Cafe 1950歐陸餐廳：歐陸小農舍包羅萬有多國菜

自從搬咗去美孚住，又近西鐵站，入去元朗、屯門…等地搵食嘢稍為多咗，因為一條西鐵真喺帶嚟好多方便，比起去港島東相對仲要近哩！就算今晚難得掹車邊同幾位食友入到屯門安定邨嘅Cafe 1950搵食，食完坐返巴士60X一程過出返美孚，都唔使半個鐘，估唔到可以咁「快趣」。

美珍香 Bee Chang Hiang：重口味肉乾月

之前舅仔醒咗個奇華出品嘅「珠姐XO醬金華火腿月」，估唔到有個朋友又醒咗另一款重口味嘅月餅俾小弟，就喺美珍香嘅「肉乾月餅」，肉乾月餅？印象中應該第一次試喇。

北京人家 House of Beijing：北京不覺

晌荃灣荃新天地嘅北京人家都唔喺第一次到訪，曾經嚟過幫襯晚市，慶祝老婆生日，不過都已經喺幾年前嘅事。嗰次嘅感覺喺菜名特別，但味道普通，定性為平淡嘅一餐，今次與另一對教會夫婦再訪，無乜特別原因，只喺貪其環境好，適合慢慢傾，慢慢食。

味千拉麵 Ajisen Ramen：全盛拉麵

繼上次因為有信用卡推廣所贈嘅現金券嚟食咗餐晏仔之後，今次再幫襯荃灣味千已事隔大半年嘞。老婆話想食吓拉麵，原本打算去拉麵台風，不過唔知點解好多人，無打算食嘅時候經過見佢就唔多人，依家想試佢嘅時候就人咁多，我哋一向食嘢都隨而遇安，亦唔想等位嘥時間，所以就去咗近近哋味千，反正佢都無乜要求，都喺一餐晏仔啫。

稻坊 Tao Square：坊失失早午茶

通常星期六同家人飲早茶（其實早午餐一餐過）多數晌萬事達廣場間百樂門，因為近所住屋苑多啲，而走到過嚟曼克頓山嘅稻坊，就真喺一時興起。而且，依家都越嚟越少幫襯稻香系嘅食肆，因為，質素上有點點每況愈下嘅感覺，不過，又未至於太差。

中央飯店 Central Restaurant：改投中央

香港租金貴人所共知，舊式酒家、飯店可謂買少見少，當然，晌部份舊區都仲有一啲「珍藏」，「中央飯店」就喺其中一家，瑟縮於深水埗大埔道舊式商住大廈裡面，單睇門面就知佢有幾老香港味道。所以，趁細妹生日，就一於懷舊吓，食慶生飯，雖然已搬離依區快近10年，話晒都喺度由小學讀到中學，老父、細佬妹、親戚都仲住晌依區，偶爾都走過嚟行吓，對深水埗都頗有感情架！

華御結 Hana-musubi：御結不同

之前已從食友口中聽過對華御結嘅讚賞，咩叫「御結」，咪就喺飯糰囉！平時甚少食飯糰，就算食日本菜亦只喺好偶爾先點份燒飯糰試試，對飯糰嘅認識好皮毛，難得佢搞個試食會，更有創辦人西田宗先生親身解說，變得唔喺單單一個試食會，更喺一個文化學習，認識飯糰嘅分享會，令小弟對「御結」更感到與別不同，點止一舊飯咁簡單！

奇華餅家 Kee Wah Bakery：奇突嘩嘩聲嘅XO醬金華火腿月

舅仔知小弟乜都鍾意試，雖然過咗中秋，都晌女友嗰邊照拎嚟一個奇華出品嘅「珠姐XO醬金華火腿月」醒俾我，讓我有機會試到依款咁奇突，試完「嘩嘩聲」心諗咁都得嘅產品。其實，邊個喺「珠姐」呢？啊，從官網得知，原來喺奇華餅家創辦人黃業榮先生嘅長女黃碧珠，而且仲一早以佢為名，出咗隻「珠姐XO醬」，以瑤柱、金華火腿、優質蝦米、蝦米子等上乘食材嘅精心傑作，集鮮、香、濃多層次，富口感嘅味道。真喺算小弟見識少，都唔知個XO醬咁大有來頭。

85℃：創意大Ｃ

繼早前拎住啲COCO嘅蛋糕上到老友家中小敘，我出蛋糕佢出啡，輕鬆閒聊咗一個下午。由於老友話上次打奶泡出咗啲問題，沖嘅咖啡未如理想，所以，再接再厲，兼且晌佢屋企附近嘅85℃買嚟麵包及蛋糕，又再一齊嘆嘆下午茶。嚟自台灣嘅85℃，唔經唔覺都晌香港、九龍開咗好幾間分店，整體嚟講好評多過劣評，據講用料高質、配搭創意，故此，相信質素都有一定水平！

正牌車厘哥夫：聯朋結糖（二）

點解有包紐結糖食，都喺為食嘅食友所贈，去完澳門，就晌氹仔買嚟依小包紐結糖俾我。因為先後收到好幾包嚟自唔同店舖嘅紐結糖，所以就一次過寫晒4篇食評，名為「聯朋結糖」（一）、（二）、（三）、（四），唔喺要做咩比較，只喺藉文多謝食友一番心意啫。之前已從另一食友收到一包「老牌」車厘哥夫嘅低糖紐結糖，正當以為又收到同樣手信之時，發覺店名有頗大分別，包裝袋上寫住「正牌」車厘哥夫，仲要標明「凌師傅首創」，有埋佢張嘜頭相。

德興酒家 Tack Hsin Restaurant：無要求、只想平，德興幫到你！

晌中國人社會中，一年裡面有幾個日子都做做節食番餐，冬至、團年就唔在講，仲有端午、中秋，又或老人家搞壽宴……等等，都會相約圍內親友一聚。因為大部份親友都家住深水埗區，食邊間佢哋就最無乜意見，就腳、經濟實惠就可以，故此好多時都會嚟黃金中心嘅德興，無要求、只想平，就喺咁簡單。

向來都甚少傷腦筋諗食乜，都喺例點全包宴，每圍全包價$1,660（星期五、六、日、假期及其前夕），包茶芥、加一、啤酒兩樽、果汁兩渣，我哋一圍多過12人，都無額外多收茶錢。如果星期一至四仲抵，每圍都喺全包價$1,330。順帶一提，每逢過節嚟食飯，啲枱櫈照例拍到逼一逼，只可以講相熟嘅部長晌服務上搭夠。

印度皇Basmati：印印腳嘆自助印度餐

早前同老婆去過西環嘅深井咖喱寶食印度菜，無論食物、環境、價錢都好對辦，尤其嗰杯芒果酸奶（Mango Lassi），真喺一試難忘。事隔數月，嚟到同系嘅姊妹店「印度皇」，跟朋友一齊食番個自助午餐，再次品嚐正宗印度菜，算喺返工日子食晏嘅好享受。

蘇浙滙 Jardin De Jade：再嚐廣式．金月滿堂

叨老細光，有幸試過米芝蓮一星蘇浙匯嘅酥凈月（蘇式禮盒），估唔到再有機會試埋蘇浙匯另一款嘅廣式月餅「金月滿堂」（$308元 / 盒），多得老細相贈。依款月餅禮盒絕對喺送禮大體之選，因為單講包裝已很有心思，餅盒本身先以綠橙菊花圖案花巾包裹，古色古香。

Moon Thai：月滿泰誘人

港鐵嘅港島西延線明年底就會通車，不過，上環、西環等地已一早逐漸變天，好似依家已有唔少品牌酒店進駐，較新一員喺上環蘇杭街尾嘅香港蘇豪智選假日酒店。酒店跟飲食喺分唔開嘅話題，要介紹嘅喺晌酒店內開業無耐嘅Moon Thai，有幸獲邀到來試試其出品，所以就拉埋老婆同兩個舊同事一齊嚟陪吓小弟，其實喺想試多啲嘢就真。

泰昌餅家 Tai Cheong Bakery：泰昌都有馬卡龍？同名唔同性嘅法式杏仁餅！

馬卡龍（macaron）喺法式經典甜點之一，由於佢以蛋白、糖粉及杏仁粉製成，所以又有另一個意譯嘅名稱「法式杏仁餅」，早前得食友所贈一包「法式杏仁餅」，不過唔喺邊間法式餅店出，而喺嚟自「泰昌」，只喺同名唔同性（特性）嘅餅食出品。

agnès b. DÉLICES：好友狂嚐曲（七）

中秋期間，試過agnès b. DÉLICES 嘅「朱古力月餅」，最後嘅評語喺有質素，有心思，絕對喺高水準嘅朱古力，所以，今次獲老死所贈agnès b. DÉLICES嘅夏威夷果仁巧克力餅乾（Chocolate Macadamia Nut Cookie），著實幾期待。

Express Bar by Lassana ：拉花？我都拉得吓！

曾經試過Spade by Lassana嘅出品，亦從飲食雜誌睇過佢背後掌管咖啡主腦人嘅訪問，所以，今次獲邀參加佢搞嘅拉花班，心裡著實非常高興，地點就晌位處觀塘另一姊妹店「Express Bar by Lassana」，雖然位置有啲吊腳，但跟大師學嘢，再遠啲都無所謂啦！

鴻星海鮮酒家 Super Star Seafood Restaurant：玩嘢動物點心

「鴻星」晌小弟心目中一向喺間飲茶、食飯都頗貴嘅酒家，不過，素質唔錯，而且，佢嘅動物創意點心就一直好深刻印象。由於今次茶友嘅組合包括好幾個家庭，有兩個好細個嘅小朋友，所以，負責嘅搞手就揀咗嚟鴻星飲茶。

Rachel's Cookie：好友狂嚐曲（六）

早前得蒙唔同食友送贈嘅曲奇，品嚐到唔同店家嘅出品，有嚟自咖啡店、麵包店、餅店、有本土製作、亦有外國直送，所以寫咗一系列「好友狂嚐曲」食評。今次，又得食友相贈嘅，喺本土製作嘅Rachel's Cookie，一共3家分店，港、九、新界各一家，而九龍店位處尖沙咀重慶站，依區亦喺小弟多出沒嘅地方，所以，事後都專燈走過嚟「參觀」一下，睇睇有咩產品，好等小弟送啲小心意俾人時有多個選擇。

御膳 Imperial：樂膳好私「房菜」

甚少到廠廈搵食，無咩特別原因。但從飲食雜誌所知，晌政府仲未能夠好活化到啲廠廈，轉數快嘅香港人晌多年前已紛紛進註廠廈搞食肆，更有唔少名廚晌唔同區域插旗，可謂雨後春筍、百花齊放。其實香港鋪租貴喺人所共知嘅事實，鋪租嘅加幅可以用誇張嚟形容，尤其旺區地鋪，根本貴租得唔合理。不過，隨著食肆「入廠」，相宜嘅租金可令餸菜定價更有競爭力，亦喺吸引客人光顧嘅優勢。觀塘廠廈多，唔少搞入廠食肆嘅熱選區域，今晚走到觀塘工廈林立嘅敬業街，一幢廠廈內嘅「御膳」，有幸嘆一嘆中式私房巧手料理，都喺多得食友邀請，俾個機會小弟掹車邊同往試菜！

望月 Wang Yue：嚐樂團圓‧獨家心意

今年真喺幾有食月餅運，首先被「開飯喇」搵咗先試唔同餅店或酒家所出嘅水果月餅，之後食友、同事、老婆同事又先後送贈咗啲月餅嚟，叨老細光仲有緣一試米芝蓮一星菜館嘅蘇式月餅，甚至「鬼佬」月餅亦有幸一嚐，依個中秋實在大飽口福！當然，又點可以漏寫埋嚟自「開飯喇」嘅中秋獨家賀禮「望月」迷你酥皮奶黃月餅吖。

一盒兩個，獨立包裝。

老牌車厘哥夫：聯朋結糖（一）

繼續又寫吓食友所贈嘅零食小心意，依次嘅零食喺對面大海嘅紐結糖，無獨有偶，前後收到3份紐結糖，兩份喺嚟自澳門（車厘哥夫及正牌車厘哥夫），另一份喺嚟自本土嘅ABC餅屋，再加埋晌屋企附近多多餅店嘅自購，就索性一次過寫晒，分4篇出文，名為聯朋結糖（一）、（二）、（三）、（四），因為都喺識多咗友善嘅食友（聯朋），先至成日有咁多零食（結糖）啫。

阿糊米線 AHU：五色湯底．米線革命

天后已成為另一個尋找美食小區，單單一條短短嘅電氣道（只計天后，唔計北角一截），已有超過50間食肆，咩菜系都有，平有平食，貴有貴食。今晚跟食友嚟到「阿糊米線」，可以話平得嚟又食到好嘢，抵得得嚟又有特色，佢哋幾款主打嘅招牌米線，又確實頗有心思。

綠茵閣 Garden Cafe：綠續有嚟食唔停

北角城市花園酒店嘅綠茵閣，唔喺第一次幫襯，不過，對上一次嚟已經喺2008年年尾嘅事，嗰次喺為咗慶祝太太考試成功大擦一餐，嗰時貪佢平，折咗都喺二百幾蚊一位。不過，時隔5載，今非昔比，依家晌香港一啲旺區，食個自助晚餐，動輒都四、五百啦。雖然綠茵閣閒日星期一至四都要$418，不過，七折後加番一都喺三百幾，計及種類、質素，仍然食得過，況且，Mövenpick及Haagen-Dazs雪糕任食，好此道者大可臨尾翻本囉！

agnès b. DÉLICES：法越悠然甜點薈（下篇）

前文提要吓先，話說老友Ivan兄去完越南旅行，送贈小弟一套越南咖啡套裝做手信，搵個星期六，同朋友搞搞新意，自家製法式悠閒，Paul Lafayet馬卡龍夾agnès b. DÉLICES朱古力，襯越式咖啡，整咗個「高茶甜點薈」，悠悠然嘆一番。上篇就分享咗Paul Lafayet馬卡龍「月餅」，下篇就接住輪到分享agnès b. DÉLICES朱古力月餅。

自家搞作Paul Lafayet馬卡龍夾agnès b. DÉLICES朱古力嘅High Tea

Paul Lafayet：法越悠然甜點薈（上篇）

麵包班同學仔兼老友Ivan兄，啱啱去完越南玩，順道買咗包越南咖啡俾小弟做手信，仲話搵日一齊下午茶試吓自家沖嘅越南咖啡，既然有越式咖啡，咁就不如搵啲法式甜點襯一襯喇！時近中秋，又咁啱，兩大老外法式甜點店都借中秋搶灘，不約而同都有推出「月餅」甜點，咁就不如搵埋幾個朋友嚟個「法越悠然甜點薈」，法式月餅配越式咖啡，搞搞心思自家製「高茶」，悠悠然嘆番下。法式月餅，除咗Paul Lafayet之外，仲有agnès b. DÉLICES嘅「月餅」，後者要另文（下篇）再分享，先跟大家分享喺Paul Lafayet嘅馬卡龍「月餅」。

百樂潮州酒樓 Pak Loh Chiu Chow Restaurant：清潮大頤

「清朝大臣」？標題「清潮大頤」唔喺打錯字，「清酒」+「潮州菜」=「大快朵頤」，真喺未試過清酒配潮州菜，今晚一於大快朵頤，痛快淋漓享受口福之樂，事發地點就晌旺角新世紀嘅百樂。是晚飯局中，認識到數位新朋友，雖然小弟較內歛，唔多發聲，但絕對食得極之開心，除咗品嚐多款既特色，又味美嘅潮州真味之外，因為聽到大家不斷發放笑彈，笑聲不絕，實在愉快！

曼谷泰菜 Bangkok Thai Restaurant：曼有引力

數月前曾同幾位食友嚟曼谷泰菜試食，深覺水準不俗，傳統泰菜做得有板有眼，新創菜式亦有驚喜，難得泰藉廚師功夫紮實，但又唔守舊。之後，有朋友問過食泰菜有無好介紹，當然入九龍城有大把選擇，不過老友想港島區，又想就腳，就再次想起曼谷泰菜。

美心西餅 Maxim's Cake Shop：應涼薄要涼薄，應睇化就要化！

美心作為本地麵包、西餅龍頭，月餅依舊大餅又點會唔谷到盡吖，淨喺兩大明星chilam同陳慧琳做代言人，大賣廣告，地鐵、巴士、報紙、雜誌、電視……無處不在咁滯，已經引發好大宣傳效力，加上「美心」品牌，已經深入民心。同時，睇佢推出嘅月餅產品，都可以話多到無出其右，單以大類別計，已有5個系列：傳統系列、尊貴系列、尊貴奶黃、冰皮系列及卡通系列，真喺大人細路，男女老少，一網打盡，無怪乎一到中秋美心各分店就人頭湧湧。

佳美餐廳 Cafe De Savoy：街尾搵食

小弟晌返工日子一向食晏唔俾錢，原因只不過公司包伙食，甚少出街食晏，但既然老友大佬東難得晌廣州返落嚟公司「述職」，突然打嚟叫我一齊食晏，當然點都要奉陪啦！雖然大家都喺「中環友」，不過一個晌東，一個晌西，就番佢工作位置，揀定嚟「佳美」食晏，然而，我就要由街頭（相對嚟講）行到去街尾，差唔多由中環嘅一邊行到去中環嘅另一邊。

Great Food Hall：心意小批

自從識咗班好姊妹食友，多咗唔少心意小食，次次新款，仲要趟趟啱食，就好似今次所贈嘅金寶紅莓批，出自金鐘Great Food Hall嘅。其實個批細細個，的的骰骰，睇落外貌唔錯，烘得幾平均，色澤金黃。作為下午茶嘅輕食，無論配咖啡或茶，絕對合適。

Jack's Terrazza Ristorante：優材良醬．杰克意菜

早前晌灣仔曼谷泰菜食飯，偶爾見到斜對面樓上食肆有個小陽台，感覺幾別緻，不過當時都喺「霎吓眼」睇睇，未有太刻意細望。再睇睇側邊餐廳個招牌「Jack's Terrazza」，咪好似有一間晌三里屯，事後得知原來舊鋪搬咗過嚟，估唔到事隔兩個月，就有幸嚟到依個「杰克小陽台」嚟試菜，真喺多謝食友嘅引薦。其實，意大利菜一向都喺小弟喜愛嘅菜系之一，今晚仲要美酒配佳餚，實在喺一個愉快嘅晚上。

COCO：精緻、精巧、精品！

去探老友，又點可以兩手空空，既然出開尖沙咀睇展覽，就想起不如嚟位處The Mira酒店大堂內嘅餅店COCO，買幾件凍餅跟老友一齊下午茶，試吓佢啲即磨咖啡，慢慢閒聊。

紅樹林 Red Forrest：一樹無妨

星期日返完教會，因為打算去科學館睇特展，所以過到嚟尖東，時為午飯時間，當然要醫醫肚先啦，心想都只喺填肚就算，所以就好隨意入咗「紅樹林」。