Quezon Pinoy Food Express：菲式蛋批

Quezon Pinoy專賣菲律賓食物，由駱克道搬咗過嚟石水渠街，可見小鋪捱租都唔易生存，不過佢都做咗好幾年，可見小店都有一定捧場客，而且售賣唔少特色糕點，貪得意一試無妨。

這晚跟食友飯聚，喜獲靚女食友贈予一件「蛋批」，拎起非常墜手，咁夠份量，就一於當第二朝早餐，正呀！不過，見其他食友所贈嘅喺「椰子批」，似乎仲正仲特別喎，但乜批都好，都喺老友一番心意，絕對無得比。其實，印象中，菲律賓菜都好似無乜接觸過，咁今次又難得可以試番一下。

Azure Restaurant Slash Bar：星空下的曼哈頓．奇妙晚餐

中環人語，蘭桂坊喺俾遊客去參觀嘅飲酒街，雲咸街先至喺本地人飲酒嘅集中地，近幾年蘭桂坊對上一截嘅雲咸街，酒吧一間接一間開晌兩旁，一到收工就堆滿行人路中「歡樂時光」，極之熱鬧有氣氛，而且甚少有遊客滋擾。可惜，小弟唔好杯中物，都喺「為食」啱我本意啲，今晚就同幾位食友一同嚟到隆堡蘭桂坊酒店一嚐6月嘅新菜單。

 酒店正門

深井咖喱寶 The Clay Oven：黏土烤爐咖喱鋪

「深井燒鵝」可能好多人都識，但「深井咖喱寶」你又聽過未？原來「深井咖喱寶」（Indian Hot Pot Curry Restaurant）晌深井已紮根10多年，2009年卒之衝出深井，仲一衝衝到過對面海，落戶西環，分店名字源用番「深井咖喱寶」，但英文名字則叫The Clay Oven，想人家知道佢哋有個真正從印度入口嘅印度黏土高溫烤爐，賣嘅喺正宗印度菜。此外，佢哋仲有一家位處上環今年剛開業嘅姊妹店「印度皇」（Basmati）。今晚，就同老婆先嚟到西環嘅深井咖喱寶試菜，品嚐正宗印度菜滋味。

糖妹妹糖 Lady Sugar：法式牛軋糖

近依年托食友嘅福，讓小弟試咗來自唔同地方、帶有唔同特色嘅零食，嚐味之餘，又開開眼界。今次獲贈嘅由「糖妹妹糖」引入，台灣「糖村」嘅「超人氣法式牛軋糖」。由於只有300克、600克，750克包裝，所以起步價都唔平，就以300克嘅法式牛軋糖為例，賣$120 / $130，視乎包裝而定，最重600克嘅賣到成$300。據食友講，一包300克牛軋糖只有22粒，為起差唔多近$6一粒，咁樣計落又似乎唔喺貴喎！

Das Gute： 好友狂嚐曲（四）

繼續「好友狂嚐曲」系列，好多麵包店都有做埋曲奇，Das Gute Bakery都唔例外，原來Das Gute晌香港都有唔少分店。其實Das Gute屬於A-1麵包集團，風格主要售賣天然健康嘅德國麵包為藍本，售賣含高纖產品為主。

晌食友間相聚嘅飯局上，食友送上嘅喺一小包Das Gute什錦曲奇，透明包裝襯墨綠色絲帶，小巧別緻。雖然睇落好似好細包，查實內裡都有成廿多塊，每塊形狀一樣，以花形餅模吸出嚟，嬌小的骰，一啖一粒，當小食又得，當下午茶都得。

薈萃閣 ip cafe：自助餐以外嘅意外

港島太平洋酒店薈萃閣IP Café都唔喺第一次幫襯，2008年初第一次幫襯，當時嘅自助晚餐收$258 +10%；時隔三年2011年尾又再幫襯，加咗少少，收$298+10%，依然算喺港島區定價較平嘅自助餐之一。今次三顧「薈萃」，又可以大擦一餐之餘，更同一班啱傾啱講嘅食友暢談歡聚，總之我哋嘅食旨就喺：不問政治，乜都想試，哈哈！而且跟同枱嘅酒店公關講東講西，談到上、西環近年變化之大，唔少酒店翻新、開業，隨著將來地鐵港島延線嘅落成，相信依兩區變化仲大呀。

Fiat Caffè：車房內嘆爽快意菜

年初嚟過一次快意試菜，嗰次試咗多款特色意菜，印象喺創意無限，味道不俗，值得翻兜再試，況且，意菜一向都喺小弟心水菜系之一。晌依個車房，可以講食唔講車，況且講到尾，小弟對車喺一竅不通。多謝老友搵小弟做伴，等我再次重溫美食。

安安燒 On On BBQ：安安定定盡嘆川式串燒

記得以前細個，小學門口有個走鬼檔，齋賣沙嗲牛串，因為即燒即賣，香氣四溢，好多學生哥圍住個檔口幫襯，仲有啲印象賣5毫子一串，非常搶手，亦喺人生第一次接觸咩叫做串燒。近年，串燒大行其道，衍生唔少串燒專門店：川燒、香香燒、串皇、蜀一燒、明串燒、串串貢、串得起、龍蝦燒……‥不勝枚舉，總之晌openrice打串燒搜查，都不下過百間，仲各有特色，大家揀邊間真喺各適其適，食得招積，所以依個戰場都鬥得幾劇烈，要突圍都實在唔容易。今日有幸嚟到位處染布房街、離地鐵唔遠新開無耐嘅「安安燒」試菜（由旺角站或旺角東站行過嚟都OK），盡嘆多款川式串燒，實要多謝公關及店方邀請！

Cheesess：好友狂嚐曲（三）

又喺「好友狂嚐曲」系列，今次收到嘅曲奇禮物喺來自以專賣芝士蛋糕嘅Cheesess，近日店方新推出手製曲奇，不單味道挺特別，用料亦以健康為主，無添加、無防腐、更無人造色素，所以保存期只有兩個星期，而且一口氣推出成7款，據講遲啲仲會加入其他口味，咁就要拭目以待喇。

一風堂 Ippudo HK：搵食隨緣嚐限定新滋味

搵食隨緣，一向懶排隊，因為總覺得有啲嘥時間，所以跟好多長龍店無緣。有時緣份嘅嘢總會找上門，加上俗語有話，出外靠朋友嘛，結果造就依次初會嚟自九州福岡拉麵之都博多嘅一風堂，掹住食友嘅車邊，應公關及店家嘅邀請，率先品嚐兩款快將推出嘅限定拉麵。

東海堂 Arome Bakery：好友狂嚐曲（二）

通常一年有一個季節食得特別多曲奇，咩季節？咪就喺農曆新年之後個一、兩個月囉，所收嘅新年賀禮之中總離不開有一罐、兩罐曲奇，始終唔擺得耐，開咗又要快啲食晒佢。不過，最近又多食咗曲奇，因為收到唔同好友嘅餽贈，咁啱咁蹺，又喺曲奇，唔同店家嘅出品，真喺多謝晒各方好友嘅心意！

今篇就寫一寫東海堂嘅出品，依款名為「和風專貴曲奇」，有大盒嘅禮盒裝（25塊）同細盒嘅輕食裝（10塊），其實都唔喺咩新出品，喺晌舊年12月已經有推出，好似宣傳就唔太多。不過事有湊巧，我都有買嚟當小禮物送比食友喎。

百樂門宴會廳 Paramount Banquet Hall：我的星期六美孚早餐 ~ 輕鬆嘆茶

晌美孚有兩間百樂門，一間近荃灣線就地鐵上蓋嘅百樂門囍宴，另一間則近西鐵線嘅百樂門宴會廳，小弟由屋企行去，兩間都喺咁上下距離。不過，我就鍾意去後者多啲，因為基本上唔使等位，而且高樓底，環境比百樂門囍宴更闊落寬敞，至於食物水準，屋企人話百樂門囍宴好啲，我就覺得兩者差唔多。

Eden Rose Restaurant：意想不到再臨伊甸嚐晚宴

早前嚟過Eden Rose食晏，寫咗篇食評取名為「新推午餐更親民」。喜獲店家邀請嚟試晚餐，由於餐廳環境有氣派又不失格調，午餐定價親民，食物質素又高，所以本身對佢印象好唔錯，能再臨伊甸一試佢個晚餐，自然非常期待。有此機會，喜出望外之餘，實在有感榮幸。

夏麵館 Xia Mian Guan：下面管不好，出菜無牌章！

走嚟夏麵館食晏算喺有啲摸錯，事緣睇見信用卡有啲優惠，點3份午餐獲贈美食一款，又唔見佢條款有講明只適用星期一至五，點知原來星期六、日及公眾假期喺無午餐供應，咁即喺無嘢送啦！但既然嚟到，一切隨遇而安算啦。

北海道牧場餐廳 Hokkaido Dairy Farm Milk Restaurant：團購．睇細則嘅責任

自從有咗團購，對食肆嘅投訴就多咗好多好多，貨不對辦，將貨就價，供貨不足，條款苛刻……呃人搵笨之聲此起彼落。無可否認，有啲奸商真喺藉團購搵著數，貨不對辦嗰啲就唔在講，最常見就晌個團購度抬高個原價，跟住個團購價就大折讓，好似好平，查實跟店方平時其他優惠差唔多。北海道牧場餐廳一向以「嚴選日本進口材料」及「用上招牌3.6牛乳製作」為綽頭，自然吸引唔少3.6牛乳粉絲，不過，今次晌度享用嘅團購就唔喺有咩不快事，無中伏，無投訴，個團購仲喺超晒值。

18 Grams：好友狂嚐曲（一）

一到假日，香港唔同地區都有唔少農墟，晌港島東鰂魚涌太古坊糖廠街都有一個，名為「Island East Markets」（港島東農墟），不過據了解就搞得唔喺好定時。如果有開檔嘅日子，農墟裡面有成40多個攤檔賣本地新鮮有機嘢，仲有其他手作飾物，加埋音樂表演，都幾嘉年華咁架，有興趣嘅朋友不妨晌瞼書留意佢哋嘅動向。

早前五月份就搞咗個「為食起革命」嘅活動，席間有嘢食，有嘢賣，好姊妹見18Grams竟然有單售曲奇賣，醒咗一包俾小弟，實在好多謝，因為依包曲奇喺節目限定，走均幾間18Grams都唔會有（至少暫時唔會有），完全喺為個活動先搞吓嘅手作仔，想再買番都買唔到呀。

季季紅風味酒家：蝦蝦笑生日乳香豬

還未嚟過「季季紅」，但三月中就去咗一趟屬同一集團嘅「家常便飯」，出席Openrice大搞嘅試食活動，上次嘅試食會可能喺奧海城新店出台，仲未正式開業，兼且一下子要應付80多人嘅製作，好幾道餸菜都未如理想，創意新菜蝦禾米蛋卷，更喺希望越大就失望越大。以「家常便飯」灣仔店嘅食評睇，應該好唔錯，仲記得細妹都晌藍地總店食過佢嘅蝦禾米乳香豬，仲大讚特讚，所以對季季紅本店仍有一定期望。期望終於變成期待，經食友引薦，卒之晌今晚嚟到季季紅灣仔店出席「生日季季豬宴」，一嚐其招牌蝦禾米乳香豬，以及多款巧手圍村風味菜式。

厚興瑜記手撕雞：斬料新貴

「斬料，斬料，斬大舊叉燒，油雞鹵味樣樣都要，斬大舊叉燒」，廣告歌仔都曾經有得唱，以前加餸斬料，非燒臘莫屬，叉燒、燒肉、燒鵝、油雞……。當然，燒臘晌香港依然大行其道，歷久不衰，好有代表性嘅廣東美食。不過，屋企附近開咗檔厚興瑜記，斬料就自然多個選擇。間唔中經過都見有少少人龍，確實人氣不少。