嚐客 Savour：搵食「嚐」態

因為早前腳傷，抖咗一大段時間，見好得七七八八就約埋老死踩番轉單車，但唔敢踩得太盡，只喺由太和踩到去上水「大水渠 」，再過埋羅湖邊境嘅「得月樓警崗」，最後踩返太和食晏，老友就推介呢間「嚐客」。

湖越 Lake Vietnam：閒情歲「越」

趁陽光普照，天氣又涼涼哋喎，跟老友踩單車，目的地入大美督，呢條線對我哋嚟講比較輕鬆，可以hea住踩。踩到入去，想搵個好地方嘆個好啲嘅下午茶，老友推介對住湖畔呢一間越南小餐館「湖越」，貪其環境好。單睇鋪門嘅設計，模擬到成隻木船，已經好有心思。

阿三大牌檔 Ah Sem Da Pai Dang：單車友開年飯

老友家住太和，知道大埔舊墟直街呢個鋪位礙於疫情，近年都轉過幾手，最近換上呢一家「阿三大牌檔」，話質素唔錯，性價比高，所以，一班單車友由大埔出發，踩車到大美督，再過新娘潭，落番鹿頸，然後兜沙頭角公路返粉嶺，回大埔，繞咗一個大圈，大概踩咗38公哩左右，之後，當然晌度食番餐好架啦，兼當喺開年飯，希望來年事事暢順，大家踩極都有。其實呢條街漸漸變成成條食街咁，平有平食，貴有貴食，豐儉由人。

Tom Bar & Grill：偷得浮生下午茶

風和日麗，而老婆晏晝有義工活動，咁就當然同啲老友出車啦，不過，今次輕鬆啲，大埔沿吐露港踩去烏溪沙，再原路折返，大部份平路，好易踩。回程比預期早，所以，就晌科學園食個下午茶，晌單車徑側，有幾家餐廳，環境唔錯，點指兵兵就晌「Tom Bar & Grill」坐低咗。

富記驛站 Fu Kee：未能「驛」轉

我哋一班老死成日講笑，行山行邊度，踩車踩去邊，都唔喺重點，重點喺個下午茶晌邊度食。今次出車，兜勻成個大埔、沙田、大圍，最後由老死帶路嚟到呢個私房秘點，大埔廣福邨冬菇亭嘅「富記驛站」，睇埋環境，就知擺明喺俾單車友中途嘅補始站。

木船泰國粉麵專門 Wooden Boat：「泰」抵食

近排香港持續酷熱，34°C、35°C等閒事，老友話行山就頂唔順，所以，改改踩單車，由太和沿吐露港踩到出大圍，再原路返，好彩今日又幾夠海風，整體感覺都幾唔錯。最後，擺番好啲車之後，就兩支公由老死帶路到附近嘅「木船泰國粉麵專門」食埋嘢先散。

果子 Life Cafe：不「膩」之材

第五波前都有同大埔老友踩吓單車，之後，就當然要暫緩吓啦，直到最近，疫情落咗好多，單車就仲未踩住，不過，就行轉短山。既然就大埔老友，就行番嗰邊，並專登晏少少起步，行完食午餐都可以避咗個高峰時段。老友帶路，推介呢一家主打星馬菜小店「果子」，見人話風評不俗。 

R&Y's International Cuisine：「督」定一試

陽光普照嘅星期六，又喺出車日，跟老友踩單車，目的地又喺入大美督，不過就先落科學園，再兜入大美督，hea hea哋踩。幾個月前都走咗一轉入去，平平哋去咗「忠誠茶座」，但真喺一般般，今轉老友就話想食好啲，加上有消費券做支持，就嘆餐好嘅。晌網上搵搵，搵到家「R&Y's International Cuisine」，話店主出身自五星級酒店，咁就真喺要試一試。

香葉灣 Fragrant Leaf Bay：夠晒專「葉」

唔好睇個名「香葉灣」就以為喺咩越式或泰式餐廳，基本上，可以視為茶記，不過，就提供好多東南亞菜式。承接上文晌大美督「忠誠茶座」嘅食評，踩完單車，一個老友返大埔，我同另一個老死就過太和，因為架車喺佢嘅，返佢屋企擺低兩架車，再落去嘆下午茶。

忠誠茶座泰國菜 Chung Shing Thai Restaurant：茶座「忠」影？

天氣好，一到周末，唔喺行山，就跟老友踩單，今回又跟老友出車，由大埔踩入大美督，食完晏再兜過去三門仔，然後經大埔海濱公園返大埔，條線好踩、輕鬆。雖然天氣幾熱吓，但踩住車感覺喺OK嘅。正午到大美督，亦喺最熱嘅時段，最好喺食晏嚟「避暑」，食咩老友話事，佢哋最熟地頭，最後揀「忠誠」，因為有啲算喺抵死嘅粉麵，一陣仲要踩車，唔方便食太飽。

膳坊 Grand Cafe：質素大改「膳」

之前一篇食評「村校小賣部」就講到我哋三幾個死佬入咗去行烏蛟騰、梅子林、荔枝窩、印洲塘海岸公園、三椏村……，兜咗個大圈，行咗5個幾鐘。之後，搭巴士出返大埔，當然，喺食番個下午茶啦。由地膽帶路，又喺嚟番上次嘅「膳坊」，雖然，喺想試其他餐廳，但跟大隊啦，反正，我又唔喺太抗拒翻兜嘅。

宋伯士多：清風「宋」爽

上年年中行過一轉鹿頸至谷埔一段，無難度，超輕鬆，今回跟另一班行山友就舊地重遊。然而，上次行到近谷埔，「宋伯士多」就無開，今次就見佢有開檔，當然作為中途站，歇一歇，抖一抖，嘆碗豆腐花先。幫襯呢位「宋伯」，真喺可遇不可求。

小安南越南河粉 Petit Annam Pho：值得「安」哥

之前一篇「張記士多」嘅食評，就講到第一次跟姨仔，加埋佢朋友一齊行山，由粉嶺行到去大埔，響水塘起步，再經鶴藪水塘、沙螺洞、鳳園，搭小巴出番去太和。午餐就帶咗啲乾糧中途食，而去到沙螺洞時又晌「張記士多」攤抖吓兼食碗山水豆腐花，過到嚟太和，都將近4:00pm，返到屋企都接近傍晚，行到攰都費事煮，就索性晌太和食個早早早鳥晚餐。姨仔查一查，就揀咗「小安南」，啱啦，食啲濕濕哋嘅越南粉就最好。 

張記士多：順理成「張」

第一次跟姨仔，加埋佢朋友一齊行山，佢就揀咗段由粉嶺行到去大埔，從人氣熱點流水響水塘，再經鶴藪水塘、沙螺洞、鳳園，落番去太和。午餐就帶咗啲乾糧中途食，而去到尾聲沙螺洞陋屋村之時，見到有個「張記士多」嘅標示，又話有山水豆腐花食，就走入村裡望望，確喺有檔「士多」，順理成章就一齊晌度攤抖吓兼食碗山水豆腐花先再起行。

膳坊 Grand Cafe：從「膳」如流

是日單車郊遊日，同班老死由大埔踩到入羅湖，朝早10:30am出發，迤住踩，踩到4:00pm返到嚟大埔。之前一文就介紹過「鴻淘士多‧羅太豆花」嘅豆漿、豆花放題，當喺是日輕怡午餐。既然完晒今日行程，就當然要食份下午茶餐補補體力。由地膽帶路，穿天橋過到嚟運頭塘商場，嚟到「膳坊」，初時睇個名以為喺中餐館，原來都喺茶記，哈哈！

開飯主義 Hoi Fan Cafe：開飯主意

一年總會入嚟太和一次，因為同親友入嚟掃墓，以往就多數揀正午時間，今年就改為晏晝，所以，就先晌大埔搵個地方食晏，食完再跟親友匯合。大埔真喺唔多熟，所以，請教咗地膽嘅舊同事，佢推介呢間「 開飯主義 」，話定價親民，「熔岩系列」有特色，性價比高。

Jumbo Cafe：珍分奪秒

因為小弟都算住近西鐵線，所以，新界西都偶有小弟搵食足跡，但新界東呢？真喺除大圍、沙田外，往上延真喺食唔得幾多間，今次同兩位朋友嚟到Jumbo Cafe食晏，都喺因為一位朋友住正大埔，另一位朋友住晌上水，我就順便入嚟樹記買鮮腐竹。

Olive Cafe：飽欖美味

沙田打上嘅新界區甚少有小弟搵食嘅足跡，因為過嗰邊真喺好長途跋涉，偶爾都只喺約番啲新界友聚聚先至入嚟，所以，趁今日入新界區掃墓，就約番以前工作嘅師姐聚一聚食個晏，大談軼事，細說當年。

奇華餅家 Kee Wah Bakery：「喜迎金猴」工作坊

世紀寒流襲港，市區氣溫十度以下，新界就更加唔使講，不過，晨朝早無懼寒風，照樣入到嚟大埔工業邨，因為，參與咗奇華餅家嘅「喜迎金猴」工作坊，阿茂整餅，學人整年糕及蝴蝶酥。

暢和軒：死佬C房菜

繼今年三月入到屯門三聖村興記嘅海鮮大食遊，我哋嘅死佬飯局事隔半年多再搞趟大埔廣福里暢和軒嘅私房菜飯局，幾經艱苦，約咗個幾月先度到個期，有成11件死佬，都算難得。

講番今次嘅暢和軒，都有啲古仔，由吳永皓師傅晌元朗錦田搞起，當時鋪號叫「紅廚」（因食店藏身於一間紅磚屋內），曾經搬過去長沙灣，之後輾轉又搬番入元朗朗屏，不過，吳師傅話紅廚由佢以前啲拍檔搞，佢就同另一個朋友晌度開咗暢和軒，所以餸菜都由佢主理。此外，晌大埔都仲有一間暢和軒（舊墟直街地鋪），細問之下，原本喺佢啲徒弟仔開，只喺做中菜，想食私房菜都喺要搵番吳師傅依檔。