Mam Tom：摩登東南亞菜

東南亞菜之中，以越南菜、泰國菜食得比較多，最近就同老友聚舊，相約過到嚟尖東嘅酒吧餐廳「MAMTOM」食晚飯，店家主打就喺新派東南亞菜，無論環境、食物、招呼，各項嘅體驗都好唔錯，所以，藉此分享一吓。

河內越式料理 Ha Noi Vietnamese Cuisine：「內」人尋味

今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日 我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。

Ha Noi越南菜：定價「越」目

重慶大廈俾人嘅印象就南亞、印度人嘅大熔爐，不過，原來側邊地庫層卻有個大反轉，變成一個好新簇嘅商場「慶坊」，裡面開咗好多唔同特色嘅餐廳。半個月前先同老婆短短地自由行去咗一轉越南芽莊，感覺非常之好，今晚嚟到「Ha Noi」再重溫越式湯河撈檬嘅「味」力。

越旺美食 Yuet Wong Restaurant：美味的「越」歷

大角咀變變吓，可以講越嚟越變得喺平民嘅美食天堂，尤其喺埃華街、大全街、中匯街，可以講喺食街嚟，當中有唔少更喺卧虎藏龍嘅小店。早前有街坊食友試過呢間「越旺美食」，強力推薦，話性價比高，所以，今晚就同多年老友嚟試試，大家都喺鍾意飲飲食食，人大咗，搵食嘅閱歷就會越嚟越多。

湖越 Lake Vietnam：閒情歲「越」

趁陽光普照，天氣又涼涼哋喎，跟老友踩單車，目的地入大美督，呢條線對我哋嚟講比較輕鬆，可以hea住踩。踩到入去，想搵個好地方嘆個好啲嘅下午茶，老友推介對住湖畔呢一間越南小餐館「湖越」，貪其環境好。單睇鋪門嘅設計，模擬到成隻木船，已經好有心思。

越萊 Pho Bo：越「萊」越好食

有時啲嘢就喺咁啱橋，早唔壞遲唔壞，早排做完運動過開嚟深水埗食嘢，啲電腦嘢就未有事，之後先嚟有嘢壞，當然要專登走一轉嚟高登買番件配件。咁落開嚟又無飯開，所以，索性嚟到「越萊」食埋先返屋企。

小越廚 Le Saigon Cuisine：討人喜「越」

一向都鐘意支持吓小店，今晚同位家住荃灣嘅好弟兄落到嚟「小越廚」食餐便飯，唔喺講笑，雖然店家位處周圍都有唔少車房、五金嘅享和街，但一樣好夠人氣，我哋都要等10min先有枱。

越風味地道越南料理 Viet Tasty Cuisine：逍遙歲「越」

東南亞菜系中，一向都幾鍾意食越南菜，曾經自由行去過越南兩次，到訪過唔少地方，河內、胡志明就唔在講啦，上木帆船晌下龍灣過一晚嘅旅程好舒服，到美奈睇沙漠賞夕陽亦喺唔錯體驗。今晚就嚟到「越風味」食吓越南嘢，短期暫未打算出門，就先回味一吓越南味道。

新泰東南亞餐廳 Sun Thai Restaurant：渾「新」解數

今日入到嚟馬鞍山玩，同老婆有個小旅行，先晌「新港城中心」睇場早場（男兒當入樽），平吖嘛，再晌附近食個午餐，然後上「鞍山探索館」兼嘆杯咖啡，最後上埋昂平欣賞吓西貢碼頭一帶全景。晌「新港城中心」同「馬鞍山廣場」兜咗個圈，最後決定嚟到「新泰東南亞餐廳」食嘢，一來東南亞嘢有啲特色，二來啲午餐都喺賣$75一客，唔貴喎。

1986地道越南餐廳 Pho Xua 1986：討人喜「越」

是晚老婆上堂無飯開，趁機落一落鴨寮街買啲零件，順便就晌附近食個飯。早兩個月幫襯過「澳葡牛奶餐室」時，記得路過汝州街仲有家越南菜館，所以，專登過嚟望望，就喺呢家「1986地道越南餐廳」。

Prime Pho：賞心「越」目

記得好耐之前幫襯過一次「Prime Pho」，嗰時仲喺晌「擺花街」窄窄嘅舊鋪，因為嗰次有少少即興，亦唔方便影相，所以，食評就無寫喇。最近，先知佢搬咗去嘉咸市集「My Central」樓上，而正正約咗朋友食飯聚一聚，故就不如揀佢啦，就晒我，收工行過去都得嘛。

永珍越南食館 Wing Chun Vietnamese Food Restaurant：有圖有「珍」相

完咗聚會，同班朋友都喺照舊落太子食晏， 因為花園街一帶有好多餐廳，有平有貴，選擇非常之多。本來搵間茶記就算，但有人提議「永珍越南食館」，越南嘢，我啱喎。

越男仔 De Viet Son：搵食指「男」

疫情有啲反彈，仲未踢得波住（老婆唔批），就只好繼續行吓山，出身汗。今次由小弟帶路，同老友由黃大仙上獅子亭，再落番另一邊嘅水泉澳邨，最終目的地喺沙田圍。小弟對新界區唔太熟，所以，由家住新界嘅老友帶路做我嘅搵食指南，嚟到佢推薦嘅「越南仔」嘆番餐下午茶，啱啦，我都好似大半年未食過越南嘢。

火五越式牛肉粉專門店 Pho 5：最佳「火」食

死佬飯局無搞咗兩、三年，依家都喺間唔時搵其中一個、兩個死佬短聚，今晚就約咗個堅幾年無見過面嘅死佬出嚟食飯，平常大家whatsapp有聯繫，但出嚟見就真喺無。就大家方便，揀咗出嚟佐敦區，晌白加士街一帶非常多食肆，揀咗「火五」食越南粉，貪其食湯粉濕濕哋，而且，路過望到有唔少人幫襯，心態上會覺得衰極有個譜，中伏機會細。 

Fûhn：開心喜「越」生日飯

我哋嘅死佬飯局晌疫情之下，兩年幾無搞過，適逢其中一位死佬就快生日，就草草哋3丁友搞咗個死佬小飯局慶祝吓，兼講吓近況。搵餐廳由小弟負責，方便大家就揀咗銅鑼灣區，而年幾前試過「Fuhn」，覺得幾好，而老友都喜歡食越南嘢，小飯局就決定晌度食。

Le Garçon Saigon：每「越」之星

灣仔嘅永豐街、星街、聖佛蘭士街一圈，向來都被喻為一個外國小社區嘅縮影，除外國人特別多之外，亦有好多富特色嘅餐飲小店。今晚趁空同老婆拍拍拖，出去撐撐枱腳，選上「Le Garçon Saigon」，一家主打越南菜，卻帶有法式風情嘅環境。其實，我哋前後到訪過越南兩次，兩次都自由行，對越感嘅感覺唔錯，疫情下無得出遠門，趁今次，食咗就當去咗！

MeKong 泰.越.港：泰• 抵食

今晚屋企無飯開，就乘少少機約咗老友短聚，佢話就我，就揀咗晌番中環食，小弟一收工就可以過到嚟。佢話想食泰國嘢，就揀咗間小店「泰潮」，因為食過兩次外賣，真喺幾唔錯。但過到去，原來已經轉咗名「MeKong」（泰.越.港），但睇落好似只喺轉咗個招牌，鋪面格局跟以前喺一樣。反正嚟到，我哋對食嘢又唔喺高要求，隨遇而安啦！

越萊 Pho Bo：越萊‧越想食

用咗多年嘅電腦卒之打柴，所以，走落深水埗「高登」砌番部迷你電腦，反正都喺用嗰幾樣基本嘢，唔需要砌到好勁。預一個鐘返嚟推機就得喇，所以，就趁有一個鐘嘅空檔，周圍搵地方食個下午茶兼掗吓時間。最後，嚟到「Pho Bo」，原來有個細細隻字嘅中文名「越萊」，幫襯原因喺晌門口睇啲介紹牌時，啲下午茶餐都幾抵食。

漁樂 Lime Fish：期望又「樂」空

近排天氣好清爽，雖然無特別約人行山，但朝早處理好晒個人事情，趁有啲閒情逸致，兩公婆行行短山，再落番嚟美孚食個下午茶。今次過到嚟「曼克頓山」搵食，睇吓邊間餐廳人少就入邊間，結果，幾間餐廳中，就以「漁樂」較少人。數一數，都好耐無幫襯過佢，睇番啲食評，對上一次幫襯已經喺2018年10月嘅事。

小安南越南河粉 Petit Annam Pho：值得「安」哥

之前一篇「張記士多」嘅食評，就講到第一次跟姨仔，加埋佢朋友一齊行山，由粉嶺行到去大埔，響水塘起步，再經鶴藪水塘、沙螺洞、鳳園，搭小巴出番去太和。午餐就帶咗啲乾糧中途食，而去到沙螺洞時又晌「張記士多」攤抖吓兼食碗山水豆腐花，過到嚟太和，都將近4:00pm，返到屋企都接近傍晚，行到攰都費事煮，就索性晌太和食個早早早鳥晚餐。姨仔查一查，就揀咗「小安南」，啱啦，食啲濕濕哋嘅越南粉就最好。