Mini Club：酒過浮華大地

以前都曾經晌食評講過，落吧、飲酒一向都唔喺小弟強項，不過，近年機緣下接觸多咗一啲酒吧，發覺都唔再喺單單飲酒嘅地方，食物已經做得有番一定水平，而且，仲唔喺單一只有餸啤酒嘅小食，而喺有番咁上下睇頭嘅菜式，有主菜，有飯麵，兼且水準不俗。之前曾去過Mini Club嘅尖沙咀店，今晚有幸獲邀再嚟到旺角店一試大廚身手。

Lab Made Cafe 分子雪糕專門店：分子雪糕過聖誕

唔喺第一次幫襯Lab Made，但新開嘅荃灣店應該最就腳，事關喺小弟出沒較多嘅地區之一。不過，是日嚟到，感覺有好多唔同，原來……荃灣店已進化為Café，分子雪糕當然唔少得，更賣埋件裝蛋糕及飲品，實在啱晒我哋啲甜品迷，下午茶又多個選擇，周六、日有時間可以過嚟迤吓！

美心西餅 Maxim's Cake Shop：意外甜美

屋企人一向好少搞咩慶祝聖誕，通常各有各節目，不過，今年卻意外地同屋企人前後食咗兩個聖誕蛋糕，仲兩個都喺嚟自美心西餅。

稻香超級漁港 Pier 88：頭頭是稻

一年有幾個大節日，總會同一大班親戚筵開兩席食番餐，正所謂做冬大過年，冬至飯一定唔少得走埋一齊，以前通常貪方便，嚟嚟去去都喺嗰一、兩間，不過，近年竟轉嚟轉去，無他嘅，一班親戚對食無咩要求，邊間做得抵咪去邊間囉，當然，區域都喺圍繞番深水埗，就好似之前多彩、德興、百樂門都幫襯過，今次就揀咗李鄭屋村嘅稻香。

2+2 Café：平2近人

雖然個人而言，都幾鍾意食自助餐，因為一次過由冷盤，大菜，甜品可以想試乜就試乜，想食幾多就幾多，完全唔使太多顧慮，不過，老婆「詐型」話我次次食自助餐都暴食暴飲，所以，都食少咗好多，下午茶自助餐更好耐無食添。今次，就趁過新年前嚟個最後一擊下午茶自助餐，帝都酒店嘅2+2 Café做緊主題「香芒燕會」下午茶自助餐，芒果一向啱晒小弟！

麵飽王快餐餅店 Bread King：我的星期六美孚早餐 ~ 十年如一

好耐無寫過「我的星期六美孚早餐」系列，都應該隔咗大半年有多，皆因寫得八八九九，無試新店就費事寫。有朝幫襯居所附近嘅「麵飽王快餐餅店」，心血來潮又想寫吓，翻睇記錄，原來對上一次個食評已經喺3年前嘅事。

香港地 Hong Kong Day：尋找他香的故事

近來有關亞視嘅賣盤 / 清盤新聞特別多，其實見佢晚晚都「留聲歲月」就覺得佢遲早要摺。曾幾何時，亞視都有製作過出色嘅節目，就好似十多年前一套資訊紀錄節目「尋找他鄉的故事」，由King Sir旁述，講述晌世界各地海外華人嘅生活點滴。今晚，小弟嘅尋找他「香」的故事唔使去到海外，只喺晌奧海城嘅「香港地」啫。

BV Kitchen：誰伴我廠蕩

外面已經夠冷冷寒風，入夜，嚟到觀塘工廠區，感覺更加冷清。雖然落緊毛毛細雨，感覺有點悽楚，不過，心卻喺暖和，因為唔喺得一支公晌度闖蕩，跟幾位好友高高興興嚟到BV Kitchen提早慶祝聖誕節。

Burgerman：秋冬進堡

晌大角咀短短兩截埃華街，食店嘅選擇真喺好到不得了，車品品、神廚館、貴族甜品、韓淼莊、巴蜀麻辣米綫依啲較出名唔在講，仲有好多其他小店。今日走到嚟試嘅，都喺一間「小」店，指嘅喺鋪位窄長，大概得10-12個位左右嘅Burgerman。

菲爾斯曲奇專賣店 Mrs. Fields Cookies：好友狂嚐曲（廿七）

老婆同樣都鍾意食曲奇，但凡事總有例外，依個「例外」就喺美式曲奇，一來佢覺得太甜，二來佢覺得美式曲奇口感軟腍腍，唔知點咁，古古怪怪，然而小弟就乜都啱，所以，好友所贈嘅菲爾斯曲奇就可以由小弟一人獨享。

Godiva Chocolatier：公朱同好（十四）

Godiva都公認為城中數一數二出名而高質素嘅朱古力店，真喺好多謝朋友咁重手贈小弟一盒「Assorted Truffles with Gold Star Box」（雜錦松露朱古力星形禮盒），包裝小巧可愛，氹人歡喜嘅好選擇之一。

白熊喫茶店 Shirokuma Café：大展熊圖

好耐無見嘅朋友約小弟食飯聚一聚，無乜理由托手踭啫，況且，地點由佢定，最好就喺咁，唔使小弟依個掛名食家去諗。餐廳定晌德福嘅白熊喫茶店，都方便我吖，準時到無問題。

香茶房 Kaorisabo：好友狂嚐曲（廿六）

自從年半前寫依個系列開始，不期然多咗收到朋友醒我嘅曲奇美食作為小禮物，亦間接讓小弟認識到更多唔同嘅曲奇品牌或小店，就好似今次介紹嘅「香茶房」，好陌生嘅名字，好低調嘅小店。

莆田 Putien：有福同享

新加坡過江龍「莆田」以賣福建莆田菜為主，今年7月先落戶晌利舞臺，估唔到事隔5個月，就再晌荷里活廣場擴展版圖。12月13日仲搞咗個「手工製作示範暨公眾試吃日」，一連幾場招待公眾人士，完全免費，無任何附帶條件，唔使買乜買物，實行讓大家齊享美味福建菜，真心有福同享。

麥當勞道貳號咖啡廳 Two Macdonnell Road Coffee Shop：MacBuffet

咪誤會以為麥記搞起自助餐嚟，此麥跟彼麥不同。今次跟老婆嘅朋友行山，地域更喺少行嘅港島區，而路線仲喺第一次行嘅寶雲道，再接堅尼地道行去中環，飽覽灣仔、金鐘、中環一帶景色，加上清風送爽，心情自不然開朗。如果行過嘅朋友都知，依段路好濕碎，所以行得超輕鬆，而最終目的地其實喺去香港聖約翰救護機構總部嘅「麥當勞道貳號咖啡廳」食晏。

Häagen-Dazs：哈根大師歡樂派對迎聖誕

聖誕又就快到，好多人都會打算食飯慶祝一下，如果同你講去打鞭爐迎聖誕，會唔會感覺怪咗啲？不過，如果喺雪糕火鍋，你又點睇呢？掹住食友車邊，出席咗今個寒冬Haagen Dazs嘅歡樂派對，率先一嚐多款為今個聖誕設計新推嘅雪糕甜品、飲品，以及一睹兩款充滿節日氣氛嘅雪糕蛋糕，你準備好未？Let’s Party！

Marks & Spencer 食品部：公朱同好（十三）

對上一篇朱古力系列食評「公朱同好」應該已經喺幾個月前嘅事，儲咗好幾篇，又喺時候分享吓好友送贈嘅朱古力禮物喇。今次喺麵包班同學仔醒小弟嘅M&S產品「Cherry Liqueurs」（車厘子酒心黑朱古力），佢話當時買二送一，好鬼抵，所以醒一盒我試，真喺多謝晒先。

Honey Creme：甜酒遇著韓乳

雖然天氣開始轉冷，但天寒地凍食雪糕，又別有一番滋味。今晚，趁收工過嚟Honey Creme再嚐蜂巢雪糕，咁有興緻皆因推出秋冬限定新口味：百利甜酒 x 韓國牛乳軟雪糕，自不然貪新鮮，一試「酒後」嘅蜂巢雪糕。

醉串 Skewed：得串進呎

幾個月前，同朋友嚟過「醉串」，試咗多款串燒，如：串燒五花腩、燒雞軟骨、燒羊架 、燒牛舌、燒鱔串、燒牛油粟米……等等，三幾個老友吃吃喝喝，談談飲食，「醉」緊要啱玩。今次再訪，喺因為見佢推出咗個熱辣辣嘅火鍋，唔使主食淨得串燒一瓣，讓人貪心啲，得吋進呎，又串燒，又火鍋。

美心西餅 Maxim's Cake Shop：魔雪水晶世界聖誕新口味

時至今日，已經有成年多，Frozen「魔雪奇緣」仍然吹得咁熾熱，周邊商品仍然不停大賣。美心西餅亦趁依股熱潮跟迪士尼合作，推出咗一系列以「魔雪奇緣」為主題嘅蛋糕及甜品，相信又有唔少小朋友嚷著叫嗲哋媽咪買嚟食呀！

大班樓 The Chairman：中菜精英班

我依啲打工仔，每個月就望月尾出糧，每日就望夠鐘收工，當然，唔少得望住個鐘等食晏。雖然晌中環返工，但都甚少寫中環食晏嘅食評，皆因小弟公司唯一最直接嘅福利就喺包伙食，今時今日而言，都算少有，所以，年中幫小弟慳番唔少，等我間唔時有點閒錢可以食好啲。就好似今次，晌廣州拼搏嘅老友回港辦點事，就相約一行3人到專做高質粵菜嘅「大班樓」食餐好嘅。

Pacific Coffee Company：好友狂嚐曲（廿五）

時近聖誕，收到唔少食友送贈嘅小禮物，當中唔少仲喺曲奇嚟，啱晒啦，又可以延續吓小弟嘅曲奇食評系列「好友狂嚐曲」，先同大家分享Pacific Coffee嘅朱古力杏仁曲奇。

藍海洋美食廣場 Ocean Blue Food Court：不值一洋

雖然居住香港幾十年，其實好多地方都未曾去過，就好似今日入到嚟嘅科學園，就喺小弟嘅第一次踏足，以往，都只不過喺坐車路過。點解今次入咗嚟，因為老婆教會搞咗個科學園半日遊，其實，主要喺入去科學園個美食廣場「Ocean Blue」食餐自助午餐，兼順道遊一轉科學園。

緣來素食 Destine Vegetarian Restaurant：秋山之行（三）：緣來，又幾好食！

由元朗行到過嚟屯門，晌屯門Lab Made小休兼食分子雪糕，逛咗陣屯門再搭番西鐵落元朗食飯，點解要專誠過嚟食晚飯，皆因老婆嘅同事介紹佢一間素食店：「緣來素食」，反正買咗張西鐵全日通，點搭都得。

奇華餅家 Kee Wah Bakery：秋山之行（二）：順道手信

行完山，又晌Lab Made食完分子雪糕，正離開屯門市廣場1期之際路經奇華，就順道打個白鴿轉，睇睇有咩零食、餅食之類可以買嚟送俾啲朋友。以賣唐餅起家嘅奇華，時至今日，啲產品已經好多元化，經常推陳出新，覺得佢喺間幾成功嘅本地餅家、本地品牌。

Lab Made 分子雪糕專門店：秋山之行（一）：薯薯粟粟

入秋喺行山好季節，繼十月初倒行麥理浩徑，即喺晌麥理浩徑第10段由尾倒番轉行，今趟就再接再厲嚟新界西北再行過，因為住近西鐵入嚟依邊超方便。依次目標喺元朗大棠嘅楓香林，仲打算玩足全日，所以，中午由元朗大棠開始，經大欖自然教育徑，回走麥理浩第10段過屯門，因為天朗氣清，舒服怡人，行得爽啲。山徑出口位就喺屯門市中心，對住屯門市廣場，辛苦大半日，慰勞吓自己之餘，更順便補充一吓糖份，貪得意嚟到Lab Made，又睇吓有咩新意！

RBTea：不落俗兔

已有一段日子無嚟太子依區，今晚收工後同老婆嚟到RBTea食晚餐，事緣都喺朋友所贈嘅折扣劵，就快到期，用得唔好嘥啫。

泰園：泰菜．刺身．新泰度

做飲食，區區都喺個戰場，好似泰菜館，晌飲食網站查一查，單單一個細細哋嘅尖沙咀區就有成30多間，雖話有本地客，又有遊客，但競爭應該依然劇烈。為慳成本，唔少餐廳都上晒樓，今晚嚟到新開無耐嘅「泰園」，唔止上樓，嚐泰菜要有個新態度，因為泰菜館仲有刺身食，的確少有。

喜利餅店 Hei Lee Cakes Shop：好友狂嚐曲（廿四）

香港唔少地區，都仲存在著一啲港式麵包鋪，前鋪後工場，無靚面門，逼逼窄窄，港式麵包、蛋撻、雞批、曲奇、酥餅……等等擺到一鋪都喺，「喜利餅店」就喺其中之一，瑟縮上環禧利街小巷一角。朋友送上一小包「提子曲奇」，就喺「喜利餅店」嘅出品。

Foxtail & Broomcorn：味遊亞洲‧玲瓏8麵

麵食之大，真喺無處不在，唔好講話全世界，單單亞洲區，每個國家、每個城市都有其本土特色麵食。想一次過試到多款亞洲地區嘅麵食，又唔一定要環遊亞洲嘅，最近到訪上環嘅Foxtail & Broomcorn，就喺主打亞洲麵食，揉合傳統與新派，注入一啲創意，務求讓人對麵食有新體驗。

奇華餅家 Kee Wah Bakery：非常腸粉

一踏入秋冬季，火鍋以外，另一香港地道名物就喺煲仔飯。其實依家一年四季都可以食到煲仔飯，而所有臘味產品，無論臘鴨、臘肉定臘腸，都無分季節有得供應，不過，食嘢有時又要講意境，晌冬天食煲仔飯就寧捨滋味，咁！今個冬季，你又食咗煲仔飯未？奇華作為本地老餅家，亦賣咁多傳統食品，又點會無臘腸、膶腸嘅蹤影吖。

ICE POP 分子雪糕專門店：飯後嚐甜

上次嚟Ice Pop試過佢哋兩款蛋糕：香芒天使、檸檬蛋糕，味道不俗，用料都好足。今次趁中午同朋友晌附近飯聚完，算喺路經此地，走入嚟嚐嚐甜，談談天。

江戶日本料理 Edo Japanese Restaurant：江柔並重

日本菜一向好受香港人歡迎，無論壽司、刺身、放題、串燒、拉麵、鐵板燒、日式西餐廳，甚至高檔嘅懷石料理，若非質素有問題，依樣大有捧場客，皆因大家都認為日本菜製作向來認真。其實，睇師傅做菜都喺一種享受，尤其握壽司，切刺身，做鐵板燒，觀能享受特別多，個人覺得壽司、刺身做法講求柔和，鐵板燒成日叮叮噹噹，有股剛勁。今午跟朋友嚟到由濠江轉戰到香江嘅「江戶日本理料」試菜，一試多款懷石料理及特色菜，可謂剛柔並重。

甜入心 Heart's Dessert：甜心推介

同啲舊同事入到嚟沙田食飯聚舊，話題總離唔開飲飲食食嘅，其實，對依區真喺唔太認識，問我有咩好食，真失禮，所知有限。不過，傾談間講到食甜品，就想起早前去過深水埗嘅「甜入心」，記得好似沙田都有分店，由於食過知底蘊，可以放心推介比朋友一試。

粵軒 Yuet Hin：友情一線軒

本來約咗幾個舊同事到大圍嘅楓林小館食晚飯，去到至知停電，唔知搞幾時先有番電，通知都無一聲，掃興之餘，搞到大家一齊摸門釘。匆匆轉場，好彩其中一個朋友都熟大圍，即時改去後街嘅「粵軒」，幸而時間尚早，唔使等位。

Eighteen Sharp：15．18

小弟後生個年代，好流行有種猜枚叫「十五二十」，依家應該無乜人會玩，後生一輩應該都唔知喺乜，其實好佩服諗猜枚玩法啲人，好多都唔使咩道具就玩到，好似「黑芝麻、白芝麻」咁。過往，小弟都有幸出席過「開飯喇」嘅開年飯聚，通常都會晌農曆年過後設宴款待一眾殿堂 / 資深會員，但今年就搞得好似猜枚咁即興，年尾突然收到邀請，距聚會日都唔夠兩個禮拜。原來，喺因為想就番「開飯喇」嘅「15」週年生日日子，選址喺由瑞士鐘錶品牌Franck Muller開設之新派中菜館「Eighteen Sharp」。

素食‧分子 InnoVeggie：心中有素

對於飲食，自己無乜太多規限，不過，數數手指計一計，近依年真喺多咗食素嘅機會，舅母喺食齋之人，太太有「綠色星期一」嘅習慣，身邊亦有啲素食朋友。這晚走到嚟北角嘅「素食‧分子」，跟三幾個好友一齊食素，雖然未有打算成為一個全素食者，但食素嘅好處當然心中有數。

樂天皇朝 Paradise Dynasty：自甘墮樂

之前樂天皇朝推廣緊個新加坡風味菜，話做到10月尾，但原來依家都仲有做，而且仲做到年底，而八色小籠包依然為人所津津樂道，所以，好易讓人自甘墮「樂」。為免等位，早啲到就最實際，閒日7:00pm前時段嚟，多數都唔需要點等。

肉骨皇 Bak Kut King：躍躍肉試

馬來西亞、新加坡，聽好多人講去幾日玩吓就夠，不過，唔知何解，都幾鍾意依兩處地方，前後每個地方都去過兩次，都仲未厭，就好似年初去咗9日大馬自由行（檳城、浮羅交怡、馬六甲、吉隆坡），被人話去9日咁多，我反而答話唔夠玩喎。可能鍾意佢個環境，亦鍾意佢哋啲食物，所以，睇見食友晌「肉骨皇」嘅食評，就搞到我都躍躍欲試。

2/3 Dolci：溫馨歡渡，共嚐甜蜜！

聖誕將至，又喺商家、食肆各出奇謀嘅日子，當然，唔少甜品店都會乘時推出應節蛋糕或甜品，近日就得知2/3 Dolci又推出咗幾款聖誕蛋糕嚟應節，有個裝，亦有件裝，更有唔少其他聖誕相關嘅產品。小弟工作地點跟中環店咁近，無理由錯過架！

Blesscuit Bakery：好友狂嚐曲（廿三）

小弟寫食文作標題好鍾意玩吓食字，純粹貪過癮，雖唔算作得出色，但偶有佳作咁啦。第一次聽到Blesscuit個名就覺得好有心思，一間賣曲奇嘅小店，希望藉曲奇將祝福送上，Bless + Biscuit，喺咪好有意思呢！托食友福，又贈小弟一小盒曲奇，完全感受到佢嘅祝福。

GastroBox：海鮮遇上英倫情調

有時候，食飯唔一定要有個好環境，尤其趕時間，隨意一餐；但有時候，一個富情調嘅環境，令人不單坐得舒適合意，心情輕省，用餐亦會食得暢懷啲。今夜走進富情調嘅Gastrobox，跟朋友共晉晚餐，暢談飲食心得，何其樂事！

東海堂 Arome Bakery：拼圖小蛋糕

晌油麻地「泰閣」泰菜館同導師食餐飯餞行，一行8人臨尾只點咗一客細嘅泰式甜品拼盤，夠唔夠食？當然唔夠啦，但皆因一早預備咗個小蛋糕，當甜點之餘，順道為佢慶生嘛。小蛋糕嚟自東海堂跟miffy合作嘅出品：miffy迷你拼圖樂園朱古力蛋糕，定價$110，但實質長期8折優惠價賣$88。

泰閣 Koon Thai Cuisine：嶄露頭閣

導師從肯雅返嚟述職，匆匆又要回去，所以，一班朋友趁佢離開前一個星期，設席餞行，並順道幫佢慶生。就佢方便，就選上佢家附近嘅「泰閣」，其實，對其他人都一樣方便，因為餐廳就晌油麻地港鐵站傍，近在咫尺。

Secret Ingredient：感恩火雞煮意

煮嘢食話難唔難，話易唔易，不過，如果有人為你預備好晒食材，洗、切、量、醃乜都搞掂好晒，按部就班，新手絕對可以大顯身手呀！舊年中就試過Secret Ingredient嘅網上食材，由餐湯、沙律、主菜到甜品，由小弟一手包辦，老婆都讚有高級西餐廳水準喎。今年再接再厲，得店方贊助試煮佢哋為感恩節特別推出嘅火雞卷，另外，再自行購買多一份餐湯及沙律，同家人晌週六提早渡過感恩節，以示多謝一路嚟嘅照顧。

美心西餅 Maxim's Cake Shop：鬼馬生動甜品杯

早前經過美心西餅見到佢哋為慶祝Hello Kitty 40週年，特別隆重推出依個獨家嘅Hello Kitty & Sanrio Characters系列蛋糕同甜品，身邊好多親戚嘅細路或朋友都喺佢哋嘅粉絲，睇見都開心死，啱啱就有幸收到公關送嚟一套甜品杯，正好喺親友家作客時一同共享，走進Hello Kitty & Sanrio Characters嘅甜蜜世界。

羅麥記 Law Mark Kee：麥有所值

早前同老婆、表姨甥行完麥理浩徑，第一次嚟大賣懷舊情懷嘅「羅麥記」食晏，知道太古及將軍澳都有分店，但相對唔就腳，屯門店就較順道啲。其實嗰次都志在個懷舊環境，因為好多牆畫、公仔、標誌都伴著小弟一同成長，份外有共鳴，不過，當日樣樣都幾好食，但個滑蛋牛肉煎脆米喺失手之作，所以，只喺可以俾個OK佢，有啲百「麥」一疏。今次同幾個朋友再訪，比起上次就物有所值嘞。

大力棒棒摩登中菜 Bang Bang Modern Chinese Cuisine：摩登蟹粉私房宴

上次同屋企人嚟食飯時，已聽過店主講佢哋除主打摩登中菜外，更有搞吓私房菜，仲趁唔同季節加入時令食材，就好似踏入深秋，大閘蟹喺時令，就以蟹粉入饌，一早約定一班好友，一試「大力棒棒」嘅蟹粉私房宴。

甜入心 Heart's Dessert：優心重重

依個年頭，社會氣氛唔好，公司氣氛又唔好，聽唔少朋友講都想轉轉工，大家都憂心忡忡，好似無咩出路。做朋友嘅，可以做嘅都喺聽你分享，意見就真喺俾唔到，另外，就喺帶你食啲甜品，舒解一下悶氣及鬱結。

黃山美景純玩團 - 第5日

24 Oct, 2014 (Fri) 晴 19-23°C

行程的最後一天，悠閒地吃過早餐後，收拾行李，乘旅巴前往是次旅遊團的最後一個景點「徽州文化博物館」，安排了一個多小時的參觀，其實有些不足夠。

隨後送往黃山屯溪機場，乘坐香港快運12:50pm班次（UO2345）飛返香港，由於是廉航包機，就沒有餐膳安排，故早餐吃得豐富一點。抵港後，再在環亞機場貴賓室吃個「下午茶」才回家。

黃山美景純玩團 - 第4日

23 Oct, 2014 (Thur) 是日天氣：晴 8-16°C（山上） / 20-26°C（山下）

昨天晚上9:00pm已就寢，皆因今早比昨天更早起床，清晨5:00am天還黑漆漆我們整團人由導遊小胡帶領出發前往「北海風景區」的始信峰看日出，回程順道看看連理松、夢筆生花等景點，返回飯店剛好是早餐的時間。

小休過後，就是告別西海飯店的時候，背上簡便行李，遊走北海風景區餘下的景點，個半小時的行程上下山的坡度不大，所以，稱得上輕輕鬆鬆。遷就行程緣故，亦比平常早點吃午飯。然後，前往雲谷車站，乘索道下山，返回黃山市中心。

下午的行程就只有到訪「屯溪老街」購購物，看看手工藝品，而晚上安排了一項自費活動「黃山徽韻秀」，是一項不錯的綜合表演。是夜，又再下榻我們第一晚初來報到的黃山高爾夫酒店，整個行程也近尾聲，可以輕鬆地休息了。

黃山美景純玩團 - 第3日

22 Oct, 2014 (Wed) 是日天氣：晴 6-11°C（山上）

昨夜早早休息，皆因計劃今早凌晨起身，到附近的光明頂看日出。5:30am出發摸黑上頂，但走路不易，因為前一日下過雨，路段濕滑又大霧，其實有點點危險，結果也看到氣勢磅礡的雲海。 

早餐過後，是我們真真正正的第一次遠足黃山，今早這行程簡單點由白雲賓館來往玉屏峰的「玉屏風景區」，來回用了3.5小時，上落坡度不算大，故可以稱得上全程輕鬆的走。 

返回白雲賓館小休，午飯後先到附近的新景點「西海大峽谷」遊走；3:00pm正式跟前山說再見，背上背包出發往後山的駐紮地「西海飯店」，途經順道遊覽多個西海風景區景點，更在丹霞峰看日落，何其寫意。 

西海飯店是山上少有的5星酒店，更是小弟沒有想過的豪華卻不俗氣，晚餐設在酒店內的中餐館，而晚餐亦比預期中豐富。跟昨晚一樣，早一點吃完晚飯，亦早一點休息，準備明早的觀日。

黃山美景純玩團 - 第2日

21 Oct, 2014 (Tue) 是日天氣：陰雨 22-23°C（山下） / 8-12°C（山上）

第一晚及最後一晚所住的酒店均是「黃山高爾夫酒店」，因為我們將會在黃山山上住兩晚，山上基本上是沒有交通工具，無法攜帶大型托運行李，所以，全部大型行李都會寄存於酒店內，加上我們需要陡步由前山行往後山，故上山只會攜帶輕便隨身行李及基本衣物作兩日之用。

今早早餐吃得有點趕，因為8:00am就要在大堂集合，出發前往黟縣（音：衣）宏村，是奧斯卡獲獎電影「臥虎藏龍」的主要拍攝地之一，因而聞名中外，其實亦是一個很有意境的古村落，唯可惜是日下雨，影響了行程。

午餐於宏村內一個古宅吃地道風味午飯，之後續遊宏村。12:45pm離開，向黃山風景區進發，會先乘坐約10分鐘的索道至半山，才再陡步前往目的地「黃山白雲賓館」。由於天雨下過不停，山間雲霧十分大，實際上看不到任何風景，基本上是直接往賓館去，約1.5小時的步程，故比原定早了很多到達賓館。

天氣太差，亦看不成日落，晚餐亦安排得早一點，5:30pm就在酒店的中餐廳吃過就算了，同時，趁此早點休息，好讓明早清晨上光明頂看日出。

黃山美景純玩團 - 第1日

20 Oct, 2014 (Mon) 晴 28℃-30℃

很久沒有跟旅行團了，趁着年輕力壯很想到黃山走走，所以，到黃山自由行似乎感覺安排上有點麻煩，所以，跟團是最便捷的，而且，現在好些旅行社包機直接前往黃山屯溪機場，不用在杭州往返，省卻6小時車程，時間更充裕，玩得更輕鬆。 

5天的旅程，登黃山固然是「戲肉」，所以，揀團時我們就選了住在前後山各一晚的行程，務求更深入細緻欣賞黃山美景，更寧願繳付高一點團費選擇純玩不購物的團，此外，還遊覽了在屯溪及宏村的多個景點，大致行程如下：
Day 1 – 早上10:00am航班，12:00pm就抵達黃山屯溪，午餐包廂享用徽州風情宴，是日主要景點有棠樾牌坊群、鮑家花園、徽洲照壁；
Day 2 – 早上，先遊覽宏村，下午就開始登黃山，然而，是先乘索道至半山才開始步行，進入白雲景區； 

Day 3 – 清晨在光明頂看日出，早餐後往前山玉屏峰，途經多過景點，午飯後到西海景區，之後前往後山去，在丹霞峰賞日落；

Day 4 – 清晨到始信峰看日出，早餐後向北海景區進發，途經多過景點，午飯往雲谷車站乘索道下山，下午還到了屯溪老街走走，晚上自費欣賞表演「徽韻」；

Day 5 – 是日行程，只安排了參觀徽州文化博物館，之後，再到機場準備乘12:50pm包機回香港，結束是次旅程。 

因為選了住兩晚山的團，所以，要登山的路程可不少，最長的一天可走了6、7個小時，但比預期輕鬆，一來與太太有遠足的習慣，二來分段而行。另外，為保持黃山為世界自然與文化雙遺產，山上很多事情是禁止的，避免出現破壞，還擔心食住也不好，誰知兩方面也十分滿意。

是次團費為HK$4,199 / 位，另加機場稅、燃油附加費、旅行團小費、自費項目、雜項，最後結帳兩人全程合共只用了HK$11,862，是一趟使費不太高的旅程。 

薈萃閣 ip cafe：萃月友情

去酒店嘅西餐廳都唔一定喺食自助餐嘅，其實，好多酒店內嘅餐廳除提供自助餐，一般都會有散點菜式，以迎合唔同住客需要，加上絕大多數酒店有送餐上房嘅服務，「散點」就更加不可或缺。今晚，又同幾位好姊妹嚟到薈萃閣聚餐，由於同行朋友本身對自助餐非抱有大興趣，亦唔喺大食之人，散叫勝在貴精不貴多，所以，一於散叫最啱佢哋。