Yadllie Plate：高壓手段

小弟早前去完北海道，表哥就啱啱到訪大阪，所以，就約埋一齊食餐飯，兼交流吓旅遊體驗，話晒佢一家人第一次自由行，都應該會有好多體會。不過，講到體會，原來韓式炸雞佢都喺第一之次食，真喺有啲估唔到，佢話就算嗰時去韓國旅行，因跟團關係都未有試。揀嚟Yadllie都喺睇到雜誌嘅介紹，炸雞既唔用粉漿，而喺薄薄沾上一層炸粉去炸，又由韓國引入高壓炸爐，先後炸兩次，逼出多餘油份，所以，幾好奇個口感喺點。平常講高壓手段都喺啲衰嘢，又睇睇今回嘅「高壓」手段所做出嘅炸雞又會喺點！

The Americano：美式．美色誘惑

香港依家仲有好多工廠區，荔枝角算喺其中一個較大規模嘅工廠區，想當年，小弟都晌依區做過唔少暑期工架。眾所周知，依家嚟工廠區，已經成為搵好嘢食嘅地方。最近，所認識嘅餐廳店主晌億利工業中心開咗間姊妹店，同樣賣美式美食，所以，趁周六走過嚟捧捧場，支持吓。

Palette：美味調色板

六折嘅吸引力確喺幾大，雖然，知道都喺啲商業策略，但折咗計番實價，$350一個自助晚餐，仲要喺晌間4星酒店，依個時勢真喺唔多，唯一喺位置被人感覺吊腳，其實識行，港鐵紅磡站行過嚟都只喺10-15分鐘，遲啲有埋港鐵黃埔站、土瓜灣站仲方便。

Kowloon East Kitchen：再廠東九

去工廠大廈搵食已經唔喺咩新鮮事，不過，所認識嘅親友中都仲有唔少人喺未去過依一類帶少少神秘感嘅餐廳，所以，兩年前曾到訪過Kowloon East，記得環境唔錯，食物做得有水準，故一行3人到訪，再次睇睇佢哋嘅水準有無跌。

Rojo：小食多滋味

西班牙菜晌香港唔算好大熱，但保持住一定人氣，始終，西班牙菜本身都頗有特色，尤其佢哋嘅西班牙小食（Tapas），可以講喺好多人認識西班牙菜嘅入門。最近晌雜誌睇到西班牙餐廳Rojo新推出個龍蝦西班牙海鮮飯非常吸引，今晚就同幾個月無見嘅朋友嚟到天后會一會佢。

老夫子餐館 OMQ Diningroom：老掠民心

從60年代開始，當時資訊無咁發達，睇漫畫喺嗰時幾多細路仔嘅樂趣，講到本土創作嘅漫畫，生於60、70、80年代嘅人，相信無乜邊個唔識「老夫子」，稱為絕大部份香港人嘅集體回憶，應該都無乜人敢反對。但咁代表性嘅漫畫人物，到今時今日先有其主題餐廳，雖然嚟得晚咗，但依然引起好多人「潮聖」嘅興趣。

Express Bar by Lassana：美味速遞

認識Express Bar by Lassana始於3年前參加過佢哋所搞嘅咖啡拉花班，唔單只教你基本拉花技巧，更講述唔少咖啡嘅知識，非常有趣。不過，間鋪位置對小弟嚟講好吊腳，而且，開放時間都淨喺針對寫字樓客，6:00pm就收鋪，星期六、日又休息，所以，都未曾正式幫襯過。依家卒之開到過嚟金鐘，雖然都喺開星期一至五，但可以過嚟食餐晏。

Cafe Charm's：卷土重來

因為機緣之下認識咗店主，同佢傾飲食、做菜、整甜品都好啱咀形，所以，佢久唔久出咗新產品都會話聲我知，遇正啱心水嘅出品都會過嚟支持吓，俾俾個人愚見。其實，店內已有賣好幾款甜點，如心太軟、窩夫，聽佢講想專攻多少少蛋糕類甜點，最近就新出咗幾款卷蛋，所以，同親友過嚟試試。

松 Matsu Japanese Restaurant & Bar：松心所欲

啱啱過去嘅六月尾、七月初，去咗一趟北海道花田半自由行10日遊，當然，食咗唔少海鮮、刺身、蟹腳、壽司……等等美食啦，玩亦玩得開心。行程嘅第二日就喺到訪札幌市嘅二条市場，更晌市場內嘅「どんぶり茶屋」以海鮮丼作為早午餐，至今，仲好懷念其美味。早前，晌報紙見到「松」嘅介紹，仲話喺藝人馬德鐘開，啲藝人為打響名堂，相信會落足料、俾足心機去做，故值搏率高，所以，從心所欲嚟到食餐晏，再嚐嚐海鮮丼嘅滋味。

Owl's Choux.Gelato.Coffee：時勢造鷹雄

兩個月前到棉登徑嘅One Minden Tapas Kitchen食飯時，因為為咗食個素西班牙飯，所以，嗰餐都食得頗飽，最後，當然甜品都食唔落啦。不過，晌離開時，偶然發現走番出麽地道嘅街角，見到有家新開嘅泡芙店（當時認為喺泡芙），將泡芙夾雪糕，幾有點子，搵日過開嚟尖沙咀時會再到訪。是日下午，趁出開嚟，就同老婆齊齊到此嘆個下午茶。

九記打冷.小菜.粉麵 Nine Kee Chiu Chow Restaurant：歷九嚐新

今日午餐想食得簡單啲，行到漆咸道，偶然發現九記打冷，因為之前經過都仲見圍晒板裝修緊，應該新開無耐，睇門面你都見佢好新簇。雖然身為「架己冷」，但未返過鄉下，除粗口嗰句（聽長輩講得多），其他一句「潮」語都唔識。不過，個人都幾鍾意食潮州菜，尤其滷水嘢。

至尊滿屋日本料理 Supreme Manya Japanese Restaurant：抛尊引玉．大嘆放題

日本嘢久唔久都有食吓，其實，都幾鍾意同啲朋友一齊食放題，因為一個固定價錢任食有數圍，但比起食自助餐又平一截，食物選擇亦唔少，想食乜就點乜，各有所好，唯一喺漏單、時間緊嘅負面問題。但睇番近一年嘅食評，原來好耐無食過放題，對上一次已經喺舊年年尾嘅事，所以，拋出食放題嘅提議，實行大擦一場。

Hungry Korean：餓底求快脆

一向都唔覺得自己喺食家，皆因對飲食嘅見識都好有限，更連香港依個彈丸之地都仲有好多地方未食勻，就好次今餐匆匆食晏嘅沙田連城廣場，雖然就喺地鐵上蓋，但都喺因為嚟聽啲旅遊講座先到此商場。上到1樓嘅美食坊，間間餐廳都人頭湧湧，結果揀Hungry Korean，相對門口無乜人排，客流亦似乎快上快落啲。

RBTea：傾心兔意

香港生活節奏快，做乜嘢都匆匆趕趕，好似打仗咁，有時你想慢啲都會因環境而被逼加快步伐，實在，有時需要學懂點樣悠然‧慢活，讓心情得放鬆及保持平衡。雖然銅鑼灣喺旺區中嘅旺區，但一樣可以搵到啲「城市綠洲」歇一歇，就好似今晚同表姨甥女嚟到金百利嘅RBTea，輕輕鬆鬆食吓甜點，慢活一下。