食埋雙皮奶。