Big Buns：邪惡「Bun」放

是日就專誠嚟試一試呢一家英倫風嘅烤芝士三文治店，因為從網上睇到佢哋好幾款邪惡嘅出品，賣相既吸引，又合小弟口味，來一趟高質嘅享受。雖然地址標示「軒尼詩道英皇集團中心」，但靠近「灣仔道」一邊，都唔難搵。 

Brick Lane Gallery：味力「Brick」人

由於小弟都幾鍾意去旅行，窮遊見識吓呢個世界，所以，有儲開飛行里數嘅習慣，但就絕對唔會為儲里數去刻意消費。不過，有啲推廣優惠，而計落好有數嘅，就會考慮吓。最近，「Asia Miles x OpenRice」推出個「里賞餐饗週」，除Openrice本身訂座系統有里數獎，享用指定精選餐單又有額外100里，跟手用埋「運通國泰航空尊尚信用卡」埋單再送500里，咁碌呢張卡本身都有里數。晌咁多餐廳中，揀咗主打英國菜嘅「Bricklane Gallery」，一來喺未試過，二來見佢啲風評唔錯，仲有個重點喺起錶消費唔高嘛。

The Leah：倫住嚟試

講開英國菜，就諗起炸魚薯條、英式全日早餐、英式下午茶、肉批……，當然，實際就應該唔止咁少啦。最近，同幾位朋友嚟到銅鑼灣主打英國菜嘅「The Leah」，見識唔少出色嘅菜式，都喺非常有心思嘅，讓我哋都重新認識一下英國菜。

Fish & Chick：遊刃有魚

炸嘢幾時都大有市場架啦，見到堅尼地城嘅「Fish & Chick」晌西營盤開咗分店，知佢哋專注做炸魚薯條，烤雞又出色，而其中一位表姨甥女就讀港大，佢又幾鍾意食炸嘢，最啱就搵埋佢食番餐，聚一聚啦。我哋兩個都算瘦底，就算成餐都炸嘢，絕對遊刃有餘。

B²：昔香未全

早前同老婆嚟大坑食晚飯，覺得依區靜咗好多，路經好幾間食肆客人都喺寥寥可數，可能落雨關係，亦可能喺閒日關係，不過，個別餐廳嘅入座率都唔錯。好似今晚朋友所約嘅B²，都有唔少客人幫襯，就睇睇朋友嘅選擇喺咪咁正先！

Fish & Chick Plus：一魚再遇

年幾前因為開通咗港島西延線，貪得意過咗去西營盤、堅離地城嗰邊搵吓食，其中一間喺Fish & Chick。最近，聽到好友講佢哋晌觀塘開咗新店，唔使過海自然方便少少我依等九龍人。原來，間店都開咗好幾個月喇。

Pret A Manger 百特文治：芝味．滋味晚茶

嚟到灣仔會展睇展覽，唔經唔覺睇到好晏，仲有一段時間先到食晚餐嘅時間，夜晚又有其他行程，所以，就不如兩餐夾一餐搞掂，下午茶加個早鳥晚餐，攝埋個中間時間，偷得浮生半日閒，唔使四圍盪。

Pret A Manger 百特文治：營營色色的沙律

多謝朋友轉贈咗張百特文治嘅換領券俾小弟，雖然時間有點急，仍能夠趁限期前最後一天去換領，最就腳就喺公司附近嘅置地廣場分店。

Fish & Chick：桌桌有魚

有咗港島西延線，嚟西營盤、堅尼地城真喺超方便，亦開始多咗走入依個小社區覓食。好似以前到訪過嘅Café Malacca、Piccolo Pizzeria & Bar，都喺唔錯嘅食店，當然，依區仲有好多卧虎藏龍。今晚同朋友嚟到嘅Fish & Chick，雖然唔喺咩名店，但出品一樣出色有水準。

GastroBox：海鮮遇上英倫情調

有時候，食飯唔一定要有個好環境，尤其趕時間，隨意一餐；但有時候，一個富情調嘅環境，令人不單坐得舒適合意，心情輕省，用餐亦會食得暢懷啲。今夜走進富情調嘅Gastrobox，跟朋友共晉晚餐，暢談飲食心得，何其樂事！

百特文治 Pret A Manger：英日新味‧「卷」起滋味

麵包班同學仔啱啱去完首爾嚟，話有袋小手信醒小弟喎，咁就不如兩個麻甩佬約埋一齊，食吓嘢，吹吓水啦。地點選取IFC嘅百特文治（Pret A Manger），原因喺大家都晌中上環返工，收工行過嚟都得，走時一程地鐵又快又直接返到屋企。其次，因為剛巧收到公關送贈嘅新出品換領券，用咗佢唔好嘥，再補啲飲品、甜品，咁就變成既輕鬆、又輕怡嘅一餐。

利華超級三文治 Oliver's Super Sandwiches：平實無華

這日要到城大出席一啲活動，今晚屋企無飯開，食自已，最好順便晌又一城食埋先走。唔想晌頂層美食廣場食，一支公食嘢可以好「求其」，亦唔會「求其」到搵老麥，卒之就悠閒咁晌利華食番餐。

Pret A Manger 百特文治：新鮮．天然．限定英倫最好

上班日，一向都有晌屋企食完早餐先返工嘅習慣，無他嘅，實為慳家一族，況且，老婆鍾意食屋企嘢多過出街食。今早就有少少例外，因為收到店方公關一份「香芒雞肉三文治配檸檬薑味礦泉水」的換領券，就讓小弟改改晌公司食番一次高檔啲嘅早餐。嚟自英國嘅百特文治（Pret A Manger）晌中環都幾多分店，最就腳就喺置地廣場店，而且，貪佢一朝早人流較少，方便慢慢睇、慢慢揀，講明送指定三文治及礦泉水，仲要慢慢揀？睇埋下文你就知。