南記冰室 Nam Kee Cafe：不過不「室」

一講開「南記」，啲人就想起食米線嘅「南記」，不過，今次幫襯嘅「南記」卻喺家冰室，即喺茶記，其實美孚都有一間，但都已經執咗。同老婆晌屋企食咗個豐富早餐，所以，跳咗餐晏仔，而出外有啲家品想睇睇，路經葵興一帶，就幫襯咗「南記」食個下午茶。

英輝咖啡屋 Ying Fai Coffee House：「英」有盡有

今次跟朋友行西貢嘅釣魚翁，由五塊田入，相思灣出，全程由朋友安排，就連行完山之後，午飯地點都諗好埋。由相思灣搭返巴士出牛池灣，放飯地點就喺晌街市附近嘅「英輝咖啡屋」。

雪山冰廳：長話要短「雪」，快閃下午茶！

雖然話自己晌深水埗區混得較多，但真喺唔知除「嘉頓」隔離，青山道尾長沙灣呢邊仲有一間「雪山冰廳」。今日就喺趁放早，過嚟「實惠」買啲家居品，原本無打算下午茶，見對面就有間「雪山」，同老婆睇兩睇，下午茶餐有炸脾配紅豆冰，佢話想食好耐，二話不說，就放縱一次啦。

Lady M：「貴」氣千層

話就話疫情嚴峻，但好多香港人真喺馬照跑，舞照跳，否則都唔會有「跳舞群組」，而隊就照排。是日專登出嚟尖沙咀海運大廈，因為老婆嘅姨甥仔生日，幫忙過嚟Lady M攞蛋糕。

柏景餐廳 Café on the PARK：悠然自得‧下午茶

以往嚟「皇家太平洋酒店」嘅「柏景餐廳」，都喺食自助餐，小弟亦覺得佢哋嘅自助餐性價比都高，但今次嚟到，就唔喺食自助餐喇，收到官方嘅宣傳電郵，新推出咗個「悠然下午茶」，無論款式，抑或定價，都好吸引，故此，就同老婆一齊嚟到試試，並順便當喺慶祝聖誕。相反，聖誕嗰幾日假，都怕周圍都喺人，寧願晌屋企抖抖清理吓啲雜務。

香港西廚學院 Hong Kong Culinary Academy：學廚出餐，意外提早賀聖誕！

幾個月前上到嚟祖堯村祖堯坊嘅「彩龍船中西美食坊」食下午茶，偶然見到呢間「香港西廚學院」，八啩一下，原來除晚市外，逢星三四五都有午餐提供，而且，4道菜只賣$89，無加一，感覺非常抵，不過，星三四五都喺返工日，無機會啦！但最近痠情關係，有個別日子喺在家工作，咁中午都要放飯架，所以，搵其中一日同老婆上去食晏。

Paul Lafayet：好友狂嚐曲（87）

好老實，供咗MPF廿年，啲基金表現真喺麻麻哋，不過，帳面都仲叫做賺緊，但只喺微利，希望退休之日能有理想嘅回報啦。而呢一日就唔知要等到幾時，之但喺小弟嘅MPF供應商「銀聯」就晌早前嘅節慶日子，送咗張「Paul Lafayet」嘅禮券嚟，我就當喺供咗咁多年嘅小甜頭，收工順路去到海港城City Super內嘅分店換埋去。

興記士多：即「興」茶點

前文一篇「寶福餐廳」嘅食評就提到呢日同友人行西貢嘅「蚺蛇尖」，果然好有挑戰性，行到近尾聲，原本都無打算攤抖，但經過大浪村時，遇到「興記士多」，由於都行近尾聲，原先諗住勇往直前一直行到尾，但有提議不如稍稍休息，並支持吓鄉郊小店。

寶福餐廳：寮屋區淘「寶」

今日早餐真喺要食飽啲，因為，與友人挑戰一下西貢嘅「蚺蛇尖」，講到明喺7、8級難度（10級為最難），而且，一行就要行足6、7個鐘。由於一早晌西貢碼頭巴士站等，所以，就無晌屋企食，去咗牛池灣食，正正出面就有小巴入西貢，時間好預啲。咁點解唔入到西貢先食？覺得一大朝早，裡面選擇少囉。事前晌網上搵搵，就搵到「寶福」，牛池灣龍池徑寮屋區之內，老茶記，好有「私竇」之感。

華星冰室 Capital Café：提「星」滋味

又喺行山日，老友知我喜歡挑戰吓，。又最好行啲未行過嘅，所以，今次由友人帶路，由粉嶺出發，經「蝴蝶山徑」起步，先嚟個前菜上到480M高嘅北大刀屻，接着走到是日主菜566M高嘅大刀屻，終點就喺嘉道理農場。晌呢個位，有巴士駁去大埔或元朗，元朗就大家都方便散水，所以，落到元朗就食個下午茶補補體力，最就腳就喺落咗巴士附近間「華星冰室」，一於揀呢度攤抖吓。

佳記美食：「佳」坊開飯救星

是日由於同親戚有交收，所以，沿青山道由深水埗行到去長沙灣一頭，並且，順住路搵食。原本都打算搵間茶記或快餐店搞掂，因為得一支公，可以簡單啲，但經過「佳記美食」鋪面，見好多人排隊，睇睇究竟，一個字：「平」！

101台式休閒餐廳 101 Taiwanese Restaurant：「休」遊午餐

是日星期六，優遊自在同老婆嚟一趟小旅遊，先過嚟青衣城睇場戲、食吓飯，再行轉短山。事緣都喺有啲戲票贈券就到期，唔用好似好唔抵，最方便就喺過嚟表衣城。戲就揀咗套韓國片「無價之保」，喺催淚嘅劇情片，而食晏主要都喺睇餐廳環境，話晒啲疫情仲喺好勁。睇咗幾間，見「101台式休閒餐廳」相對人唔多，而入門右側角落有啲大卡位，自成一角老婆就覺得用餐最安心。

Espresso Alchemy：用心良「虎」

又喺老婆返學嘅日子，不過，呢一季就返完，佢可以抖抖，而小弟一支公晚飯亦暫時告一段落，所以，今晚唔好待薄自己，食番餐好嘅先，仲嘆杯靚咖啡。所以，過咗嚟海港城嘅「Espresso Alchemy」，一來食過佢啲出品，穩打穩紮，二來幾欣賞佢哋啲鮮奶咖啡，三來就喺食完方便我落柯士甸搭西鐵返屋企，仲可以晌上面拍埋卡搭港鐵慳兩蚊。

JUST'er Bar & Restaurant：Just do Eat

之前都曾經提過，我哋一班死佬好耐無搞過飯局，尤其依家疫情，就更加唔會搞。所以，久唔久，只會約吓個別嘅死佬嚟聚一聚，講吓近況，呻吓死佬嘅嘢。今晚，人少少就約出嚟尖沙咀食餐飯，選址山林道嘅「Juster」。 

顏府御膳 Ngan's Chinese Cuisine：高「顏」值海鮮菜

上次趁郊遊，入到去石門一帶食咗一餐高水準嘅中菜，今回同郊遊無關，但同樣喺一餐高水準嘅中菜。銅鑼灣食廈Cubus，進駐得入去嘅都喺一啲中高檔餐廳，以前就光顧過其中嘅「Chez Moi」。最近，就加入新一員，喺賣精緻粵菜嘅「顏府御膳」，到訪當日都仲喺試期中。

樂感 Lagom Kaffe：嘆茶「樂」腳點

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。

海岸扒房 Gold Coast Prime Rib：靠山食山，靠「海」食個好午餐。

早前參加咗一個本地團「文化翠野遊」，主要造訪北區一啲名勝，包括錦田壁畫村、水頭村水尾村樹屋、本土出產嘅香印提子園，又真喺無諗過香港都有啲咁嘢，而沿途導遊姐姐亦介紹咗好多香港嘅歷史，以及一啲特別嘅資訊，如香港唔同大橋嘅分別呀、歷史建築嘅獨特點呀，總之對整個行程都有好深嘅體會，感覺相當唔錯。最後一站喺食晏，安排嚟到黃金海岸酒店內嘅「海岸扒房」，享用3道菜嘅午餐。 

Eric's Kitchen：龍脊後嘅海景窩夫

雖然行山唔少，但真喺較少行港島區，因為對我呢個「九龍人」嚟講交通駁嚟駁去，繼早前行西環嘅龍虎山，今回朋友吹雞行南區嘅龍脊，未行過，又有啲挑戰，當然舉手去行吓啦。好快行完龍脊，再駁埋落大浪灣，一路落梯級，同樣好快行完，所以，最好搵個地方坐吓，嘆個下午茶，結果就揀咗對住海灘嘅「Eric's Kitchen」，純粹貪有景。

逸軒 Yat Heen：良辰吉「逸」

曾幾何時，一年會入嚟好幾次石門，因為老婆嗰邊有親人住晌「碧濤花園」，不過，搬出新界之後，都已經好少入嚟呢頭，當時都見到呢區開始有少少發展，今次再訪，已經好多都唔同晒。是日又喺郊遊日，專誠過到嚟「帝逸酒店」內嘅中菜餐「逸軒」食晏，因為，晌官網睇到個套餐好正，橫掂有排都未出得門外遊，而老婆又唔多喜歡「Staycation」，所以，趁出開外面郊遊就食番餐好嘅嚟代替旅行。

港原味 Hong Kong Taste：有「原」再會

上次幫襯Homeland時，已發覺呢家茶餐廳「港原味」，一來個名幾特別，二來從門口望入去，見到幾多本土牆畫，好多都好有集體回憶。所以，今晚趁有事過嚟大角咀辦理，又得一個人，所以，就晌度簡單食餐晚飯先再打道回府。

尚小館：嚐‧小館

今日過嚟長沙灣，任務喺同親戚有啲交收，兼順便落福榮街一帶買嘢，任務完成後，又要搵地方食晏，沿路向青山道方向行，偶然經過呢間「尚小館」，仲記得之前睇過食友嘅食評讚過呢間賣上海嘢小店，啱啦，都好耐無食過滬菜嘞。

大快活 Fairwood：阿活晚餐

雖然日頭踩完單車，但今次由大埔至烏溪沙線都喺鬆於輕輕路線，所以，踩完都唔覺點攰。而夜晚有小組聚會要開，故此，接住落，食埋晚飯時間就啱啱好。為方便起見，食飯嘅地方就搵最就腳聚會地方附近嘅「大快活」。

寶島茶居 Formosa Tea Shop：搵食有「寶」證

上次同班老友踩單車由大埔出發，橫跨北區踩到去元朗，頭尾連食晏踩咗成6、7個鐘，算喺艱苦線。今日就唔同嘞，同番上次幾個單車友，仲預埋老婆嚟，所以，揀咗條輕鬆路線，由大埔出車，沿吐露港，再經馬鞍山海濱長廊入到烏溪沙，條路好好踩，因為無乜上落斜，大部份路段夠闊。而友人好細心，今次專登晏啲出車，踩到去科學園食午餐，而佢嘅心水喺「寶島茶居」。

90s Lazy：窩夫「懶」知識

同一個鋪位，對上一次嚟大概都3年前嘅事，店家叫「Master Kama」，印象都幾唔錯，原來已經結業咗，感覺有啲可惜。今晚興舊同學短聚食個晚飯，嚟到先知就喺呢個鋪位，轉咗手新店名叫「90s Lazy」，店主可能喺班90後，不過，搞得飲食，就應該唔會喺班偷懶嘅90後。

壽司櫻 Sushi Sakura：「櫻」明之選

講開「廚師發辦」（Omakase），眾所周知，都唔喺消費便宜嘅玩兒，過千一位都喺平常事，其實，坊間都有啲賣三、四百嘅，但可能環境無咁高檔次，質素或許會亦要下調少少，但作為入門試試無妨。如果喺想食番一定質素，但又要求平啲啲，咁就不妨改為食晏，有少部分餐廳午餐都有做「廚師發辦」，而「壽司櫻」喺其中一家，今日就趁假期，同老婆過嚟港島區走走，並且，嘆番餐好嘅！

明峙維家 Sweet Cake：「峙」癒甜點

香港嘅飲食就喺咁怪現象，炒起一樣時，就會一窩瘋去做，就好似台灣古早味蛋糕咁，印象中大概一年前炒起咗，就突然間出現咗好多賣古早蛋糕嘅店鋪，開到成行成市，家家都話正宗，務求飲到頭啖湯就頭啖湯，食盡條水就食盡佢。失禮講句，小弟晌香港就未試過喇，今次都喺同老婆行完短山，落到深水埗買電子配件，偶然經過「明峙維家」，想試試先打算買一件。

太香麵家 Tai Heung Noodle：抵食新「太」度

今日返完聚會，而老婆嘅周日興趣斑剛啱放假無堂上，所以，就同佢行轉短山，由石籬沿金山路行到去九龍水塘，再轉入金山樹木研習徑落九龍接收水塘，駁小徑經長坑村返美孚，做到運動之餘，連車錢都慳番。午餐，就簡簡單單食粉麵，晌葵涌有間小店「太香麵家」，睇落好似幾OK，就入去試吓。

漁港薈：「蒸」心炮製

自從疫症以來，對火鍋類嘅餐廳比較有戒心，一來本身已無約一大棚人嘅聚餐，頂多都喺跟一、兩個相熟要好嘅朋友食吓飯，二來初期有個案顯示火鍋嘅環境有增加感染嘅風險。但隨着疫情緩和，加上好多餐廳都做咗好多防疫功夫，感覺都比較安心多啲。所以，今次老友叫到話試試海鮮蒸鍋，就投其信心一票，加上天氣有點轉寒，正啱食蒸鍋嘅日子，就嚟到「漁港薈」品嚐一下佢哋嘅海鮮蒸鍋。

老三油渣麵 Brotherhood：膽固醇？拋「豬」腦後！

因為好多親戚都住晌深水埗、長沙灣一帶，咁小弟都住晌美孚，所以，呢一頭都會間唔時經過。呢一日就喺落長沙灣剪髮，經過呢一間「老三」，原則上賣麵都唔喺咩特別，但「油渣麵」三個字就加大咗興趣。

Vivienne Westwood Cafe：高「素」值英式下午茶

剛啱好喺一年，上年10月中嚟過一次「Vivienne Westwood Café 」食過一次午餐，印象非常之不錯。最近，從官方FB發現推出咗一款以素食為主題嘅英式下午茶，一來老婆算喺個偏素嘅素食者，二來我哋都好耐無拍吓拖嘆啲英式下午茶喇。

湯加 Soup Plus：「Soup」皮晚餐

承接上篇「南山軒」嘅食評，提到今日同老友晌新界踩單車，由大埔、粉嶺、上水一直踩到去元朗，再原路回程返大埔還車，過足晒單車癒呀！晚上，因為老婆有事出咗紅磡一帶，所以，就約佢晌「都會商場」食飯，方便一陣搭番西鐵走。今次就由老婆推介我食呢間「湯加」，佢話啲魚湯米線好正。

南山軒 Nan Shan Hin Private Kitchen：單車友「南山」秘竇

不嬲都有行開山嘅習慣，但唔喺為打卡而行山，所以，路線都揀得好隨意，有時，就算喺屋企附近行個短山都會。近依半年，多咗項活動，就喺跟啲老友踩單車，其實本身都鍾意踩，只喺以往無乜伴一齊玩。早前，屯馬線開通咗，老友就先去探路，隔多幾星期後先一齊踩番轉，由大埔出發，北上到上水再過打橫過去元朗，到達元朗正好喺食晏時間，老友已計劃好嚟「南山軒」。

輕時光 Take Your Time：健康本「昔」

晌友人嘅IG睇到呢一間主打乳酪（比起「優格」，小弟較喜歡本土嘅叫法「乳酪」）、健康、全水果製作嘅輕飲店「輕時光」，又位處中環，所以，趁出開街搞搞銀行嘢，就過嚟望望，反正順道而已。嚟之前都睇過友人IG詳文，所以，都知道由「蓮香樓」側邊條大斜路轉上去，正正「九如坊」街口角落位，故此，唔難搵。 

你妳 You You：「你」想美食

疫情仍然有啲反反覆覆，啲大飯局就唔使考慮架喇，跟啲極相熟嘅朋友啲小飯局就間中一次半次咁啦。因為一件「芋泥吐司」，今晚同朋友專誠嚟到台式餐廳「你妳」捧場試試，估唔到就算疫情下都咁多客，幸好，門口嘅客人都喺等外賣多，我哋等一陣就有位。

仁芝初 Art of Dessert：性本「膳」

對上一次出嚟旺角食飯已經喺年初細佬嘅生日飯，一來覺得旺角太多人，二來由於疫情關係，就更加避咗啲人多嘅地區。今次若非出嚟旺角買嘢，恐怕都未有過嚟呢邊嘅機會，完成任務，經過這家糖水鋪「仁芝初」，覺得個名幾得意，加上晌門口睇睇，賣嘅都喺較傳統嘅糖水，定價又算相宜，就食碗糖水先走。 

明德清湯腩 Ming Tak：「德」意之作

是日在長沙灣整完眼鏡，又要過嚟荔枝角工廈換禮品，諗完慳番程車錢，索性行一個站返美孚，並順路睇睇有咩好食，食埋先返屋企。就晌附近路經「明德清湯腩」，但唔喺清湯腩吸引小弟入去，而喺寫住咩「正宗巴基斯坦咖喱」吸引咗我入去試試。 

翠河餐廳 Green River Restaurant：我的星期六美孚早餐 ~ 穩膽之選

星期一至五及星期日，基本上我倆公婆都會晌屋企食早餐，而星期六喺最輕鬆，朝早最無乜嘢搞嘅日子，所以，就會出街晌美孚周圍搵吓食、輕鬆吓，之後可能行吓公園，或行一轉短山。今次嘅選擇，諗吓諗吓都好耐無幫襯過「翠河」，所以，就嚟到嘆吓早餐。

銘興山西刀削麵：即「興」之選

又喺老婆返興趣班，得一支公開飯嘅日子，雖然得一個，好處就自由啲，想食乜就揀食乜，所以，過咗嚟大角咀。原本聽朋友介紹，埃華街有家好正嘅台灣菜小店「那個」，但門口排隊嘅人龍長到呢……，所以，行一轉埃華街，最後就揀咗「銘興山西刀削麵 」，一來即時上網睇睇，都幾多好評，二來刀削麵都有特色，睇落定價又好相宜。 

囍越 What The Pho：悠閒歲「越」

前文就講到是日因為嚟個大西北遊，一張西鐵全日通走勻幾個點，中午晌荃灣嘅「ASAP」食晏，然後西鐵轉輕鐵入到良景，再上「港版大峽谷」嘅良田坳，最後，返到南昌站嘅「V Walk」食晚飯，就結束今日西鐵線大西北之行。點解嚟「V Walk」，一來張全日通包到去南昌站，二來「V Walk」真喺未嚟過，咪當行吓囉。因為行咗成日，老婆想食啲濕濕哋嘅嘢，所以，就揀咗食越南湯粉麵嘅「囍越」。

ASAP As Simple As Possible：「簡」飲擇食

近來新興咗一個字詞「Staycation 」，本來趁老婆生日，都有此打算，不過，佢話晌屋企瞓自在過晌酒店，所以，酒店就無住喇，但都照原先計劃，嚟一個大西北小旅行。先到荃灣西站嘅「海之戀商場」食個晏，再入兆康，轉輕鐵到良景，晌「良景市集」（即喺良景嘅冷氣街市）打個轉，再上「港版大峽谷」嘅良田坳，最後，返到南昌站嘅「V Walk」食晚飯，就結束今日西鐵線大西北之行。言歸正傳，今次餐晏仔晌邊度食好？「海之戀商場」都喺第一次嚟，故此事前上網搵搵有咩選擇，最後揀咗「ASAP」，因為定價相宜，風評不俗。

皇玥餅藝 Imperial Patisserie：「榴」住有心人

之前曾分享過「皇玥」嘅兩款經典奶皇月餅，早前偶爾經過其尖沙咀店，知道佢哋都出咗款榴槤奶皇月餅，雖然唔喺人人都鍾意嘅款式，但卻喺我倆公婆頗心水嘅口味，故短篇寫寫分享一下。

正記茶餐廳 Ching Kee Restaurant：搵食唯一「正」路

早一個星期先行完「藍地灌溉水塘」，今日就趁天氣好，再次上一上「千島湖」。其實，8月尾都有到訪過「千島湖」，因為都真喺算易行嘅山徑，加上有個靚景。而今次，我哋早出發，計算好行完約中午1:30pm左右返到「掃管笏村」，就晌「正記」食個午餐先走。

泰濃麵 Siam Noodles：泰麵「膳」

我哋一班死佬嘅「死佬飯局」因種種原因已經好長時間無搞過，但間唔時都會約個別死佬出嚟聚一聚，近日疫情又緩和好多，就約咗老死阿Fat食餐泰式粉麵，因為大家都未試過，幾間心水嘅就揀咗「泰濃麵」，始終尖沙咀都就到大家。 

茶狼 Cha Long：「狼」費靚料

本身都鍾意飲啲台式茶飲，尤其珍珠鮮奶茶、花果茶，但就真喺好少專登買杯嚟周街飲，上次，晌「天仁茗茶」試咗杯黑糖珍珠鮮奶茶，都喺拎番公司慢慢嘆；今次，晌「茶狼」所試嘅黑糖珍珠鮮奶茶，同樣拎番公司慢慢嘆，尤其依家仲喺疫情反反覆覆嘅情況，晌公司飲就安心啲，再加幾件餅當下午茶，鬆一鬆。

美心西餅 Maxim's Cake：少甜之選

雖然老婆份工喺兼職形式，但佢公司算幾好，逢喺過時過節，都有啲應節嘅禮物。就好似中秋，就會一人一盒月餅，不過，好搞笑，留意咗佢3、4年，年年都喺送「美心低糖蛋黃白蓮蓉月餅」。我倆公婆對食月餅無咩要求，收到咩月餅都開心。不過，睇返之前嘅食評，呢款月餅嘅包裝盒都無變，仍然喺一身橙紅色嘅鐵罐，亭臺樓閣配荷花，鮮艷嘅色彩配搭，好有古雅之氣。

合利（洪記）茶餐廳：「合」味道午餐

又喺周六嘅行山日，今回老婆想挑戰吓，所以，由屯門西鐵出發，經屯門徑、虎地郊遊徑行去「藍地灌溉水塘」，點解講挑戰？因為無經較易行嘅「彩虹欄杆」一段，反而入咗山沿水塘邊行到壩位，真喺堅多梯級上上落落，最後，我哋一行3人都順利完成。剛好出番到藍地大街時值午餐，原本意屬「Thre3 Concept」或「意料之外」，但兩間都好多人晌門等緊位，都唔知要等幾耐，加上望入去地方窄逼，我哋都行到攰，最想喺坐吓、攤抖吓，見「合利」地方大，人唔太多，又喺茶記，仲啱我哋。

Fûhn：牛「More」套餐

三年多前到訪過新派越南餐廳「Fuhn」，當時嘅印象都幾唔錯，嗰陣時主要都喺賣越式湯粉，所以，餐廳名字先叫「Fuhn」。但時隔數年，今次再訪，因為知道佢哋變化咗好多，食物嘅選擇就唔再得湯粉。

平記咖啡冰室：西多不似如期

嚟紅磡，最常嘅就喺有白事要出席，今次喺老友嘅爸爸過身，做兄弟嘅梗喺要幫手。小弟獲分配坐門口接待處，由於老友家人決定以傳統嘅道教儀式進行，所以，要5:00pm坐到9:00pm。故此，到殯儀館前整個下午茶打打底，從網上搵到「平記」，因為見風評好似幾好。

丼丼屋 Dondonya：「丼」年今日

疫情緩和，戲院開番，所以，趁啲免費電子戲票就快到期，「拿拿淋」過嚟青衣城UA快快手用咗去。兩公婆睇完戲，就順道晌青衣城搵城，眼見二期嗰邊啲餐廳好多人排，所以，過返嚟一期睇睇，因為選擇又多啲。最後揀咗「丼丼屋」，因為老婆話好耐無食過啲日式丼，其次，睇見門口無乜人排，小弟就唔喺好鍾意為一餐而排餐懞。

Homeland：「Home」有成竹

友人晌大角咀一頭工作，講到嗰邊嘅轉變，佢話非常之大且快，我都認同，因為年初都嚟過呢頭食飯，都眼見有好多新樓落成或建築中。講吓講吓就講到食，佢話有家新餐廳「Homeland」剛開業，水準唔錯，定價算相宜，是夜趁住家飯休息，屋企無飯開，就過嚟同朋友聚一聚食餐便飯。