Cafe Paradise：一念天堂，一念美味！

曾經有人問，究竟天堂同地獄喺點，相信都無乜人答得上，但天堂俾人嘅印象都喺好得無比。朋友嘅介紹，是夜專誠走訪過嚟依間天堂咖啡室，嚐嚐依度嘅晚餐。

元気寿司 Genki Sushi：好氣連場

元氣壽司紮根香港多年，唔需要多作介紹，而分店亦遍佈港九新界，又點解會無啦啦坎到入嚟東涌分店食晏呢？事緣老婆嘅朋友邀請，山長水遠入去貝澳摸蜆，亦喺平生第一次，玩咗成個晏晝，浸晌海灘中唔停咁起勢刮，但又唔算好辛苦喎，咁當然事前要食飽少少先至有氣有力。就一於揀元氣壽司食番餐，再入去摸蜆，又食又玩，好戲連場！

富士山 55 Fujiyama 55：沾沾自喜

小弟對日本嘅沾麵認識唔深，都只不過兩年前晌「麵屋武藏」初次接觸沾麵，以黑蒜油為主嘅「汁底」，將麵條沾過後放入口，嗰種濃香得化不開嘅味道真喺印象頗深，不過之後亦無特意追捧。近嚟見「富士山55」爆咗上嚟，引發再試沾麵嘅意欲，既然好友搵到，就更加順水推舟前往一試。

水木日本料理 Mizuki Japanese Restaurant：賞心悅木

晌雜誌睇過水木嘅介紹，以質素上乘又抵食作招徠，頗有吸引力，好嘢就自然想試，這晚，同好友前往，目的就喺細味高質素嘅日本菜。又睇睇喺咪咁高質素、咁抵食先！

蝦叔叔大尾蝦酥 Uncle-Shrimp：熱爆登陸酥蝦仔

日本以外，台灣嘅伴手禮堪稱花樣百出，層出不窮，總會聽到好多朋友去完台灣電玩，就會買唔少手信返嚟。講到台灣手信，你會諗起咩呢？鳳酥？豬肉紙？牛軋糖？定太陽餅？今日嚟到HK Brewcraft率先品嚐「蝦叔叔大尾蝦酥」依一款新興嘅台灣零食產品。

川熙樓 Chuan Xi Restaurant：絕不兒熙

食友知小弟因工作關係，間唔時要跑入重慶山區，農家樂以外，重慶菜、四川菜更會接觸不少，故此就以為我好食得辣，結果就拉埋我一齊嚟尖沙咀嘅「川熙樓」嚐川菜。其實，「普通辣」我都OK，但實際上我唔喺個好食得辣嘅人，就算晌山區做嘢，小弟大多數都喺揀清淡嘅素菜食，查實，辣都其次，可以食少啲，甚至避開唔食，但油淋淋先攞你命，炒個菜都會落好多油！

牛車水餐廳 Kreta Ayer Restaurant：我的星期六美孚早餐 ~ 牛油唔喺咁用法

牛車水嘅「名氣」應該好多美孚街坊都知，中伏率無100，都喺中簽率高，所以，都甚少幫襯。睇番啲食評，對上一次幫襯已經喺2012年嘅事，嗰次喺難得一次唔錯嘅食下午茶經驗，此外，亦晌度食過晚飯，個人嚟講，都OK啦。趁著星期六唔使返工，又可以偷懶唔煮，出街同老婆落街食。

BBQ 7080 - 七零八．樂

睇個標題相信你都唔知小弟講咩，成語七零八落，意思喺唔整齊、零散嘅意思，但今晚嚟到BBQ 7080，就絕對唔喺零零散散，唔上唔落，而喺食得滿心快樂，同麵包班同學仔夫婦一行三人，眼見BBQ 7080近排晌食評榜排得好熱，點都要嚟會一會。

新泰東南亞餐廳 Sun Thai Restaurant：味道・有時源自心態，開心・這晚源自新泰！

又喺久唔久一次跟班好姊妹嘅飯局，不過，諸多原因，人脚有變，但開心嘅喺照樣能如期開飯，因為大家都忙，人多極之唔易約，雖然唔齊章，都先嚟一次小飯局。

M3 Italian ：情投意合

意大利菜向來都喺喜歡嘅菜系之一，感覺意大利人嘅飲食唔太拘束，意國又食材豐富，單單意粉、薄餅已經可以千變萬化，令人食極都唔會厭，今晚，兜個圈嚟到沙田圍嘅M3 Italian，喺偕友共嚐意菜嘅一夜。

佳記甜品 Kei Kee Dessert：佳大歡喜

晌屯門三聖村嘆完海鮮，食埋個美心Line Friends蛋糕，一班死佬話飽話飽，咪又喺專登揸程車落去元朗食B仔涼粉。因為今次食海鮮揀頭輪，食完未夠8:30pm，所以，去到「佳記」九點未夠，等位嘅人唔多，我哋都喺等咗幾分鐘，老闆就安排咗張三連枱俾我哋。

M18：line幫結派？

事緣我哋一班死佬好兄弟繼上年嘅新界西大食遊，再搞咗個死佬三聖海鮮局，大拆海鮮之餘，仲順道訂個蛋糕慶一慶生。見美心出咗款咁趣緻嘅Brown熊大立體蛋糕，二話不說，一於揀佢啦，問到店員邊間店拎最近三聖村，咁先知有間M18嘅餅店，位置就晌附近安定村嘅安定商場。

興記 Hing Kee：死佬海鮮局再戰三聖

舊年三月，一班死佬好兄弟入嚟新界西大食遊，先到屯門三聖炒蝦拆蟹食海鮮，再到元朗佳記食B仔涼粉，不過，嗰次喺星期五晚，唔喺好齊腳，無份去嘅自然抵唔得頸，所以，今年就再大搞多一輪，繼年初二月嘅死佬蛇宴迎團年，依次勝完再「聖」再嚟死佬三聖海鮮局，可惜嘅喺原本「夫添」15人齊晒，臨時有兩件死佬因事嚟唔到。

泰燒遙 Thai on 5 Seafood Grill and Bar：燒遙自在泰高茶

曾幾何時，迷上下午茶自助餐，因為比起自助午餐及自助晚餐都平一截，又可以試到好多甜品，反正午市，晚市嘢食雖多，但可以試到嘅嘢食都喺有限。故此，取而代之，就喺偶爾嘆嘆高茶，夏日樂消遙，最近，跟老婆就試咗一次泰式高茶。

九重鮮：層層鮮味，重重驚喜！

嚟九重鮮成件事就喺一個摸錯，本來約咗朋友食私房菜，點知兩日前先被通知包場，取消我哋嘅訂枱，真喺從食以嚟，被餐廳放我飛機都喺第一次。無理由掃大家興，更無理由求其搵間頂替，臨急臨忙，有朋友介紹新開嘅九重鮮，真喺及時雨。原以為喺韓國人開嘅店，其實喺港人引入，又以為照抄，點知又唔喺，下文再講，總之今晚大家就食得開心，兼且驚喜萬分！

Amour Corner：法角小館

之前同朋友去咗砵蘭街嘅鳴橋食日式烤肉，等位時見隔離嘅Amour Corner幾旺咁，再八啩吓門外嘅餐牌有咩食，原來喺間改咗個法式名字嘅西式小店，套餐定價唔貴喎，二人晚餐平均每人唔使$150，所以，幾星期後同老婆過嚟食餐晚飯。

桃里 Tao Li：桃李滿門懷舊夜

人到咁上下年紀，就鍾意懷舊吓，咩都會想當年，懷舊一番。食嘢都喺，總會時不時想起舊時嘅味道。今晚跟前輩嚟到千禧新世界香港酒店嘅桃里（前身叫桃李），一嚐多道懷舊粵菜，喺一份細味，又喺一份回憶。

JAR Just-a-Restaurant：西班牙海鮮之夜

對西班牙菜認識唔深，都喺聽朋友講吓，從飲食雜誌睇吓，較聽得多嘅就喺西班牙小食Tapas同西班牙海鮮飯。嚟到JAR，就有機會親身品嚐吓上述美食。

季和日本料理 Kiwa Japanese Cuisine：蒸選美食

以涮涮鍋或烤肉形式食和牛都試過，但「蒸」就唔止未試過，算小弟見識淺薄，連聽都未聽過。食友提議試吓，當然想見識啦，人少少三幾個老友約埋一齊嚟到以蒸籠料理作賣點嘅季和有個小局，慢慢食，慢慢傾。有咗西港島延線，過嚟西營盤方便好多，不過，原來啲地鐵出口開得好吊脚，唔近大街，好在事先上網睇過地圖，否則就盲摸摸。

奇華餅家 Kee Wah Bakery：好友狂嚐曲（39）

今次依一篇「好友狂嚐曲」有少少抽水之嫌，皆因想分享嘅兩款食物，都跟曲奇無直接關係，只喺之前寫過帝苑餅店 Fine Foods嘅蝴蝶酥，都當為餅店嘅曲奇系列。今次，都品嚐咗奇華餅家嘅蝴蝶酥，就插咗入「好友狂嚐曲」系列中寫埋。

Paul Lafayet：法國五月・新寵甜點

每年嘅「法國五月Le French May」都喺藝術與飲食界嘅盛事，貴為知名法式甜點糕餅店嘅Paul Lafayet，就晌依個法國五月天推出兩款新甜品，小弟有幸掹住食友衫尾，嚟到今晚嘅發佈活動，聽着店主嘅講解，以及率先品嚐新品。

聖安娜餅屋 Saint Honore Cake Shop：食紫大動

買開麵包，睇到廣告牌介紹新出嘅沖繩黑糖紫薯卷，黑糖、紫薯都喺非常鍾意嘅食材，指明100%沖繩產之黑糖，二話不說就買一個成為當晚飯後甜品。

阿善素食 Ah Sin Vegetarian：善作主張

雖然老婆多咗食素，但甚少去啲齋廚，因為佢唔太喜歡啲環境太神神佛佛，有啲仲成日播住啲「煩人」嘅梵音，嚟到阿善絕對喺小弟擅作主張嘅錯誤決定，上述兩個情況中晒，個意外點解會發生，都喺唔好提。

櫻之滙素食料理 Meet At Sakura Veggie：櫻有盡有

自從老婆轉咗「綠色星期一」之後，其他日子都會不其然轉埋「綠色」，有時出街食飯，就一就佢會揀食得素啲，今次嘅櫻之匯，喺佢同事介紹俾佢，佢試過讚好，就帶我嚟見識吓。