椰仔冰室 Yeh Jai Cafe：亂撞搵「椰」

約咗啲朋友行山，但之前一日都出少少紋狀況，最後得另一個老死，大家都喺行得之人，所以，當日轉路線，入屯門行「花香爐頂」，尋屬猿頭石、麵包石、肥豬石同十字星石，呢條線真喺唔易行，因好多段都喺沙石路、上落斜，極具挑戰。完成之後，返出屯門搵食，就晌港鐵站附近嘅「椰仔冰室」補補體力，本身無諗住食邊間，佢位處大街一眼望到，又見門口咁多人，就中咗入去。

自．然烘焙 Natural Bakery：妙不可「然」

早前睇啲雜誌已見介紹過呢一間有誠意嘅麵包蛋糕小店，強調食得健康，用上靚料，無添加任何化學嘢、防腐劑之類。今晚收工後就趁過到嚟鴨寮街買電話卡，就順道一訪，睇睇有無咩心水選擇。

Alvy's：「酒」出另一人生

港島西延線開通之後，西環一帶社區起咗好大變化，食肆更加多咗好多，不過我自己就少過嚟呢邊。最近有老死轉咗工，入咗數碼港度做嘢，但無理由小弟山長水遠入數碼港食飯架，所以攞個中間點，就過嚟西環呢邊聚一聚食番餐，而今晚嚟到呢一間酒吧餐廳「Alvy's」，就喺因為睇過啲介紹，講到佢哋嘅菜式好搞嘢，中西融和，應該叫港西融和，頗有賣點。

CHIMAC：「雞」不可失

平常食韓式炸雞，每個人無一二百蚊都落唔到樓，但早前搭天星過尖沙咀時，晌中環天星碼頭就見到有一檔韓式炸雞專門店「CHIMAC」，二人套餐只喺賣150蚊左右咋，已經包好多嘢食，堂食外賣都可以，真喺超抵。

盈滿冰室：補足「盈」養

又喺同班老死踩單車嘅日子，今次嘅人腳可謂人強馬壯，所以，可以踩得盡慶少少，一於由大埔起步，經粉嶺、上水去到元朗，再原路返轉頭去返大埔。10:00am起步，踩到去元朗剛1:00pm，放飯時間，以前會去「南山軒」，因為而家佢哋唔做午市，改為去「盈滿冰室」。

樂聚廊 Lobby Lounge：魔法香料自助午餐

金鐘港麗酒店嘅「樂聚廊 」，我一向以為只供應三層架嘅英式下午茶，原來都有不一樣嘅選擇，最近喺附近返工嘅朋友就話我知，佢哋出咗一系列印度風情午餐，逢星期一會以印度特色便當登場，據侍應介紹，會以三層精緻銀鍋載有前菜、主菜、印度香飯及雜錦生果同甜點。如果唔介意花多少少錢，可以選擇逢星期二至五嘅「印度風情自助午餐」，主題同樣喺以印度菜為主。今日，就同朋友來一趟正宗咖喱美食之旅。

極尚大喜屋 Deluxe Daikiya Japanese Restaurant:：食力「喜」動

日本菜一向都鍾意食，但晌日本餐廳中，真喺唔知點解，日式放題確喺比較少食，對上一次已經喺2018年4月嘅事。最近，老友推介呢間日式放題店「極尚大喜屋」，話性價比高，菜式有唔少賣點，小弟就未幫襯過，咁就啱啦，兩個死佬一於約埋食餐好嘅，加上佢好有食力，咁樣我哋就可以試到多啲嘢。

英王麵包店 A-1 Bakery：「薯」不簡單

今日收工經過「A1」，忽然想買啲甜品返屋企食，所以，走埋去睇睇有無咩心水，因為都無話好想試啲乜嘢，都喺睇下有無邊款合眼緣，啱口味。題外話，呢間「A1」，感覺特別闊落，買起嘢嚟都暢快啲！

活在茶下 Tea Moment：驚喜大搜「茶」

都市人要減除壓力，有好多方法，有啲人就大飲大食、去旅行、去行山、打波做運動，亦有啲人 飲杯咖啡、嘆杯茶，都喺好舒緩壓力嘅方法。今日嚟到海運大廈嘅「Tea Moment」茶飲店享受一下悠閒時光，飲返好個靚心情。

KIN 麵：過年後見個「麵」

有啲舊同學都晌中環區返工，不過，平時就唔太多約出嚟食飯，因為小弟公司有包伙食，佢哋又喜歡自家帶飯，話健康啲，又可以慳番啲，不過，一年總有三幾次見吓面。趁過年無耐，就約出嚟見見面，提議嚟到已被活化「中環街市」內嘅「中環食坊」，貪佢地方大，環境好，又多餐廳選擇。

漁初·魚丼 Isarihatsu Sakanadon：活在「丼」下

由於小弟有唔少親戚朋友都住問深水埗、長沙灣一帶，所以，間唔中都會嚟到呢一頭，都睇到呢頭嘅變遷，亦見證唔少食肆嘅起起跌跌。好似今晚到訪嘅「漁初•魚丼 」，記得年幾前嚟嘅時候仲喺做緊鐵板燒，如今就變為以海鮮丼為主嘅和食店。

香港迪士尼樂酒店宴會廳 Hong Kong Disneyland Hotel Banquet Room：婚宴午餐小點「迪」

本身唔係迪士尼粉絲，所以，迪士尼開咗咁耐以嚟，印像中都喺去過兩三次，次次都喺有啲優惠券之類。而佢嘅餐廳無論樂園裏邊，還是酒店嘅，幫襯嘅都喺寥寥可數，實在唔多，今次入到嚟迪士尼嘅宴會廳，無非都喺出席表姨甥嘅婚禮。喺度擺婚宴一大亮點就喺宴會廳嘅環境非常之好，無任何柱位，又超高樓底，裝修華麗，加埋燈效；另一亮點就喺中場時段，會出現迪士尼卡通人物同大家拍照！