二鍋頭：「無限」可能

上個月初食完旺角嘅「山見」，死佬話夠盡興，不過，又想話再下一城，所以，推介嚟尖沙咀嘅「二鍋頭」，同樣喺任飲任食，一般呢類放題式餐廳都喺限食個半鐘或兩個鐘，但喺呢度嘅亮點喺逢星期日至四，享用「特級極上和牛」套餐喺無時限，就算食飽飽都可以繼續坐吓、飲吓嘢、食吓雪糕，啱晒我哋呢啲磨爛蓆嘅死佬。

Salamat Café：休閒小區咖啡店

今日唔行山，改為出車，同老友由大埔起步，一直踩過去元朗，呢條線都踩過好幾次，基本上難唔到我哋，大概2.5小時就完成（單程）。校正時間嚟到元朗喺食午飯時間，因為踩住單車，搵食就要揀擇啲，專登過嚟朗屏，離地鐵站遠少少嘅「Salamat Café」，就喺方便我哋「泊車」兼睇實架車。

The Vigor：意外小驚喜

又喺星期三晚懶人買外賣系列，其實都無話系唔系列，只喺逢星期三老婆大半日有行程，費事大家辛苦，有時簡單煮粉麵，有時就索性唔煮啫！而今晚出開嚟太子，就晌太子搵檔嘢買外賣，睇見呢檔「The Vigor」鋪面貼滿晒食物相，幾吸引吓，又有啲特色，一於試一試，「Vigor」意思喺精力、活力，希望食完有氣有力，精神奕奕，哈哈！

喜聚燒 Happy Circle Q：今「燒」再重聚

疫情下，真喺影響咗好多老友間嘅聚會，自問防疫唔喺百分百嚴謹，但又絕對唔喺趟平，總之，謹慎行事，所以，暫時都只喺會同個別好熟嘅死黨食吓飯。今餐，就同啲好熟，又好耐好耐無聚過嘅死黨食番餐，今宵再重聚，選址尖沙咀喺就大家方便，揀「喜聚燒」食串燒，貪其可以慢慢食，慢慢傾。

金鶴拉麵 Kane Tsuru Ramen：「鶴」有所長

約咗個老友聚一聚食餐飯，地點由我揀，其實老友好易話為，食咩都無所謂，所以，就番回家方便嘅路線，揀咗「閩街」嘅「金鶴拉麵」，一來曾經食過，知道質素去到邊，唔怕害到老友食劣食，二來行5分鐘唔使就到柯士甸站，返到屋企口使15分鐘，超方便。

真味鮮廚 Tastefull Kitchen：「鮮」入為主

自從無再搞「死佬飯局」，就好耐無食過啲海鮮餐，最近，就有死佬移居楓葉國，所以，人少少點都要搞番一次海鮮餐，聚聚又好，餞行又好，總之幾個死佬搞個小局擦番餐。其中一位老死早前試過「真味」嘅蒸鍋餐，大讚交足貨，其他人都費事諗，就呢間啦。

蘭香麵家 Lan Heung Noodle：搵食艱「蘭」

今日出到嚟尖沙咀近「天文台道」一邊，有啲義務嘢要幫手，放飯時間只有30分鐘，所以，一支公去「蘭香」速食碗雲吞麵就算。

Cafe Imagine：未達「素」求

同姨仔食完慶生飯無耐，又因事約出嚟聚一聚，就佢是日晌荔枝角有行程，摷吓摷吓就搵到呢一家素食店「Cafe Imagine」，單睇店名，真喺完全估佢唔到喺間純素嘅素食店。

Taste Gourmet Group：細味・嚐味月餅

一年容易又中秋，依家啲月餅廣告6、7月就見到有，不過，近年都少咗食月餅，無乜特別原因，一切隨緣啦。然而，今年提早試到嘅月餅喺友人所送，嚟自「嚐 · 高美集團」嘅出品，香港製造，可以到旗下餐廳換取。是夜過嚟「葵廣」買嘢食，就順道去「稻成」拎，兼借個版位出篇食評。

鮮芋仙 Meet Fresh：美味「芋」動

食完個晏晝飯，打算晌「鮮芋仙」食埋個台式糖水先返歸，原本就打算輕輕鬆鬆坐低堂食，嘩！多人到呢……所以，都喺外帶拎返屋企慢慢嘆。

山見台式火鍋 Sankinn Taiwanese Hot Pot：火鍋好「見」議

疫情持續，我哋嘅死佬飯局有排都開唔到局，依家就只好約個別死佬有啲小飯局，旺角一向都方便大家，所以，今晚就嚟到「雅蘭中心」嘅「山見」，一嚐「90分鐘火鍋吃到飽」，貪佢一個價，任飲任食，好預算，我哋啲麻甩佬又可以食得盡情。

賞島咖啡屋 The Pal Isle：先「島」為快

講起「花園街」，可能好多人諗起有好多小販檔，好平民，有好多平嘢賣，其實，如果熟太子嘅話，就知隔住「太子道西」另一邊嘅「花園街」，就靜好多，仲有好多車房，夜晚嚟更顯的寧靜。今晚，老婆有聚會，一支公嚟到「賞島咖啡屋」嘆吓「一個人的咖啡」，原來間店新開無耐，先睹為快。