泰樂小排檔 Happy Thai：小店新姿「泰」

突然老婆話後晚約咗朋友食飯，咁得番一支公，就當然乘機搵老友出嚟食飯聚一聚。老友發辦，搵咗呢間晌東方街嘅「泰樂小排檔」，真喺唔嚟唔知，呢條街可謂旺中帶靜，而老友話佢哋啲菜式都特別，比較家庭式經營，值得一試。

一豆花 One Bean Curd Pudding Specialist：「一」次就夠

同老婆睇完戲都少少夜，但都諗住食碗糖水先打道回府，我哋就無專登搵，行到近油麻地港鐵站見到對面呢間「壹豆花」，老婆就好鍾意食豆花，見佢鋪仔細細都有啲堂食位，就不如試試。

點心到 Dim Sum Here：「心」受歡迎

今晚又喺「無飯」夫妻日，所以，大家都唞唞出街食，嚟到油麻地嘅「點心到」 ，就晌地鐵站斜對面，貪佢位置方便。兩公婆揀點心專門店有個好處，就喺可以試到多啲嘢，唔似其他餐廳就可能喺佢一個晚餐、我一個晚餐。

越風味地道越南料理 Viet Tasty Cuisine：逍遙歲「越」

東南亞菜系中，一向都幾鍾意食越南菜，曾經自由行去過越南兩次，到訪過唔少地方，河內、胡志明就唔在講啦，上木帆船晌下龍灣過一晚嘅旅程好舒服，到美奈睇沙漠賞夕陽亦喺唔錯體驗。今晚就嚟到「越風味」食吓越南嘢，短期暫未打算出門，就先回味一吓越南味道。

Lockeroom Dining：從心「鎖」欲

講到踢波，小弟當然有自己捧嘅球隊啦，不過，講到食，就無咩立場喇，小弟咩都食，好嘅食，唔好嘅都試吓，平有平食，貴有貴食。今晚，可以講深入敵軍腹地「Lockeroom」，但就唔喺刺探咩軍情，只喺嚟食好嘢而已！

村爺爺車仔麵 Grandpa Mura：「村」流不息

早排晌葵涌一間小店食過一道全隻龍蝦喇沙，定價非常相宜，而且，非常好食，今晚趁住老婆要晌油麻地返學，等埋佢放學就會一會「村爺爺」，試試佢哋大熱嘅龍蝦車仔麵，身邊有唔少食友都幫襯過，都一致讚好，加上老婆都話好耐未食過車仔麵，就豪食一餐車仔麵。

象茶 Elephant tea：不「象」預期

早前逛一逛油麻地果欄，無咩收鑊，打道回府時就必然順便行過去「駿發花園」拍卡慳$2，而行過去地鐵站時，經過呢一間賣台式茶飲嘅「象茶」，見門口企咗唔少人等外賣，好奇下過去睇睇，喺幾抵喎，見口渴就買杯嘢飲吓。

不籽是咖啡 Not Just Coffee：「籽」日可待

呢一間「小巷」咖啡店一直有打算嚟試吓，因為，晌網上見到環境好，菜式有啲亮點，而咖啡更喺目標物，不過，油麻地區唔太喺小弟搵食嘅熱點，通常都喺有事過開呢頭，就順便搵搵食。呢日卒之出開嚟，有個波友又話出旺角買波鞋，所以，索性約埋食返餐，等小弟有個伴。

紅煮意 Red Idea Cafe：悠閒煮意

小弟擺低書包好耐，是夜難得走到過嚟油麻地上堂，由於上堂時間夜，成8:30pm先開始，所以，晚飯就搵間好坐啲嘅、襟坐啲嘅，唔使諗食完飯搵咩地方遊盪，索性就番上堂時間先離開。晌網上搜尋吓，偶然發現呢一家隱蔽嘅樓上小店「紅煮意」，見其風評不俗，晌樓下望過餐牌定價亦合理，上訪一試。

Bellevue Bar and Grill：熟．能生巧

講到識飲識食，其中一隻飯腳麵包班同學仔Ivan兄佢比我堅識食，仲識煮，所以，見有一家主打乾式熟成（Dry-Aged）牛扒嘅餐廳「Bellevue」新開業，大家都非常有興趣一試，搵咗晚大家嘅老婆都各自有局，相約嚟「撐枱腳」，講吓飲飲食食、旅行嘢。

豊洲水産海鮮丼専門店 Toyosu Suisan：丼之無愧

食海產幾時都喺以新鮮貨為重點，「海鮮批發」、「新鮮直送」，喺咪提升咗對一店源嘅信心呢！去年尾嚟自東京築地市場嘅海鮮批發商「豊洲水産」正式晌香港灣仔插旗，打住首間海外直營海鮮丼專門店，咁嘅背景已令人感到有一定嘅保證。過多幾個月就已經晌九龍區油麻地開分店，小弟就未去過東京，但久唔久就有食海鮮丼嘅傻勁，趁老婆今日有事無時間煮飯，就一於出去食撐撐枱腳。

Kubrick：文青不再

重陽節有咩好節目？梗喺登高啦，同朋友行山，由城門水塘行去大圍香粉寮村，喺朋友嘅私密山徑，人跡罕見，甚有探秘嘅感覺，天朗氣清，行兩個鐘唔使就行完。是日節目未完，夜晚就約咗朋友出油麻地食飯，地點由佢定，大家都喺咖啡粉絲，所以，就專登揀咗Kubrick，一於扮文青（其實我哋啲中佬，文青不再啦）。

Eat Me Bar & Restaurant：抵到咁Bar閉

好耐無搵表哥一家食晏喇，因為表姪女星期天要學琴、上補習，都幾難約齊佢一家，傾開偈知佢就快考試，就唔使再上堂，一於約出嚟聚一聚。今次揀嚟位於油麻地譽發廣場5樓嘅Eat Me Bar & Restaurant ，皆因無意中發覺佢啲午餐好抵，而且，表哥一家未到過啲上樓酒吧餐廳（因為佢哋好少出街食飯），可以一齊嚟試吓。

樂雅軒中菜廳 The Balcony：接糉而來

唔夠半個月就喺端午節，除咗有一日假休息吓，端午算喺較有氣氛嘅中式節日，因為當日有唔少龍舟比賽之外，應節嘅糉品紛紛湧現，令你自然知道就快端午。繼早前收到好友「奇華」嘅出品，今回接踵而來，喺嚟自城景酒店嘅「樂雅軒」，多謝好友餽贈，讓小弟初嚐此酒店中菜館嘅出品。

Plato Cafe & Bistro：一柏即合

一講柏拉圖（Plato），你可能覺得好熟，但又唔想唔起佢喺乜水。佢喺古希臘哲學家，但以前讀西史，稍為有啲印象就喺佢老師叫蘇格拉底，一聽搔「格甩底」大家就「架架笑」。因為要出油麻地上海街買整麵包材料，所以，順便約埋夏總兩公婆食晏，一拍即合就嚟到Plato Cafe食晏，嚟依度嘅哲學就喺搵食。

Amour Corner：法角小館

之前同朋友去咗砵蘭街嘅鳴橋食日式烤肉，等位時見隔離嘅Amour Corner幾旺咁，再八啩吓門外嘅餐牌有咩食，原來喺間改咗個法式名字嘅西式小店，套餐定價唔貴喎，二人晚餐平均每人唔使$150，所以，幾星期後同老婆過嚟食餐晚飯。

功夫點心 Kung Fu Dim Sum：功糕蓋主

過農曆年，糕品配粥喺唔少得嘅早餐選項之一，皆因總有機會從朋友或親友間收到一啲糕點嘅賀年禮盒。多謝朋友送來兩盒出自「功夫點心」嘅賀年禮盒：臘味蘿蔔糕及椰汁年糕，讓小弟跟家人又有餐免費糕點食吓！

美心西餅 Maxim's Cake Shop：龍蛇混雜賀牛一

前文提要，話說趁過年前，同班死佬朋友晌星廚管理學校訂咗一圍蛇宴，食得非常盡興，順便祝賀部份大佬牛一，所以，「專燈」晌美心整籠「壽包」嚟賀一賀依幾個月生日嘅老死。

星廚管理學校 Star Chef Management School：即煮即食．死佬蛇宴迎團年

曾經同班「死佬」朋友搞過兩年蛇宴飯局，由於依家比較少酒樓會晌秋冬推出蛇宴，所以，近兩年都無搞咯。繼三聖海鮮夜同大埔私房菜，一班老細一時興起又話想搵番次蛇宴，先後問過深水埗嘅蛇王協同蛇王業，大家覺得有點貴之餘，主因喺菜式太「蛇」，10道菜有8道都喺蛇菜，覺得「負擔」太大。後尾搵到富臨都有做蛇宴，但未計茶芥加一，亦唔包酒水，都已經$3,480，即喺埋單四千起計。最後，有提議「星廚管理學校」嘅蛇宴。

菲爾斯曲奇專賣店 Mrs. Fields Cookies：好友狂嚐曲（廿七）

老婆同樣都鍾意食曲奇，但凡事總有例外，依個「例外」就喺美式曲奇，一來佢覺得太甜，二來佢覺得美式曲奇口感軟腍腍，唔知點咁，古古怪怪，然而小弟就乜都啱，所以，好友所贈嘅菲爾斯曲奇就可以由小弟一人獨享。