2015年4月30日星期四

香港地 Hong Kong Day:噓韓問暖

表姨甥女搵到份新工,話過請佢食番餐,太高檔嘅嘢佢唔喺好慣,佢就最鍾意啲茶記,所以想起「香港地」,因為佢走嘅雖然喺茶餐廳路線,但以環境、服務、食物秤起嚟就有菜館嘅水準,仲記得舊年年尾嚟食過嘅 茄汁西蘭花炒蝦球,絕對媲美菜館水平,絕無迤做。

2015年4月28日星期二

御膳 Imperial:載御歸來

朋友搞局,話食私房菜,懶神秘話仲要晌觀塘廠廈裡邊,哈哈,原來喺御膳,即時話佢知小弟曾經到訪過,不過,依然有興趣再訪,因為,佢哋嘅私房菜實在有質素,似乎做出啲成績,有種載譽歸來之勢。今次重臨,門面無晒啲雜誌專訪嘅報導,更有私竇感。

2015年4月25日星期六

譚仔三哥米線:譚何容易

之前晌「重慶麻辣燙」嘅食評都提及過,美孚區打正旗號賣米線嘅就只有「景村雲南米線」及「重慶麻辣燙」兩家,亦預告埋遲啲會有多一家「譚仔三哥米線」,卒之晌4月中開業,形成三雄鼎立。始終「譚仔三哥」晌本地米線界都頗有名氣,所以,開檔初期有唔少街坊嚟幫襯,小弟一向甚少會急着試新店,只喺要食番餐先嚟會一會佢。

2015年4月24日星期五

The Pudding Nouveau:油閒自在

工作做到死,報表做到傻,嚟到快樂星期五,最好食餐勁嘅平衡吓。早輪見人晌大坑嘅The Pudding Nouveau食咗一款油封鴨脾,配窩夫,覺得好新奇,心思思走過嚟試番一次。The Pudding被人印象都喺主要食甜點,例如主打嘅窩夫,芭菲,所以,就算喺星期五晚,7:00嚟到未見人潮。對上一次慕名而嚟已經喺成年前嘅事,今次喺第二次嚟,慕鴨而嚟,當然,都懷念佢嘅甜品。

2015年4月23日星期四

鳴橋燒肉料理 Naru Kyou Yakiniku:棄暗投鳴

早前晌尖沙咀食咗餐好和味嘅日式烤肉,今晚再續「烤肉」之夜,同個死佬朋友嚟到油麻地嘅鳴橋燒肉料理,貪佢近近哋,而且,全包放題,即喺任飲任食,連加一都唔使兩舊水,仲有可以晌Table Map訂枱儲分,又可以下載優惠券賺多一客特大刺身蝦嚟試試,諗落划算嘛。

2015年4月22日星期三

官燕棧 Imperial Bird's Nest:好友狂嚐曲(38)

食咗咁多年曲奇,都知曲奇嘅可塑性高,咩材料都可以跟曲奇混合,不過,印象中,以海味乾貨夾曲奇就應該喺第一次試,多得食友嘅心思,送贈一小盒「官燕棧」自家製作嘅曲奇予小弟。佢賣蔘茸、海味……等等嘢就知啫,原來佢連曲奇都撈埋。

2015年4月20日星期一

八寸料亭 Hassun Japanese Restaurant:輕鬆會席・12料理

大坑,越嚟越多有質素嘅餐廳進註,大多數都喺一啲有個性嘅小鋪,非大集團模式嘅鏈鎖店,今晚同班好姊妹所拜訪嘅八寸料亭,就喺其中之一。主打傳統京都「會席料理」嘅八寸,瑟縮小巷角落,隱蔽得緊要。

BlissHIVE Bakery Café:好友狂嚐曲(37)

食友到大坑覓食,路過BlissHIVE Bakery Café,知小弟有寫開曲奇食評,特意買咗一包曲奇俾小弟,如斯厚愛,實在萬分感謝!

2015年4月16日星期四

Bistro on the Mile:主題玩法新里程

大部份酒店嘅自助餐為咗吸引食客,都會設定一啲主題,然後,晌菜式上就會出現多款主題式美饌,通常供應期大概長達兩至三個月左右。今次再臨Bistro on the Mile,同樣有搞主題,不過玩法唔一樣,喺以一星期7日唔同嘅海鮮做主題,定為「滋味海鮮自助餐七重奏」,都幾有新鮮感。

2015年4月14日星期二

Piccolo Pizzeria & Bar:More笛追魂

上個月中才到訪過西環嘅Piccolo,估唔到咁快再嚟過,不過,就唔喺西環店喇,而喺就大家收工後過嚟灣仔店,好友小聚,再訪「短笛」,又可以大嘆薄餅滋味。

2015年4月13日星期一

咖啡.民館 Coffee Studio:尋夢咖啡館

無論讀報,抑或從朋友口傳,好多開咖啡店嘅店主都喺懷有一個夢嘅年輕人,為夢想達成而付出不少心血,最近,經朋友介紹,認識咗「咖啡.民館」(Coffee Studio)這間咖啡小店。

糖村 Sugar & Sipce:登糖入室

「糖村」喺台灣幾有人氣嘅法式牛軋糖品牌(即喺我哋慣叫開嘅鳥結糖),印象中大概兩年前都收過朋友嘅小禮品,就喺佢嘅原味牛軋糖,不過唔喺晌台灣買返嚟,而喺當時晌尖沙咀重慶站有間「糖妹妹糖」嘅糖果店有入貨轉售。今次,同事則晌銅鑼灣希慎廣場誠品書店嘅「糖村」專櫃買番嚟,可謂掛正名號,台灣直送。

2015年4月11日星期六

咖啡廳 Cafe One:不會重One

對上一次食下午茶自助餐已經喺上年年尾嘅事,唔算隔得好耐,不過,記得曾有段時間都幾迷上食下午茶自助餐,差唔多個個月梗有一次。今日趁過港島區掃墓,順道同老婆嚟銅鑼灣柏寧酒店嘅Café One撐枱腳,嘆番次下午茶自助餐。

2015年4月9日星期四

Tiffani Patisserie:少女蛋撻

食友對小弟蠻有心,經過Tiffani Patisserie推出咗一款「芳妮蛋撻」,趁晚上飯聚都「專登」送上兩件俾小弟帶點家,同老婆好好分享依份宵夜。咁究竟「芳妮」喺乜水?Tiffani Patisserie可以話喺Fullhouse Signature嘅姊妹店,餐廳以一個一家四口(Thomas爸爸、Tracy媽媽、Tiffani姐姐及Tony弟弟)家庭為主題,Tiffani Patisserie好明顯就喺搵咗家姐做生招牌。

圓山台灣料理 Grand Hill Taiwanese Restaurant:左右逢圓

成日都聽到朋友講話過台灣玩,仲要一年梗會過幾次,而小弟近十年嚟,都只喺去過寶島3次,第一次2007跟團齋去台北,超悶唔好玩;第二次2010自由行去台南高雄墾丁,雖然遇着打風,但玩得好開心;第三次2013自由行到台北跟宜蘭,喺一次寫意開心之旅。對台灣,印象唔錯,今晚嚟到圓山,唔知可唔可以重溫當日台旅之味?

2015年4月8日星期三

The Food Gallery:如意廊君

早前同一眾同事去到帝苑酒店嘅雅苑座食公司周年飯,未算得上盡興,始終對一個收$608+10%(星期五晚價,8折後實價$550)嘅自助晚餐喺有一定嘅期望。相隔無耐,又再次嚟嘆自助餐,與一眾朋友嚟到朗廷酒店翻新兼改咗名嘅The Food Gallery,收$548+10%(閒日價,75折後實價$465),究竟會喺盡興嘅一餐,抑或會未盡人意呢?

2015年4月6日星期一

燒魂一 Guts Soul:魂身解數

上次晌Outback一齊食晏嘅年輕人,本身勁鍾意食肉,雖然嗰次Outback午餐已專登點了一客西冷,一客燒豬肋骨,當然滿足唔晒佢個胃納,所以,今次嚟到燒魂一食日式燒肉,有咁多款肉類,直頭施展出渾身解數,一定滿足到佢嘞。

2015年4月5日星期日

歐陸餐廳 Cafe 1950:尋根夠抵

雖然大圍嘅搵食足跡唔多,但偶爾會嚟到,唔喺有咩特別事要尋根究底,只喺從朋友口中知道,Café 1950晌依區新開咗分店,下午茶夠晒抵,既然順路經開,就不如尋根一下,睇睇夠抵有無。由於有其中一個表姐住晌依區,所以,對大圍都唔太陌生,就算由東鐵大圍站行過嚟美林村,都無乜難度。

2015年4月4日星期六

大快活 Fairwood:我的星期六美孚早餐 ~ 快活豈要做神仙

以前寫過唔少晌美孚區快餐店嘅食評,但嚟嚟去去都喺美心同大家樂,依家卒之開咗間大快活,亦喺美孚區唯一一間大快活。其實本身對大快活無乜好感,因為以往每次幫襯大快活,食過啲嘢都喺麻麻,賣幾多廣告都好,都硬喺覺得佢啲嘢好一般。今次幫襯,都喺純粹新店開張,幫襯一下。

2015年4月3日星期五

119 Korea Station:邪惡韓流鐵鏟

成日話人大鄉里,即喺未見過世面,其實我依等都喺港燦大鄉里,晌香港好多地方都未去過,所以,又趁公眾假,同幾個朋友走咗入南生圍行吓,因為依家有西鐵,我哋入新界西超方便,仲順道逛埋錦上路跳蚤市場。

2015年4月1日星期三

奇樂香辣雞煲 K Lok Spicy Chicken Hot Pot:奇開得勝

跟朋友約飯局,被問及有無食雞煲好介紹,其實小弟對雞煲沒有太大偏好,試過嘅餐廳都唔多,不過,記憶所及,荃灣二坡坊嘅常滿雞煲及尖沙咀山林道嘅奇樂香辣雞煲都覺得上好,當然,城中好味嘅雞煲又豈止兩間,但剛啱晌雜誌見過奇樂有新嘢出,所以,就選定奇樂再訪。