素某so'N：一「素」而空

老婆向來晌飲食上都偏素，雖然未至全素，但可以揀到嘅都會盡量揀素食菜式，今晚就專登帶佢嚟試一試「素某」，因為從食友嘅食評所見，菜式精緻，配搭具心思，環境又舒服，值得走訪一試。

入素 Green Entrance：心裏有「素」

因為老婆嘅回鄉卡就快過期，所以，襯得閒就過嚟葵興呢邊搞換證，人流唔多，流程簡單，好快就搞掂啲手續，搞完之後正正喺放飯時間，就過對面嘅KCC睇下有咩啱食，發現8樓有間食素嘅「入素」 ，啱晒老婆，二話不說就揀呢間！

素年 The Park by Years：細「素」滋味

老婆生日飯，最頭痛喺搵啲啱去食嘅餐廳，其實 佢對食嘅要求唔太高，唔需要好貴好奢華，但最緊要喺合佢心水、啱佢口味，由於佢喺偏素，所以範圍喺收窄咗少少，不過出面好多素食餐廳水準參差，搵吓搵吓，以前曾經講過話試「素年」，但隔咗數年都未幫襯過「素年」，今晚卒之嚟一試。

無肉食 Ahimsa Buffet：無「肉」無求

今餐飯喺突發，老友喺做揸老細車，呢幾日佢老細出遠門，所以，走過嚟搵小弟食晏，咁有誠意 ，當然要出嚟聚下啦。餐廳就由去搵，結果帶我嚟呢間素食餐廳「無肉食」試試，佢就試過覺得幾好，小弟就第一次到訪。

Green Common：今次真喺Common咗

在前文提要少少番，就喺同一班舊同事喺西環、中環玩咗大半日，坐埋摩天輪，搭返天星過尖沙咀，而是日行程最後一站，就喺食晚飯。下晝餐梳乎厘班戟下午茶都未落晒格，所以呢餐晚飯就食得輕怡少少，嚟到「Green Common」食餐素，加上離碼頭近，夠就腳。

Cafe Imagine：未達「素」求

同姨仔食完慶生飯無耐，又因事約出嚟聚一聚，就佢是日晌荔枝角有行程，摷吓摷吓就搵到呢一家素食店「Cafe Imagine」，單睇店名，真喺完全估佢唔到喺間純素嘅素食店。

從心素食 Heartful Veggie：細「素」近況

前文提要吓先，由於同老婆入咗嚟將軍澳「宅渡假」，個套票包自助午餐及早餐，無包夜晚，所以，專登晌夜晚約姨仔食番餐，因為自從佢搬咗去坑口，我哋都好耐無聚一聚。剛好一年多前就幫襯過「從心素食」食晏，不過，當時喺尖沙咀店，原來，亦已經執咗。因為食過覺得好，老婆又偏素，所以，特意介紹呢間素食店俾姨仔。

LITE：中環小清新

被老婆話我成日都大魚大肉，其實我就唔覺喺，比起身邊好多老友，我算食得健康架啦。今餐就無得挑剔，一定喺非常健康嘅一餐，位處中環威靈頓街嘅「LITE」，主打就喺沙律，輕工業風粗獷嘅鋪面，晌中環區嚟講真喺別樹一格。

Vegetarian Kitchen by Dickson Yoga：心中有「素」

嚟到「Dickson Yoga」，唔喺做瑜珈，而喺搵食。老實講，瑜珈呢樣野真喺唔啱我，行山、踢波、踩單車呢啲力量型運動型我就無問題，伸展、拉筋呢類嘅真喺唔搞我。晌「Dickson Yoga」裡邊，附屬提供埋餐飲，所以，就同老婆晌度食個午餐，之後，佢就過「翠屏」參加義工活動。

從心素食 Heartful Veggie ：從心「鎖肉」

老婆話今日幫咗佢拎晒成喼帳薄返公司，晏晝餐飯就佢請，小弟當然欣然接受，不過，餐廳都喺等番佢揀，佢就揀咗「從心素食」，因為佢想我試試呢度嘅「片皮鴨」，佢之前同朋友試過，覺得非常有特色。

Infiniti C：「酮」心未泯

小弟本身咩都食，除咗太辣之外，基本絕大多數嘅嘢都入到口，亦無話有啲咩偏好。托賴，無咩食物敏感呀、糖尿呀、腸胃……等等毛病，所以，餐餐都可以開懷暢「食」。今日有事過到嚟堅離地城，順便一會「Infiniti C」，純粹試吓無麩質、純素、生酮嘅食物而已。

珺 Emerald：渾身解「素」

睇見相熟食友嘅食評，大讚呢一家中西合璧嘅新派素食餐廳，故趁周六方便，同老婆過嚟試試，因為佢喺偏素愛好者，而是日天氣又好，暖暖哋加上陽光普照，更可以順道行一行港島區嘅行山徑。「珺」字，究竟讀「君」定「郡」？原來正音喺讀「菌」，查查字典解美玉，而店名英文用了「Emerald」，即綠寶石，未知喺咪配合店名，一排梳化椅都用上綠色；然而，從店名，約略感到其所想帶出的君子雅氣。

走肉蔬食研究所 My Meat Run Laboratory：大「素」據年代

其實，上次老婆嘅生日飯都常帶佢嚟試，不過，種種原因就打消咗。今回就因為要落去荔枝角攞手機，所以，就順道會一會呢間「 研究所」，研究研究一下佢哋嘅素食喺點。因為星期六都唔喺返工日，諗住嚟食個晏，但估唔到都比預期多人，不過，咪睇門口企咗好多人，佢哋唔喺等位，只喺望緊有咩揀，因為呢度有少少快餐營運模式，晌出面收銀落單、俾錢，之後等攞嘢食。

松山素食 Chung Shan Veggie：「松」心所欲

中環搵食一向都唔平，就算晌快餐店，除一啲特價飯之外，基本起錶價都喺四十以上。但最近先留意到食友嘅食評，原來上環有家素食店「松山素食」，外賣嘅飯盒都只喺三十零蚊，而且，食友仲話份量十足。青綠色門面好易認，雖然叫晌上環，但小店位處都算挨近中環尾，晌中環返工嘅我，都覺得值得走遠少少過嚟試吓。

The Joomak：重新素造

年多前曾嚟過The Joomak食飯，所以，知道佢哋喺賣啲新派韓國菜，亦知道佢哋都幾支持素食，仲晌逢星期一搞素食放題，上次嚟我都喺專登揀素嘅菜式。今晚，就同老婆及親友，一行3人嚟食餐半素半肉嘅新派韓餐。

素一 Veggie One：自助找素

近年食多咗素，亦知道坊間更開咗唔少素食自助餐餐廳，但講真，就真喺一次都未試過。友人就貪新鮮，建議一齊去試吓，小弟就當然樂意奉陪啦，齊齊嚟到「素一」，橫「素」各種美食。

大自然素食 Gaia Veggie Shop：渾身解素

由於老婆茹素關係（佢又唔喺食全素，只喺避免食紅肉，白肉或海鮮都會食少少），小弟就多咗食素嘅次數。不過，原來身邊都有唔少朋友都喺咁，就算唔喺全素，都不時揀餐飯喺食素嘅。啱啱去完旅行，是夜，就同啲相熟嘅食友嚟到「大自然素食」聚一聚，講吓近況，順便派點小手信嘛！

Green Common：新嚟新豬肉

睇番以前嘅食評，剛剛好1年前嚟過尖沙咀嘅「Green Common」幫襯，佢哋以賣高科技前衛素食食材為賣點，嗰次試咗牛油果焗蛋、咖喱三寶配豆乳家常麵、足甘筍漢堡幾道菜式，感覺不俗。加上老婆本身食嘢都喺偏素，所以，佢都幾鍾意「Green Common」。

幸福咖啡 LN Fortunate Coffee：不似預期

老婆嘅教會晌葵涌上面，所以，不時都會經過葵興呢堆工廠區，最近經過翻新廠廈「EDGE」，見到有家新店開張，嘩！佢呢個位小弟就覺得喺死位，因為極少人行，店名叫「LN Fortunate Coffee」，頗陌生嘅名字，但上網睇睇，原來晌西營盤有店，睇啲店家嘅商標，應喺同一家餐廳嘅分店，睇落風評不俗，增加咗幾分幫襯嘅信心。

Sangeetha Vegetarian Restaurant：素印良品

晌香港，印度菜好普及，素食菜館近年亦大行其道，但專賣印度素菜嘅餐廳你又知唔知有幾多家？我就唔多清楚嘞，只喺最近就去過尖東嘅「Sangeetha Vegetarian Restaurant」一掃印度素菜，食素，就梗要預埋喜歡食素菜嘅老婆啦。