2018年1月31日星期三

Crispy Bistro:脆味相投

早半年前,到訪過中環擺花街嘅「Springfields」,一次過試晒鹹甜兩款做法嘅法式薄餅,有驚喜之餘,印象深刻,而且佢哋嘅二人餐又真哋抵。今晚,再拉埋窩夫控嘅表姨甥女走到嚟第二街嘅「Crispy Bistro」,既食窩夫,又嚐法式薄餅,佢晌港大讀書,搵佢就最就啱喇。

2018年1月30日星期二

奇華餅家 Kee Wah Bakery:好友狂嚐曲(71)

一到農曆年,總會收到朋友所送嘅新年賀禮,其實,跟朋友講過好多次,真喺唔好嘥錢破費,但好些有心嘅朋友一定送上少少心意,實在感恩。紅噹噹嘅包裝盒,喺「奇華」嘅蝴蝶酥,佢哋嘅蝴蝶酥唔喺第一次接觸,知道甚具質素。

2018年1月28日星期日

奇華工作坊 Kee Wah Studio:零失敗蘿蔔糕

每逢特別日子,外間嘅整餅工作坊都會推出好多應節課程,臨近農曆年,就更加唔少得啦。最近,就去咗「奇華」位處灣仔嘅工作坊學人整蘿蔔糕,親自製作,非常有趣,重點喺零失敗吖嘛!

雪山冰廳:雪一不二

雖然算得上喺晌深水埗大,但屹立超過60載嘅「雪山冰廳」去過嘅次數寥寥可數,有嘅都喺好細個嗰時。早前,睇雜誌知佢由80後疏堂親戚接手,重新裝修之餘,食物款式都嚟個大革新。所以,說一不二,話會嚟食就會嚟,立即行動,同一眾老友嚟食個晏!

2018年1月27日星期六

匯發中西美食坊:一期一匯

臨近年尾(農曆年)總會搞好多團年飯,家人、朋友、舊同學……等等,相熟嘅食友都唔例外,又喺一期一會嘅時間,是次由友人安排晒一切,自然感覺更輕鬆。意外嘅喺選址原來喺一家茶記,但就兼營私房菜。

2018年1月24日星期三

名館 Ming Bistro:旗幟鮮名

難得約咗舊中學同學食晏,點都要搵間坐得舒服,食物有質素嘅,尤其是晌中環區,午市繁忙時段多人到爆。經食友推介,最後揀咗明苑集團旗下一家摩登分支「明館」。雖然,小弟晌中環返工,但公司有包伙食,平日真喺甚少出街食晏,對呢區嘅食晏情報好有限。

2018年1月23日星期二

鮨文 Sushi Man:鮨味滿Fun

晌元朗做到出晒名嘅「鮨文」,跳咗出嚟黃埔,加上就晌地鐵出口對面,自然對好多人而言方便咗好多。是夜與友人同嚟一嚐其「廚師發辦」,唔單止試到多款新鮮海鮮,更睇到師傅即席劏魚、做菜,絕對唔單喺味覺嘅享受,更喺視覺嘅滋潤。

2018年1月22日星期一

泰屋 Sawadee Thai:定價泰相宜

東南亞菜方面,最鍾意喺泰菜同馬拉菜,睇番自己嘅食評,原來都有一段長日子無食泰菜,可以講喺一時癮起,同老婆揀咗晚閒日食番餐泰國嘢。泰菜館唔喺咁多心水,不過,佢話出開始創入啲雜貨,網上搵搵就點中「泰屋」。

2018年1月21日星期日

許留山 Hui Lau Shan:從善如留

天寒地凍,兩公婆拍拖到葵芳,一時興起,想食個熱辣辣嘅糖水潤吓,就走咗入地鐵旁嘅「許留山」,呢間由涼茶變身為芒果甜品專門店唔使多介紹。近年,佢哋都不時有啲新產品推出,正所謂從善如流,吸納人家嘅特點。

2018年1月16日星期二

北海道爐端 Majimeya:爐苦功高

呢幾個月試過鐵板燒,又試過拉麵、海鮮丼、日式燒肉、涮涮鍋、浜燒……等等專門店,喺串燒專門店較少到訪,因為成日覺得啲串燒細細串好似食極都唔飽,收費又唔喺平。但最近有街坊推介荔枝角D2 Place二期嘅「北海道爐端」,定價相宜,加上近我,食完行返屋企都仲得,當喺散步消化吓。

2018年1月7日星期日

Green Common:未知之素

Green Common以賣高科技前衛素食食材為賣點,據講啲素肉嘅口感及味道都幾可亂真,想食又唔想煮,嚟Green Common嘅直營咖啡店就喺懶人福音。咁特別嘅素食店,當然要帶老婆嚟試試啦!

2018年1月5日星期五

薩莉亞意式餐廳 Saizeriya Italian Restaurant:點菜,唔使費薩思量!

嚟自日本嘅連鎖意式餐廳「薩莉亞意式餐廳」,晌小弟心目中,可以講喺打破平嘢無好嘢定律嘅一家餐廳。佢哋以平價、抵食作招徠,主菜廿零三十蚊就有交易,自助飲品吧收費$12位就可以任飲,所以,食乜?真喺唔使費煞思量,想點乜就乜,難怪經常人山人海。

2018年1月3日星期三

福丸水產.浜燒.日本料理 Fukumaru Hamayaki · Omakase:捧福開懷

小弟生日,就唔喺老婆帶我食好嘢,而喺由我帶佢去食好嘢,始終搵食我就叻佢少少。之前,曾同佢及朋友食過一家放題店,仲包埋浜燒,佢頗喜歡呢類食法,再者,佢戒紅肉,食海鮮就選擇多番啲喇。最後,揀上「福丸」,一來見其風評不俗,二來近西鐵,我哋返美孚都喺5分鐘車程。

2018年1月2日星期二

水蜜桃冰室 Peach Garden:桃出新天地

茶記、冰室喺懷舊嘅代名詞,但最近到訪嘅「水蜜桃冰室」,絕對跟個名喺兩回事,既唔喺以水蜜桃為主打食材,又唔喺玩懷舊嘅冰室裝潢,但賣嘅產品又有點特色,小弟就覺得佢喺一家幾玩味嘅港式西餐廳。

2018年1月1日星期一

Food Republic:椒積鐵板飯

對「大食代」唔抗拒,亦無偏好,但以美食廣場嚟講,小弟就覺得佢哋做得唔錯,作為新加坡過江龍,晌香港屹立咁多年,佢都算喺做出成績啦。今晚,同老婆,陪埋佢姨甥仔過嚟「大食代」食晚飯,純粹貪佢地方大位多,各有各選擇唔怕無嘢唔啱食。

聰嫂私房甜品 Cong Sao Star Dessert:甜不由聰

行完「小夏威夷徑」,嚟到寶琳,亦晌新都城嘅「OK德海南雞專門店」食埋晏,理應打道回府,不過,有人提議去「聰嫂」食埋碗糖水先走,咁……跟大隊啦,反正我都無所謂嘅。

OK德海南雞專門店 Cafe OK:德心應手

早前有朋友見我啲食評講行山,好似幾正、幾好玩,都喺架,如果路線啱,真喺風景正,加上行得攰攰哋,之後食嘢就更滋味。所以,叫我搞番一轉輕鬆易行,故就一於「小夏威夷徑」啦,西貢行到入將軍澳,輕鬆又有靚景。結束點,就喺寶琳,所以,順理成章落新都城搵食,因為嗰度集中啲且選擇多。晌電子水牌上,票選咗「OK德海南雞專門店」,所謂票選,都喺得我哋幾個啫,揀佢都喺因為有老友想食海南雞,見佢自稱專門店,就投其信心(搏一搏)一票。