錦益茶樓：「膩」度空間

將來香港會發展北部大都會，今日就嚟咗實地「考察」，哈哈！其實喺跟幾個單車友入嚟踩一轉，由大埔出發，經粉嶺、上水，再過古洞兜個大圈，睇埋「心形湖」，可謂行程豐富。而午飯時間，就晌古洞嘅「錦益茶樓」放飯。

鴻淘士多‧羅太豆花：最佳攤抖「豆」口

死佬中有啲單車熱血狂熱份子，天氣有幾熱都照出車，小弟今日掹車邊跟埋佢哋踩單車，路線由大埔、太和、粉嶺、上水，一直踩到去羅湖，真喺隔條河就上到深圳，仲晌埋大水管度打卡。唔好以為好遠，原來個半鐘左右就搞掂。回程時，老友話點都要到「鴻淘豆品廠」打一打躉，參觀豆品廠？原來，佢哋另設零售，一個價任飲豆漿，任食豆腐花，兼可以抖抖回吓氣。

三和火鍋雞煲：和味雞煲

早前入過東涌搵食，雖然蒲台島先喺香港最南，但東涌（加埋機場）晌我嘅搵食地圖已經喺最南；隔唔夠幾多日，由最南走到最北，嚟到上水食雞煲，地點就喺街坊食堂嘅石湖墟熟食中心，專程捧朋友場。