DiVino Wine Bar & Restaurant：意「遊」未盡細嚐午餐

平常返工日都少出街食，因為公司有午餐供應，不過，老同學約食午飯，當然應約出街食啦。地點通常由小弟負責，話晒中環我熟少少，今次過嚟「雲咸街」一間酒吧餐廳，因為環境好，方便食飯傾偈。

Abbraccio：寫意露台午餐

同晌中環做嘢嘅老同學卒之入市買番個新居，裝修搞好晒，亦將快僑遷，當然戥佢高興，所以，趁機約佢出嚟食餐晏，兼講講近況。選址意大利餐廳「Abbraccio」喺食友嘅推介，佢話一來食物質素高，二來有個大露台位，景觀開揚，仲對住「大館」。

Cantina：尋味意「食堂」

平常都比較少嚟「大館」呢度食嘢，但最近約咗位舊舊舊同學食晏，呢位舊同學都算好老友，當然要好好招呼食餐好啦，又想搵個地方好坐啲，方便傾偈，所以，揀咗嚟「大館」嘅意大利餐廳「Cantina」。

Mano：出色手工薄餅

呢日約咗另一老死東叔叔聚一聚，佢喺東九人，又揸開車，所以，搵咗離地鐵站遠少少，又方便泊車，位於「海濱匯」嘅「Mano」，晌度泊車又有優惠。好幾年前都嚟過「海濱匯」食嘢，所以，對呢度唔叫陌生。

Tiramisu' Lab：「芝」味無限

本身一向對甜品都有少少狂熱，尤其喺食自助餐時最尾梗係一大碟甜品作結，朋友都話見到人都癲。而晌自助餐裡面，似乎意大利芝士餅（提拉米蘇）好似喺必然嘅一角，今日食完晏，過嚟逛一逛中環街市，見到「Tiramisu' Lab」，發現有好多唔同口味嘅意大利芝士餅，非常吸引。

Pizza Maru：「韓」意來襲

小弟嘅荃灣食評不時都會提到週六或假期，會同老婆過嚟睇場早場，之後再搵個地方食晏。今次都喺，走到過嚟睇早場，不過，今次有少少唔同，拉埋老表過嚟一齊睇，之後就專登過嚟「Pizza Maru」食晏。其實之前好幾次經過都見好多人排隊，一直都想嚟試，不過，得兩公婆食唔到幾多，但今次三人行，終於可試試。

Artco 33：性價比 • 高

適逢表哥星期六放假，同佢行轉短山，再落荃灣食晏，講明短山盡量兩個鐘頭之內完成，等佢輕輕鬆鬆舒展下筋骨，再搵個舒舒服服嘅地方食晏就最妥貼，所以，揀咗嚟「雅高·33」食餐豐富午餐。

The Pizza Pig：「豬」事順利

自姨仔搬咗入坑口，喺會少咗機會見面，但總有啲藉口走埋一齊食餐飯。之前好幾次嚟D2 Place食飯，都喺夾埋姨仔嚟，今次都喺，我、老婆、姨仔，三人行，皆因賀一賀佢轉新工，順便又聚一聚。揀咗「The Pizza Pig」，因為睇過性價比唔錯，尤其啲長形薄餅，都幾有特色。

A Lux：細味演繹

不時都會約晌同區工作嘅舊同學飯聚，不過，由於第5波疫情都好耐無約過出嚟。早前，疫情回落咗就聯絡吓兼約個時間出嚟食餐晏，點知最近啲數字又上番，你知啦，中環食晏時間喺超多人，大家都感覺無咁安心。不過，最後都照出，因為搵到間頗為靜侷，又有質素嘅意法餐廳「A Lux」，仲要就晌我公司附近。

Cityfresh Bistro：「佳」坊飯堂

又喺疫情下嘅外賣系列，今晚少有地過到嚟黃大仙區，所以，臨離開就睇睇有咩好選擇。就晌地鐵上蓋嘅黃大仙中心，行咗一轉，有好多餐廳都想試，最後睇啱呢一家「Cityfresh Bistro」，啲嘢食定價唔貴，所以，買啲外賣當晚餐。

薩莉亞意式餐廳 Saizeriya Italian Restaurant：抵食「薩」手鐧

原來美孚嘅「薩莉亞」搬咗鋪，由近曼克山搬咗去美孚廣場，都喺搬番去同區，而且更加近我，若非街坊老友報料都唔知搬咗，而之前嘅涮涮鍋就靜俏俏摺咗。因為部份日子在家工作，基本上都晌屋企食晏，喺今日落開街買啲嘢，先嚟「薩莉亞」買啲外賣返去食。

Opa Mediterranean Bar and Bistro：高質寫意晚餐

睇店名都知主打喺賣地中海菜，其實咩叫做地中海菜呢？小弟理解就喺地中海周邊一啲地區嘅菜式，如希臘、意大利、土耳其……等地，亦有聽人講過喺高纖、高鈣、抗氧化嘅食材運用，就喺地中海飲食，查實喺點我就真喺無深入研究過，總之，今晚嚟到「OPA」，就喺輕鬆愉快食好嘢啦！

La Pizza Express：La La 「臨」開餐

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。

Hong Kong Burger：「堡」證有驚喜

雖然作為美孚街坊，老實講，又唔喺美孚間間餐廳都試勻晒，有時都睇個人偏好。早排試咗間漢堡包店，老婆就揀咗個烤大啡菇素漢堡，大讚好食，最近又話想食番次漢堡，趁佢今日有堂上唔得閒煮，一於外賣。美孚近美孚廣場嗰邊，就有家風評不俗嘅漢堡包專門店，有時經過都見幾多人幫襯，今晚一於嚟試試。 

Osteria Marzia：洋洋得「意」

歐洲菜中，小弟食得較多嘅喺意大利菜，一來意大利菜較為港人熟悉，香港真喺有好多意大利餐廳，二來意大利菜本身又好有個性、好有特色，三來就喺對比起法國菜、西班牙菜，意大利菜嘅價錢一向都俾人覺得親民啲。而一講到意菜，不期然就諗到薄餅、意大利麵，不過，今晚同老友嚟到「Osteria Marzia」，就品嚐不一樣嘅意大利菜，享受不一樣嘅嶄新新體驗。

La Casa Burger & Pasta：「堡」持水準

位處上環嘅「La Casa」多年前造訪過一次，當時定位為喺「Bistro」，食友知我返中環工，最近就推介一間晌上環主打漢堡及意大利麵嘅小店俾小弟，原來就喺「La Casa」，原來轉型為「Burger & Pasta」。趁收工，過嚟試一試佢哋嘅出品。

意廊 Avanti Pizzeria：「意」論紛紛

早前報到旅發局搞嘅「賞你遊2.0」，參加咗個本地團，一早去到邊界白虎山山頭參觀麥景陶碉堡（只喺外面睇一睇而已，因屬二級歷史建築，圍封咗），再返回沙田食晏，然後到訪曾大屋，最尾就到尖沙咀嘅歷史博物館自由參觀，隨後就各自解散。午餐安排晌「麗豪酒店」嘅「意廊」，之前都嚟過幾次，但都好一段時間嘅事，印象都幾唔錯。

Deer Kitchen：記「鹿」良好

周末日，行山團因天氣過熱唔成團，所以，就同老婆過嚟荃新天地二期嘅「英皇」睇場戲兼食晏，電影就揀咗災難片「極地冰劫」，近兩個鐘長，全片都無冷場，啲特技都好犀利，拍到真嘅一樣。而食晏地方，就過番嚟荃新天地一期嘅「Deer Kitchen」，鍾意佢環境好，多年前亦幫襯過觀塘店，記得佢哋嘅出品喺唔錯，雖然喺5年前嘅事，但屹立至今，就證明有一定實力。

Itamama：意媽媽之味

落雨濕濕，行唔成山，踩唔成單車，同老婆嘅最佳節目喺睇場戲，晌荃新天地二期嘅「英皇」睇完早場（平啲嘛），剛好夾到午飯時間，當然，食埋先返屋企。呢頭自從「海之戀」、「如心二期」嘅商場相繼開業，連帶幾個之前已有嘅商場就更旺，晌度真喺搵食無憂。單喺呢度「荃新二期」已有唔少食肆，啱啱落咗扶手電梯，就見到一家「Itamama」餐廳，感覺個名，望入去嘅環境都好面熟，原來喺「Itamomo」（意樂）嘅姊妹店，「意樂」本身我哋就幾鍾意，不時晌美孚店食早餐，所以，對呢間「Itamama」都幾有信心。

一茗堂 Casa Kitchen：「隱」無可「隱」高質小店

小弟細過晌石硤尾邨長大，雖然，依家搬離咗多年，但屋企人仲住晌度，所以，一年都有三幾次過嚟。今日，就仲更加晌南山邨、大坑東邨、大坑西邨兜個大圈緬懷吓，因為，中學就晌大坑東讀書，睇到變化咗好多。嚟到南山邨嘅「冬菇亭」，就想起中學放飯時過嚟食車仔麵，不過，今次就無晌「冬菇亭」度食，天氣熱嘛，而喺落咗下面街市旁嘅「一茗堂」（Casa Kitchen），喺老友推介嘅小店。