佰古嗲 Bak Kut Teh：古•添樂

東南亞菜中，馬拉菜算喺食得較多，再者，食友都知我鍾意食馬拉菜，就推介我嚟試試馬拉菜小店「佰古嗲」，話水準高，主打嘅肉骨茶頗有人氣，所以，就趁周五晚專程入嚟會一會佢。點解個名咁得意，睇埋餐廳嘅英文名字，就知喺肉骨茶（Bak Kut Teh）嘅音譯，真有意思！

Mam Tom：摩登東南亞菜

東南亞菜之中，以越南菜、泰國菜食得比較多，最近就同老友聚舊，相約過到嚟尖東嘅酒吧餐廳「MAMTOM」食晚飯，店家主打就喺新派東南亞菜，無論環境、食物、招呼，各項嘅體驗都好唔錯，所以，藉此分享一吓。

樂天經典 Paradise Classic：友情一樂也

前文提要，同舊同事嚟個本土小旅行，過到嚟「將軍澳」探索吓，完晒啲行程，晚飯就晌「日出康城」搵搵有咩乜，最後見到「樂天」，可以嘆吓小籠包。不過，坐落先發覺搞錯咗，呢間喺「樂天經典」，唔喺「樂天皇朝」，雖然屬同一集團，但走嘅路線唔同，我個人較喜歡後者但既來之，則安之，等舊同事又可以試吓唔同嘅嘢。

餐廳地方都幾大，裝修亦都幾雅致，我哋被安排坐近落地玻璃一邊，感覺開揚啲之餘，仲可以睇到下面嘅溜冰場，

雖然有餐牌，但餐廳就鼓勵客人以二維碼落單，當然，我哋研究咗好耐叫乜嘅時候，店員都會走過嚟問使唔使幫手。餐牌大大本雖然無影，但臨尾晌門口見到一啲店家嘅美食推介，順手貼埋出嚟俾大家參考。

小食 $15
甫坐低，就放咗碟小食，是夜喺黑木耳，比起一般嘅花生好好多，而且，非常之大碟，酸香醒胃，又好爽脆，$15俾得值。

冰鎮苦瓜 $52

以前去親「 蒲田」都會點呢道苦冰鎮苦瓜，估唔到晌「樂天」都有，所以專登叫俾大家試試。苦瓜雖然苦，但因為佢刨到好薄，再沾上蜜糖，食起嚟變咗甜中帶甘，啲苦瓜片又非常之爽脆。

黃金魚皮 $82
試咗道健康嘅冷盤，依家就再試埋呢道邪惡嘅小食。本身炸魚皮就已經喺好香脆可口，但沾上鹹蛋黃，嗰份鹹香味就令魚皮嘅滋味升幾級，十分惹味。

薑蔥爆生魚片 $128

雖然唔知生魚片喺用咩魚，但啲魚片大大件，又炒得夠晒鑊氣之餘，口感仲好嫩滑，又有魚嘅鮮甜味，加上以薑蔥爆，嗰份薑蔥香氣非常之香。

砂鍋豆腐蝦 $128
以原個砂鍋上，自不然夠晒滾熱焫，咪睇個樣好似無乜蝦，其實鍋內有唔少，仲大大隻，兼且幾爽口鮮甜；而啲豆腐都頗為滑溜，幾有豆香，以整體味道比較清啲。

古早魚香老鼠粉煲（細）$88

叫份細煲已好夠我哋4個人食，因為內裏嘅銀針粉其實都幾多。粉內除咗有啲鹹魚提味之外，仲打咗隻雞蛋，有點畫龍點睛之效。此外，仲有啲蝦仁食吓，都幾好味喎。

整體而言，招呼算喺唔錯，我哋就無乜叫啲貴嘢，如海鮮類，而連埋茶錢$6位，每人都喺百鬆啲。食都喺其次，難得大家抽空出嚟聚一聚，吹吓水。

個人評分

味道：8/10
環境：8/10
服務：8/10
抵食：8/10
平均每人消費：HK$145

餐廳資料：
樂天經典 Paradise Classic
地址：將軍澳康城路1號The LOHAS康城4樓415A號舖
電話：2322 3122

牛車水餐廳 Kreta Ayer Restaurant：平嘢無「車」求

啱啱去完旅行，晏晝機返到香港，而返到屋企成兩大喼行李待執拾，晚餐就梗喺費事搞住啦，睇睇錶仲趕得切落去食個下午茶餐當晚餐，慳錢及慳時間。最後選上「牛車水」，因為佢哋嘅茶餐去到6:30pm。

Greenhouse Asian Gourmet：周末登「綠」午餐

跟另一對夫婦嚟到「圍坊」睇早場，睇完啱啱好喺食午飯嘅時間，呢度搵食就非常多選擇，中西日東南亞乜都有，兜咗個大圈，最後相中「Greenhouse」，主打東南亞菜，貪其鋪面裝潢份外清新，就即管一試。

蘇山雞飯 Susan chicken rice：再領風「蘇」

小弟本身都幾鍾意食星馬菜，所以，以菜系而言，星馬菜確喺相對食得多。而呢一間「蘇山雞飯」長沙灣分店好耐之前都曾經嚟過，無論質素、價位都好啱心水，趁今晚無飯開就約咗住晌附近嘅表哥落嚟聚一聚，食餐星馬菜。

安娣瑪萊 Auntie MALAY：搵食好「娣」議

近來出親尖沙咀都人頭湧湧，尤其海旁、天星一帶，連帶搭天星過海都要排長龍。唔想同人逼，可以走入「海運大廈」，裡面有唔少高質素嘅食店，其中主打馬拉菜嘅「安娣瑪萊 」就是其一，單睇門面已好洋溢一股南洋風情。

土司工坊 Toast Box：「司」毫不趕

約咗太太嘅朋友嚟到「吐司工房」食晚飯，雖然我哋合共四個人兩對夫婦，不過，見對方都無影食物相嘅舉動，所以，都唔好意思喺咁影，只影番自己嘅喇沙，同後補少少環境相。

咖喱碼頭 Pier De Curry：「咖」日小聚

知道表哥退休後，有時無乜太多細藝，所以，今朝專登拉埋佢去行轉短山，帶佢由美孚一路行上馬騮山，兜個大圈再落返去荔枝角食晏，輕輕鬆鬆行一轉。落到嚟荔枝角，其實無太多心水，不過，咁啱晌大街經過呢間「咖哩碼頭」，主打一睇就知喺咖喱小店，又想試下。

蘇山雞飯 Susan chicken rice：滋味盡「蘇」

以前因緣有合作嘅機構同事，無見幾年，原來已經轉咗工，雖然跑道一樣，但比以往輕鬆咗。相約出嚟聚一聚，再詳細講吓近況，兼聽吓佢嘅旅遊經歷。相約一個中間點，太子就最合適，搵一搵就「蘇山雞飯」，因為一來幾鍾意食馬拉嘢，二來舊年年尾曾到訪過其長沙灣店，覺得好唔錯。

小越廚 Le Saigon Cuisine：討人喜「越」

一向都鐘意支持吓小店，今晚同位家住荃灣嘅好弟兄落到嚟「小越廚」食餐便飯，唔喺講笑，雖然店家位處周圍都有唔少車房、五金嘅享和街，但一樣好夠人氣，我哋都要等10min先有枱。

馬拉Go MalaGo：「Go」質馬拉菜

在地嘅老死知小弟都幾鍾意食馬拉嘢，佢話晌附近偶然發現呢間「馬拉Go」小店，試過確喺高質，。所以，是夜同朋友到訪，餐廳位處商場二樓，扶手電梯一上到去就見，好易搵。

巴剎雞飯 Cafe Bazaar：費「剎」苦心

一聽個名就即時諗起去新加坡市中心嘅「老巴剎 」熟食市場，非常有氣氛，晌搞呢類本土文化嘅熟食中心，香港真喺拋離到車尾燈都見唔到。其實，啲冬菇亭都可以搞到好有特色，不過，香港官僚，無人有心搞。今晚嚟到西營盤嘅「巴剎雞飯」食晚飯，雖然，只喺小店一間，好鍾意佢裡面嘅平民格局。

新泰東南亞餐廳 Sun Thai Restaurant：渾「新」解數

今日入到嚟馬鞍山玩，同老婆有個小旅行，先晌「新港城中心」睇場早場（男兒當入樽），平吖嘛，再晌附近食個午餐，然後上「鞍山探索館」兼嘆杯咖啡，最後上埋昂平欣賞吓西貢碼頭一帶全景。晌「新港城中心」同「馬鞍山廣場」兜咗個圈，最後決定嚟到「新泰東南亞餐廳」食嘢，一來東南亞嘢有啲特色，二來啲午餐都喺賣$75一客，唔貴喎。

喫麵 YumMee：全新「麵」貌

老婆交完數，專登同佢晌尖沙咀食晏晝飯，原來K11 Musea地庫層有個美食廣場「Food Playground」，真喺唔講唔知，亦無諗過呢個高檔商場內都有個美食廣場，當然，擺得晌度嘅，啲餐廳又會高檔啲啦。先兜一個圈，真喺有好多選擇，最後揀咗主打亞洲各地美食於一身嘅「喫麵」。

蘇山雞飯 Susan chicken rice：獨領風「蘇」

一向都鍾意食馬拉嘢，不過，就唔會太刻意專登去食，喜歡隨遇而安，而「蘇山雞飯」亦都無話刻意嚟，不過，撞啱約咗朋友過嚟長沙灣食飯，而聽住晌附近嘅親戚介紹，呢間主打星馬菜嘅食店，絕對喺平靚正嘅街坊飯堂。

檳榔島敍 Penang Toujours：美味「檳」紛樂

小弟一向都鍾意馬拉菜，而馬來西亞都曾經去過兩次，兩次都有到訪過檳城，因為真喺幾鍾意呢個小島，人少、地方大、多果園、沙灘區好靚，最搞嘢喺廣東話通行。疫情嘅完結都開始睇到曙光，希望早日能遠行，飛返一轉大馬。咁未飛得住，就食餐馬拉菜嚟懷緬吓，住晌港島東嘅老友推介呢一間小店「檳榔島敍」，講菜式頗特別。

果子 Life Cafe：望梅「子」渴

向來都鍾意食馬拉菜，所以，工作關係，過到嚟紅十字會總部一頭，經過呢一家主打海南雞飯、喇沙摻摻嘅外賣店「果子」，加上睇見啲價位咁相宜，就一於試試佢，買啲外賣返去做晚餐，又做一晚無「煮」孤魂，乾手淨腳唔使煩。

蒲羅 Pulau：美食廣場新「蒲」點

自從「中環街市」被活化之後，真喺令呢座歷史建築物帶嚟180°轉變，再者，內裡開咗好多特色小店、餐廳，又搞吓展覽，真喺帶動多咗好多人流。講到食，地下層更僻作美食廣場，晌中環，美食廣場真喺唔多，而呢個「中環食坊」搞得唔錯。

Satay Pop：沙「pop」晚餐

我都講過小弟算幾鍾意星馬菜，今日處理完事情，因為家中無飯開，而經過天后一個美食廣場「Food Loft」，發現裡面有多家食肆，最後都喺揀咗賣馬拉菜嘅「Satay Pop」快閃食個晚餐就走。