裕記大飯店 Yue Kee Restaurant：下午茶奇「裕」記

之前帶朋友行過大欖郊野公園由深井至屯門一段，雖然途程長，但易行，又有唔少觀景位，今次就詢眾要求，帶老婆嘅朋友行同一條路線，不過就由屯門起步，深井結束，目的就喺落深井食燒鵝。當中有朋友建議嚟「裕記」，稍為睇高一線，所以，就走咗入去幫襯佢。 

麗豪酒店聚賢廳 The Forum：宴會廳嘆午餐

生活趨向復常，自不然好多大型活動都會如常番，今日就嚟到「麗豪酒店」食自助午餐，不過，就唔喺晌「濠餐廳」，而喺包咗成個宴會廳「聚賢廳」，足足二百幾人聚首一堂。今次就借咗「濠餐廳」個版位嚟出文，其實，相信都喺出自同一個廚房。

La Parrilla Steakhouse：滋味午餐好味食唔「廷」

阿根廷菜晌香港嚟講，相對比較冷門少少，而小弟對此亦認識唔多，其實，喺對所有南美國家嘅菜式都一樣，所知嘅甚少。今日就同晌中環返工嘅舊同學午聚，嚟到「La Parrilla Steakhouse」嚐嚐阿根廷菜，兼分享下近來生活點滴。

麒天 The Kitin：超出預「麒」

ICC既喺香港地標，又喺香港最高建築物，上到嚟101樓「Sky Dining 101」層食飯，感覺當然喺有啲唔同，呢次嚟到主打精緻粵菜嘅「麒天」，細嚐高級中菜，雖然今次未能夠坐晌窗口位，但都有種居高臨下嘅感覺。

一起食堂 Eat Together：食得「起」樂

呢晚老婆有聚會，所以，捉個老死出嚟陪我食餐晚飯，就番我收工方便，揀咗晌中環嘅「一起食堂」快閃一餐。大家傾開近排身邊都有好多朋友中新冠，不過，我哋兩個托賴就仲未做，但講笑咁講，都喺只不過遲早嘅問題。

名世鮮小廚：「名」過於實

呢間舖前身喺間西餐廳，早幾個月前轉手做咗茶記小廚，襯完咗聚會就同老婆、一位朋友嚟到食餐晏晝。其實喺附近都有好幾間茶記，已經算喺好大競爭，佢個位仲要偏埋一邊，相信有啲法寶先能夠做得住。

大公雞 Da Gong Ji：「公」力不減

同老婆參加完一個聚會，完咗就啱啱喺晚飯時段，所以，行幾分鐘過到嚟「KCC」呢一間台式小店「大公雞」食返個台式晚餐。因為好多年前都曾經到訪過，印象中啲嘢啱食之餘，價錢又親民。

串本屋 Skewers House：「串」步不讓好滋味

上次同老婆嚟到佐敦渡船街一帶食日本菜，正正就喺佢上完咗興趣班嘅日子，今次又喺一樣，趁佢又完咗興趣班嘅一個循環，再嚟到渡船街一帶食日本菜，不過就唔喺上次嗰間，試試另一家風評上佳嘅「串本屋」。

包點先生 Bao Dim Sin Seng：足餡點心

今晚煲咗蠔豉瘦肉粥做晚餐，所以，打算加啲點心做配菜，出完街回程經過街市，就幫襯咗呢間縮晌街市內嘅「包點先生」。鋪面一眼睇晒，唔多講。

Artco 33：性價比 • 高

適逢表哥星期六放假，同佢行轉短山，再落荃灣食晏，講明短山盡量兩個鐘頭之內完成，等佢輕輕鬆鬆舒展下筋骨，再搵個舒舒服服嘅地方食晏就最妥貼，所以，揀咗嚟「雅高·33」食餐豐富午餐。

無肉食 Ahimsa Buffet：無「肉」無求

今餐飯喺突發，老友喺做揸老細車，呢幾日佢老細出遠門，所以，走過嚟搵小弟食晏，咁有誠意 ，當然要出嚟聚下啦。餐廳就由去搵，結果帶我嚟呢間素食餐廳「無肉食」試試，佢就試過覺得幾好，小弟就第一次到訪。

i Kitchen：「廠」入美食小天地

有啲朋友原無乜點去過工廠大廈內嘅餐廳，所以，今次就專誠帶佢哋嚟到「i Kitchen」試試，點解揀呢間？其實無乜好特別原因，只喺因為呢間試過，知道質素去做咩，夠穩陣，此外，經過3年疫程都仍然撐得住嘅，必定有佢嘅實力，幫襯嘅信心自然又大啲。