山區裡的走走趯趯: 2007

工作關係，間中要在大陸山區跑呀跑，周圍走走趯趯（音：笛），所去的都是窮鄉僻壤，雖然靚景欠奉，但身處農村時，就自然有種令人感到寧靜、安然的感覺！在城市忙碌地做呀做，都是為了賺得三斗米，不過，慶幸有餘有剩等我都可以出外隨處盪，不單只見識一下不同地方的風土人情，還可以調節一下知足的心靈。小弟的旅遊足跡，可暫時瀏覽以下網址：http://travel.openrice.com/traveller/userdetail.htm?userid=49632

2007年10月26日星期五

無行程輕輕鬆鬆台中3天行 - 第3日

26 Oct, 2007 (Fri) 天晴

昨天已分享過在飯店的自助早餐，這天就不多談，看看照片就知道美味在眼前。

無行程輕輕鬆鬆台中3天行 - 第2日

25 Oct, 2007 (Thur) 天晴

經過一晚安舒的休息，早上，來到位處亞緻大飯店28/F的異料理（In Restaurant）享受一頓豐富又美味的自助早餐。

無行程輕輕鬆鬆台中3天行 - 第1日

24 Oct, 2007 (Wed) 天晴

今次台中之旅是安排得匆匆的，事前也沒有多大的資料準備，只是隨意買了本旅遊書看看而已。其實，今次只是一個3天的小行程，沒有甚麼想要到的地方，隨意在市內、市外走走，輕輕鬆鬆就可以了，當是對台中有個概略的認識吧！

屋裡廂：少有上海小食同點心

趁住信用卡做優惠，專程去試一試。點了套餐，包括有醉雞、醃篤鮮、糟香桂花魚、奶油腐皮津白、蝦仁兩面黃、小籠包、豆漿芒果杏仁豆腐（甜品），另外再加埋鎮江肴肉、啤酒黃泥螺、雞火雲吞雞、蔥油麻餅同雙釀糰。

糟香桂花魚

海景咖啡廊：甜品幾得自助午餐

久唔久嚟食吓自助餐，當獎勵吓自己平日辛勞咁工作。第一次嚟海景嘉福食自助午餐，整體而言感覺都幾好，喺餐廳環境比期望中差少少，因為話晒佢都喺間5星酒店，但餐廳環境好普通，樓底唔高，有部份座位較逼，整個印象就喺壓逼感稍重。雖然有窗口位對住維港，但有條行人天橋擋住，而且唔可以安排坐一大棚人。然而，侍應嘅服務就好好，有咩要求都好幫忙，又快手快腳，而廚師見我拎食物時猶疑時，都主動講解下啲食物，喺啲乜嘢，點樣整法……。

白木屋居樂屋：呃飯食的居食屋，完全唔掂！

環境一般！服務唔掂！食物又唔掂！做咗老襯囉！

因為我哋人未齊晒，又坐耐咗少少，啲侍應就成日問我哋會有幾多個人到？想點啲咩嘢食？每次食物送到嚟，好幾次啲侍應都只喺放低就走開咗，唔會講下啲食物喺乜嘢，有啲特別啲食物又唔會講下點食！而且，好多時要我哋出到聲佢哋先至幫忙斟吓水，但佢哋又收客每人$5茶芥（睇張單先知收茶芥，奇怪!?）。另外，上菜慢，有啲食物等好耐都未到，搵侍應追一追啦，有啲凈係用對講機追一追廚房就算，結果又再等，喺後尾再追，至有個負責任啲嘅侍應真喺走入去廚房追一追、睇一睇。由第一碟到最後嘅甜品，食成差不多兩粒幾鐘！

君好扒燒西餐廳：超正三文治半自助午餐

Grill Café嘅「扒燒三文治午餐」真係值得一試，其實佢地有多款「精選午餐」，可以揀「扒燒三文治午餐」、焗飯、意粉或任何一款主菜，包餐湯加餐茶，價錢就$68，另外加多$34就可以享用自助沙律吧同甜品，變相$102就成為一個半自助午餐！

我就揀扒燒三文治喇，貪佢特別Ｄ，客人可任揀2款材料、1款麵包及1款醬汁，由師博即時為你以鐵板烹調新鮮製造，再伴上沙律菜及脆炸薯條送上。扒燒材料每日精選8-10款以不同香料醃制之肉類、海鮮，例如：紐西蘭西冷牛扒、雞扒、豬扒、漢堡牛扒、珍寶熱狗腸、司華力腸、扇貝、蝦肉、龍利魚、三文魚、鮮魷魚、青口…，；麵包就有5-6款供選擇，例如：裸麥包、農夫包、意式蕃茄香草包、意式軟包、漢堡麥包、英式松包、澳門硬餐包、中東包…，好些都是一些特別的麵包；醬汁就有5款，小弟就揀了意大利蕃茄包配德國腸和香草西冷，好大份，相等於兩個巨無霸，真係挑戰食量。