怡東軒 Yee Tung Heen：靈蛇添福新春飯聚‧巧手喜迎開年夜宴

「開飯喇」往年的「龍騰東來開年飯聚」，雖未有機會出席，但細閱過一眾食家的食評及開飯的專題報導後，知道是個吃喝玩樂的開心開年飯活動。今年卒之有機會感受一下那份氣氛，實在榮幸至極，名為「靈蛇添福新春飯聚」設宴於銅鑼灣怡東酒店的怡東軒，筵開四圍宴請了共40位殿堂或資深食家，當中有不少開飯達人，星光熠熠或許有點兒誇張，但人才濟濟乃實至名歸吧。

一鍋–台日式精緻小火鍋專門店 iPot - The Shabu Shabu Expert：鍋心湯底

「一鍋」，顧名思義，就喺一人一鍋，佢個英文名「ipot」亦都改得幾有型，跟蘋果嘅ipod驟眼睇落有點似。座落晌天后琉璃街嘅一鍋，鄰近天后地鐵站，交通方便，主打台日式精緻小火鍋，某程度喺以台式小火鍋為實，加添日式用料為副。跟老闆之一Gary傾開，原來小火鍋對台灣人嚟講，就好似我哋香港人食雲吞麵咁普遍，食得輕鬆，食得隨意，怪不之得近嘅一枱喺台灣熟客，遠嗰一枱又喺一家大細台灣人，小弟亦有幸獲邀嚟品嚐一下台灣小火鍋嘅風味。

8度餐廳 Café 8 Degrees：八嚟依度輕鬆嘆午餐

8度海逸酒店位處土瓜灣九龍城道，可以話喺晌土瓜灣嘅篤篤邊，對區外人位置頗隔涉，不過，小弟家住美孚，有小巴直達酒店附近，咁又變得都幾方便。見佢做緊個團購：「$88 歎【8度海逸酒店】精選高級午餐！美國生蠔2隻或選泰式柚子沙律 + 是日餐湯 + 炭燒肉眼扒或選汁燒三文魚柳 + 咖啡或茶！星期一至六適用！」第一，心諗海逸酒店依個品牌都唔太差，前後都幫襯過幾間海逸系嘅酒店，如九龍海逸君綽、嘉湖海逸、都會海逸，印象都唔錯，尤其都會海逸個自助午餐好食到仲念念不忘；第二，既為4星酒店內嘅西餐廳，水準差整都有個譜；第三，$88就有齊前菜、餐湯、主菜、啡茶，仲無話收加一，加上餐廳一向食埋環境同服務，所以有信心個團購買得過。

馬來一菜館Cafe Malacca：起航．再回味馬六甲海峽的滋味

猶記得2008年第一次去馬來西亞，第一站唔喺去首府吉隆坡，而喺先去檳城，對檳城印象好唔錯，市中心喬治市細細，行路都大致行得晒，仲保留咗好多舊建築，幾有50、60年代香港舊城風情，而且當地唔少華人仲喺講廣東話，幾易溝通呀；海灘區景觀又靚，水上活動多籮籮；另一邊郊區有個熱帶果園，俾幾十蚊有得睇又有得食，爽囉！但講到食，檳城嘅新關仔角、吉隆坡嘅阿羅街、新加坡嘅熟食中心及牛車水……等等，小弟能有機會到訪，實在滋味滿地。今次有幸經食友轉介，並得公關邀請嚟試菜，實在好期待，因為馬來一就喺主打此等地區嘅美食，餐廳英文名字正正由馬六甲海峽而嚟，起航，再回味星馬美食，或者改口叫新馬美食！

曲奇四重奏 Cookies Quartet：物重心意濃

古人有云：「物輕情意重，千里送鵝毛。」今勻小弟改一改：「物重心意濃，一票換雜錦。」此話何解？事緣又喺啲網上遊戲，意外獲得幾張澳門威尼斯展覽館入場券，因為短期都無打算過大海，發個電郵問問有邊位朋友有興趣，其中一位有興趣嘅朋友Iki竟然連啲展覽館飛都未拎，先送我一盒「曲奇四重奏」嘅雜錦酥盒（$148），好墜手，點可以唔形容為「物重心意濃」吖。反倒我就收得有啲唔好意思囉！

潮江春 Chiuchow Garden Restaurant ：水準潮點

食過一次美心系嘅「潮庭」，老婆對美心系嘅潮州菜館幾有好感，所以，就趁返完教會拉多個姊妹嚟綠楊坊嘅潮江春食晏，多個人，可以點多兩、三樣嘢，試多幾款點心。美心食肆晌綠楊坊都有幾高佔有率，有東海堂、美心MX、美心皇宮同潮江春，後兩者尤其晌星期日茶市，等位等到癲，今次嚟潮江春，都要等咗30分鐘咁滯呀！

譚點 Tam Dim：譚何容易

譚點以新派、創新、中西合璧嘅點心而聞名，如青芥脆蝦一口漢堡仔、蒜茸芝士焗饅頭、沙律香芒盞……等等，要令一啲新嘢成功，可能要經過多次嚐試，多次失敗，要成功真喺談何容易。譚點初初出道有唔少雜誌訪問，好評亦唔少，不過總店晌九龍城，喺小弟甚少踏足嘅區域，但依家多咗間分店仲要開嚟長沙灣，對我同屋企人變得就腳好多。所以細佬餐生日飯，就定晌譚點，只不過唔喺食點心，因為茶市點心只供應到5:00pm，晚市嚟就只好跟點心緣慳一面，不過又可以試試佢啲小菜掂唔掂！

Arome Bakery Room東海堂：驚喜豈止如此．心の恋人

早前1月尾應邀出席咗東海堂「恋の盛宴」情人節蛋糕嘅發佈試食會，當日已經先試為快兩個焦點蛋糕「白い草莓」及「赤い草莓」，尤其前者，一期一會嘅珍罕之味，相信一眾出席者已心感滿意足。誰知驚喜豈止如此，店方更慷慨送贈每位一張「心の恋人」換領券，讓大家於情人節前夕可以再次品嚐到士多啤梨嘅魅力。

當日有得賣嘅情人節蛋榚。

Koh Thai：泰味濃情

年廿九食團年飯，年初二就食開年盆菜，咁年初一晚食乜好？咪食情人節晚餐囉，咁多年嚟，同老婆都有共識，唔會晌情人節正日出去食大餐，因為我哋都喺啲實實際際嘅人，無謂被人鋸啦！所以，通常會早幾日去食，今年嘅情人節夾住晌農曆年後，故此咪揀咗晌大年初一依晚慶祝囉。

近排有啲運仔，早前晌一個飲食網站ufood玩啲寫食評遊戲，中咗個黃金海岸酒店聆渢咖啡廳嘅燕窩自助晚餐，嗰晚不知食得我哋幾滿足，試到好多特色菜，又嘆咗好多甜品；今次嘅情人節晚餐又喺透過寫食評遊戲中番嚟，有啲估唔到架，所以真喺喜出望外，等小弟慳番今年情人節餐飯錢。

多彩皇宮 ：團年飯之濟濟一堂年夜飯

卒之去到最後一餐團年飯，亦喺大除夕正日嘅年夜飯，就喺同一大班親戚一齊食，因為都幾大棚人，大人細路有成27個，所以包咗個房，筵開兩圍，不知幾開心高興。其實「多彩」依間街坊酒樓，我哋一班親友確喺有啲情意結，未改名前叫「多彩海鮮酒家」，兩年前新裝修兼改埋名叫「多彩皇宮」就未嚟過，以前中秋、冬至、團年經常晌度包房做節食飯，但喺自從大姑媽過咗世，好耐無再嚟多彩喇，小弟就無機會再跟佢嚟嘆早茶添。

鹿苑粉麵餐廳：人生盡頭豈為一餐

香港有兩個地方好少涉足，但每年又總有三幾次晌嗰區搵食，一個喺紅磡，另個喺大圍，通常都喺有咩白事先至蒲去嗰頭，今晚咪就喺舊同事家人過身，所以到寶福山一趟。事後跟老婆返回大圍，佢話唔想食得太飽，粉麵就最好啦，我哋隨意搵，誤打誤撞嚟咗賣潮式粉麵嘅鹿苑。

甜甜地甜品屋：彩繒花瓷碗裡的石磨靚糊

晌深水埗明星海鮮酒家跟屋企人食完團年飯，路經紅車厘紅車厘麵包西餅：角仔．牛耳．買嚟賀年自己食又賣咗啲炸油角、牛耳返屋企應節過年食，都已經行到去地鐵站口口，老婆突然一句話請我食糖水喎，小弟就當然樂意奉陪啦。

紅車厘麵包西餅 ：角仔．牛耳．買嚟賀年自己食

晌深水埗明星海鮮酒家跟屋企人食完團年飯，向地鐵方向行，路經紅車厘，門口餅櫃之上堆滿炸油角、牛耳，老婆話買兩包返去應吓節，被我睇穿佢啦，都喺口痕想食啫。一晌都無乜人嚟小弟屋企拜年嘅，通常喺我哋去親戚度，結果，買番嚟最後都喺我哋兩公婆食鬼晒，哈哈。

明星海鮮酒家：團年飯之便飯三寶餐

團年飯點少得自家屋企人架，因為人少少容易就，晌過年前求其搵日就得架喇，當便飯一餐。以往屋村對面間「名豪」未執，通常會行過去幫襯，因為佢哋對食完全無要求，最緊要都喺就腳方便。雖然佢哋要求唔多，但都想一家人坐得舒服食番餐團年飯，「明星」嘢食唔喺好，不過點都較附近啲大牌檔、中菜館環境企理、坐得舒適。

聆渢咖啡廳 Cafe Lagoon：琳瑯滿目窩心盛「燕」

信和系嘅酒店，咁多年唯獨香港黃金海岸酒店無試過佢嘅自助餐，原因不外乎位置覺得偏，但佢個價又唔喺賣得特別平，一客自助晚餐，成人價平日要$438 + 10%，五六日公眾假期索價就$488 + 10%，絕對拍得住市區啲4、5星酒店，今晚試過之後，就明白點解佢會賣得咁貴，而咁貴又仲點解咁多人幫襯。小弟有幸，晌ufood網站嘅寫食評遊戲中獲獎，獎品就喺黃金海岸酒店雙人自助晚餐，所以揀個星期日晚同老婆嚟嘆番餐。

美孚冰室 Mei Foo Cafe：我的星期六美孚早餐 ~ 街坊茶記．疑犯外賣直送

美孚區都已經有唔少茶記，集團式經營有金裝燉奶佬、太興 ，其他嘅仲有味味佳、金龍泉、荔苑、金利銀輝、味小館、美味小廚……，不過以一個美孚新村咁大型屋苑，加埋周圍嘅屋村私樓，只以間茶記嘅出品唔差，生意絕對有得做，就好似依間隱身晌村內嘅街坊茶記「美孚冰室 」，感覺咩時候嚟都有唔少人，星期六、日唔使講就更加旺。

六記甜品森林 Dessert Forest：夏日解暑洛神花果凍

跟親友晌美孚食完飯，親友嘅細路又話想食甜品，因為酒樓嘅甜品選擇唔多，所以就過嚟區內唯一一間甜品專賣店。上次同老婆嚟試過佢嘅芒果黃金撈同生磨芝麻糊，前者有啲新意又幾好食，後者就令人失望而回，一正一負，總評都只可以喺俾個OK，唔知今次又會點。

特色朱古力芝士餅 $25
小弟揀咗依個朱古力芝士餅，講話「特色」，有啲言重，不過入口朱古力味跟芝士味都幾平衡，唔會話邊個搶邊個嘅味，而口感亦都頗柔滑，算唔錯。