2018年12月31日星期一

微酵烘焙 Share le Pain:微酵.軟着陸

睇到食友大讚呢間店嘅軟歐包,搞到小弟都心思思,趁住過嚟銅鑼灣辦點事,就到訪一下「微酵烘焙」。店子位於世貿中心二樓一角,門面光猛,唔難搵,嚟到時都見到幾多人買茶飲及揀麵包。

2018年12月30日星期日

王家沙 Wang Jia Sha:因家得減

都話近排旺上海菜咯,短短一、兩個月就到訪過4家上海菜館。其實,又一城嘅「王家沙」就無預喺幫襯嘅,我哋一班細胞小組朋友,原打算去「翰騰閣」飲茶,本身都知星期日午市無得訂枱,已有組員一早去攞位,但等吓等吓都45分鐘啦,無人理,又講唔到仲要等幾耐,所以,建議不如轉場,飲餐茶啫。

2018年12月28日星期五

曲奇薈 Cookie Galerie:好友狂嚐曲(80)

上次同班舊同學食午飯,竟然有聖誕禮物收,都喺啲女同學有心思啲。所收嘅喺「曲奇薈」嘅薑餅人曲奇聖誕禮盒,包裝精緻美觀,一盒有6件,剛好一餐下午茶搞掂佢。

2018年12月27日星期四

蟹仙:仙入為主

做人、做事都好,最怕就喺先入為主,睇嘢有偏頗,對人不對事。不過,講到食嘢,啲食材就梗喺越新鮮越好啦,而海鮮,唔新鮮嘅就不如平平哋食番冰鮮啦。由元朗開到出嚟市區嘅「蟹仙」喺老友嘅近期推介,佢話值得專程嚟幫襯,對小弟而言,就真喺要專程過嚟架。

2018年12月13日星期四

稻成京川滬 Dab-pa Modern Chinese Cuisine:旺得有稻理

臨近聖誕,相約親戚食餐飯,無話慶唔慶祝聖誕嘅,只喺搵個藉口嚟番餐而已。不過,佢哋就喜歡食中餐多,就番大家都喺西九龍人,而上次嚟「新都會」食飯時,發現呢家「稻成」,見佢閒日都人氣咁旺,故今次晚飯就揀咗佢。

2018年12月8日星期六

堤岸酒吧及餐廳 Pierside Bar & Restaurant:值得一堤

為慶祝老婆啱啱完咗一個學期,辛苦捱埋個試,一於帶佢食餐好嘅,更順便慶祝埋聖誕,不過,佢一向鍾意食得精大過於量,度吓度吓,就不如一齊去嘆番次「高茶」。睇到有食友推介「堤岸」嘅新下午茶,「堤岸」我未光顧過,但睇完人家嘅食評,就覺得好吸引。

2018年12月5日星期三

籽樂廚房 Sowergift Kitchen:籽日可待

多年前已幫襯過「有情有意」呢間社企餐廳,亦喺晌社企餐廳中,做得比較成功嘅一家,不過,正想去再次光顧之際卻發現俏然無咗。後來,從食評及FB中,發現原來佢哋晌尖沙咀山林道「重開」,並改名為「籽樂廚房」,同樣喺個讓失聰人士自力更新嘅地方,更推動聾健共融。這晚,就撐撐佢嚟食餐晚飯。

2018年12月4日星期二

食雞 Winner Winner Chicken Dinner:放題雞煲

冷峰嚟喇!冷峰嚟喇!卒之有啲寒意,既然咁凍,食火鍋就正晒啦,都好耐無食過雞煲,一於食個暖笠笠嘅雞煲迎冷冬。選址新開無耐位處大角咀洋松街嘅「食雞」,順路過埋隔離嘅大角咀市政大廈拍卡,搭地鐵慳番兩雞,哈哈。

2018年12月2日星期日

榮記茶餐廳:隱蔽茶記

之前一篇「深井陳記燒鵝」就提過,一喺十年都唔嚟深井,一嚟就連續兩個星期日入到嚟。呢一篇就繼續講埋下篇,事緣細胞小組搞行山,組內有細路,既唔可以揀太難,亦唔可以揀太長,友人嘅推介,就喺由青龍頭行上深井沉澱塘,再順另一邊落番深井,故此,終點站就喺深井臨時街市。

和民居食屋 Watami Japanese Casual Restaurant:和孩共享

一個月一次嘅細胞小組活動,今趟輪到小弟負責,我搞親嘅都喺戶外嘢,所以,趁秋涼,一於帶大家行吓山。正所謂糧草先行,出發前就梗喺要食飽飽啦,拉大隊落太子嘅「和民」,貪佢地方大,選擇多,適合一大棚人嚟。

2018年11月30日星期五

Moo Moo:Moo遂自薦

雖然「Moo Moo」嘅地址標示晌觀塘,其實佢近牛頭角多啲,晌牛頭角站行過嚟唔使10分鐘。因公事過到嚟觀塘,加上老婆要上堂,故此,今晚一支公索性食埋先返屋企。而揀咗「Moo Moo」,喺因為仲晌呢頭返工嘅舊同事推介,否則,應該未必行到過嚟咁篤。

2018年11月28日星期三

上海婆婆336 Shanghai Po Po 336:值得翻兜

大概大半年前同啲舊同事嚟「上海婆婆336」聚舊食咗餐飯,大家都一致讚好。所以,今次同班團友聚舊,再翻兜「上海婆婆336」,除地點便利所有人之外,重點喺夠穩陣,讓大家實食得開心。不過,話時話,就喺大半年無食過上海菜,點知呢兩個月因唔同聚會,就接連食咗幾餐上海嘢。

2018年11月25日星期日

富臨皇宮 Fulum Palace:我母會都喺90後

「富臨」呢一家連鎖中菜館,話好唔好,話差又唔喺好差,以街坊角度,佢確喺實惠經濟,又不時提供好多晚市優惠,之不過,質素較參差,曾經有一年我哋嘅死佬飯局,都㷫到我要出手俾負評。但今晚嘅晚宴,服務及食物嘅質素又比預期好喎,加上喺一次意義重大嘅宴會,整體感覺又會喺唔同啲嘅。

深井陳記燒鵝海鮮酒家:深中有數

好話唔好聽,雖然由我所住嘅美孚區入深井頗方便,一程巴士52X上公路,下一個站就已經喺深井,不過,就總喺覺得遠,非常之少入嚟。但呢期小弟搵食蹤影好旺佢,一連兩個星期入咗嚟食嘢,第一轉教會活動入咗嚟「深井陳記」食午餐,隔個星期再入嚟行山,臨尾晌「榮記」食個下午茶先走。

2018年11月24日星期六

幸福咖啡 LN Fortunate Coffee:不似預期

老婆嘅教會晌葵涌上面,所以,不時都會經過葵興呢堆工廠區,最近經過翻新廠廈「EDGE」,見到有家新店開張,嘩!佢呢個位小弟就覺得喺死位,因為極少人行,店名叫「LN Fortunate Coffee」,頗陌生嘅名字,但上網睇睇,原來晌西營盤有店,睇啲店家嘅商標,應喺同一家餐廳嘅分店,睇落風評不俗,增加咗幾分幫襯嘅信心。

2018年11月23日星期五

樂拉麵 Rakuraku Ramen:樂在利東佳!

好快就到聖誕節,港九多個地臨已掛起聖誕裝飾,灣仔「利東街」自從經歷蛻變後,不時都有啲大型裝置,之前就曾經有「月球」、「巨兔」,今回就喺「天使」。其實,小弟就唔喺嚟睇燈飾,只喺順路影張相,目的喺約咗剛去完青森返嚟嘅夏總同夏太一齊食飯。

南記粉麵 Nam Kee Spring Roll Noodle Co. Ltd:糧尾救星

有朋友有睇開小弟嘅食評,首先好多謝支持,其實都喺啲拙作而已,寫嚟當喺人生「搵食」日誌,實在見笑。佢哋話羨慕小弟不時食好嘢,查實亦不時食啲普通嘢無寫啫,麥記、大家樂、大快活……等等快餐店一樣會去幫襯,但食得多又真喺無咩特別嘢好寫。既然喺咁,今次迤迤哋咪寫番篇「南記」囉!

2018年11月22日星期四

Mamaday:晌呢度迤迤哋食咗餐一啲都唔麻麻哋嘅晚飯咁囉

之前睇飲食雜誌,知道粉嶺開咗間賣港式嘢嘅「好難食」,當然,個名改成咁都喺卓頭嚟,反而吸引到啲人去試吓有幾難食。最近,又喺晌雜誌見到一間店名勁搞嘢嘅餐廳「Mamaday」(麻麻哋),位處「鵝頸橋」附近,近近哋就睇吓佢哋啲嘢有幾麻麻哋先!

2018年11月20日星期二

菓甜品 Good Desserts:菓真如此

因為早前睇過啲飲食雜誌介紹過呢間創意甜品店「菓甜品」,當中一款甜點「芝士粟一燒」勁搞嘢,像真度高之餘,再睇番啲人嘅食評,大部分人都有讚無彈,值搏率高。故此,同朋友喺附近食完飯,就順路過嚟探個虛實。

2018年11月19日星期一

喜膳燒 Happy Q:一喜串燒吧!

雖然早排食過大阪炸串,亦晌間日式食堂食過串燒,不過,港式串燒印象中真喺好耐無食過,要數都可以喺成年前葵涌嗰次。友人介紹,晌尖沙咀寶勒巷有家串燒店「喜膳燒」,除咗有點質素外,亦有啲特色嘅串燒。寶勒巷可謂喺一條自然而成嘅食街,不知不覺間,短短街仔已經有好多食肆插旗,平貴、西式、日式、東南亞、印度……乜都有。今晚,同友人一起串燒吧!

2018年11月17日星期六

城大中菜廳 City Chinese Restaurant:一城不變

好耐無嚟過「城軒」,唔喺,喺「城大中菜廳」,因為十年八年前間唔時會晌星期日嚟飲茶。原來,呢年啱啱轉咗手,仲改名為「城大中菜廳」,以示佢喺城大所屬。是日,因嚟到城大參觀一啲義工服務,午餐就嚟到呢度飲茶、食點心。

2018年11月16日星期五

AT Bistro:食廈小清新

月初先同舊同學一齊晌中環聚一聚過食晏,估唔到,約咗好耐卒之成事之下,今日又同另外幾個舊同學食晏。同學嘅指令,想搵啲100蚊左右,地方舒服好坐吓,方便傾吓偈嘅餐廳,卒之搵到間食廈餐廳「AT Bistro」,午市都有得訂位添。

2018年11月15日星期四

丸十日本食堂:精米食堂

晌葵芳新都會開咗間香港首家「當店精米」嘅居食屋「丸十日本食堂」,同老表講不如去試吓,佢話「蒸」米,咪即喺盅頭飯,我話唔喺呀,「精」米喺另一樣嘢嚟,解釋完佢先恍然大悟。更誠意到做「當店精米」,又睇睇佢哋啲出品可唔可以做到「丸」近馳名!

2018年11月13日星期二

北京樓 Peking Garden Restaurant:京喜傳承

「北京樓」真喺好耐無幫襯過,睇番自己嘅記錄,對上一次光顧已經喺2015年6月嘅事,當時就喺大佬東搵小弟食晏,先到訪過中環歷山大廈嘅分店。今晚老友相約嘅飯局,選址尖沙咀星光行店,原來,呢間店已經有40年歷史。

2018年11月10日星期六

Chelsea Garden & Restaurant:心機午餐,值得張羊!

老婆星期六朝要出佐敦辦點事,而我又要到中港城拎跑手包,所以,是日就乘機出嚟佐敦食晏。事前晌網上搜尋過,既然喺星期六,又唔使趕,故此就搵間唔會太嘈,可以悠閒進餐嘅餐廳,當然,食物要有番吓水準架啦。綜合幾方面要求,加埋我哋都就腳,就搵到「Chelsea Garden & Restaurant」。

2018年11月8日星期四

串カツ専門店 JunG39 Japan:串.土必爭

講到大阪,喺有一種好唔同嘅感覺,因為小弟第一次去日本,正正就喺去關西,雖然自由行,但都有啲大貪,一次過去咗大阪、京都、神戶及和歌山,當然大阪就留得最多日,可是,已經喺十多年前嘅事。最近,就同朋友夾緊時間,打算明年再訪。不過,香港既為美食天堂,想食大阪嘢當然無難度啦,近日就由食友推介,嚟到晌銅鑼灣新開無耐主打「串カツ」(炸串)嘅「JunG39 Japan」。

2018年11月7日星期三

布萊恩.L食堂 Bryan L Kitchen:獨丼一面

早過多星期,同朋友晌長沙灣嘅「港口味冰室」食晚飯,臨走上返青山道,路過見到有家叫「布萊恩·L食堂」,除咗覺得個名好得意之外,晌招牌旁,特別註明「手打牛肉專門店」,就因為呢樣嘢,今晚就專登約咗住晌近蘇屋村附近嘅一位表姨甥女過嚟食餐便飯。

2018年11月6日星期二

Studio Caffeine:咖啡誘.因

老友知我一向都喜歡嘆吓咖啡,就極力推介一家咖啡店,更話餐廳攞唔少咖啡嘅獎項架,質素甚有保証,而且,佢哋嘅全日早餐都頗有名氣。講到咁好,唔試唔得啦,咁究竟喺邊間咖啡店?原來喺佐敦嘅「Studio Caffeine」,老實講,真喺未幫襯過喎。

2018年11月5日星期一

品越越式料理 La'taste Vietnamese Cuisine:喜越午飯

又喺一次舊同學午聚,約埋簡單食餐晏,由小弟發辦。其實,我都幾怕晌中環搵地方食晏,因為周圍都喺人,小弟公司有包伙食,所以,平日喺無呢啲煩惱。但既然同學開到聲,就由小弟早少少蛇出去攞位,今日就一齊食吓越南菜,之前到訪過「品越」(旺角店),知道質素去到邊,故此,嚟到中環店,都有信心令同學食得滿意。

2018年11月3日星期六

Backyard:悠閒小後院

10月、11月真喺行咗好多次山,都喺咁啱搵到個老友可以行啲有難度,夠挑戰嘅路段,繼上次沙田嘅黃牛山,今回就上城門嘅草山(針山舊年已挑戰咗喇)。呢日天氣一般,雖則清涼,但早上有啲毛毛雨,所以,沿路上山都好大霧,故就算攻到上頂,都一片迷霧,乜景都無。行山嘅嘢就等臨尾分享,行咗4個鐘,落番荃灣搵食,好耐之前已留意到「Backyard」嘅半自助午餐喇,平平哋百零蚊,可以輕鬆坐、輕鬆食,抵玩吖嘛。

2018年11月1日星期四

Bellevue Bar and Grill:熟.能生巧

講到識飲識食,其中一隻飯腳麵包班同學仔Ivan兄佢比我堅識食,仲識煮,所以,見有一家主打乾式熟成(Dry-Aged)牛扒嘅餐廳「Bellevue」新開業,大家都非常有興趣一試,搵咗晚大家嘅老婆都各自有局,相約嚟「撐枱腳」,講吓飲飲食食、旅行嘢。

2018年10月30日星期二

港口味冰室 Hong Kong Taste:港口味,即喺本土味!

近年咩都講「本土」,政治、民生……無咩邊樣唔涉及。而講到語言,小弟一向都力撐廣東話架,睇我啲食評就知啦,廣東話口語化寫作,有親切感嘛,更盡量唔會夾雜任何無必要嘅外語,若寫到又中又英,只怪自己詞窮未夠料。但一講到飲食,雖然粵菜好代表到廣東人,但點都唔及茶記咁本土。早排晌長沙灣「百匯軒」食家族飯,就路經見到有家茶記「港口味冰室」,鋪面白底紅字,無大玩懐舊,但就有種本土意識形態,點都要搵日試試。

2018年10月28日星期日

Texas Burger:如獲至堡

好耐無同表哥一家食飯,撞啱表姪女完咗個測驗周,就約埋出旺角食餐午飯。之前一直都講過帶佢試吓啲特色漢堡,故此,晌幾間心水嘅漢堡包店中,揀嚟位處「朗豪坊」嘅「Texas Burger」,因為地點最就腳,方便到大家。

2018年10月27日星期六

漁樂 Lime Fish:東南亞午飯,快上快樂!

星期六我哋好多時都喺出街食早餐,午飯就留晌屋企煮;今次就相反,朝早就晌屋企煮早餐食,晏晝飯就近近哋落去曼克頓山嘅「漁樂」搞掂。正正因為上次去過「意樂餐廳」,見隔離呢家「漁樂」新開無耐,又幾多人幫襯,故此,有啲興趣嚟試試。

農場鮮奶有限公司 Farm Milk Co. Ltd.:零難度山徑、清幽小水塘、鮮到爆鮮奶半日遊。

「農場鮮奶有限公司」聽聞過唔少啦,不過,位置吊腳,唔會無情白事走嚟,最近,晌網上搵啲好行嘅行山路線啱我老婆行,就搵到條零難度嘅路線,由石崗嘅「雷公田村」行到去「清潭水塘」,易行、路程唔長、多樹蔭、有啲景,正正又路過「農場鮮奶有限公司」,點都要嚟飲吓佢哋嘅鮮奶啦!

2018年10月23日星期二

蔦 Tsuta:米芝蓮拉麵來蔦

睇過網上少少介紹「蔦」拉麵店嘅資料,既有米芝蓮一星嘅光環,又有東京最佳拉麵嘅稱號,繼新加坡、台灣後,香港店成為第三間亞洲分店。能夠衝出海外,自然有一定嘅實力,是夜同朋友嚟到,一探其虛實。

2018年10月21日星期日

樸生 Bobsang:一樸多食

早前睇過齣韓劇「一起吃飯吧3」,集集都講食韓國特色好嘢,仲要拍到好鬼滋味,搞到小弟都心癢癢想食番餐韓國菜。韓國菜其實都好多元化,今晚走到嚟「樸生」,就喺為咗一次過可以試到多啲嘢,因為,依家逢星期五至日及公眾假期,都轉咗做任飲任食形式。

2018年10月18日星期四

Marine Seafood Bar & More:意菜之夜

都好幾個月無嚟觀塘食飯喇,其實,觀塘區不乏有質素嘅餐廳,尤其晌廠廈之內,不過,食完返屋企要搭鐵鐵兜個大圈返美孚就硬喺覺得有啲耐。難得同親友嘅飯局,走遠啲都無所謂啦。

2018年10月17日星期三

屋子生活 Uchi Coffee:文青小屋子

烏溪沙呢一帶,人生應該嚟過兩至三次,就喺入嚟「烏溪沙青年新村 」宿營,其他地方從未行過。若非今早老婆參加咗個步行籌款活動,由大水坑沿海濱行到馬鞍山公園(終點),再自行沿海邊沙灘小徑行到入烏溪沙,理論上真喺唔會出現晌呢處。由於一早知入嚟,所以,就專誠安排走訪「屋子生活」呢家日系文青餐廳,輕輕鬆鬆食餐晏晝飯。

2018年10月16日星期二

Madam Saigon:食在西貢

同親友原打算嚟美麗華地庫嘅「Fiat Caffe」食意大利菜,點知原來「Fiat Caffe」已經無咗,確實有點可惜,因為佢哋嘅出品真喺唔錯喎,可見做飲食都真喺唔易。取而代之,變身為一間賣越南菜嘅「Madam Saigon」,越南菜都啱我哋喎!

2018年10月13日星期六

Italian Tomato Café:重點在最後

雖然入秋,老婆話好耐未行過山,所以,趁個周末,簡簡單單揀條唔難嘅山徑,就行吓川龍啦。行完山,棄小巴,改搭巴士51號落番荃灣西站,因為荃灣廣場、灣景廣場、大壩街……等等,大把食肆供選擇,之後,我哋搭番西鐵返美孚又快。本來打算再翻兜大會堂嘅「牧羊小年」,正晌西鐵巴士總站行過去時,途經「Italian Tomato Café」,發覺好耐無幫襯過佢,亦懷念佢啲蛋糕,故改晌呢處食午餐。

2018年10月12日星期五

Le q Cafe & Bar:精緻午餐大法現

法國菜一向喺美食嘅保証,當然,都要睇吓間餐廳有無濫竽充數,不過,喺咪真材實料,其實一食就食得出。最近,中環區有唔少高級餐廳插旗,Le q Cafe & Bar就喺其中一家。呢日約咗舊同學有啲商務嘢傾傾,就嚟到Le q Cafe & Bar共進商務午餐。

2018年10月10日星期三

東鮨居酒屋 Azuma:第二街好鮨味

一條港島西延線,唔止帶動好多商機,連帶都令我多咗走入嚟食飯,加上其中一位表姨甥女就讀港大,兼且大部份時間住晌宿舍,更易搵到飯腳。呢一夜,又嚟到第二街搵食,喺一家新開嘅居酒屋「東鮨」。

2018年10月9日星期二

Cossi:si絲回味

不時都會嚟荃灣食飯,尤其晌荃灣廣場、荃新天地一帶,因為小弟家住美孚,又近西鐵,一個站5分鐘唔使就過到嚟荃灣西站,極之方便。今晚就同朋友嚟到大壩街頭嘅「Cossi」用餐,貪其位置方便,近排又風評不俗,甚有潛力嘅食店。

2018年10月7日星期日

唐宮小聚 Social Place:宮力不減

呢餐家庭飯,既喺慶祝姨仔完晒個課程,可以甩難,又喺補祝我老婆嘅生日,而用餐地點,就由姨仔發辦,佢喺荃灣地膽。佢之前試過荃灣店嘅「唐宮小聚」,專登推介我哋一齊嚟試吓,仲問有無人試過,為免掃佢雅興就無特別出聲,其實,兩年多前曾同老婆光顧過中環店喇。

Délifrance:輕盈午餐

講開Delifrance,佢喺小弟最初認識法國美食嘅餐廳,需知十幾廿年前,法國菜都唔喺叫話好普及得緊要,上法國餐廳食飯喺何等大嘅一件事,而當時嘅Delifrance雖然喺賣法國嘢,但就走輕鬆、簡約嘅模式,定價亦相宜。早排,同老婆出開尖東,就到訪「新文華中心」嘅Delifrance輕鬆食番餐晏。

2018年10月6日星期六

米皇:黃牛山下快閃午餐

老實講,人生第一次入了嚟黃泥頭,點解會入嚟?咪行山囉,開始入秋,天氣都涼快咗,老死約我挑戰吓「黃牛山」、「水牛山」,當然奉陪啦,行呢啲先夠挑戰嘛。經過3.5小時行程,兜過大圈落番嚟黃泥頭巴士總站,正值食晏時間,當然最就腳就喺落去廣源邨嘅「廣源市場」搵食啦。

2018年10月5日星期五

天然居海鮮酒家 Sam's Place:然之有物

又喺一年一度細妹嘅生日飯,過往幾年都喺就番細佬妹揀晌深水埗食,但今次就行遠多一個站,改晌長沙灣。而佢哋較鍾意食中菜,所以,就搵咗間商廈樓上嘅中菜館「天然居」。其實呢間酒家屹立晌長沙灣應該都有廿多年,因為,小弟十多年前就同啲夜校同學晌度搞過謝師宴,哈哈!

2018年10月2日星期二

Le Cafe:瀛在乜都試!

經過悠長嘅炎夏,卒之有啲秋意喇,最想嘅喺去日本睇紅葉,不過,基於工作關係,10月、11月都喺難以請假嘅日子。最近,就同朋友仔去到灣仔「香港諾富特世紀酒店」嘅Le Cafe食自助餐,皆因知道佢哋趁日本秋祭新推出嘅主題:「東瀛の味」自助晚餐,睇起嚟幾吸引嘛。

2018年10月1日星期一

意樂餐廳 Cafe de Itamomo:意樂,樂意再嚟!

無耐之前,先嚟過曼克頓山嘅「Pacific Coffee」食早餐,都無為意樓上嘅「759阿信屋」由大鋪變細鋪,而騰番出嚟嘅鋪位變成兩家餐廳,一家喺賣西餐,另一家喺賣東南亞菜。作為美孚街坊,要過嚟試試嘅,今晚兩公婆,拉埋姨仔,先試前者「意樂餐廳」。