牛魔 Yakiniku More：無添加．Less is 魔

早前到棉登徑嘅「焱丸水產」食晏，路經呢間「牛魔」，晌鋪面見到佢哋棟喺門口嘅介紹牌，幾款肉類都非常吸引，就想想搵晚嚟試吓。是夜，就約咗夏總傾旅行嘢之餘，就嚟到「牛魔」食餐好嘅，佢一向食開好嘢，點都要搵番間具質素嘅。

Avanti Pizzeria：用心良斧

年頭嘅元旦日就跟教會嘅大旅行就嚟過「麗豪酒店」食自肋午餐，順手拎咗酒店啲餐飲單張八吓，睇到有介紹「意廊」（Avanti Pizzeria）新推咗啲美式意菜。其實，都曾經幫襯過「意廊」，不過，都已經喺10年前嘅事喇，哈哈！近日，就約咗幾個朋友嚟食飯，當聚舊又好，當食開年飯又好，總之就開心歡聚食意菜。

麗宮薈 Palace Club：街坊抵食宮略

一班中學舊同學，時隔年幾，又喺時候聚一聚。有仔女嘅家庭會比較忙，為咗遷就其中一位同學，專登嚟到佢樓下嘅「麗宮薈」食呢餐，算唔話得喇啩。其實，佢俾面、俾時間出席先喺唔話得。

我愛慢煮 The Hangout Corner：慢不經心

「慢煮」一向做菜方式嘅寧丹妙藥，以往，亦曾食過好幾家主打慢煮菜式嘅餐廳，絕大多數都喺做得有水準。最近，晌上環工作嘅老友就介紹我試試呢一家新開無耐嘅「我愛慢煮」，定價相宜，值得一試。

官燕棧 Imperial Bird's Nest：富貴湯麵

問你「官燕棧」賣乜？相信大部份都會答喺賣參茸、海味、鮑魚、燕窩……等等，除此，仲有好多中式養生保健產品，如即食燕窩、滋補湯包，真喺唔上一上佢哋官網睇睇，都唔知原來佢哋有咁多產品。其實無啦啦真喺唔會走上去睇，皆因早前同好友食飯，好友送小弟一盒「官燕棧」出品嘅「鮑魚禮盒」，雖然唔知價值，但既來自「官燕棧」，又喺一份「禮盒」，相信唔平，老友實在太客氣了。

ISABELLE：好友狂嚐曲（84）

早前同班老友食開年飯，查實就耐無見，借機聚一聚，但估唔到都有禮物收。其中一位老友知我鍾意食曲奇，專登挑選咗「伊莎貝拉」（ Isabelle）嘅曲奇送俾小弟，實在太客氣喇！繼上次「蘭特餅店」嘅曲奇，今次又讓小弟認識一家曲奇店。

快樂牛 Happy Cow：樂活方程式

晌中環「大館」嘅「匡智小館」食完晏，無晌佢度食甜品，皆因打算嚟中環海濱嘅「快樂牛」食雪糕當甜點，之後，再搭天星過海，比一程地鐵平之餘，仲可以吹吹海風、欣賞吓維港。

匡智小館 hc : Bistro：智．同道合

中環「大館」開檔初期，要網上預約先參觀得，梗喺唔同人逼啦。事隔半年多，依家就唔使預約都可以參觀喇，所以，趁個悠閒周末，兩公婆拍拖遊「大館」，但估唔到場面仍然好墟撼。難得嚟到，當然順便食埋晏啦，事前已上網搜索過有咩好食，最值得幫襯都喺「匡智小館」（hc : Bisrro），而其他唔喺話質素唔得而唔值得幫襯，只喺商業味重，但「匡智小館」屬於社企，睇啲食評又唔錯，更加值得去撐吓。

Holly Brown Coffee Roasters：五折負能量

情人節正日食飯就一定喺貴，趁住姨仔去咗旅行，唔使預佢飯餸，所以，兩公婆預早少少出街食，當喺慶祝情人節。自從荔枝角有咗D2 Place，感覺呢區好似「活化」咗好多，食肆嘅選擇亦多咗好多。今晚揀嚟「 Holly Brown Coffee Roasters 」，一來未試過，二來又有啲五折推廣。

孟買廚房 Bombay Kitchen：孟有引力

利用香料做菜，我就覺得印度比其他國家勝一籌喇，尤其佢哋啲咖喱，話我有偏頗都喺咁講架啦，真喺寧舍唔同，特別有層次。好似今晚同個好鍾意食印度嘢嘅朋友嚟到九龍城嘅「孟買廚房」，細嚐印度菜嘅滋味。

欣圖軒 Yan Toh Heen：摘星有欣

農曆年後，總有幾餐同朋友一齊聚一聚嘅開年飯，其中一餐就印象好難忘，就喺晌香港洲際酒店獲米芝蓮兩星嘅「欣圖軒」，從餐牌內頁嘅介紹，更喺福布斯五星嘅食肆。雖然，小弟唔會全然信晒啲乜星物星，不過，今次到訪過「欣圖軒」食午餐，享受咗一次粵菜藝術，就知其摘星有因，絕非僥倖！餐廳嘅入口位就位處食自助餐嘅「港畔餐廳」側旁，門面其實有點唔顯眼，不過，入到去你就知咩叫做深藏不露。

Westwood Carvery：開心快wood人

與幾位老友相約食開年飯，但就一反食中菜嘅習慣，改而食西餐，仲要鋸扒添。今次乜都由朋友一手負責晒，聯絡、選址、點菜……等等都搞晒，完全唔使理，正呀！所以，更感輕鬆愉快，地點就喺晌中環嘅「Westwood Carvery」。

焱丸水產 Flame Japanese Cuisine：焱壓群芳

近年多咗啲乜乜乜水產日本料理店，顧名思義，主打就喺食「海鮮」，日文漢字就喺「浜燒」。小弟以往都食過好幾次，不過，就真喺唔多，因為消費相對高吖嘛，但喺，食親浜燒都喺好嘅體驗嚟。今次趁農曆年，約咗其中一位表姨甥女嚟食晏，食啲好嘢賀佢完成本書，卒之出關。

大澳小食 Tai O Snack：妃常薄餅

一行人，其實得4個，趁星期六大家都唔使返工，天氣又涼涼哋，一於沿「離島自然歷史徑 – 昂平及大澳段」由東涌沿海行到入大澳，行吓、抖吓，抖吓又睇吓，結果都要用上5個鐘先入到大澳。嚟到大澳，除買番啲蝦膏、蝦醬做手信，仲試吓啲小食。咯過其中一家「大澳小食」，睇見有一款蛋餅叫「香妃卷」，即做即食，有興致地一試。

蘭特餅店 Yolanda Bakery：好友狂嚐曲（83）

早前同友人只喺簡單茶聚，但估唔到友人咁有心，乘過年時日，送小弟一包曲奇，當喺「新年賀禮」，實在太客氣喇。其實，能抽時間賞面聚一聚，已經好有心喇！而曲奇嚟自「 蘭特餅店」，喺好陌生嘅名字，絕對喺第一次試嘅品牌。

Coffeezine：偷閒加油站

約咗個朋友出旺角傾傾嘢，大家本身都喺咖啡粉絲，所以，一心都打算去咖啡店，不過，老友喜歡小店，唔多鍾意連鎖嘅，晌網上搵搵，就摷到一家頗隱蔽嘅精品咖啡小店「Coffeezine」。由於「Coffeezine」喺鋪中鋪，若非門口唔喺有啲飲品價目牌「提示」一下，恐怕過門不入呀！