民華餐廳 Man Wah Restaurant：速食「民」化

平常入嚟東涌食嘢通常都喺行完山，食個下午茶，但今次就參家活動，放飯時間就嚟逸東呢邊食個午飯，眼見呢家民華門外有啲人排，但又唔算多，啲客又快上快落，晌度搵食應該幾穩陣。

Essence：快閃自助午餐

東涌就一向少入嚟，然而，同呢間餐廳「Essence」都算喺有啲緣，先後因為大型聚會、Staycation而嚟過好幾次。今次再寫又喺因為搞大型聚會，入到嚟食自助午餐，由於小弟有份幫手做車長，事前事後要安排車務、聯絡司機，仲要幫吓手扶老攜幼上上落落，所以，真正用餐時間大概得一個鐘。如果普通食晏當然無問題，食自助餐就肯定唔夠，故此，揀食物要有取捨，快閃當食個飯堂快餐。

香港地 Hong Kong Day：絕無「港」究

雖然入嚟大嶼山行過好幾次山，但上鳳凰山印象中真喺差唔多廿年前嘅事，所以，趁住仲喺秋高氣爽嘅日子，就同啲老友上番一轉鳳凰山，之後嘅重點就當然喺嘆吓下午茶啦。返到嚟東湧，近近哋喺地鐵站附近嘅「香港地」食下午茶。

皇室宴會廳 Royal Banquet Hall：人多擠「室」

都好多年無入過嚟迪士尼，一來我唔喺迪士尼控，二來樂園入場費都確喺幾貴。老實講，今次 喺作為義工身份入嚟，可以講話喺做啲扶老攜幼，帶吓路，幫大家影吓相、拍吓短片。差唔多到午飯時間，就揀咗響旋轉木馬對面嘅「皇室宴會廳」食晏，諗住價位相宜少少。

大少燒味茶餐廳 Dai Siu Roast Cafe：下午茶補給站

等到老友「洪哥」星期六短週，加上地鐵有半價 ，所以，兩支公專登入到嚟大嶼山行山，而今次選擇嘅喺由梅窩起步行，經南山古道、南大嶼郊遊徑上到伯公坳，再過對面接地塘仔郊遊徑，然後落返石門甲，再去逸東邨食番個下午茶補一補，行得夠晒皮。因為上年年尾嚟過呢邊住民宿Staycation，所以對「滿東」、「逸東」都有啲認識，而今次所試嘅喺「大少燒味」，因為好似睇見啲食評都唔錯。

香港迪士尼樂酒店宴會廳 Hong Kong Disneyland Hotel Banquet Room：婚宴午餐小點「迪」

本身唔係迪士尼粉絲，所以，迪士尼開咗咁耐以嚟，印像中都喺去過兩三次，次次都喺有啲優惠券之類。而佢嘅餐廳無論樂園裏邊，還是酒店嘅，幫襯嘅都喺寥寥可數，實在唔多，今次入到嚟迪士尼嘅宴會廳，無非都喺出席表姨甥嘅婚禮。喺度擺婚宴一大亮點就喺宴會廳嘅環境非常之好，無任何柱位，又超高樓底，裝修華麗，加埋燈效；另一亮點就喺中場時段，會出現迪士尼卡通人物同大家拍照！

六十年代 The Sixties Restaurant：逸東邨搵食實「六」

又前文提要吓啦，因為入咗東涌近鳳凰山山腳下村落中嘅民宿住番晚，唔包食，所以，早晚兩餐都要自己搞掂。今朝早，屋主就推介我哋去試吓晌「逸東邨」嘅「六十年代 」，所以，就過去試試，跟住，順道先去走訪馬灣涌村，探索昔日東涌嘅小漁村，然後再睇睇東涌炮台。

八方雲集鍋貼水餃專門店 Bafang Dumpling：今餐又「餃」掂

平常去宅渡假都喺晌酒店，包一餐或兩餐，但今次入到嚟東涌，仲要喺鳳凰山山腳下村落中嘅民宿「城市綠洲」，唔包食，所以，早晚兩餐都要自己搞掂。雖然，可以借用民宿廚房，但得我哋兩公婆，就費事搞，故此一早已打算食埋晚餐先入民宿。而最近民宿就喺「滿東邨」，完全喺好隨意搵咗「八方雲集」。

QUE：和風新「滋」態

嚟得東涌只有3件事會做，一喺就行山，一喺就宅渡假，一喺就有嘢想買，行Outlet。自從上次入嚟宅渡假，有較多時間逛逛東薈城，發覺多咗個二期，開咗好多餐廳。今次所試嘅日式西餐廳「QUE」又喺晌二期呢邊，並且喺新開無耐。

稻成京川滬 Dab-pa Modern Chinese Cuisine：志同「稻」合

趁老婆生日，嚟到東涌「富諾特酒店」Staycation，兩公婆開開心勻玩咗兩日一夜，行程豐富，依一刻都接近尾聲，晌東薈城買埋戰利品，打算晌東涌食埋晚飯先走，順便當埋生日飯。晌噚日嚟到東薈城二期嘅「Wheatfield X 羅宋湯專門店」食完晚飯後，落幾層見到這一家「稻成京川滬」，就決定「最後晚餐」晌呢度食，因為兩、三年前幫襯過佢哋嘅葵芳店，印象幾好。有時搵食之道，就喺翻兜食過嘅好店，穩穩陣陣！

香港巧克力藝術坊 The Art of Chocolate：消暑奇「冰」

繼續東涌食評，不過，一跳就由地面跳到上山頂。晌「富諾特酒店」退房、辦好寄存行李之後，就坐「昂坪360」上昂坪，雖然，開咗咗多年，真喺大鄉里出城，第一次坐，仲要試埋坐水晶車。上到昂坪，行吓昂坪市集、遠足昂坪奇趣徑、參觀埋心經簡林。經過一家「香港巧克力藝術坊」(The Art of Chocolate)，主要喺做一啲朱古力展覽，賣朱古力產品，不過，我哋就無參觀，反而幫襯食支高檔雪條。

Essence：Staycation早餐 + 野餐套裝

慶祝老婆生日，乘着「賞你住」嘅優惠，訂咗東涌「富諾特酒店」嘅郊「悠」住宿套票，住番晚渡吓假，我哋真喺當旅行架，有晒景點行程，唔喺齋住。噚日就先晌酒店游吓水，跟住再去機場維修區睇日落及飛機升降，今日呢，早上就報咗O.Park1嘅導賞團，下午就坐昂坪360，行行昂坪市集、遠足昂坪奇趣徑、參觀心經簡林，最後當然晌東薈城買吓波鞋啦。宅渡假嘅套票包咗自助早餐，所以，一早就落嚟「Essence」食餐豐富嘅早餐。

Wheatfield X 羅宋湯專門店：酸香滋味大放「宋」

前文都提及到訂咗東涌「富諾特酒店」嘅Staycation套票，入嚟東涌玩兩日。晌酒店游完水，再到機場維修區睇日落及飛機升降，雖然，海面嘅雲層比較厚，睇唔到「鹹蛋黃」，但黃昏景致都喺好靚。由於套票只包一晚房價、自助早餐及兩份野餐包，故晚餐都要自己安排吓，但成個東薈城，真喺唔使擔心搵食問題。嚟之前已搜羅咗幾間心水，最終決定「Wheatfield X 羅宋湯專門店」，因為老婆好喜歡菜湯食品。 

摩斯漢堡 MOS Burger：「斯」心推介

之前，旅發局再推出咗「賞你住」活動，有幸訂到東涌「富諾特酒店」嘅Staycation套票，可以慳番$500，淨付出$800就可以喇，趁老婆生日，就入到東涌來一趟小旅行。套票包一晚房、自助早餐及兩份野餐包，故入住前就晌「Mos Burger」食個輕怡午餐。

香港地 Hong Kong Day：就「地」搵食

今次卒之同老友踩單車衝出市區，老遠跑到嚟大嶼山踩一轉，晌欣澳起步，兜一兜迪士尼、迪欣湖，再沿翔東路入東涌，晌東涌食個晏之後再入機場維修區。中午嚟到東涌，大家都無咩心水食乜，嚟到「東堤灣畔」見到「香港地」，貪其落地玻璃，方便睇住泊晌對出圍欄架單車啫，食嘢對我哋嚟講都可以好求其。

百尚屋 101 Tasty House：貴試小食餐

雖然仍有限聚令，但保持一定嘅社交距離，又做好防疫措施，基本上一啲戶外活動我就覺得絕無問題。今趟就友人吹雞，搞咗趟欣澳、愉景灣郊遊樂，仲晌愉景灣食咗個黃昏「下午茶」。對愉景灣唔熟，都唔知有咩好食，而且，好多有海景睇嘅餐廳都已經坐滿人，仲喺無視限聚令保持1.5M距離，所以，晌番主廣場嗰邊，試咗家小食店「百尚屋」。

空港居酒屋 Airport Izakaya：「空」有成竹．超值套餐

「空港」，喺日文用語，即喺機場，「空港居酒屋」開店於富豪機場酒店內，我想就取咗「空港」為名。近幾年間，有幸去到較遠而唔同地方旅行，見識多咗，眼界闊咗，不過，機場周邊嘅餐廳都喺擦身而過嘅多。然而，今晚特意嚟到「空港居酒屋」一嚐其鐵板燒料理，皆因推出咗一款極超值嘅套餐，讓人願意花多少少時間同車費入嚟見識一下。

環亞機場貴賓候機室 Plaza Premium Lounge (West) ：宵遙快活

「環亞機場貴賓室」非第一次到訪，以往搭廉航、坐晨早機或凌晨機，都會入去食啲嘢先上機，爭取晌機上休息。但以前就多數喺嚟東翼嘅「環亞」（一號客運大樓離港層近1號閘口），但今次嘅大旅行喺凌晨機，一於預早食完嘢上機大覺瞓，就到訪西翼嘅「環亞」（一號客運大樓離港層近40號閘口）。

大澳小食 Tai O Snack：妃常薄餅

一行人，其實得4個，趁星期六大家都唔使返工，天氣又涼涼哋，一於沿「離島自然歷史徑 – 昂平及大澳段」由東涌沿海行到入大澳，行吓、抖吓，抖吓又睇吓，結果都要用上5個鐘先入到大澳。嚟到大澳，除買番啲蝦膏、蝦醬做手信，仲試吓啲小食。咯過其中一家「大澳小食」，睇見有一款蛋餅叫「香妃卷」，即做即食，有興致地一試。

藝廊咖啡室 Cafe Aficionado：藝力美食之旅

80日可以環遊世界，咁60日可以做啲咩呢？早前晌「富豪機場酒店」嘅「藝廊咖啡室」就推出咗一個「60日環球美食之旅」自助晚餐，顧名思義，去到9月10日前嘅兩個月，自助晚餐嘅主題就喺以環球美食為賣點。雖然（如無意外），無乜機會可以環遊到世界，但就可以嚐到環球美食，是夜，就同親友入嚟大擦番一餐，由頭食到尾，嚟一場毅力美食之旅，實行美味走天涯。