2022年3月30日星期三

大家樂 Café de Coral:「翼」來順受

晌屋企附近呢一家「大家樂」最常嚟嘅時間喺星期六嚟食早餐,下午茶就相對少。同朋友行完山,本身就食過下午茶,老婆就即興話都想食番個下午茶,所以,返到嚟美孚時幫佢上「大家樂」睇睇。

天魔 Fusion Food Lab:「魔」登美味

老友成日問我幾時帶佢行吓新界西呢邊啲山,都講咗好多次,所以,今日就一早出發,由元朗嘅黃泥墩,行到去屯門嘅掃管笏,貪一早少啲人,始終每日新增都仲喺數以千計,全程大概兩個鐘左右,唔難行,好輕鬆吓。最後,返點屯門市中心,都要食晏嘅,又喺趁早啲,無咁多人流,揀咗V City一田超市內嘅「天魔」,位置少少僻,啱我哋夠靜侷。

2022年3月29日星期二

INN - I’m Not Nothing:寧靜午餐

由於工作關係,今日到訪荔枝角一家長者服務中心,事後都要搵餐晏仔,所以,過嚟工廠區一帶,先兜個圈,等過咗放飯嘅高峰時段。最後,嚟到「億利」嘅「INN - I’m Not Nothing」,一來廠廈啲樓上鋪無咁多人,二來年多前錯到訪過,知道其有番咁上下水準。

2022年3月28日星期一

Paul Lafayet:再嚐「芝」味

今年香港嘅股市大插水,據之前有啲報紙報導,強積金2022年3月每人平均蝕$3,202,而單喺今年至今人均蝕$16,318,我呢啲打工基層,可能未必蝕咁多,但亦絕對唔會少,當然,希望晌退休之日,個市暢旺,收復所有失地之餘,更賺一大嚿嚟安享晚年。講到強積金,我嘅強積金無樣好,就喺生日會送上小禮物,今次又喺Paul Lafayet嘅蛋糕券(上年都喺),等小弟再嚐Paul Lafayet嘅滋味。

星巴克咖啡 Starbucks Coffee:一個人的咖啡、一個人的沉澱!

呢一篇食評真喺無咩特別,只喺人生上遇到心煩嘅事,出嚟抖抖氣,寫情感多過食嘢食。晌疫情第五波頗為嚴峻之下,香港好多嘢都好似停擺咁,除咗無點出去食嘢之外,有都喺買吓外賣。一個人想靜靜哋飲杯咖啡,嚟依一間怡和大廈嘅「星巴克」就最夠靜侷,最安心。

2022年3月26日星期六

the Engine:與別不「酮」

近年,飲食圈多咗講咩無麩質、純素、生酮嘅食物,老實講,小弟呢份人食嘢唔算好無節制,但又唔算得好健康,不過,老婆喺偏素素食者,所以,食嘢就「被健康咗」。講到生酮,年幾前就到訪過西環嘅「Infiniti C」,算叫做接觸過生酮飲食。最近,就晌啲飲食雜誌睇過一篇介紹,介紹新開無耐嘅漢堡包店「the Engine」,所以,趁過到嚟奧海城,就過一過利奧坊嘅「the Engine」,買啲外賣返屋企當午餐!

2022年3月18日星期五

咪曲奇 Mecakeki:超出預「奇」

曾在一些專櫃及網絡媒體看過這品牌,那時,都並未太留意,最近,才從IG認識到這本土「曲奇」品牌,何解括起曲奇二字,因為以傳統的雞蛋餅作藍本,低糖、無添加、低溫烘焙而成的曲奇,更以獨特配方加入香港口味,更具本土色彩,值得支持。

2022年3月17日星期四

Cityfresh Bistro:「佳」坊飯堂

又喺疫情下嘅外賣系列,今晚少有地過到嚟黃大仙區,所以,臨離開就睇睇有咩好選擇。就晌地鐵上蓋嘅黃大仙中心,行咗一轉,有好多餐廳都想試,最後睇啱呢一家「Cityfresh Bistro」,啲嘢食定價唔貴,所以,買啲外賣當晚餐。

2022年3月16日星期三

君蘭餅店 Orchid Padaria:質素平「君」

因家住美孚,所以,不時會經過由屯馬線轉至荃灣線一段通道,早前就幫襯過「A-1 Bakery」嘅「青森蘋果批」,而今次,就平平哋買咗「君蘭餅店 」嘅出品當下午茶。

2022年3月12日星期六

英王麵包店 A-1 Bakery:「蘋」易近人

因家住美孚,所以,都不時經過呢一家港鐵內嘅「A-1 Bakery」,雖然,小弟就唔喺咁經常幫襯,但食過佢哋啲歐陸包及蛋糕,都有一手,質素唔錯。今次又路經,睇見鋪前擺放一啲烘焙產品,口痕痕就賣一個返去當下午茶。

2022年3月11日星期五

龍泉冰廳 Dragon Spring Cafe:選擇齊「泉」

今次過到嚟銅鑼灣攞嘢,回程路經蘭芳道撞見呢間「龍泉冰廳」,見喺門口企咗唔少人等外賣,心諗應該夠穩陣,所以,今次就外賣晚餐返去食,一支公快閃外賣晚飯,乾手淨腳嘛!

2022年3月3日星期四

Cali Mex Bar & Grill:「墨」默耕耘

睇見家下嘅市道好不景氣,不過,疫下風潮都唔應該太過周圍去,盡量減少外出,所以,平衡一下,一星期都會有一、兩次食吓外賣,撐吓啲食肆。而今次,收工後,就晌公司嗰頭嘅墨西哥餐廳「Cali Mex」買外賣。正正2020年初,疫情前就幫襯過佢哋嘅尖沙咀店,當時用餐嘅感覺幾唔錯,印象幾好,食物又頗有特色。