Cocoon：西日精品

其實都唔多過嚟牛頭角、觀塘呢一邊搵食，不過，近兩個月真喺嚟多咗呢一，純粹都喺就番一下朋友而已。而今晚嚟到呢一間「Cocoon 」，名字好西化，但其實主打喺多國菜及日式便當嘅廠廈餐廳。

金叔叔 Uncle Kim：分「金」同味

約咗個舊同學傾下工作嘢，因為大家算喺同行，互相交流。由於佢晌觀塘區工作，所以，地點由佢發辦。佢就話不如去「愛琴坊」呢個美食廣場啦，到時可以睇下揀想食乜，結果，就揀咗「金叔叔」，我就同佢講正正十月尾就計劃咗去首爾 hea遊。

御膳 Imperial：美味再重「御」

同個老死傾開偈，原本佢都未嚟過觀塘啲廠廈食私房菜，咁就啱喇，難得三人行就一於帶佢哋嚟試吓「御膳」。因為食過好幾次，出品高質，水準穩定，永無失望，所以先夠膽推薦俾大家。仲有就喺貪佢價位唔算高，亦都做得有特色。

菊月町：「鮨」味無窮

約咗老表出嚟食飯，知道佢好鍾意食日本嘢，所以走遠少少過到嚟牛頭角嘅「菊月町」，因為在地嘅老友讚呢間嘢嘅性格比高，用料新鮮，製造用心。雖然隱身於牛頭角廠廈、商廈之中，但離地鐵站唔遠，都喺5分鐘左右步程，非常方便。

磯の水產：「磯」不可失

早前同朋友嚟過「海濱滙」食晏順道行一行觀塘海濱公園 偶然見到呢間居酒屋「磯の水產」，門面好大，外觀望上去又甚具和風，睇睇價錢又OK喎。約咗個晌觀塘做嘢嘅老朋友食飯，佢話想趁福島核癈水傾倒前食餐日本嘢，就想起呢一間屋酒屋喇。

Mano：出色手工薄餅

呢日約咗另一老死東叔叔聚一聚，佢喺東九人，又揸開車，所以，搵咗離地鐵站遠少少，又方便泊車，位於「海濱匯」嘅「Mano」，晌度泊車又有優惠。好幾年前都嚟過「海濱匯」食嘢，所以，對呢度唔叫陌生。

i Kitchen：「廠」入美食小天地

有啲朋友原無乜點去過工廠大廈內嘅餐廳，所以，今次就專誠帶佢哋嚟到「i Kitchen」試試，點解揀呢間？其實無乜好特別原因，只喺因為呢間試過，知道質素去做咩，夠穩陣，此外，經過3年疫程都仍然撐得住嘅，必定有佢嘅實力，幫襯嘅信心自然又大啲。

斤兩食品CattyandTael：斤兩十足

過去3年，疫情關係，過時過節嘅大家族活動全然缺席，就算冬至飯、團年飯都照樣唔出住，所以，拜年呢啲都更加唔會搞。不過，今年疫情大緩和，防痠措施亦鬆晒綁，所以，在剛過去嘅農曆新年，除咗有出席番家族嘅團年飯，仲參與多少少慶祝活動。咁啱，就收到一份賀年禮物，喺一家網店「斤兩食品」嘅賀年小食。

Thai Fire：午餐「泰」優惠

今日老婆又要過嚟「翠屏」參加義工活動，所以，趁過開嚟，但同佢晌觀塘區食餐飯，因為我哋住西九龍呢邊，東九龍就少去啲。講到晌觀塘搵食，就唔可以唔提啲廠廈、商廈內嘅食肆，有不少卧虎藏龍嘅樓上鋪。就好似今次晌網上搵到嘅「Thai Fire」，確喺一家有水準嘅摩登泰菜館。

i kitchen：再「廠」美味廚房

對上一次嚟「i Kitchen」已經差不多接近5年前嘅事，當時，已經有相當多餐廳進駐入觀塘廠廈，隨時間過去，就算喺疫情之下，餐廳嘅數目都好似有增無減，競爭應該都幾大，然而，仲喺屹立不倒，就自不然有其實力。同啲老友食飯，當然揀啲好嘅、有質素架啦。

La Pizza Express：La La 「臨」開餐

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。

Vegetarian Kitchen by Dickson Yoga：心中有「素」

嚟到「Dickson Yoga」，唔喺做瑜珈，而喺搵食。老實講，瑜珈呢樣野真喺唔啱我，行山、踢波、踩單車呢啲力量型運動型我就無問題，伸展、拉筋呢類嘅真喺唔搞我。晌「Dickson Yoga」裡邊，附屬提供埋餐飲，所以，就同老婆晌度食個午餐，之後，佢就過「翠屏」參加義工活動。

樂感 Lagom Kaffe：「樂」繹不絕

舊年11月到訪過「樂感 」（Lagom Kaffe）牛頭角店，印象唔錯，尤其啲咖啡幾出色，窩夫及自家製麵包都頗有特色。最近，聽食友分享，「樂感」最近晌觀塘都開咗新店，地方更大，更有室外位。乘着過開嚟觀塘，就試試這家觀塘店。果然喺幾大熱，門口堆滿人，好彩地方大，位多，走咗一批午餐客，都唔算等好耐，就有位。

東叔叔雞蛋仔：最緊要新鮮

前文提要吓，同老婆晌牛頭角嘅「break」食完晏，再沿觀塘海濱走廊漫步，過到嚟觀塘，再逛逛廠廈買吓嘢。經過「駱駝漆大廈」呢邊，晌閘門口角落見到間小店賣雞蛋仔，堆滿人幫襯，又聞到陣陣雞蛋仔香氣，過吓口癮就買咗包「止癮」。

御膳 Imperial：一遇再「御」

依家同人講去啲廠廈食私房菜，已經唔喺咩新鮮事，但記得8、9前，由於工廠區嘅廠廈慢慢變得十室九空，而地鋪租金拾級而上，開始有唔少食肆進駐廠廈，與此同時，私房菜嘅概念亦開始普及咗好多，無十年、八年前咁神秘感。事隔4年多，再訪「御膳」，見仍然有咁多客人支持，就知有一定嘅實力啦。

板神鐵板燒日本料理 godofteppanyaki：抵食有「板」法

唔知喺唔喺社會事件問題，近來就見唔少餐廳推出好多優惠，繼幾個月前到過機場嘅「空港居酒屋」大嘆鐵板燒，今晚同表哥嚟到觀塘嘅「板神」，同樣因為有超抵食嘅鐵板燒推出，點抵法，一陣你就知。

自家燒吧：燒息靈通

友人一向喜歡捐窿捐罅搵食，對飲食特別消息靈通，近日睇見佢一篇食評，介紹呢一家「自轉」燒烤吧「自家燒吧」，既喺懶人包嘅福音，唔使郁手郁腳就食到燒烤嘢，又可以就算大熱天時都可以嚟過吓串燒癮，最正喺以放題形式嘛，一個價錢定晒預算，唔使就住就住食，食得暢快嘛。

官燕棧 Imperial Bird's Nest：富貴湯麵

問你「官燕棧」賣乜？相信大部份都會答喺賣參茸、海味、鮑魚、燕窩……等等，除此，仲有好多中式養生保健產品，如即食燕窩、滋補湯包，真喺唔上一上佢哋官網睇睇，都唔知原來佢哋有咁多產品。其實無啦啦真喺唔會走上去睇，皆因早前同好友食飯，好友送小弟一盒「官燕棧」出品嘅「鮑魚禮盒」，雖然唔知價值，但既來自「官燕棧」，又喺一份「禮盒」，相信唔平，老友實在太客氣了。

Moo Moo：Moo遂自薦

雖然「Moo Moo」嘅地址標示晌觀塘，其實佢近牛頭角多啲，晌牛頭角站行過嚟唔使10分鐘。因公事過到嚟觀塘，加上老婆要上堂，故此，今晚一支公索性食埋先返屋企。而揀咗「Moo Moo」，喺因為仲晌呢頭返工嘅舊同事推介，否則，應該未必行到過嚟咁篤。

Marine Seafood Bar & More：意菜之夜

都好幾個月無嚟觀塘食飯喇，其實，觀塘區不乏有質素嘅餐廳，尤其晌廠廈之內，不過，食完返屋企要搭鐵鐵兜個大圈返美孚就硬喺覺得有啲耐。難得同親友嘅飯局，走遠啲都無所謂啦。