J.Co Donuts & Coffee：「冬」張西望

「J.Co Donuts & Coffee」呢個主打冬甩嘅品牌，大概年半前已經試過，不過，嗰次都喺小組搞聚會，有組員買嚟一大盒共享。最近，行經租庇利街，發現原本中環都開咗家分店，仲見有個配套優惠，趕及限時前幫襯，就趁食晏時間落去買，買嚟晌公司當食個下午茶，試一試。

MM Cafe & Lounge：寧靜早餐

行經呢間鋪嘅人都知，佢喺韓星李英愛所開嘅護膚品店，因為鋪外掛咗唔少李英愛嘅相片，然而，店家亦有兼營咖啡店，提供早、午餐，因公事需要早啲返到嚟公司，就索性試一試呢度嘅早餐，然後，再返工。

翰林茶館 Han Lin Tea Room：味道 • 份量 • 一額「翰」！

因為有要事一早過嚟尖沙咀海港城一趟，所以，事先搵咗個地方可以食早餐，打打躉，又想試吓啲未去過嘅餐廳，故此，揀咗由台灣過嚟嘅「翰林茶館」。

紅城粉麵 Red City Restaurant：麵檔茶餐

平常去食下午茶都喺星期六、日行完山之後，喺呢啲時間先叫有啲閒情逸致，今次都差唔多，不過，就唔喺晌九龍區或新界區，而喺落番嚟中環轉港鐵返九龍，順道晌中環嘆個下午茶而已。路經「紅城粉麵」，真喺好隨意就入咗去。

悅滿軒 House of Joy：閒情歲「悅」

又喺星期六與朋友行吓山嘅日子，雖然天氣確喺熱，所以，都唔敢揀啲太高難度嘅嚟行，都喺行吓城門、金山一帶，一來熟路，二來長短易控制啲。今回就更專燈順路過埋嚟「饒宗頤文化館」裡面嘅「悅滿軒」嘆下午茶，初時聽到個店名，仲以為喺食中菜添。多年前都曾經嚟過，不過，當時就叫「銀杏館」，嗰次嚟都喺食下午茶。

稻埕飯店 Dào Chéng Taiwanese Restaurant：「埕」有獨鍾

疫情緩和，都諗住搞番次死佬飯局，點知又嚟個第三波，大棚人嘅聚會就唔好喇，唯有約番相熟嘅死佬短聚一下。就算出嚟食飯，大家小心翼翼，都會揀啲安心嘅餐廳，就好似今晚到訪嘅台灣菜館「稻埕」，就讓人安心喇。

Pickabowl：值得「bowl」獎

兩個月多前嚟到D2 Place嘅「走肉蔬食研究所」食晏時，路經時已留意到呢一家健康餐廳「Pickabowl」，除因為門面夠醒目外，主打健康嘅夏威夷蓋飯亦喺吸引小弟望多兩眼嘅原因之一。今回就乘交收之便，約咗晌附近住嘅表姨甥女嚟呢度食飯。