成記麵家車仔麵：有機可「成」

好耐無同「發哥」出車喇，所以，搵個星期六天氣幾好嘅，就同佢踩返轉中長途，有挑戰少少嘅，兩支公一齊由大埔起步，踩去大尾篤，再上新娘潭，沖返落去鹿頸，再兜一轉去沙頭角邊境站，然後再折返番粉嶺，食個晏之後返回大埔。唔喺因為踩單車都唔會入到嚟粉嶺搵食，因為仲要踩段路返大埔，所以，唔會食得太飽，就揀咗嚟「成記」食車仔麵。

德興茶餐廳：茶餐「德」力素

上次同一班朋友行完「大刀屻」之後，落咗粉嶺嘅「名都商場」，試咗「太興」，食物都唔錯，喺定價貴啲啲，座位又逼啲啲。今次近乎原班人馬，行完「八仙嶺」終點自然落返粉嶺，改食返「德興」，其實唔喺特別偏好，只喺大家行到好攰吓，純粹就腳費事周圍再搵。

太興 Tai Hing：「興」鬆下午茶

入到嚟粉嶺搵食，不外乎因為同啲老友行完山，今次小弟帶隊再挑戰大刀屻，不過，就由「嘉道理農場」嗰邊上山，粉嶺「蝴蝶山徑」呢邊落山，貪其一到粉嶺就可以食番個下午茶補補體力。大家都行到攰，咁就當然揀最就腳嘅「名都商場」搵食啦，上次試過「德興茶餐廳」，感覺一般，所以，就試試「太興」，諗住大牌子少少，可能會好啲啩。

樂怡餅屋 Louie Bakery：友「怡」長存

提起粉嶺嘅「樂怡餅屋」，好多人第一時間諗起佢哋啲3D立體蛋糕，造型唯肖唯妙，不過，今晚食到嘅就唔喺3D立體蛋糕喇，只喺港式嘅經典鮮果忌廉蛋糕。事緣相隔近兩近，三幾個舊同事約埋家聚，飯後食個蛋糕作甜點。

德興茶餐廳：「德」一想二

行山熱血嘅老友今日揀咗由大美督起步，經橫七古道行到去鹿頸， 唔難行，全程約10km，大概用咗4.5鐘。不過，去到鹿徑等小巴出返粉嶺就大排長龍。返到粉嶺，大家第一時間就哋搵地方食下午茶，亦喺行程之一，貪方便，加上大家對粉嶺都唔太熟，就隨意揀咗黐住地鐵「名都商場」內嘅「德興茶餐廳」，見好似好多人幫襯，搏一搏而已。

英仔小賣部：村校小賣部

無波踢，就唯有繼續行吓山，今次喺人強馬壯嘅組合，所以，一於途程行長啲，由烏蛟騰起步，經亞媽笏、梅子林、荔枝窩、印洲塘海岸公園、三椏村、苗三石澗，到九擔租離開，行吓抖吓，抖吓打吓卡，結果都行咗成5個鐘。我哋各自都帶備乾糧，不過，行到中段到咗荔枝窩，就晌荔枝窩村嘅廣場旁，有一間村校「小瀛學校」，每逢周六、日、假期，門外開咗檔「英仔小賣部」。 

發記士多 Fat Kee Store：搵食妙「發」

又喺星期六嘅行山日，無辦法啦，封場搞到波無得踢，行山就喺另一大「勞動」嘅興趣。今次唔再晌附近行，趁好天氣，跟朋友走遠啲去到粉嶺沙頭角，行鹿頸一帶，但都揀條輕鬆啲嘅，由鹿頸行到去谷埔附近，再折返，平路多，丁點山路，計埋啲打卡時間來回大概2.5小時，算好輕鬆，沿途都有點靚海景。最後，返到近鹿頸附近，揀咗晌「發記士多」打躉嘆抖兼食晏，貪佢人少啲，又對到海景。