2015年12月31日星期四

真成海鮮火鍋 Tsang Shing Seafood Restaurant:真饈百味

珍饈百味唔使小弟多講,都知形容喺食盡好嘢,唔單止好,仲喺珍貴美味;餐餐食好嘢唔喺人人都俾得起,有幸有份穩定嘅工作,讓我間唔時都可以食餐好,享受一下。借用「百味」一詞,除咗茶記,就令我諗起大牌檔,小炒、煲仔菜……乜都有,豈止百味,總之今晚嚟到「真成」,雖然唔喺咩珍饈百味貴價嘢,但絕對喺好懷念嘅港式風味。

2015年12月29日星期二

Amina Modern European:歐陸摩登菜迎除夕

舊年鍚婚紀念同老婆到過銅鑼灣嘅Amina² Cuisine大嘆法國菜,事隔一年,到其姊妹店尖沙咀嘅Amina Modern European細嚐歐陸私房菜,藉以預祝一下除夕,亦希望2015有個美好嘅結束。

2015年12月28日星期一

灣畔軒 Seashore Cuisine:包早場.嘆早餐

晌銀礦灣渡假酒店住宿,喺包埋早餐,講過佢嘅歐陸半自助晚餐,順利成章就講埋佢嘅自助早餐喺點。之前,睇過啲酒店網評,話佢啲早餐麻麻,反而,食評就少講早餐,點都好,心裡已打咗底。

2015年12月27日星期日

灣畔軒 Seashore Cuisine:搵食唔使轉灣抹角

老婆完咗一個學期,真正可以抖吓,趁著假期,同佢走咗入嚟梅窩行吓,仲計劃晌銀礦灣渡假酒店住番一晚添。本來打算踩吓單車,行吓山,不過,天公不造美,啲長命雨由到步酒店無耐就未停過。戶外活動被逼取消,連帶晚飯也費事行出去周圍搵,結果就晌埋酒店餐廳度食,唔使轉彎抹角,直截了當。

2015年12月26日星期六

半熟工房 Hanjuku Kobo:芝心好友

折禮日果然收到禮物,同班知心好食友是日聚一聚食餐晝賀聖誕,好友C竟然送上半熟工房嘅半熟芝士蛋糕作為聖誕禮物,實在太客氣喇!當然,小弟都早有準備,否則失禮死呀!

Smile Yogurt & Dessert Bar:好友狂嚐曲(48)

好友共聚,晌佳節期間總會送上點小禮物,今篇嘅好友狂嚐曲主角就喺一份小聖誕禮物,嚟自Smile Yogurt & Dessert Bar嘅果香伯爵茶脆脆棒。嚴格嚟講,佢喺店家主打乳酪產品嘅裝飾零食,並非完全喺曲奇產品,不過,口感上都姑且可以拼入去依個系列嘅食評。

Playa de Papagayo:再遇西班牙之味

早前晌西環嘅Chico Chica品嚐過一餐味美嘅西班牙菜,仲喺記憶猶新之際,今日同朋友嚟到尖沙咀嘅Playa de Papagayo食晏,同樣以西班牙小食(Tapas)掛帥,但就同時兼賣唔少意大利菜式。雖然聖誕啱啱過咗,但與老友相聚,只要心情好,一樣可以好似過節日咁開心!

2015年12月24日星期四

Black as Chocolate:焦蕉積積

最新一間過江龍餅店就喺趁聖誕前開業嘅「Black as Chocolate」,晌台灣已有多間分店,以精品級朱古力蛋糕為主打,除季節性產品外,店內每日都喺主力賣兩、三款蛋糕,感覺不其然跟新加坡過江龍Awfully Chocolate初落戶香港時有所比較。

2015年12月22日星期二

逸亭餐廳 The Gazebo Restaurant:冬至、聖誕同樂逸

年年親戚做節,無論團年、端午、中秋,抑或冬至,都喺搞中式,晌附近嘅街坊酒樓或者連鎖酒家,平平哋擺兩圍高興吓。今年嘅冬至就破例少少,有親友睇見利景酒店嘅逸亭做團購(其實,依間嘢都長期有做),建議食自助餐,順道慶祝埋聖誕節,連加一大小同價$265,晌群組咨詢下,一呼百應好快成事。

天糧烘焙 La Vie:好友狂嚐曲(47)

今年中秋節時,晌屋企附近個商場消費滿指定金額獲贈一個「明愛天糧包餅店」嘅雙黃白蓮蓉,喺第一次試佢哋嘅出品。當時嘅食評文末喺咁講:「佢哋唔做門市,將來再試,只有隨緣!」,估唔到食友咁有我心,幫我續一續依份緣,就趁聖誕,送小弟一盒「明愛天糧包餅店」出嘅「聖誕小屋曲奇禮盒」。

2015年12月21日星期一

宏 Hiroshi:好味到宏

雖然小弟唔喺咩抹茶控,不過,抹茶類嘅美食或甜品絕不抗拒。是夜,表姨甥女考完晒試放聖誕,帶佢嚟到The One嘅「宏」食番餐之餘,偷雞當喺預祝聖誕,唔單一嚐其綠茶甜品,更想試試其挺特別嘅海藻烏冬。

D'Angelo Wine Cellar 葡萄「緣」:日本果酒大團緣

小弟一向對酒都喺門外漢,評酒都喺純粹按個人感覺,絕不專業,更講唔到咩心得。初時友人邀請小弟出席一個日本酒嘅品酒活動時,真喺自問有啲怯,不過,友人話品酒啫,又唔喺要你評酒,純粹品嚐吓日本酒,而且,大部分喺日本果酒,喺非常有趣嘅體驗,故此,即管去體驗一下,就喺一份緣嚟到「葡萄緣」(www.dangelo.com.hk)嚐酒。

Phoenix Sweets:無可鳳告的美味

有過一次品嚐Phoenix Sweets嘅杯子蛋糕嘅體驗,都喺今夏元創方搞咗個沖繩夏祭,多謝朋友送小弟兩個杯子蛋糕。但可是當被問及有關Phoenix Sweets時,真喺無可奉告,無乜嘢可以講,因為對佢哋嘅認識唔深。所以,今次「的」起心肝偷空過嚟元創方行吓,順道拜訪Phoenix Sweets。

2015年12月19日星期六

agnès b. LE PAIN GRILLÉ:聖誕餐.新法現

agnès b. 嘅咖啡店到過唔少次,一向都覺得佢啲蛋糕好有水準;而agnès b. 嘅南法小餐館今回先喺第一次嚟,未知質素跟咖啡店又如何?因為都喺首趟,差啲搵唔到間餐廳,原因喺餐廳晌同名嘅運動服飾店裡面,入到去好似有新發現咁。

奇華餅家 Kee Wah Bakery:芋頭臘鴨雙腸飯煲飯

食剩啲芋頭炆臘鴨唔夠當一餐飯,醒起屋企有啲臘腸、秋葵、金菇,而記得以前有間餐廳推出過啲「飯煲飯」,因為小弟屋企無瓦煲,所以,就照辦煮碗,整個芋頭臘鴨雙腸飯煲飯。材料有隔夜餸尾芋頭炆臘鴨,秋葵,金菇,臘腸及膶腸取自奇華嘅出品,大牌子,又老字號,較有信心。

2015年12月17日星期四

Tokyo Milk Cheese Factory:好友狂嚐曲(46)

今次嘅「好友狂嚐曲」系列有少少特別,所謂「好友」喺公關好友,有幸獲邀出席咗最新嘅日本過江龍、東京超人氣伴手禮Tokyo Milk Cheese Factory嘅新店發佈活動,晌東京已開設咗8家分店,而全球首家海外專門店正式落戶香港,自不然會隆重其事。店家實在犀利,一口氣就晌香港開設3家分店,包括西貢總店、銅鑼灣希慎廣場期間限定店(Pop-Up Store)、及率先登場嘅上環西港城分店,不單選址特別,一開就3間,膽色過人!

奇華餅家 Kee Wah Bakery:好友狂嚐曲(45)

一到聖誕、新年,朋友間就會送贈吓小禮物,以表心意。今個聖誕都幾有食神,美味曲奇停不了,皆因又收到友好送贈嘅曲奇,喺奇華嘅聖誕限量版熊貓曲奇。

2015年12月16日星期三

赤山日本料理 Akayama:天涯咫赤

晌新蒲崗曾經流過好多汗水,因為,有好幾年都晌區嘅製衣廠做暑期工,賺番少少書簿費。仲記得嗰時已經好興帶飯,不過,微波爐仍未普及,熱番啲飯喺用蒸櫃,個個嘅飯盒喺不銹鋼做嗰一款。相信今時今日,都無乜人再有用。今晚與朋友過到嚟食飯,感覺喺周遭好陌生,就連餐廳都差啲搵唔到,新蒲崗有種天涯咫尺之感,距離雖近,但又似喺遠在天邊一樣!

餅家 the Bakery:好友狂嚐曲(44)

朋友知小弟甚鍾意食曲奇,仲寫有一系列嘅曲奇食評,所以,趁着聖誕將臨,送上兩盒包裝甚富節日氣息嘅曲奇類產品俾小弟,萬分多謝,讓小弟又有機會品嚐另一家店嘅曲奇。

2015年12月15日星期二

Chico Chica:質高.值嘉

早前到訪過中環一間西班牙餐廳,雖然有賣不少西班牙出名嘅菜式,如西班牙奄列、西班牙海鮮飯,但亦兼賣唔少其他地方菜式;而且,西班牙小食Tapas亦只有很少選擇,感覺唔全面,又有點唔正宗嘅感覺,頗有意猶未盡之意。所以,今晚再與同學仔Ivan兄嚟到西營盤,接續西班牙小食之夜,兼預祝聖誕。

2015年12月13日星期日

Coffee Jobs:咖啡.作息

近來多咗嚟啲咖啡餐室食飯飲嘢,其實,唔算有特別偏好,只喺間唔時想同朋友悠悠閒食餐飯,晌依類餐廳感覺總喺讓人閒適,少咗份匆趕,喺喘氣作息嘅時間。今日嚟到Coffee Jobs,就喺貪其位處廣華街入面,環境較清靜,對比行出啲嘅登打士街嘅嘈雜,就已經喺另一番景象。

2015年12月12日星期六

樓下冰室:汰弱樓強

上次去咗一趟金記冰室懷緬一下當年今日,從住晌荃灣嘅朋友口中得知,荃灣都有一間懷舊冰室,佢話樓下冰室,我話你屋企樓下無嘢食喎,佢補充多句話間餐廳叫「樓下冰室」。

甜蜜蜜新生咖啡店 Teresa New Life Coffee Shop:蜜蜜支持

雖然唔喺經常幫襯社企,但都衷心支持佢哋,尤其依家做飲食本身都唔容易,個人覺得,就算作為社企都唔可以單以做慈善嘅心態去營運,所以,見好多社企搞嘅餐廳都好低調,當然晌營運上唔喺一個好策略,就好似依個晏晝嚟到嘅甜蜜蜜生活咖啡店,其實,都開咗好多年,仲要打着紀念鄧麗君嘅旗號,但好多人都唔知有佢個存在。唔一定要求賺好多,至少要有盈利先可以長期維持。

2015年12月11日星期五

The Pudding Nouveau:甜品新酒勢

早幾個月先嚟過The Pudding Nouveau,純粹喺帶表姨甥女試佢個英式全日早餐及順道一試新出嘅甜品「烏龍茶法式燉蛋」,其實當時個甜品已出了一段相當時間,不過,對我嚟講算喺新嘢,總之偶爾遇見就當然會試吓。之但喺今晚嚟到嘅目的就明顯啲,喺試試佢哋幾款甜品嘅新走勢。

2015年12月10日星期四

百樂潮州酒樓 Pak Loh Chiu Chow Restaurant:百試不厭

翻睇番啲食評,原來對上一次嚟百樂潮州銅鑼灣老店已經喺年幾前嘅事。近50年嘅歷史,晌依個年代賣少見少。雖然老店,單睇門面,金黃流線,簇新型格,喺迎合時代轉變嘅見證,但卻仍掛住「百樂酒樓」霓虹燈老招牌!

2015年12月8日星期二

正斗粥麵專家 Tasty Congee & Noodle Wantun Shop:貴氣粉麵

正所謂平有平食,貴有貴食,正斗就喺粥麵店嘅後者,對上一次幫襯就晌中環國金店,同大佬東嘅午餐小聚;今次同朋友嚟到尖沙咀圓方店,原來已經相隔好幾年之後嘅事。

2015年12月4日星期五

The Oyster House:蠔不留情

依家食蠔喺好普遍嘅一件事,但要食到高質素,又抵嘅地方就未必多。之前都去過好幾間餐廳,都有生蠔供應,而且款式多,水準高,的確令人回味。今晚嚟到The Oyster House,睇名你就知目的何在,同朋友一於亳不留情盡嚐美味新鮮生蠔。

Oscar Bakery:留心唔流心

依家成日見啲流心乜乜乜,中式西乜式都有,仲要創意無限。最近,食友就送咗個榛子流心牛角酥俾小弟試,喺嚟自Oscar Bakery嘅出品。

2015年12月2日星期三

Pantry Bread & Pastries:好友狂嚐曲(43)

曾嚐過Pastry嘅甜點,知道有幾出色,佢嘅曲奇,就應該第一次食,朋友知小弟甚喜歡食曲奇,特意送我一小袋什錦曲奇,又可以狂嚐曲,一次下午茶就可以清晒佢。

2015年12月1日星期二

金記冰室 Kam Kee Cafe:當年金日

亞視雖然弱,但偶有佳作,其中一個幾分鐘嘅資訊節目「當年今日」,顧名思意,就喺想當年嘅同一日,世界發生咗咩大事。今晚同朋友嚟到「金記」食餐便飯,睇見啲「西瓜波」就即刻想起當年今日撻拖鞋踢波嘅情景。

2015年11月29日星期日

Passion by Gerard Dubois:午後熱情

早前晌旺角Doux嘆咗個好睇得又好食得嘅英式下午茶,今回介紹另一家主打法式糕餅及麵包嘅咖啡茶店,一樣喺好睇得又好食得,不過就唔喺高茶,但佢啲散點裝糕餅一樣令人心動,佢就喺位於朗豪坊嘅Passion by Genard Dubois。

GOCHISO:和洋共處

早前睇到食友嘅食評介紹依間日式西餐廳,以日本及地中海嘅融和菜為賣點,更以天然、新鮮食材配合健康烹調手法做菜為特點,啱啱趁着一田大減價,順道入嚟行吓兼晌度食個晏仔。

2015年11月28日星期六

諾亞半熟蛋糕專門店 Noah Castella:不溶錯過

之前曾經試過佢嘅焦糖炭燒咖啡布甸蛋糕,印象唔錯,不過,因為依款蛋糕會偏甜,唔啱我老婆,所以,上次無俾佢試,今回,就專登揀個芒果配芝士嘅蛋糕俾佢食。

2015年11月27日星期五

Aldou Café:靜靜街角.一個人的晚餐!

經過五日大陸山區工作,無啖好食嘅結果,就喺一返嚟香港就食餐好嘅,今趟經深圳灣口岸過關返港,所以,過關後就坐返專營巴士落元朗,Aldou Cafe喺元朗其中一間想試嘅小店之一,認識佢喺從食友口中推介佢啲咖啡,不過,因為地點問題一直都未有去試。

2015年11月22日星期日

Essence:極速午餐

事緣教會搞咗個東涌半日遊,所以有機會嚟到諾富特嘅Essence食自助午餐。不過,又因配合番教會嘅主日時間安排,以及因為人數眾多(4架旅巴共二百幾人),幫手做埋車長,即喺幫吓手扶老携幼兼安排吓秩序咁,所以,未試過45分鐘內食一餐自助餐,認真極速。

2015年11月21日星期六

Downtown Hot Dog:狗別重逢

近排睇雜誌講啲熱狗,款式多到眼花遼亂,五花八門,創意無限,勾起小時對食熱狗嘅情懷,嗰陣時一條熱狗包,一條烚雞肉腸,唧啲茄醬都已經喺「豆」時代嘅美味食物。早前,慣常路經嘅如心廣場,就晌Downtown Hot Dog 試咗一款惹味熱狗,有種久別重逢嘅感覺。

2015年11月20日星期五

譽江南飯店 Yu Jiang Nan:更勝譽期

朋友間相聚,小弟真喺食乜都無所謂,有提議食京川滬菜,實啱㗎,而且,亦好一段日子無食!最緊要喺唔使我諗去邊度食就最好不過啦,哈哈!選址喺荃灣食廈大輝鴻近頂層嘅譽江南,據講喺間較新嘅餐廳。

2015年11月18日星期三

九重鮮:鮮入為主

記得今年5月份嚟過九重鮮食蒸海鮮塔,首次接觸,印象難忘,因為唔單單震撼嘅九層塔,更因幾百蚊就食到多款海鮮,做法以海鮮嘅原味及鮮味先入為主,實在好食,其後有介紹俾朋友都話無介紹錯。事隔半年再嚟,一樣盡嚐海鮮真味。

2015年11月17日星期二

龍閣極上火鍋料理 Dragon Court Premium HotPot Cuisine:祝君生意興龍

同啲死佬,個個都喺大胃王,食嘢唔見底,所以早前嘅死佬飯局打邊爐就梗喺揀啲任點任食嘅火鍋店啦。不過,同表姐、表姨甥女去打邊爐,就會揀得食精一啲嘅火鍋店喇。

2015年11月13日星期五

GreenHouse:光怪綠離

時代廣場嘅食通天,不時都有新餐廳進註,最近就有一間以溫室為主題嘅「Greenhouse」入伙,食友拉埋我結伴,又即管一試,睇睇佢嘅實力能否晌食通天站穩陣腳。原來喺「Townhouse」、「Glasshouse」同一集團,食友唔講真喺唔知,然而,幾間都未有幫襯過,所以,唔知佢哋實力如何!

2015年11月12日星期四

品越越式料理 La'taste Vietnamese Cuisine:無獨有藕

依家做飲食真喺唔容易,捱貴租就唔在講啦,食材、人工都不斷漲。倒翻轉,唔似得幾十年前咁做足基本嘢獨就搞掂,越南菜,整好啲蔗蝦、生牛河、檬粉就可以。最近,到過旺角品越,再唔喺傳傳統統嘅越南菜,尤其啲前菜,精緻可人,而甜品都多咗啲心思。

2015年11月10日星期二

小甜谷 Kaffee:谷得超.值

嚟小甜谷,喺因為早前晌網上見到食友上載咗佢哋嘅原個菠蘿果汁,姑勿論好唔好飲,其實都幾吸晴,好有卓頭,而果汁中,菠蘿汁更喺小弟心水之一,所以,點都要拉埋老友一齊嚟試試先。

2015年11月9日星期一

星巴克咖啡 Starbucks Coffee:好友狂嚐曲(42)

能夠繼續寫多篇「好友狂嚐曲」,當然又喺要多得好友嘅心意啦,送小弟一小包星巴克嘅意大利脆餅「Almond & Raisin Biscotti」,但亦有唔少人當佢喺曲奇。記得以前晌工聯會學整曲奇,教過依一款意大利脆餅,嗰時個阿Sir話,依款嘢做法似麵包,食落唔知喺餅乾,定曲奇,喺一種幾有趣嘅脆餅。

2015年11月7日星期六

彌敦左岸 Nathan Left:埋嚟睇.埋彌嘆!

先後試過好幾間酒吧餐廳,發覺唔單止靠賣酒賺錢,就連做菜嘅水準亦好高,所以,以往歡樂時光嚟嘅客人多數只喺飲吓酒,傾吓偈,依家就見多咗人嚟食飯、聚餐,而且,更多嘅喺三、五成群嘅女生。最近,又發現到一間做菜好有水準嘅酒吧餐廳,名字好有趣,叫「彌敦左岸」。

太平洋咖啡 Pacific Coffee Company:我的星期六美孚早餐 ~ 平添暖意

早前,小弟、老婆、姨仔三人行去咗星巴克嘆早餐,試咗佢嘅無花果榛子士干、菠菜西蘭花芝士批及新出嘅星冰樂,悠悠閒傾吓偈,不知幾寫意。同老婆又想重溫一下嗰份悠閒,所以,今次就揀去同區遠少少嘅太平洋咖啡。

2015年11月6日星期五

Pink Coffee:紅粉救冰

就喺睇到食友嘅南瓜鮮奶咖啡,吸引小弟到訪一試,南瓜、鮮奶咖啡都喺自己喜歡嘅食材及飲品,兩者走埋一齊,唔知效果又會喺點,朋友就話唔錯,不過,點都要試過先知,話晒人人口味唔同嘛。再者,小弟家住美孚,行都行得到過嚟,唔使專登搵日,就撞日趁今晚無飯開就過嚟試試,食完再行返屋企,極方便。

2015年11月5日星期四

金田家 Kanada-Ya:不金示弱

我自己好怕排隊搵食,感覺好嘥時間咁,有時會覺得有啲店排晒長龍,可能確實喺有質素,亦有可能喺啲人貪新鮮,更有可能喺傳媒吹虛造成。小弟自問食嘢志在見識,無話要追求最好,所以,今晚同麵包班同學仔I兄一心嚟到登龍街食拉麵,見號稱最佳福岡拉麵店嘅「金田家」,店內人氣不俗,又唔使點等位,就試試依間九州拉麵店。

2015年11月3日星期二

Crostini Bakery & Cafe:好友狂嚐曲(41)

上一篇「好友狂嚐曲(41)」分享過「第一麵包」嘅唧花牛油曲奇,估唔到隔無耐,又試到另一間店嘅唧花牛油曲奇,就喺晌觀塘紮根,已擴展至全港有十多間分店嘅「Crostini」。食友好有心,因為唔喺咁經常見面,早兩個月就送上生日禮物俾小弟,就喺佢嘅「罐裝曲奇禮盒」。

樂意扒房 Louis' Steak House:經典一夜.樂意奉陪

得知「樂意扒房」將於下年中拒絕再玩,又一老牌「扒房」結業,總有幾分唏噓。趁着離結業日仲有一段日子,與友共聚這一晚經典之夜,皆因一嚐多道經典菜式。

2015年11月1日星期日

Cafe Charm's:味力魔法

平時嚟紅磡多數夜晚多,皆因嚟親依區都喺因為有白事出席,不過,上次朋友介紹嘅Seafood Stand,喺間好有心嘅漢堡小店,亦見到紅磡已經成為另一個搵食地區,好幾條街更有食街嘅影子。今次,難得喺中午到訪,皆因約咗表姨甥女食午飯,Cafe Charm's亦喺朋友推介。