Mama Bakery：岩燒蜂蜜芝士蛋糕

前文都提過，因為落雨關係，行唔成山，踩唔成單車，同老婆晌「荃新天地二期」睇完早場，之後再晌「Itamama」食晏，食完晏就晌隔離附屬嘅「Mama Bakery」順便買咗件芝士蛋糕返屋企做下午茶！

Itamama：意媽媽之味

落雨濕濕，行唔成山，踩唔成單車，同老婆嘅最佳節目喺睇場戲，晌荃新天地二期嘅「英皇」睇完早場（平啲嘛），剛好夾到午飯時間，當然，食埋先返屋企。呢頭自從「海之戀」、「如心二期」嘅商場相繼開業，連帶幾個之前已有嘅商場就更旺，晌度真喺搵食無憂。單喺呢度「荃新二期」已有唔少食肆，啱啱落咗扶手電梯，就見到一家「Itamama」餐廳，感覺個名，望入去嘅環境都好面熟，原來喺「Itamomo」（意樂）嘅姊妹店，「意樂」本身我哋就幾鍾意，不時晌美孚店食早餐，所以，對呢間「Itamama」都幾有信心。

Soul Food Thai：風「Soul」快活人

約咗個做副刊（旅遊版）嘅老友出嚟食飯，以前，一個月都會飛一至兩轉，視乎行程長短，但因疫情關係，已經年幾無出過去，呢年幾嘅工作都好艱辛。近年，好多人為咗慰藉吓心靈，就食咗當去咗，東南亞喺港人旅遊嘅熱門地點，今晚同佢嚟到蘇豪嘅「Soul Food Thai」食泰菜，同樣當喺食完當去咗。

鮨夢 Sushi Yume：「鮨」味午餐

一般嚟講，食午餐都喺比較簡簡單單啲，但今日就有啲唔同，有人請，就食得豪少少。專登嚟到灣仔麥加力歌街嘅「鮨夢」，位置有少少隱蔽，不過，由太源街直行再轉入小街就喺，唔難搵。店面以木條做成嘅小屋，再加張小長木櫈，好有日本小店風格，睇落都有種食好嘢嘅感覺。

香葉灣 Fragrant Leaf Bay：夠晒專「葉」

唔好睇個名「香葉灣」就以為喺咩越式或泰式餐廳，基本上，可以視為茶記，不過，就提供好多東南亞菜式。承接上文晌大美督「忠誠茶座」嘅食評，踩完單車，一個老友返大埔，我同另一個老死就過太和，因為架車喺佢嘅，返佢屋企擺低兩架車，再落去嘆下午茶。

忠誠茶座泰國菜 Chung Shing Thai Restaurant：茶座「忠」影？

天氣好，一到周末，唔喺行山，就跟老友踩單，今回又跟老友出車，由大埔踩入大美督，食完晏再兜過去三門仔，然後經大埔海濱公園返大埔，條線好踩、輕鬆。雖然天氣幾熱吓，但踩住車感覺喺OK嘅。正午到大美督，亦喺最熱嘅時段，最好喺食晏嚟「避暑」，食咩老友話事，佢哋最熟地頭，最後揀「忠誠」，因為有啲算喺抵死嘅粉麵，一陣仲要踩車，唔方便食太飽。

可可豬海南雞專門店 Cocopig Hainanese Chicken：滄海遺「豬」

住晌東區嘅老友知我都幾鍾意食星馬菜，佢早前試過間小店，主打星馬菜，就推介俾我，老實講，炮台山、北角一帶好少過嚟，所以，佢介紹嘅小店就一直未有光顧。直到最近，要過嚟呢頭整機，就順便會一會呢一家「可可豬」，睇吓喺咪咁正先！

皇后冰廳 Empress Cafe：「后」起之秀

疫情又再緩和，就稍稍再鬆少少啲社交接觸，約咗個好耐無見、住晌長沙灣嘅親友短聚，食餐便飯，地點就番佢，所以，就揀嚟咗「皇后冰廳」，我就無乜所謂，反正未食過就仲好啦，親友就話唔錯。再者，就晌地鐵出口，亦都方便我，食完搭兩個站就返到美孚喇。

湯加 Soup Plus：「加」族小聚

唔喺清明，唔喺重陽，但就會一年一度上鑽石山墳場掃墓，因為就番先人嘅死忌日，所以，慈雲山、黃大仙或鑽石山一帶，一年總有機會有一篇食評出現。今次，外面天氣超熱（今年全球啲天氣都好反常，香港嘅天氣就特別濕、特別熱），故此，近近哋行過去慈雲山中心，由底層行到最上層，揀咗「湯加」，因為之前同老婆食過佢哋嘅「百秘海鱸魚」，喺幾得嘅，所以，投其信心一票。

加藤屋 Katoya：「加」常便飯

完咗聚會，落到太子搵食，依家算喺少嚟太子，加上只喺食晏，所以，都無乜心水話想食乜，全權交俾朋友揀。而走到嚟近太子室內運動場一帶，查實選擇都幾多，睇睇吓，就揀咗「加藤屋」，友人想食日式牛丼，小弟就純粹因為想食吓日式咖喱。 

Fûhn：開心喜「越」生日飯

我哋嘅死佬飯局晌疫情之下，兩年幾無搞過，適逢其中一位死佬就快生日，就草草哋3丁友搞咗個死佬小飯局慶祝吓，兼講吓近況。搵餐廳由小弟負責，方便大家就揀咗銅鑼灣區，而年幾前試過「Fuhn」，覺得幾好，而老友都喜歡食越南嘢，小飯局就決定晌度食。

J’s Bistro：久違生日飯

一年一度姨仔嘅生日飯，舊年因為疫情嚴重就無搞，今年疫情緩和咗好多就出街食番餐，不過，以往都無點大搞，今次當然都喺加埋老婆3個人而已。我哋都喺住晌美孚，所以，近近哋揀咗過嚟荔枝角D2 Place，貪呢度選擇多。睇過眾多餐牌資料，覺得「J's Bistro」價位實惠，風評唔錯！

美心西餅 Maxim's Cake：「糭」要健康

今年食糉唔多，都喺見經濟唔好，老婆專登幫襯吓啲小攤販，反而，早前透過啲網上活動，獲贈兩張糭卷，不過，換領就有少少唔方便，要去到指定嘅「美心西餅」，九龍區得4間揀，仲要喺九龍東，所以，專登過到嚟九龍塘站換領，好在喺晌付款區內啫。

甜心麵包 Honey Bakery：有所保「榴」

屋企附近有家麵包店「甜心麵包」，主要都喺賣港式包，做做街坊生意，定價都喺街坊價，而且，每逢3:00pm後，都會麵包特價，買二送一，咁早就已經開始特價，仲有仲有不斷新鮮出爐嘅麵包，絕對唔喺單單清貨尾，所以，都幾多街坊幫襯。我哋有時懶得焗麵包（麵喺用麵包機而已），就會間唔時幫襯吓！

Paul Lafayet：大師手藝

我嘅強積金無樣好，就喺生日或一啲節日，都會送上小禮物，今次就喺Paul Lafayet嘅蛋糕券，雖然只喺一件，但都喺一番心意嘛，有啲嘢都唔喺必然嘅。IFC有分店，食完晏就過去換，等下午茶時段鬆一鬆，嘆一嘆！

太平洋咖啡 Pacific Coffee Company：貪「桃」安逸

最近，因事趁食晏時間行到過嚟中上環嘅海港政府大樓一趟，要等一段時間先攞得番件文件，所以，穿天橋過到嚟華懋廣場二期搵間餐廳打打躉。一落天橋，正正門口位就有間咖啡店，原來喺Pacific Coffee，真哋認佢唔到。