Barista by Givrés：「瑰」得有道理

早排與朋友到蘇豪食飯時，無意間留意到呢一間咖啡店「Barista by Givrés」，之後再上網睇睇佢哋嘅風評，的確唔錯，尤其佢哋嘅開放式牛油果多士，賣相非常吸晴。趁今日公司飯唔喺好啱食，一支公過到嚟嘆番個午餐。

Hunger Point：「墨」有所值

墨西哥嘢小弟都鍾意食，因為都幾夠特色，不過，就好少刻意去搵。晌上環返工嘅老友告之，晌歌賦街近尾新開咗間小店，主打墨西哥美食，都喺開咗兩個月左右，叫我有興趣嘅話可以去試試。所以，今次專誠走訪一下。

JMT Coffee：「韓」流「咖」到

咖啡店話幫襯得多唔算多，少呢又唔算少，但你話韓式咖啡店呢？今次又真喺第一次試。有輯韓國綜藝節目「咖啡伴侶」，講幾個藝人晌濟州島開咗間咖啡店，個節目都幾好睇，幾有趣，加上小弟都幾鍾意濟州島。當然，嚟到「JMT」，實際賣嘅產品同一般嘅咖啡店無疑，但港人店長（還是店主呢？）就一口流利韓文。

Coffeelin：品味閒情

西營盤呢區，甚至西環一帶，雖然唔多到訪，但有時從飲食雜誌，或食友口中，都收到唔少有關呢區個性特色小店嘅消息。最近，到訪嘅「Coffeelin」就喺其中一家，店家嘅地址雖然標明晌高街，其實鋪位面向住大斜路嘅西邊街，對面仲有座小教堂，街上遊人唔多，有種小區悠閒嘅感覺。

快樂牛 Happy Cow：樂活方程式

晌中環「大館」嘅「匡智小館」食完晏，無晌佢度食甜品，皆因打算嚟中環海濱嘅「快樂牛」食雪糕當甜點，之後，再搭天星過海，比一程地鐵平之餘，仲可以吹吹海風、欣賞吓維港。

Say Cheese：有芝勢，有實際！

當咖啡店開到成行成市，幾十蚊一杯咖啡再唔喺咩新鮮事嘅時候，近幾年間，輪到茶飲界大幅發力，好多都以台式飲品為基礎，再注入西式元素及無限創意。因為小弟對茶飲嘅認知都好有限，所以，一直都唔太熱衷去留意，今日跟親友食個下午茶短聚，先喺初嚐芝士奶蓋茶飲。

京林屋 Kyo Hayashiya：京喜若狂

如果喺抹茶控，嚟到晌日本京都有二百多年歷史嘅「京林屋」一定驚喜若狂，雖然小弟未喺去到抹茶控嘅境地，但一直想嚟京林屋好耐，因為好想試一試佢個林屋抹茶芭菲，不過，之前兩次都見好多人排隊，就打消幫襯嘅念頭。是夜，因為要落銅鑼灣拎糕，就順便睇睇多唔多人，見難得門口無人排隊，就一圓食佢抹茶芭菲之願。

Owl's Choux.Gelato.Coffee：時勢造鷹雄

兩個月前到棉登徑嘅One Minden Tapas Kitchen食飯時，因為為咗食個素西班牙飯，所以，嗰餐都食得頗飽，最後，當然甜品都食唔落啦。不過，晌離開時，偶然發現走番出麽地道嘅街角，見到有家新開嘅泡芙店（當時認為喺泡芙），將泡芙夾雪糕，幾有點子，搵日過開嚟尖沙咀時會再到訪。是日下午，趁出開嚟，就同老婆齊齊到此嘆個下午茶。

中村藤吉 Nakamura Tokichi：村越時空的美味

前文提要下，同老友晌Chibee Chicken and Beer尖沙咀新店嘆完炸雞同部隊鍋之後，意猶未盡，近近哋嚟到中村藤吉（外賣店）再嘆番杯軟雪糕。事後先知佢哋嘅新店啱啱晌美麗華商場開幕，不過，只打算食杯軟雪糕，其實邊間都無所謂。

Sweet Monster：獸色可餐

近排天氣實在厭悶到爆，出完太陽，又豪雨一場，轉頭再放晴，啲天氣真喺玩晒嘢。加上，都唔知依家算初夏定盛夏，總之就悶熱啦，飲食嘅消暑之法就喺食吓雪糕，飲杯凍飲喇！食完晏，就一於搵啲凍嘢解吓悶熱。

Häagen-Dazs：冰封我心

我依等食棍親戚，無咩叻，死淨把口，就即喺「為食」。今晚上到親戚屋企黐餐，查實就唔止為餐晚飯，主要喺慶祝表姪女生日快樂，而生日（雪糕）蛋糕嚟自Häagen-Dazs嘅出品。

Lab Made Café：狂熱分子

同表姨甥晌Little Vegas食晚飯，話題當然離唔開飲飲食食啦，佢間唔時都有留意一下小弟嘅食評，提及到舊年年尾晌屯門Lab Made試到嘅冰之粟一燒口味分子雪糕，佢就覺得好神奇，真喺好想試吓分子雪糕喺點。知道隔幾條街嘅登龍街，Lab Made就有一間新分店，所以，就順道帶佢去見識吓。

2/3 Dolci：愛．是這樣甜

超忙碌嘅一、二月，雖然算唔上忙到抖唔到氣，不過，錯過咗很多跟朋友嘅飯聚，難得擠出一個周日下午，跟朋友晌又一城嘅2/3 Dolci小聚片刻，享受一頓悠閒下午茶。相比起中環店，又一城店環境更加舒適寬敞，因為店子位處商場兩層之間嘅中庭，對出一邊面向達之路全喺大型玻璃窗，冬日暖陽，份外暖和，亦令人精神倍添，充滿正能量。

Lab Made Café：再分糕下

上次聖誕期間嚟過一次Lab Made Café，知道佢哋唔單淨賣分子雪糕，更有飲品及甜點，可以嚟迤吓食吓下午茶。不過，嗰次都喺試啲新款雪糕同飲吓嘢，未有品嚐過佢嘅蛋糕，今次則過開嚟，就同老婆一齊晌度食過下午茶。

Lab Made Cafe 分子雪糕專門店：分子雪糕過聖誕

唔喺第一次幫襯Lab Made，但新開嘅荃灣店應該最就腳，事關喺小弟出沒較多嘅地區之一。不過，是日嚟到，感覺有好多唔同，原來……荃灣店已進化為Café，分子雪糕當然唔少得，更賣埋件裝蛋糕及飲品，實在啱晒我哋啲甜品迷，下午茶又多個選擇，周六、日有時間可以過嚟迤吓！

香茶房 Kaorisabo：好友狂嚐曲（廿六）

自從年半前寫依個系列開始，不期然多咗收到朋友醒我嘅曲奇美食作為小禮物，亦間接讓小弟認識到更多唔同嘅曲奇品牌或小店，就好似今次介紹嘅「香茶房」，好陌生嘅名字，好低調嘅小店。

Häagen-Dazs：哈根大師歡樂派對迎聖誕

聖誕又就快到，好多人都會打算食飯慶祝一下，如果同你講去打鞭爐迎聖誕，會唔會感覺怪咗啲？不過，如果喺雪糕火鍋，你又點睇呢？掹住食友車邊，出席咗今個寒冬Haagen Dazs嘅歡樂派對，率先一嚐多款為今個聖誕設計新推嘅雪糕甜品、飲品，以及一睹兩款充滿節日氣氛嘅雪糕蛋糕，你準備好未？Let’s Party！

Honey Creme：甜酒遇著韓乳

雖然天氣開始轉冷，但天寒地凍食雪糕，又別有一番滋味。今晚，趁收工過嚟Honey Creme再嚐蜂巢雪糕，咁有興緻皆因推出秋冬限定新口味：百利甜酒 x 韓國牛乳軟雪糕，自不然貪新鮮，一試「酒後」嘅蜂巢雪糕。

Lab Made 分子雪糕專門店：秋山之行（一）：薯薯粟粟

入秋喺行山好季節，繼十月初倒行麥理浩徑，即喺晌麥理浩徑第10段由尾倒番轉行，今趟就再接再厲嚟新界西北再行過，因為住近西鐵入嚟依邊超方便。依次目標喺元朗大棠嘅楓香林，仲打算玩足全日，所以，中午由元朗大棠開始，經大欖自然教育徑，回走麥理浩第10段過屯門，因為天朗氣清，舒服怡人，行得爽啲。山徑出口位就喺屯門市中心，對住屯門市廣場，辛苦大半日，慰勞吓自己之餘，更順便補充一吓糖份，貪得意嚟到Lab Made，又睇吓有咩新意！

ICE POP 分子雪糕專門店：飯後嚐甜

上次嚟Ice Pop試過佢哋兩款蛋糕：香芒天使、檸檬蛋糕，味道不俗，用料都好足。今次趁中午同朋友晌附近飯聚完，算喺路經此地，走入嚟嚐嚐甜，談談天。