海皇粥店 Ocean Empire Food Shop：俹簁版肉碎粥

除咗病以外，有時我同老婆都想清淡少少，就會想起嚟食粥。晌美孚區賣粥嘅鋪頭唔多，之前試過一次內街「味味佳小廚粥麵店」嘅生滾黃蟮田雞粥，覺得麻麻哋，所以，其後都多數幫襯海皇粥店。價錢合理，質素穩定，又正正晌地鐵口，故此，次次嚟都見唔少街坊、生客幫襯。

君蘭餅店 Orchid Padara Bakery：首嚐君蘭花茶月

依家年年中秋節，都唔會主動買月餅，一來唔使買嚟送禮，二來老婆對月餅一般，尤其傳統蓮蓉餡嗰款。不過，今年似乎有少少月餅運，首先就喺出席咗「開飯喇！」個「開飯搶鮮試！水果月餅大比拼」試食活動，跟住就無啦啦收到唔少「餽贈」，有嚟自食友，有嚟自朋友，有嚟自老婆嘅朋友，亦有嚟自老細嘅朋友……等等，總之讓小弟一下子有機會試到唔同店家，唔同品牌，唔同特色嘅月餅。君蘭，麵包、凍餅就食得多，因為屋企附近西鐵站就有，今次有機會試到君蘭嘅月餅，實在多謝食友厚愛，雖然只喺一件迷你裝月餅，但已收到好友嘅心意。

古法烘焙 GU FAH BAKERY：唔賭又會買馬仔？

第一次嚟古法烘焙試嘅產品喺佢啲特色雞蛋仔，見不少食友都讚啲雞蛋仔，而荃灣區都喺小弟常到嘅地方，無理由唔走過去試吓架，而嗰次已感受到佢老細Eric對做雞蛋仔嘅熱誠同用心；除雞蛋仔，仲見佢有唔少別出心裁嘅烘焙產品，所以第二次就喺陪老婆嚟買幾款盒裝特色酥餅，作為佢升職請同事食嘅賀禮；其後間中都有過嚟買啲酥餅作為小禮物，送俾啲相熟食友試試，今次再嚟，點都要為番次自己喇！

蘇浙滙 Jardin De Jade：叨光得食．蘇式凈月

之前多得食友所贈，首嚐君蘭嘅茉莉花茶月餅，接續再嚟就要多得叨老細嘅光，有緣一試剛摘米芝蓮一星嘅新派滬菜名店蘇浙匯所出嘅月餅。事緣因公事跟老細去灣仔蘇浙匯食晏，真喺估唔到，原來老細同蘇浙匯嘅人好熟，所以醒咗啲月餅俾我哋，就喺咁同班同事有幾日免費下午茶食。

御名軒 Royal Legend：卧虎靜待．御名軒然

毋庸置疑，天后可以稱得上已經成為一個美食小區，唔少小店都已經薄有名氣，有啲甚至打出名堂。不過，仍有好多食店在默默耕耘，好似人生咁，有實力卻似乎欠點際遇，好易被人忽略，成為漏網之魚，今夜所試嘅「御名軒」，就有種咁嘅感覺喇。

友樂亭爐端燒居酒屋 Yu Raku Tei Japanese Restaurant：友樂，有樂不停！

雖然搬嚟美孚已經有4年，友樂亭一直只放晌待試名單，諸多原因拖吓拖吓一直未有幫襯，今次卒之趁個好胏妹生日，佢又喺哈日一族，一於拉隊我哋一班美孚街坊之友晌處食番餐，一邊食就一邊講番早前一齊去旅行嘅軼事。我哋一行7人，雖然老早訂咗位，仲提早嚟攞位，都要等成半粒鐘先至俾到位，只喺有人走咪俾枱嗰隻，根本訂位都有啲多餘。

金龍泉餐廳 Golden Spring restaurant：我的美孚下午茶餐～偶爾無沉船

大概兩年前，開始工作時間由5日半改為5日之後，好多時星期六瞓晏啲，晏食早餐，就自不然午餐時段都未肚餓，等下午茶時段先落去食慳番啲，所以就寫咗一系列「我的美孚下午茶餐」。不過，近依一年都有所轉變，星期六都照正常早起番身，三餐都跟番正常時間，下午茶都少咗去食，只喺偶爾一次半次，今趟晌金龍泉食下午茶就喺其中一個「偶爾」。

英王麵包店 A-1 Bakery：何解叫拿破崙？

早前同幾個舊同事食飯，其實小弟曾幾何時都當過會計，不過脫離依個行業十多年，而依幾個當年所識嘅舊同事雖然大家一早各散東西，但閒時就約番一齊食飯兼講舊老細啲是非。今次飯局竟然收到其中一位舊同事所贈嘅蛋卷喎，佢話嚟之前有啲肚餓，就索性多買幾個送俾大家。

金殿海景宴會廳 Golden Palace Seaview Banquet Hall：家常小菜．小菜加償

與朋友約食飯，搵食肆嘅責任不成文都落在晌我身上，佢哋成日有個錯覺以為我周圍食，周圍試，食遍香港，目前全香港有成四萬幾間大大細細嘅餐廳，就算一日3餐出晒街食，一年365日如是，都要食成40年啦。小弟雖貴為殿堂食家，都喺虛銜嚟啫！今次約番啲舊酒店同事食飯，難得有人有建議，我都唔多諗舉腳贊成啦，餐廳原來就喺晌isquare嘅金殿海景宴會廳。

聖安娜餅屋 Saint Honore Cake Shop：「開飯搶鮮試！水果月餅大比拼」（三）之Super Lemon冰皮月餅

一晚之內，一次過試到來自8家商戶嘅月餅，有傳統餅皮，又有冰皮，款款味道不同，各有特色，都喺多謝「開飯」嘅邀請，揀咗小弟出席「開飯搶鮮試！水果月餅大比拼」嘅試食活動，地點就晌西灣河嘅Teavers，好貼心嘅安排，因為靚茶配月餅，實在賞心樂事。

靚茶+月餅=賞心樂事

東海堂 Arome Bakery Room：「開飯搶鮮試！水果月餅大比拼」（二）之日本白桃冰皮月餅

前文講到有幸被邀參與咗「開飯」嘅「開飯搶鮮試！水果月餅大比拼」試食活動，一共試咗8款以水果為餡嘅月餅，其中3款覺得幾唔錯就特別抽出嚟寫寫，第一篇喺8度海逸酒店嘅鮮鳳梨月餅，跟住想分享嘅就喺東海堂嘅出品。活動地點：西灣河嘅Teavers，雖然睇唔到月光，但一邊呷茶，一邊試月餅，又同其他食友交流吓，都幾開心。

Teavers內在環境

8度海逸酒店咖啡閣 Cafe Corner：「開飯搶鮮試！水果月餅大比拼」（一）之鮮鳳梨月餅

早前，出席咗「開飯」嘅「開飯搶鮮試！水果月餅大比拼」試食活動，舉行地點晌西灣河嘅Teavers，一共試咗8款以水果為餡嘅月餅，並由專人精心挑選8款唔同嘅熱茶嚟配襯，可謂有心思到極。

Teavers門面

Simplylife The East The West：簡單人生東西尋

曾經幫襯過又一城嘅Simplylife Bakery Café，對其味道有頗好嘅印象，所以，今次老死Ivan兄搵我食飯，就大家方便定晌奧海城，問我揀Simplylife The East The West定Berliner German時，沒多考慮，就揀咗前者。其實兩間餐廳我都未試過，兩間都甚有興趣，只喺覺得去Berliner German得我哋兩個麻甩佬，點都唔及一大棚人去咁夠氣氛嘅。

味味佳餐廳 Mimikai Cafe：佳知巷聞

美孚話大唔大，話細唔細，一個美孚新村足足有7間茶餐廳，連埋附近屋苑，成個美孚區有過10間茶記，但依度人口唔少，咩階層嘅人都有，所以，絕對夠人流養活佢哋。有時同啲美孚街坊教友，無乜心水食乜之時，尤其喺食晏又唔想太破費，亦唔會打算坐得耐，純粹撐飽個肚，茶記就變得最常選擇。「味味佳」唔喺有咩好出色，都喺近老友個車位，返完教會黐佢車返到嚟美孚，就腳行過對面先揀嚟「味味佳」食晏。

五月花港台日料理：密密點，密密喪食

3年前跟太太教會嚟過依度掃場一次，記得嗰次印象唔錯，食得大家好開心，事關有教會補貼，每人只喺出一舊水就唔停咁食足兩粒鐘，個次食評最後嘅總結喺：「其實依個教會價真係抵食到爛，不過你話俾番正價都可以考慮吓，整體質素屬中間位高少少，始終有唔少嘢都好食，但同時亦有啲質素未達標，唯一好處喺一個地方食三處唔同地方嘢，一班朋友又好，一家大細老嫩又好，都可以各取其所！」今趟重臨舊地，同樣又喺太太教會搞大聚餐，再嚟掃過場。

丹麥餅店：熱狗情懷

屹立銅鑼灣嘉路連山道逾40多年嘅老舖「丹麥餅店」，因店舖早前以7,800萬元易手，而據報紙報導，該鋪位市值月租達12萬元，相對依家丹麥老細只喺交緊5萬多元月租，新業主又豈會唔蠢蠢欲動加租呢？雖然店舖晌易手前已跟舊業主續租，短期無乜加價壓力，但租期餘下年半左近，時間好快過，老細表明，如將來加租，不排除考慮加價，相信到時都有唔少街坊、市民支持。搬鋪可能喺另一條出路，所以小弟真喺好佩服七十多歲嘅老細，無打算執咗佢就算，早早作出兩手準備，晌對岸尖沙咀厚福街開分店，一來唔知舊鋪將來加租加成點，萬一舊鋪真喺頂唔住都有間新店作後著，二來晌另一區開新店亦可試試水溫，睇吓「丹麥餅店」個老招牌吸引力如何，還是只喺得街坊生意！

馬來一菜館 Café Malacca：細嚐惹味大馬菜

依晚半公半私嚟到馬來一食晚飯，其實身體有少少把恙，但自覺問題不太，況且一切已經約定晒，就無謂爽約，因為時下都市人個個都忙到不可開交，小弟份工算叫做hea，但都唔想再約嚟約去咁麻煩。之前已經嚟過兩次，所以收工由中環過嚟已經頗熟路，多條巴士路線駛到石塘咀街市落車再行前少少就到盛貿酒店。搭一程扶手電梯先上到酒店大堂，而再搭升降機上一樓就喺馬來一，不過小弟就鐘意晌大堂尾行樓梯上去，自覺太少做運動嘞，行吓樓梯幫補吓囉！

味味佳粥面店 Mimikai Congee Noodle Shop：首粥情心（下）

前文提要，就喺小弟氣管病又復發，需要在家休息，因病胃口麻麻，食粥就成為我嘅病人餐首選，晏晝食咗海皇粥店，輪到晚上就揀去味味佳粥麵店，因為美孚區粥舖唔多，以前都仲多間「好滿粥」，不過都執咗笠好耐。

海皇粥店 Ocean Empire Food Shop：首粥情心（上）

正所謂小病是福，個人捱得多都總會病下，依個星期啲氣管病又復發，真真正正嘅「條氣唔順」，道氣有啲扯住扯住，猛咁咳，成個人胃口都喺差啲，食粥就成為小弟病親嘅餐膳首選！晌美孚區，專賣粥嘅店舖唔多，一喺海皇，一喺就味味佳，以前仲有間好滿粥（我幾鍾意架，可惜摺咗），所以，睇完醬生晏晝就幫襯海皇，夜晚就搵味味佳。

微電影《包包》HANDBAGS

近來經朋友介紹看了一齣微電影，戲名：「包包」（Hangbags）。微電影內容很簡單，就是藉母子之間的相處，描述母親如何讓孩子溫飽，孩子如何逗母親喜樂。

Blue Butcher Bar & Restaurant：藍屠握運

「難逃厄運」就比較負面，唔吉利，不過今回嘅「藍屠」就絕對唔喺咩厄運。將自己放逐咗晌大草原之上兩個多星期，返到嚟香港依個石屎森林，多抖一日就要開工，面對似喺多到無底嘅工作，只有埋頭苦幹做做做。晌旅行期間已從面書收到食友LT嘅試食邀請，老實講真喺好想嚟，不過日子就定咗晌開番工嘅第一日，殘念！但喺食友真喺好有心，當日再多次作出邀請，就算晏啲嚟飲吓嘢都話無所謂喎，咁鬼有誠意，即刻開拫（音：痕）副渦輪增壓器，即喺乜？咪個Turbo囉，清咗啲急嘢，拖得嘅就梗喺拖啦，趕到盡，最後以15分鐘嘅時間由中環舊政總跑去上環荷李活道近尾嘅藍屠夫，雖然未必快過打的，但以中環區咁塞嘅狀況，敢講唔慢過搭巴士，結果仲比食友早到幾分鐘，真喺一額汗，喺真正嗰種「一額汗」。

肯亞野生動物15天大歷險 - 第14日 & 第15日

02 & 03 Aug, 2013 (Fri & Sat) 晴 20-24°Ｃ

由於我們是乘坐肯亞航空晚上10:45pm的航班，故此，還有大半天的時間遊覽。

早上，辦好了退房手續之彼，先將我們所有行李寄存在導師家中，然後出發去一個The Village Market的地方，這是一個頗大規模的綜合商場。順道，在此吃我們的午餐。

大概3:00pm左右，就打道回府，到導師家中稍事安頓，並提早一點6:00pm出機場，因為是日是星期五晚，又是下班時段，擔心塞車帶來的延誤而已。幸而，塞車情況不嚴重，個多小時就到達了肯亞機場。

飛機雖延誤了半個小時起飛，但翌日旁晚，我們安然回到香港，順順利利完成15天的旅程，開開心心經歷15天的愉快！

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4624

肯亞野生動物15天大歷險 - 第13日

01 Augl, 2013 (Thur) 陰 18-20°Ｃ

是日是離開前的休息日，整日都只會在住處Rosa附近「遊盪」，亦即是到The Junction Mall飲食和購物，所以，行程簡單輕鬆。

The Junction Mall的Masai Market是逢星期四進行，商場將三樓停車場全層撥出供Masai Market之用，所以，對比起上次在Yaya Centre天台的Masai Market，不單小商販的數目多出一倍以上，而且，不用擔心日曬雨淋。此外，我們亦順道閒逛The Junction Mall內其他商鋪，實行來一個小血拼。

逛了幾個小時，中午，又來到Nairobi Java House揀點輕食充充飢，然後，將戰利品拿回Rosa，並稍作休息。之後，再返回The Junction Mall，到Nakumatt超級廣場大舉掃貨，買點零食、咖啡粉當作小手信給朋友。

解決晚餐的地點，不二之選就是Artcaffe，雖然商場內有不少食肆，但Artcaffe取價公道，又勝在好吃，值得再次光顧。

明晚便離開肯亞，所以，是夜的最後節目，就是收拾行李了。

詳細行程，煩請瀏覽小弟在「開飯遊蹤」所寫的遊記：http://travel.openrice.com/traveller/blogdetail.htm?blogid=4622