2018年7月31日星期二

牧羊少年漂書館 The Alchemist Book Café:早有牧標

早幾個月前去過一次將軍澳香港單車館嘅「牧羊少年咖啡館」嘆下午茶,感覺好舒服,試過其窩夫,真喺幾得。有位窩夫控嘅同朋友都好想試,咁就不如順便食餐晚飯啦。當然,唔會再入到將軍澳咁遠啦,就番朋友就揀荃灣分店嘅「牧羊少年漂書館」,目標就喺要試窩夫。

2018年7月29日星期日

函館元祖北海道拉麵 Hakodate Japanese Restaurant:函.得有道理

認識北海道拉麵始於7年前開晌中環交易廣場嘅「札幌元祖北海道拉麵」,應該算喺第一次食北海道風嘅拉麵「牛油塩拉麵 」,一大嚿牛油喺其特色。但依家,拉麵店開到成行成市,甚至日本邊度地方風味嘅拉麵都有。小弟唔喺拉麵控,不過,偶爾都會食一次半次拉麵,最近,就同親友晌佐敦遇到一家賣北海道拉麵嘅餐廳「函館元祖北海道拉麵」,重溫一下當晚食北海道拉麵嘅滋味。

2018年7月28日星期六

日日涮 Nichi Shabu Shabu:獨丼一面

作為美孚街坊當然知道「日日涮」嘅開張啦,因為佢哋都有洗樓派單張,不過,新開張當然有好多人會貪新鮮走去幫襯,一來無謂同人逼,二來涮涮鍋老婆真喺麻麻哋,佢唔食得幾多,覺得唔抵,故一直未再有留意。

2018年7月26日星期四

McSorley's Brewhouse & Grill:麥有所值

九龍站,其實都喺返放工偶爾會經過嘅地鐵站之一,但圓坊,卻總喺好少會考慮搵食嘅商場之一,無咩特別嘅原因,只喺少一份慣性而已。查實比起去東九龍嗰邊,圓坊對我嚟講就更加就腳,但奇怪,感覺總喺覺得佢有少少莫名嘅隔涉。是夜,打破呢份隔涉感,與老朋友相約到「McSorley's Brewhouse & Grill」聚一聚。

2018年7月25日星期三

Sangeetha Vegetarian Restaurant:素印良品

晌香港,印度菜好普及,素食菜館近年亦大行其道,但專賣印度素菜嘅餐廳你又知唔知有幾多家?我就唔多清楚嘞,只喺最近就去過尖東嘅「Sangeetha Vegetarian Restaurant」一掃印度素菜,食素,就梗要預埋喜歡食素菜嘅老婆啦。

2018年7月24日星期二

Girlboss by Master Kama:波士飯局

女波士當然遇上過啦,不過,咁耐以嚟,小弟都喺咁唔好彩,遇人不淑,未試過有好下場。但喺,是夜同表姨甥女嚟到「Girlboss by Master Kama」補祝佢生日,結果就有個好下場,食咗餐唔錯嘅晚飯。

2018年7月22日星期日

皇玥餅藝 iPastry:匠心傳承,流出經典!

就快又到中秋佳節,又喺各大商戶、食肆推出月餅搶佔先機之時,早前入咗荃灣做咗「阿茂」,有幸跟葉永華大師傅學整餅,佢喺邊個?葉師傅入行50多年,任職半島酒店嘉麟樓點心部主管超過30年,於80年代不甘傳統,以西式嘅奶皇做餡,配以牛油皮做餅皮,久經試驗及改進,匠心獨運首創出迷你奶皇月餅,將月餅帶入了「奶皇時代」,可謂月餅界泰斗。

2018年7月21日星期六

Kuru Kuru自家製手作意粉:意味.深長

今日走咗入荃灣工廠區嗰邊做咗阿茂,即喺學人整餅,但唔喺普通嘅餅,喺應節嘅迷你奶皇月餅,雖然仲有成兩個月先到中秋,學定都差唔到啦。整完餅,走咗過去「8咪半」商場搵食,皆因上次晌「叁茶陸飯」食嘢時,留意到對面有家以自家製手作意粉為賣點嘅「Kuru Kuru」,故此順道走過去一試。

全記餐廳:穩打穩紮午市客飯

行山一向喺秋涼嘅戶外活動,不過,最近都有同個行山老友挑戰吓,夏天如果天氣合適,都會照行。呢個周六,撞到天氣唔錯,至少唔會落雨,一於挑戰吓元荃古道,由荃灣(荃威花園)起步,一路上山經石龍拱,未到田夫仔屈條小徑落清快塘,最後終點喺深井。兩支公就唔會揀食燒鵝啦,快手快腳搵間茶記搞掂去,「全記」似乎多人啲,內鋪又有冷氣,就揀佢啦。

2018年7月18日星期三

Villa Villa:黑底芝事份子

姨甥仔考完試,世界杯亦完咗,卒之約到佢食飯,依家啲學生真喺大忙人,成日都話要補習、補課。佢住晌奧運,落大角咀食就最方便,選擇多,平靚正,就好似今晚到訪嘅「Villa Villa」,意粉、薄餅啱晒佢,仲有唔健康嘅炸薯條,全部都喺佢「飛弗」。

2018年7月17日星期二

炑八韓烤 MeokBang Korean BBQ & BAR:賞心悅炑

雖然近來不時食韓國嘢,但韓燒似乎好耐無食喇,立時有少少癮起嘅感覺,於是約埋親友食番餐。地點由我決定,為咗唔好令佢哋失望,梗喺搵間食過知質素嘅穩陣啲啦,加上就大家方便往返,最好喺尖沙咀區嘞,結果,就揀咗太興廣場嘅「炑八韓烤」,翻查番,原來小弟對上一次幫襯「炑八」已經喺3年前嘅事,唔睇又唔覺添。

2018年7月16日星期一

柏景餅店 Park Deli:不說慌嘅雪芳蛋糕

細細個時都算喺物質匱乏嘅年代,食得最多嘅一喺光酥餅,一喺雞蛋糕,後來,識咩叫做「雪芳蛋糕」,都喺屋企人晌超市買番嚟嘅「嘉頓」雪芳蛋糕,仲不時當早餐添。不過,講開雪芳蛋糕(Chiffon Cake)就聯想起啲爛笑話,咩蛋糕喺最假,咪就喺雪芳(說慌)蛋糕;咩蛋糕一定喺最肥,咪就喺芝芳(脂肪)蛋糕,因為有譯Chiffon Cake為「芝芳蛋糕」,而Park Deli亦有推出數款雪芳蛋糕。

2018年7月15日星期日

Shine:閃亮午餐

唔單止「Shine」喺第一次到訪,就連「太子集團中心」呢幢食廈亦喺第一次嚟,其實,都喺睇到朋友FB嘅放閃,一道「加拿大龍蝦意大利飯」好吸引,就相約表哥出嚟食餐晏。

2018年7月14日星期六

康奇拉沙 U Favorite:稍勝預奇

久唔久星期六或日都會由葵興地鐵行上去葵涌,有時都會穿KCC咁過去,原來最近KCC開多咗一期,就喺一出地鐵接駁位嗰幢(之前喺封實當天橋咁行),呢幢新商廈名為Life@KCC。原本喺老婆帶我嚟KCC嘅一家日本餐廳食飯,諗住都會做埋星期六晚,原來都喺無開,結果就過咗Life@KCC嗰邊食。

2018年7月13日星期五

Maison A+:歐陸雜果法包

早前同幾位老友聚餐,其中一位老友晌新蒲崗工作,亦知小弟鍾意食麵包,所以,專登送個麵包俾小弟試,麵包雖然食唔少,但就好少寫麵包食評,既然老友咁有心,當然寫番篇留個念。麵包出自「Maison a+」,可能大家會陌生啲,其實就喺「A1 Bakery」啲副線,就連個包裝紙袋都喺用番A1嘅。而送上嘅麵包喺「歐陸雜果法包」($26),正正早兩日先食過,因為附近嘅西鐵有A1,老婆都幾鍾意佢哋啲包。

2018年7月12日星期四

Pinot Duck:Duck心應手

一講到食北京烤鴨,就想到幾家老字號,而唔少外國人都同樣好鍾意食北京烤鴨,故此,以外國人或者後生仔為對象嘅新潮烤鴨店就應運而生,位處灣仔橫街嘅「Pinot Duck」就喺其中一家。睇店名就知喺以鴨嘅菜式為賣點,是夜由好友安排,一齊嚟呢度歡聚。

2018年7月11日星期三

沙嗲軒 Satay Inn:軒腸掛肚下午茶

年初曾到訪過沙嗲軒,不過,就喺北角店,同幾個朋友食餐開年飯,一齊撈喜。最近,收到見到尖沙咀嘅新推廣,竟然推出咗一個「星洲三點」下午茶套餐,集幾樣星馬名物美食(榴槤、斑蘭、咖央)於一「籮」,加上小弟一向對星馬菜都甚有興趣,所以,專誠嚟會一會,一解牽腸掛肚之苦。

2018年7月10日星期二

Athletic Juice & Espresso Bar:動力早餐

識我嘅朋友都知小弟都鍾意飲咖啡,尤其鮮奶咖啡,所以,有朋友試過「Athletic Juice &Espresso Bar 」嘅Avolatte就猛咁推介俾我,睇佢啲相,「杯」Avolatte又確喺幾吸晴嘅,趁住一早要過嚟金鍾鐘政府合署辦文件,就預早少少過嚟「Athletic」嘆杯咖啡,食個早餐先。

2018年7月9日星期一

蝦麵店 Prawn Noodle Shop:秘方蝦麵

食友都知我鍾意東南亞嘢,強烈推介呢間小店「蝦麵店」,尤其馬來西亞,雖則喺幾鍾意,就連檳城都去過兩次,但鰂魚涌對我嚟講都喺覺得有點遠,遲遲都未有起動計劃。卒之,扚起心肝,專誠走訪一次,以支持小店。

2018年7月7日星期六

奇華餅家 Kee Wah Bakery:以禮傳情、以善報喜!

有一日搭地鐵見到「奇華」個廣告,原來佢80歲喇,為慶祝80周年,推出咗一啲相關嘅產品。更以「以禮傳情」為主題,再加上特別版嘅慈善禮盒,令到「生日」都變得更有意義。

2018年7月6日星期五

福禧越泰美食 Full Viet Thai Restaurant:不再重福

厚福街絕對可以稱得上喺一條食街,因為,短短一條掘頭巷,目測估計有超高七乘地鋪都喺做飲食,未計仲有幾幢食廈添。與其等政府去搞,集合商戶力量仲易成事。不過,嚟厚福街搵食,好就好在有平有貴,豐儉由人。是日幫老婆送完大堆文件返公司,就一齊嚟到「福禧越泰美食」食晏,試一試佢推介嘅手撕雞絲湯粉。

2018年7月5日星期四

Fish & Chick:遊刃有魚

炸嘢幾時都大有市場架啦,見到堅尼地城嘅「Fish & Chick」晌西營盤開咗分店,知佢哋專注做炸魚薯條,烤雞又出色,而其中一位表姨甥女就讀港大,佢又幾鍾意食炸嘢,最啱就搵埋佢食番餐,聚一聚啦。我哋兩個都算瘦底,就算成餐都炸嘢,絕對遊刃有餘。

2018年7月4日星期三

太平洋咖啡 Pacific Coffee Company:燕麥奶咖啡

有時有啲嘢真喺興之所至,路經擺花街分店嘅Pacific Coffee,就隨心走入去,純粹想歇息吓飲杯咖啡迤一迤,不過,見啲甜點賣相幾好,就索性飲啖啡、食啖餅,輕鬆一下。

2018年7月3日星期二

Sodam Chicken:蛋先定雞先?喺鹹蛋炸雞先!

半年多無食韓國菜,但近呢個月就接連幾餐就喺食韓國嘢,其實,就無刻意揀,只喺朋友有興趣,就投其所好。而今晚所去喺中環嘅「Sodam Chicken」,查實2年多前同親友都到訪過佢嘅銅鑼灣店,仲記得佢啲無骨炸雞同焗雞都好正,亦喺小弟第一次食韓式炸雞。