拾味山西刀削麵館 Shi Wei：「拾」拿九穩刀削麵

難得有位老死約食飯喎，當然出嚟啦，不過，佢放工有少少唔定時，地點就梗喺要就佢啦，所以，今晚就過咗嚟灣仔。因為同呢位老死久唔久都見吓面，所以，今晚就純粹食餐飯，搵間經濟實惠嘅小店，喺網上搵到呢間「拾味山西刀削麵館」，諗住十拿九穩。

蘇山雞飯 Susan chicken rice：滋味盡「蘇」

以前因緣有合作嘅機構同事，無見幾年，原來已經轉咗工，雖然跑道一樣，但比以往輕鬆咗。相約出嚟聚一聚，再詳細講吓近況，兼聽吓佢嘅旅遊經歷。相約一個中間點，太子就最合適，搵一搵就「蘇山雞飯」，因為一來幾鍾意食馬拉嘢，二來舊年年尾曾到訪過其長沙灣店，覺得好唔錯。

Supergiant Social Dining & Cocktail Bar：「酒」出新天地

過去三年嘅疫情，有啲餐廳捱唔住無奈結業，有啲餐廳就選擇休業，養精蓄銳，到復常時候東山再起，而今晚同朋友到訪嘅「Supergiant Social Dining & Cocktail Bar」屬後者，更推出一系列新菜式及雞尾酒，確喺幾令人期待。

M Square：寫意無限

近來熱話就喺港人北上消費，小弟就比較少北上，反而喜歡晌香港郊區四周走走，今日就「東闖」過到嚟西貢探索一吓，最後，嚟到「WM Hotel」內以Sports & Grill為主題嘅餐廳「M Square」，食埋餐飯先打道回府。

小越廚 Le Saigon Cuisine：討人喜「越」

一向都鐘意支持吓小店，今晚同位家住荃灣嘅好弟兄落到嚟「小越廚」食餐便飯，唔喺講笑，雖然店家位處周圍都有唔少車房、五金嘅享和街，但一樣好夠人氣，我哋都要等10min先有枱。

長阪燒 Nagasakayaki：和味無欺「長」

表哥就嚟出發去旅行，趁佢出發前專登約佢食番餐日本嘢。近期嘅話題不外乎喺「福島」核污水，講笑咁講，今次真喺「福」水難收。海產類可能會食少啲，甚至停一段時間先，都喺觀望住發展，但其他食材就唔喺太擔心，所以，今晚嚟到「長阪燒」就趁倒水前盡興。

磯の水產：「磯」不可失

早前同朋友嚟過「海濱滙」食晏順道行一行觀塘海濱公園 偶然見到呢間居酒屋「磯の水產」，門面好大，外觀望上去又甚具和風，睇睇價錢又OK喎。約咗個晌觀塘做嘢嘅老朋友食飯，佢話想趁福島核癈水傾倒前食餐日本嘢，就想起呢一間屋酒屋喇。

港久新街 Soul Guide：麻甩的情懷

麻甩佬食嘢最鍾意嘅一喺茶記，一喺就大排檔，貪啲小炒夠鑊氣，又平靚正，當然依家仲有少少冬菇亭形式嘅大排檔，但真真正正嘅大排檔真喺賣少見少。今晚同老死出嚟尖沙咀搞個小飯局聚舊，專登揀咗走大排檔路線嘅「港久新街」（取其諧音：港九新界），當然，呢度環境就舒服啲，嘆住冷氣食小炒。 

鮮芋仙 Meet Fresh：位置優「鮮」

同老友晌尖沙咀食完晚飯，唔想太阻人做生意，所以，轉場搵個地方食糖水，繼續傾吓偈。最近、最就腳就喺呢間「鮮芋仙」，揀佢絕對喺貪方便，位置優先。

圓山飯店 Grand Hill Restaurant：追本溯「圓」

「圓山飯店」多年前幫襯過，喺做得幾地道嘅台灣菜館，不過時代變遷，都要有啲變化，最近，就從食友嘅食評所知，原來佢哋都轉型咗少少，都唔再喺只賣台灣菜獨沽一味，都加入其他菜系，例如川菜、粵菜。

捌捌陸 Seeyalater：「捌」面玲瓏

今晚又無飯開，但多得老友陪我食晚飯，就番我就定晌荔枝角D2 Place搵食，食完我行番屋企都得，而佢亦有巴士直達返大圍。D2 Place無論一期定二期，算喺嚟荔枝角搵食嚟得最多嘅地方，不過，小弟都喺鍾意試新嘢，所以，都甚少重複食同一間，一向都喜歡台菜，故相中「捌捌陸」。

盛意小館點心粥麵 Dim Sum Kitchen：「盛」意之作

相信好多香港人都鍾意嘆番一盅兩件，家下多咗好多點心專門店，咁咩時候呢都可以有點心食。最近就喺近尖東呢邊到訪過一間應該開無耐嘅點心專門店「盛意小館」，同一位即將出國兩年做宣教工作嘅老死餞行。

EL GORDO Tacos & Grill Factory：「墨」切留意

南美洲嘅菜喺以墨西哥菜食得比較多，老實講，南美其他國家嘅菜有咩特色，真喺唔太多認識，講嚟講去都喺墨西哥。今晚就同個好耐無見面嘅食友專登出嚟聚一聚，撞啱佢話好想試墨西哥嘢，就嚟到灣仔「EL GORDO Tacos & Grill Factory」喇。

Mano：出色手工薄餅

呢日約咗另一老死東叔叔聚一聚，佢喺東九人，又揸開車，所以，搵咗離地鐵站遠少少，又方便泊車，位於「海濱匯」嘅「Mano」，晌度泊車又有優惠。好幾年前都嚟過「海濱匯」食嘢，所以，對呢度唔叫陌生。

翠苑餐廳 Tsui Yuen Restaurant：快快「翠」醒晨早餐

星期六一朝早走到嚟荃灣做身體檢查，事前梗喺要空腹嚟抽血啦，所以，一做完身體檢查即刻晌附近嘅茶記食返個早餐先，不過，話豐富，都只不過喺早餐ABC嘅啫，無刻意食太多。而喺眾安街兜兩兜，發覺同一款早餐組合，「翠苑」真喺定價最抵。

Espresso Alchemy：「酮」場加映

腸胃炎病咗幾日，日日粥水、粥水又粥水，無啖好食，所以，趁好番，今晚 又喺得返一支公開飯，專登食好少少，就諗到嚟海港城嘅「Espresso Alchemy」嘆杯靚咖啡，食個意大利飯，呢度嘅出品穩打穩紮，啱我好味，最緊要啲咖啡有水準嘛。

山城毛兒老火鍋：再下一「城」

幾個月前嚟過一趟「山城毛兒老火鍋」打邊爐，當時食評嘅總結喺嘢食質素高，部份食材好少食到，所以，顯得有特色，加上由正宗四川人主理，啲阿姐招呼又真喺幾好，所以，對整體印象都好正面。有朋友就話想食火鍋，要特色少少，今晚再下一城，嚟到呢度打邊爐。

椈 KIKU：尋味快活「椈」

好耐無約老死夏總食飯，又喺襯無飯開嘅日子，約佢過嚟中環一間居酒屋「椈」聚一聚，居酒屋肯定啱晒佢，因為佢同佢老婆都好鍾意去日本旅行，差唔多一年一次咁滯，所以日本嘢肯定好合佢口味。

Green Waffle Diner：鑊仔午餐

表哥出開嚟中環，同佢快閃食個晏，揀咗「Green Waffle Diner」， 貪佢地方大，只要搭半山扶手電梯上到去大館個位，落返地面荷李活道，往上環方向行唔夠1分鐘，晌擺花街交界就見到。