2022年5月29日星期日

炯記餐室 Gwing Kee Restaurant:「油」然自得

都好耐無約表哥聚一聚,所以,趁今日假期就約咗佢食餐晏晝,地點就番佢晌長沙灣一帶。早前睇過食友對「炯記餐室」嘅分享,主打喺招牌鵝油撈麵,覺得既有特色,又唔算貴,所以,就定晌嚟「炯記」。

2022年5月28日星期六

Coti:閒逸咖啡小店

星期六又喺行山日,其實有少少即興,因為之前睇天文台預測話今日朝早有雷暴,午後間中有陽光,但一朝起身就已經陽光普照,萬里無雲咁款,所以,立即睇吓有無老友有興趣行山,結果,就約好舊同學,簡單行一轉「元荃古道」,由荃灣行到深井。起步前,就不如約埋食番餐晏仔先起步,唔想太普通,就揀咗荃灣「嘉達環球中心」嘅Coti,方便食完行上去起步點。

傅記茶餐廳 Fu Kee Restaurant:不「傅」眾望

之前一篇食文講到同舊同學見天氣好轉,即興簡單行一轉「元荃古道」,由荃灣行到深井,起步前就問荃灣食個晏,行完出身大汗,就晌深井食個下午茶。今次就揀番晌出面大街嗰幾檔,最後選上「傅記」,無特別原因,隨心而已。

2022年5月24日星期二

點心到 Dim Sum Here:「心」得我心

依家飲茶食點心梗喺無時間限制啦,梗一包晌屋企,再唔喺,便利店大把即食點心,當然,想有質素少少,梗喺去啲點心專門店啦,況且,依家真喺開到梗有一間晌左近。近來疫情叫緩和咗,但都未喺可以掉以輕心,故此約食飯都只喺約番啲相熟嘅老友。今回同友人嚟到「點心到」飲餐夜茶,仲揀早少少避咗晚市,快上快落食完就閃。

2022年5月23日星期一

耘:「耘」合午餐

潮式嘅皺皮石磨手刮腸粉早排如雨後春筍般興咗一輪,後尾股熱潮無咁勁,但都見不時有新店開張。今日幫襯嘅「耘」,就唔喺新開張,不過,隱身於利源東街呢條橫巷仔,一直都無為意。到最近有食友推介,所以,先至試吓試吓。

2022年5月22日星期日

澳洲仔 Foodporn:「墨」有所值

早前晌「葵廣」買外賣,無意中就留意到呢一家主打賣墨西哥食物嘅「澳洲仔」(唔知點解唔喺墨西哥仔?),墨西哥嘅餡餅(Taco)一向都幾啱口味,過往都到訪過好幾間墨西哥餐廳,雖則唔多,但都一定會點餡餅,所以,趁今次又過開嚟「新都會」,故就晌「澳洲仔」度買外賣拎返屋企食。

2022年5月21日星期六

羅東肉焿番:「芋芋」餸

之前老婆試過台式嘅芋泥吐司,就大讚好食,有機會都想再試吓,無問題,開聲叫到,咁啱今次入到去元朗一帶行山,就可以趁行完可以順道晌元朗嘅「羅東肉焿番」買外賣,當埋晚餐,點知有呢間嘢?咪就喺之前所試芋泥吐司嘅「你妳」時,店員介紹佢哋仲有家「姊妹店」晌元朗,即喺「羅東肉焿番」嘞。

吉祥冰室:各有所「祥」

行咗幾次近市區啲嘅山,今回入嚟新界西行吓啲中長途嘅,由掃管笏起步,經千島湖,再經黃泥墩水塘落番去大棠村,最後坐番K車出朗屏。嚟到朗屏,差唔多5:00pm,最後搵個舒服嘅地方抖抖,嘆番個下午茶就最好不過。我哋就好隨心,見到呢間「吉祥冰室 」就入咗去,近地鐵站,純粹就腳。

PHI Coffee & Pancake:製作手勢無生「梳」

上年年尾咁啱舊同學約食午餐,就相中當時晌中環新開嘅「PHI Coffee & Pancake」,印象幾唔錯,反而,家住美孚,「PHI Coffee & Pancake」美孚店卻開咗好耐都未有走訪過,今日就同朋友嚟試一試。

2022年5月17日星期二

The Bottle & Steak:一解「肉」望

最近有朋友到過西環一帶嘅壁畫打卡影相,無意中發現呢一間主打扒類及手工啤嘅小店「The Bottle & Steak」,佢話氣氛唔錯,定價又相宜,難得連加一都唔收,搞到我都心郁郁。雖然啤酒小弟就唔多好,不過,鋸扒就對啱喜好,故此,相約同樣喺食肉獸嘅老死,兩個麻甩佬聚一聚,就算唔把酒,一樣可以談歡。 

2022年5月15日星期日

The Salted Pig:「豬」般滋味

大概大半年前同啲舊中學同學到訪過「The Salted Pig 」荔枝角店,一齊嘆吓Brunch,又詳談吓近況,整體感覺幾好,環境舒服,食物出色。今回就約咗兩位亦喺好耐無見嘅夫婦朋友,因為佢哋都住晌葵芳,所以,就不如約晌葵芳嘅「The Salted Pig」,一齊食餐午飯。

2022年5月6日星期五

NutTea:第二「仁」氣

差唔多成年前,試過中環主打以堅果奶為賣點嘅「NutTea」,當時小弟就試咗最人氣嘅「伯爵朱古力堅果奶蓋茶」,而買俾老婆試嘅喺「牛油果堅果奶」,兩者感覺都唔錯。今回食完晏經過開,貪口爽又買咗杯返公司嘆。

2022年5月4日星期三

Oink Square Coffee & Crêpe:「胖」你同行

又喺星期三嘅外賣系列,因為星期三老婆都較忙、較多嘢要處理,所以,通常呢一晚都要做「無飯」夫妻,雖然,開放番晚市堂食,佢都未喺咁安心出去食,所以,都喺仍然買外賣居多。今次就試吓晌佐敦嘅外賣咖啡店「Oink Saur2 Coffee & Crêpe 」,試試佢哋嘅韓式肥嘟嘟三文治。