生記飯店 Sang Kee Restaurant：懷舊團餐

應該都好耐好耐無食過團餐喇，唔好話有無疫情，本身都鍾意自由行，極少跟團，就算呢一、兩年玩吓本地團，揀嘅都喺食自助餐或者兩人、四人一枱嘅西式餐套。今次跟咗個本地團遊吓港島呢邊啲特別地方，最後，就嚟到灣仔嘅「生記」食晏。

MR. MAKI：開「卷」有益

睇到食友嘅介紹，一道「魚・全部都係魚」嘅特色壽司卷，增加咗到訪嘅意慾，今晚就因為得一支公開飯，趁機食埋先返歸。餐廳位處金巴利街，唔喺金巴行道，其實位置有少少偏，不過，食完兜返過去尖東站，返屋企都算快。

五月牛雜粉麵：單挑大戰牛魔王

晌葵涌區，就算上到嚟石籬、石蔭、安蔭一帶，都會有少少小弟搵食嘅足跡，不過，「石籬街市」就真喺未嚟過，原來，個街市翻新後變得咁有型，內部裝修做成咗一個個懷舊場景中。而街市內，有一邊僻成美食廣場嘅營運模式，亦都有少量入鋪嘅食店。今日同朋友行轉短山，由美孚經馬騮山上華景，再落返石籬，到中午，快快手搵間食港式粉麵嘅「五月牛雜粉麵」填肚。

街頭轟炸機：異「轟」突起

作為美孚街坊，都真喺唔知開咗一家小食店「街頭轟炸機」，因為呢一頭啲外賣小店都轉嚟轉去，尤其早輪疫情下，實在無可奈何。 話佢喺小食店，其實，佢有唔少主食供應，正正有啲啱老婆食嘅蕎麥麵，所以，點都要試吓。

木船泰國粉麵專門 Wooden Boat：「泰」抵食

近排香港持續酷熱，34°C、35°C等閒事，老友話行山就頂唔順，所以，改改踩單車，由太和沿吐露港踩到出大圍，再原路返，好彩今日又幾夠海風，整體感覺都幾唔錯。最後，擺番好啲車之後，就兩支公由老死帶路到附近嘅「木船泰國粉麵專門」食埋嘢先散。

果子 Life Cafe：望梅「子」渴

向來都鍾意食馬拉菜，所以，工作關係，過到嚟紅十字會總部一頭，經過呢一家主打海南雞飯、喇沙摻摻嘅外賣店「果子」，加上睇見啲價位咁相宜，就一於試試佢，買啲外賣返去做晚餐，又做一晚無「煮」孤魂，乾手淨腳唔使煩。

東京チカラめし Tokyo Chikara Meshi：「丼」局者迷

好耐無出嚟旺角，嚟親都喺買波鞋，上一期嘅消費券趁仲有剩少少，當然用埋唔好嘥。之後就順便搵食，因為正正趁老婆有事，屋企無飯開，就一支公出嚟買嘢兼食埋晚飯。經過呢間過江龍「東京チカラめし」頗有人氣吓，就入去試試牛丼。

Peloton：美味唔「單」一

年初行完山，再過嚟將軍澳嘅海濱逛逛，覺得呢度真喺發展得唔同晒。住晌將軍澳嘅食友告之，臨近海濱長廊有個新場「海天晉滙」，裡面有唔少卧虎藏龍嘅食肆，咖啡店、茶飲店、日式、韓式、德國菜、意法、蠔吧……等等，部分更喺寵物友善餐廳，以及有一個全新室內抱石場（唔喺攀石場喔），真喺好值得一訪。

尚廚 The Chef Table：填肚早餐

又要前文提要吓先，由於同老婆入咗嚟將軍澳嘅「九龍東智選假日酒店」宅渡假，整個套票包入住當日自助午餐、標準客房、免費借用單車及翌日自助早餐（$1,100+10%），都算抵玩。前文就分享咗個自助午餐，依篇就講講個自助早餐，享用地點都喺晌番對面「九龍東皇冠假日酒店」嘅「尚廚」。

從心素食 Heartful Veggie：細「素」近況

前文提要吓先，由於同老婆入咗嚟將軍澳「宅渡假」，個套票包自助午餐及早餐，無包夜晚，所以，專登晌夜晚約姨仔食番餐，因為自從佢搬咗去坑口，我哋都好耐無聚一聚。剛好一年多前就幫襯過「從心素食」食晏，不過，當時喺尖沙咀店，原來，亦已經執咗。因為食過覺得好，老婆又偏素，所以，特意介紹呢間素食店俾姨仔。

尚廚 The Chef Table：預期之「尚」

由於疫情關係，仍未出外旅行嘅機會，除咗行吓山、郊遊吓，「宅渡假」就成為另一放鬆心靈選項。之前好幾次「宅渡假」都喺揀晌新界區或離島區，而今次就揀咗入嚟將軍澳嘅「九龍東智選假日酒店」，整個套票包入住當日自助午餐、標準客房、免費借用單車及翌日自助早餐（$1,100 + 10%），都算抵玩。不過，雖然入住喺「假日酒店」，但午餐、早餐都喺晌對面「九龍東皇冠假日酒店」嘅「尚廚」餐廳享用，皆因「假日」本身喺無餐廳。

LITE：中環小清新

被老婆話我成日都大魚大肉，其實我就唔覺喺，比起身邊好多老友，我算食得健康架啦。今餐就無得挑剔，一定喺非常健康嘅一餐，位處中環威靈頓街嘅「LITE」，主打就喺沙律，輕工業風粗獷嘅鋪面，晌中環區嚟講真喺別樹一格。

Memoir：高質午餐

以前有一班中學同學，隔一年半載就會約一約出嚟聚一聚，搞個大棚人嘅飯局，自新冠後，都未聚過，只晌啲群組發吓信息。最近，又有個別舊同學話好耐無見，想約出嚟食餐飯，所以，造就今餐嚟到銅鑼灣「Memoir」3人嘅小飯局。

嘉華餐室 Ka Wah Restaurant：同場「嘉」映

又喺一篇行山後嘅茶記食評，今日最高溫上到34°C，但都無懼炎熱嘅天氣，只因一股熱血。呢次挑戰一下屯門青山，再經青山腹地到良田坳（港版大峽谷），最後落返良景邨下午茶。雖則今次人腳強，都行咗4個鐘，但都比預期5個鐘少，行完真喺幾攰吓，簡單見到近輕鐵站有家茶記「嘉華餐室」，諗都唔諗就標入去。

The Dutch Cheese and More：焦糖「楓」味

有日路過呢一間小店，不單從店名，抑或從櫥窗，都見到一餅餅、大大嚿嘅芝士，當然，品種喺嚟自荷蘭啦。雖然小弟都好鍾意食芝士，但就未至於食得咁專，都喺貪方便夾吓三文治，搞吓芝士撈丁……之類，所以，都喺晌超市買啲片裝嘅擺晌雪櫃睇門口而已。既然經過，入去打個轉都無妨。

Miam Bakery：「檸」舍清香

平常晌公司，攰攰哋攤抖吓，下午茶都喺食啲餅乾之類，但今次就正好多，因為同事請小弟食件「美式鬆餅」，鬆餅嚟自西環烘焙小店「Miam Bakery」，小弟就未幫襯過，但同事就好推介，話佢哋啲出品有質素，又有倨性！

南記粉麵 Nam Kee Spring Roll Noodle Co. Ltd：真正「荽」餐

今日陪老婆出尖沙咀做身體檢查，檢查剛啱安排晌中午打後少少時間，所以，剛好趁佢檢查嘅時間嚟食晏，食完接番佢就啱啱好。一支公，食咩都無所謂啦，所以，最後揀咗平平哋嘅「南記」。

蒲羅 Pulau：美食廣場新「蒲」點

自從「中環街市」被活化之後，真喺令呢座歷史建築物帶嚟180°轉變，再者，內裡開咗好多特色小店、餐廳，又搞吓展覽，真喺帶動多咗好多人流。講到食，地下層更僻作美食廣場，晌中環，美食廣場真喺唔多，而呢個「中環食坊」搞得唔錯。

Peko Peko：不似預期

又喺同老婆嚟荃灣嘅「英皇」睇戲，喺我哋不時星期六朝嘅最佳節目，睇完就剛好正午，放飯時段。又於疫情近排都仲喺居高不下，所以，食晏都搞間人少啲，地方闊落啲，等老婆食得安心啲。最後晌「海之戀」兜咗個圈，「Peko Peko」似乎最合我哋要求。