金滿庭京川滬菜館 Modern China Restaurant：「金」宵真高興

我哋有一個「細胞小組」老友，相識超過廿年，好一段日子無出嚟搞過飯局，所以就趁啲過時過節日子一行16人食番餐。因為依家啲餐廳都比較少一啲大圓枱，難得搵到九龍灣呢間「金滿庭」，有張16人大枱，啱啱好，一枱坐晒咁多人，方便大家傾偈，比起要房又平好多。

金叔叔 Uncle Kim：分「金」同味

約咗個舊同學傾下工作嘢，因為大家算喺同行，互相交流。由於佢晌觀塘區工作，所以，地點由佢發辦。佢就話不如去「愛琴坊」呢個美食廣場啦，到時可以睇下揀想食乜，結果，就揀咗「金叔叔」，我就同佢講正正十月尾就計劃咗去首爾 hea遊。

菊月町：「鮨」味無窮

約咗老表出嚟食飯，知道佢好鍾意食日本嘢，所以走遠少少過到嚟牛頭角嘅「菊月町」，因為在地嘅老友讚呢間嘢嘅性格比高，用料新鮮，製造用心。雖然隱身於牛頭角廠廈、商廈之中，但離地鐵站唔遠，都喺5分鐘左右步程，非常方便。

磯の水產：「磯」不可失

早前同朋友嚟過「海濱滙」食晏順道行一行觀塘海濱公園 偶然見到呢間居酒屋「磯の水產」，門面好大，外觀望上去又甚具和風，睇睇價錢又OK喎。約咗個晌觀塘做嘢嘅老朋友食飯，佢話想趁福島核癈水傾倒前食餐日本嘢，就想起呢一間屋酒屋喇。

Mano：出色手工薄餅

呢日約咗另一老死東叔叔聚一聚，佢喺東九人，又揸開車，所以，搵咗離地鐵站遠少少，又方便泊車，位於「海濱匯」嘅「Mano」，晌度泊車又有優惠。好幾年前都嚟過「海濱匯」食嘢，所以，對呢度唔叫陌生。

La Pizza Express：La La 「臨」開餐

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。

break：從容不「Break」嘆午餐

雖然限聚方面放寬咗，但都怕啲人一窩蜂湧晒出嚟，平常星期六嘅節目都喺行山多，但今回就同老婆改行海濱。我哋算叫西九龍人，所以，東九龍呢邊甚少過嚟，因為我哋入元朗、屯門仲快過過嚟九龍灣、觀塘。故此，今日就打算先晌牛頭角一帶食晏，再漫步觀塘海濱走廊，再逛觀塘廠廈買吓嘢。牛頭角近海皮一帶近年有唔少新商廈陸續落成，之前就幫襯過「Tapa Room」、「Lagom Kaffe」，今次又搵到間秘點「Break」！

樂感 Lagom Kaffe：嘆茶「樂」腳點

旺角嘅「桔梗」，最初開檔嘅時候都打算去睇睇，但拖吓拖吓就無咗回事，依家經常都好多人排，更打消咗念頭。最近，有咖啡友話佢有家姊妹店「樂感」（Lagom Kaffe）晌牛頭角開咗，足足8,700呎大，又自設炒豆房及烘焙餅房，今日行完山就順勢過嚟嘆吓下午茶。

Tapa Room：西班牙滋味直送

本來計劃好晒今年四月計劃去西班牙一趟，但因新冠疫情係，當然要被逼取消啦，機票還好可以退，但住宿就要扣起啲手續費，幸而叫做金錢損失唔太大，但花咗好多心機安排就叫做白白浪費。一直對西班牙之旅都好期待，最近知道Tapa Room推出咗個外賣直送嘅「Vacation Box」（https://www.tapa-room.com/products/tapa-room-delivery-box），之前，亦已試過佢哋嘅出品，有信心，出國唔成，就晌屋企搞番個西班牙美食之夜，等個肚仔去住旅行先。

Tapa Room：實力西班牙「小食」店

當時到訪「Tapa Room」，最後嘅印象喺驚喜「小食」店，當然，小食啲意思唔喺講港式嗰啲啦，而喺西班牙小食Tapas。近年，西班牙小食確喺幾火紅，唔單止好食，仲頗有地道特色。最近，「Tapa Room」開到嚟牛頭角，就晒我哋啲九龍人啦。

海薈 My Harbour：美味再「薈」

老婆考到個專業試，獲得個好成績，就梗喺要賀一賀啦，所以，專誠嚟到啟德郵輪碼頭，睇睇風景，並食餐有水準嘅晚餐慶祝吓。雖然，郵輪呢家嘢近十年八年都發展得好蓬勃，不過，小弟都仲未坐過；然而今晚到訪碼頭頂層花園嘅「海薈」，就曾經晌3、4年前機緣之下嚟過食晏，今次可謂後「薈」有期。

肉餅哥小炒料理 Meat Pie Gor：從心所肉

公共屋邨嘅「冬菇亭」我原以為會賣少見少，拆一個邨，就少一組，不過，近十年八年啲新屋邨，預留咗地方容納「冬菇亭」，不過，形態都跟80年嗰啲唔同晒。小弟細個時晌大坑東返學，南山邨嘅「冬菇亭」就喺經常出沒嘅飯堂，嗰度就仲保留舊式「冬菇亭」，一個「冬菇」有幾檔餐廳，不外乎粥檔、茶記及車仔麵嘅組合，全開放型，無冷氣。依家嗰啲「冬菇亭」直頭喺間鋪頭啦，一菇一鋪，有裝修，有晒冷氣，就好似今晚嚟到嘅「肉餅哥」。

曲奇薈 Cookie Galerie：好友狂嚐曲（80）

上次同班舊同學食午飯，竟然有聖誕禮物收，都喺啲女同學有心思啲。所收嘅喺「曲奇薈」嘅薑餅人曲奇聖誕禮盒，包裝精緻美觀，一盒有6件，剛好一餐下午茶搞掂佢。

Moo Moo：Moo遂自薦

雖然「Moo Moo」嘅地址標示晌觀塘，其實佢近牛頭角多啲，晌牛頭角站行過嚟唔使10分鐘。因公事過到嚟觀塘，加上老婆要上堂，故此，今晚一支公索性食埋先返屋企。而揀咗「Moo Moo」，喺因為仲晌呢頭返工嘅舊同事推介，否則，應該未必行到過嚟咁篤。

泰昌餅家 Tai Cheong Bakery：每況月下

早前晌飯聚中，送上少少心意作為生日賀禮，但友人好有心，趁中秋送上一盒月餅作回禮，實在太客氣喇。月餅禮盒出自「泰昌餅家」，以紫色加暗花，襯上粉藍，再配以金線嘅圓月，印上「盈月」二字，簡單，卻有種雅致，送禮而言，確喺幾好睇。

Casa Luca：九展食街

小弟家住西九，所以，相對地東九算少過嚟，而東九中，九龍灣雖然有德福、Megabox等大商場，但買嘢唔太啱我，反而，九展喺去得比較多嘅九龍灣地點。每逢初二、三，老婆教會就會晌嗰度搞新春佈道會，再者，九展不時又搞吓啲中型展覽、小型演唱會。是日嚟到九展，場內嘅食肆話多唔多，話少唔少，最方便喺上二樓嘅VeryFood食街，有多家食店，中西日越台韓……都有，夠集中方便搵食。

奇華餅家 Kee Wah Bakery：好友狂嚐曲（67）

唔知由幾時開始，就將啲蝴蝶酥、千層酥之類嘅小食放咗入曲奇系列嘅食評中，啱啱收到好友心意，喺嚟自「奇華餅家」嘅香脆酥條，咁就抽少少水索性放埋入「好友狂嚐曲」系列中。原來呢款產品喺奇華嘅新品，仲喺有多款口味。

御苑皇宴 The Banqueting House：絕非偶御

又喺嚟到每月一次嘅港鐵特惠星期六，成人可以以小童價搭地鐵，所以，死佬夏總又搞轉港島東行山團，路線喺極輕鬆嘅砵甸乍郊遊徑加少少落大浪灣段。但晌港島東行完山，又點會嚟九龍灣飲茶呢？真喺鳴謝另一死佬孔七兄，晌港島開完工，專登兜過嚟柴灣接我哋，跟手過返海去佢地膽區域飲茶，MegaBox勝在有兩粒鐘免費泊車，所以，揀嚟御苑皇宴飲茶，絕非偶遇。

Marks & Spencer 食品部：好友狂嚐曲（53）

「好友狂嚐曲」系列食評一向喺寫朋友送贈嘅曲奇餅，今趟就有啲灰色，半抽水咁啦，因為，好友送贈嘅「Easter Bunny Biscuits」明顯就喺寫住餅乾，不過，無論樣貌，抑或口感，都極似一塊曲奇，如果唔喺包裝袋寫住「餅乾」，相信十個人有九個都當佢喺曲奇。

龍島美食店 Lucullus Gourmet Shop：好友狂嚐曲（52）

就嚟到復活節喇，市面上嘅相關應節產品都見有唔少。小弟雖未至人緣廣，但相信都唔喺咁差，晌上次嘅德國菜飯聚，就收到好友提前嘅復活節小禮物，竟然不約而同都喺龍島嘅產品，有曲奇，又有朱古力，真喺好多謝友人嘅心意。