餓媽家姐：搵食「餓」底

早前去過厚福街嘅「元祖沾麵專門店 」食沾麵時，偶然見到呢間「餓媽家姐」，睇佢買啲嘢都幾特別，所以，趁今晚得一支公過嚟尖沙咀，就嚟到呢度快閃食個漢堡包餐。

肯德基家鄉雞 (KFC) Kentucky Fried Chicken：我的星期六美孚早餐 – 製作算誠「肯」

又喺趁星期六無乜特別嘢搞，兩公婆就一於食完個早餐上馬騮山行轉短山，兜一兜九龍接收水塘、石梨貝水塘，再穿埋九龍水塘落返美孚。本來過到嚟曼克頓山想食「意樂」嘅，但睇見KFC門口嘅早餐介紹，個豐盛全餐頗吸引，所以轉場。

Green Waffle Diner：鑊仔午餐

表哥出開嚟中環，同佢快閃食個晏，揀咗「Green Waffle Diner」， 貪佢地方大，只要搭半山扶手電梯上到去大館個位，落返地面荷李活道，往上環方向行唔夠1分鐘，晌擺花街交界就見到。

Mr. Crab by The Captain's House：再次「蟹」逅

早前，老友睇過小弟一篇提及海鮮嘅食評，又話好耐無食過海鮮，不如趁仲有啲消費券未用晒，約出嚟擦番餐。不過，今次帶老友嚟到「Mr. Crab by The Captain's House」試吓新嘢「海鮮袋」，其實唔喺咩新嘢，小弟大概5年前晌尖沙咀嘅「The Captain's House」初嚐過，喺非常有趣嘅體驗，所以，都推介俾老友試試。

食包 Winner Burger：「堡」正食到飽！

今晚喺即興快閃嚟食包，話說同位老友傾開偈，講講吓，橫掂大家無飯開，不如約出嚟快閃食餐飯。小弟去邊度都無所謂，而就番佢返揀嚟太子，見「Winner Burger」好似幾好，老友又想食啲高質素少少嘅嘢，所以，扑鎚晌度食吓漢堡。

the Engine：與別不「酮」

近年，飲食圈多咗講咩無麩質、純素、生酮嘅食物，老實講，小弟呢份人食嘢唔算好無節制，但又唔算得好健康，不過，老婆喺偏素素食者，所以，食嘢就「被健康咗」。講到生酮，年幾前就到訪過西環嘅「Infiniti C」，算叫做接觸過生酮飲食。最近，就晌啲飲食雜誌睇過一篇介紹，介紹新開無耐嘅漢堡包店「the Engine」，所以，趁過到嚟奧海城，就過一過利奧坊嘅「the Engine」，買啲外賣返屋企當午餐！

La Pizza Express：La La 「臨」開餐

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。

BBQ for Friend：烤友好「燒」息

最近在IG發現到這一家主力賣「加州風味燒烤」的網店，店主更分享如何成就出曾曾祖父留落嚟嘅秘製醬汁食譜，希望藉此跟大家分享這家傳滋味。如要訂購，可瀏覽店家網頁https://bbqforfriends.com/。今日，就趁中秋，在家人屋企做節（只喺樓上棲下），各人都負責一啲菜式，就訂了一份來充場面，哈哈！

Hong Kong Burger：「堡」證有驚喜

雖然作為美孚街坊，老實講，又唔喺美孚間間餐廳都試勻晒，有時都睇個人偏好。早排試咗間漢堡包店，老婆就揀咗個烤大啡菇素漢堡，大讚好食，最近又話想食番次漢堡，趁佢今日有堂上唔得閒煮，一於外賣。美孚近美孚廣場嗰邊，就有家風評不俗嘅漢堡包專門店，有時經過都見幾多人幫襯，今晚一於嚟試試。 

La Casa Burger & Pasta：「堡」持水準

位處上環嘅「La Casa」多年前造訪過一次，當時定位為喺「Bistro」，食友知我返中環工，最近就推介一間晌上環主打漢堡及意大利麵嘅小店俾小弟，原來就喺「La Casa」，原來轉型為「Burger & Pasta」。趁收工，過嚟試一試佢哋嘅出品。

B.O.T.H. by Texas Burger：「雙」得益彰

趁戲院開番，專登過嚟荃灣廣場睇早場「複製人徐福」，比正價平一截嗎！個故事都幾有深度，探索少少人生問題，而啲特技亦出色。睇完戲，剛好一點，放飯時間，在荃灣廣場搜尋吓，見到有家餐廳「B.O.T.H. by Texas Burger」，因為曾經都幫襯過「Texas Burger」，知道佢哋嘅出品有水準，所以，對呢家新餐廳都有信心。

Burger Joys：滋味滿「Joys」

依家無咗晚市堂食，返工日子都喺食飯盒居多，加上減少社交聚會，又少咗啲食好嘢嘅機會，不過，偶爾都會想食啲好嘢嚟慰勞吓自己嘅辛勞，就好似今次，嚟到「Burger Joys」食餐高檔漢堡。

海岸扒房 Gold Coast Prime Rib：靠山食山，靠「海」食個好午餐。

早前參加咗一個本地團「文化翠野遊」，主要造訪北區一啲名勝，包括錦田壁畫村、水頭村水尾村樹屋、本土出產嘅香印提子園，又真喺無諗過香港都有啲咁嘢，而沿途導遊姐姐亦介紹咗好多香港嘅歷史，以及一啲特別嘅資訊，如香港唔同大橋嘅分別呀、歷史建築嘅獨特點呀，總之對整個行程都有好深嘅體會，感覺相當唔錯。最後一站喺食晏，安排嚟到黃金海岸酒店內嘅「海岸扒房」，享用3道菜嘅午餐。 

J.Co Donuts & Coffee：「冬」張西望

「J.Co Donuts & Coffee」呢個主打冬甩嘅品牌，大概年半前已經試過，不過，嗰次都喺小組搞聚會，有組員買嚟一大盒共享。最近，行經租庇利街，發現原本中環都開咗家分店，仲見有個配套優惠，趕及限時前幫襯，就趁食晏時間落去買，買嚟晌公司當食個下午茶，試一試。

百尚屋 101 Tasty House：貴試小食餐

雖然仍有限聚令，但保持一定嘅社交距離，又做好防疫措施，基本上一啲戶外活動我就覺得絕無問題。今趟就友人吹雞，搞咗趟欣澳、愉景灣郊遊樂，仲晌愉景灣食咗個黃昏「下午茶」。對愉景灣唔熟，都唔知有咩好食，而且，好多有海景睇嘅餐廳都已經坐滿人，仲喺無視限聚令保持1.5M距離，所以，晌番主廣場嗰邊，試咗家小食店「百尚屋」。

Cali-Mex Bar & Grill：「墨」超所值

之前講過結婚周年日撞正老婆返學嘅日子，就暫時買件蛋糕嚟預祝一下，再擇日食餐特別菜。結果，翌日就嚟到尖沙咀嘅「Cali-Mex」食墨西哥菜，算特色喇啩，因為，平常真喺好少揀墨西哥呢個菜系，而小弟食墨西哥菜嘅次數亦喺一隻手掌數得晒。

TC Bistro：Ｃ心推介

上次晌新蒲崗嘅「Express Bar by Lassana」食完嘢，咁就順道去埋Mikiki行吓，落「一田」睇睇有無咩新奇貨品、或者補補貨。路經發現有間小店「TC Bistro」，主打扒類、意粉，再上網睇睇風評幾好。當時都喺睇完就算，估唔到事隔個幾月，友人約食飯選址黃大仙，我就話不如過新蒲崗啦，有間嘢唔錯，都想試吓。

我愛慢煮 The Hangout Corner：慢不經心

「慢煮」一向做菜方式嘅寧丹妙藥，以往，亦曾食過好幾家主打慢煮菜式嘅餐廳，絕大多數都喺做得有水準。最近，晌上環工作嘅老友就介紹我試試呢一家新開無耐嘅「我愛慢煮」，定價相宜，值得一試。

Westwood Carvery：開心快wood人

與幾位老友相約食開年飯，但就一反食中菜嘅習慣，改而食西餐，仲要鋸扒添。今次乜都由朋友一手負責晒，聯絡、選址、點菜……等等都搞晒，完全唔使理，正呀！所以，更感輕鬆愉快，地點就喺晌中環嘅「Westwood Carvery」。

J.Co Donuts & Coffee：變種冬甩

一個月一次，又喺細胞小組嘅一大棚組員嚟聚一聚嘅日子，趁過年，就不如當喺食團年飯，搞番餐。之不過，我哋有成17人，出去食就頗麻煩，所以，叫啲到會、薄餅速遞、自家製食物……等等，返咗教會搞大食會就仲好，睇下圖就知有幾豐富。其中一位成員，就買咗「J.Co Donuts & Coffee」嘅冬甩甜甜圈當甜點。