agnès b. DÉLICES：公朱同好（十二）

「公朱同好」依個朱古力食評系列，卒之都儲到夠一打，其實，咁耐以嚟，寫朱古力食評印象中都超過廿篇，不過，喺後期唔少朱古力都喺朋友所送，而所收到嘅朱古力又會同家人或同事分享，有公諸同好嘅意義，先至以系列形式一路寫落去。今次，又從食友手中收到好嘢agnès b. DÉLICES嘅「榛子排裝黑朱古力」（Dark Chocolate Bar with Hazelnut），走上官網睇過，只得淨重72g，竟要賣成$100盒。

The News Room Diner：新聞客訪

認識幾位相熟食友都喺住晌港島東，順應「民意」作為訪客嚟到太古坊嘅美式餐廳The News Room Diner，一同聚餐之餘，更順道為好姊妹慶生辰。若非如此，真喺一世人無乜幾多次會嚟到鰂魚涌、太古等地方搵食，又喺一次大鄉里出城嘅經歷。

Hey YO!!：美味由此喜

「喜‧乳酪」（Hey YO!!）本身賣乳酪起家，其實，佢嘅產品唔喺第一次食，不過，無獨有偶，兩次都唔喺食佢嘅乳酪，第一次喺佢嘅曲奇，今次卻喺佢嘅蛋糕。因為今日晏晝有小組活動，剛經過又一城嘅Taste，近門口正正有一家「喜‧乳酪」，就不如賣少少迷你切件蛋糕，等大家可以邊食邊講，喺醒唔起買多杯咖啡啫。

Marks & Spencer 食品專門店：公朱同好（十一）

對上一篇朱古力食評，已經喺幾個月之前嘅事情，當時介紹咗馬莎嘅排裝「西西里海鹽牛奶朱古力」，不約而同，今次同大家分享嘅又喺馬莎貨品「大都會朱古力餅」（Metropolitan Biscuits）。

Grano Italiano：偶意滋間

友人早前買咗Grano Italiano嘅團購，發覺其質素不俗，就算唔用團購價都認為食得過，所以，約咗小弟週六偶意一聚食餐晏。雖然，尖沙咀唔喺咩示威、集會區，唔知喺咪近期整體氣氛影響，估唔到午市時段都咁少人，只得幾枱客，咁大個場顯得有少少凋零。

暢和軒：死佬C房菜

繼今年三月入到屯門三聖村興記嘅海鮮大食遊，我哋嘅死佬飯局事隔半年多再搞趟大埔廣福里暢和軒嘅私房菜飯局，幾經艱苦，約咗個幾月先度到個期，有成11件死佬，都算難得。

講番今次嘅暢和軒，都有啲古仔，由吳永皓師傅晌元朗錦田搞起，當時鋪號叫「紅廚」（因食店藏身於一間紅磚屋內），曾經搬過去長沙灣，之後輾轉又搬番入元朗朗屏，不過，吳師傅話紅廚由佢以前啲拍檔搞，佢就同另一個朋友晌度開咗暢和軒，所以餸菜都由佢主理。此外，晌大埔都仲有一間暢和軒（舊墟直街地鋪），細問之下，原本喺佢啲徒弟仔開，只喺做中菜，想食私房菜都喺要搵番吳師傅依檔。

醉串 Skewed：醉緊要好玩

晌小弟後生個年代，我諗都無乜邊個唔識阿Sam首「最緊要好玩」，旋律輕快，歌詞鬼馬，當年真喺唱到街知巷聞。好鍾意當中幾句歌詞：「人其實天生奔放貧玩，原沒有拘束只有笑顏，悲歡我唔慣，追趕太陽似子彈。」晌依一代社會裡，能生活得無拘無束著實不易，所以，識得心情嘅調節好重要，就好似今晚，跟幾個老友嚟到「醉串」，吃吃喝喝，只談飲食，細味串燒，其實開心真喺可以好簡單！

Texas Burger：悠然自德

相信漢堡包有唔少人都好喜歡食，晌香港依個美食天堂，低中高價、唔同款式、味道嘅漢堡包應有盡有。專燈走到嚟Texas Burger，都喺因為食友嘅食評讚好，人少少同朋友一齊嚟試，輕輕鬆有傾有講，沙律、漢堡、奶昔做晚餐，一派悠然，嚟自「德克薩斯」！

許留山 Hui Lau Shan Healthy Dessert：中留砥柱

若非晌isquare無咗滿記，相信都未必會過嚟許留山。其實，個人嚟講都幾鍾意許留山嘅甜品，主要都喺佢嘅芒果系出品，不過，近年都甚少幫襯，今晚，就趁著晌PizzaExpress慶祝細佬生日食完飯，就以許留山甜品作結。

PizzaExpress：親情不薄

之前幫襯過PizzaExpress好幾次，印象一向唔錯，亦知屋企人都幾鍾意食吓薄餅，趁住細佬生日，就帶佢哋嚟試吓，品嚐吓PizzaHut、PizzaBox……等等以外嘅薄餅喺點。

樂天皇朝 Paradise Dynasty：樂天知命，故不憂！

成日聽身邊朋友講好煩，有啲故之然喺人事或制度嘅問題，但有啲源於唔知足，對現況好多嘢都不滿，當然，人人都有自己嘅追求，不過，晌心態上做到知足就常樂嘛。典故都有講：樂天知命，故不憂。雖然我唔多信宿命論，但自覺都算喺個樂天派嘅人，食幾多，著幾多，都唔使下下強求，就好似今晚嚟到樂天皇朝，好味，唔好味，細意品嚐，學習欣賞，心情可以輕省好多。

ICE POP 分子雪糕專門店 ICE POP Nitrogen Ice-cream：味Pop先知

之前食過LabMade嘅分子雪糕，對其印象麻麻，其實對分子雪糕算不上好大興趣，因為感覺「卓頭」嘢過於實際，只喺搵液態氮嚟「急凍」啲雪糕漿，總感覺欠缺分子料理嘅精神，即喺味道或形態都喺你估佢唔到。仲記得以前睇開日本嘅鐵人料理，唔記得喺煮法國菜嘅坂井宏行，抑或煮日本菜嘅道場六三郎，十之有七次都喺將大會指定食材搞爛做雪糕，佢啲味道就真喺你估佢唔到喇！

2/3 Dolci：夏末開心孖果

雖然今年嘅夏季好似過得好漫長，中秋過後都仲喺三十多度，中午走在人多車多嘅中環，周圍高樓大廈，廢氣死沉，整個人都顯得攰啲。點都應該到咗夏末啩，抖一抖，嘆杯雪糕，好讓身心都涼快一下。

Honey Creme：韓蜂襲港

繼韓式烤肉、炸雞，「蜂巢雪糕」會唔會引起另一波韓風美食？聽食友講，其實蜂巢雪糕早已晌7月登陸咗香港，不過，據說喺A貨嚟，因為小弟無親身去試，實難評論好壞。最近，由中韓合資創立嘅蜂巢雪糕品牌「Honey Creme」，3月晌台北創立，5月再南下高雄，卒之9月13日晌香港插旗，繼續引進韓國熱賣嘅「蜂巢雪糕」，其後仲會晌新加坡、澳門開店。有幸率先一嚐原裝真味，兼唔使飛到韓國或台灣都試到，實在「蜂」騷！

深宵食堂：宵遙自在

有時一大班人同枱食飯，要食得開心愉快，又或夠盡慶，唔單止嘢食好，仲要睇吓喺咩飯腳。同班死佬朋友，天南地北乜都講；同班食友，就交換吓飲食情報，以及研究吓菜式、味道；同班親友，彼此關心，寒暄問暖；唯一最怕，就代公司出席友好晚宴，同枱個個三唔識七，唔知有咩好講。今晚，可以食得逍遙自在，皆因一枱都喺相熟朋友！

MX2：萬變不離MX

一講美心快餐，好多人都想起「美心MX」，我家附近都有間美心MX，亦喺我同老婆經常晌星期六食早餐嘅地方。咁「MX2」又喺乜？偶然去開綠楊坊，先發現有間「MX2」，近門口仲印住大大隻標語「Take Eat Easy」，玩晒食字，就連餐紙都喺咁，希望叫人食得輕鬆。

Billidart Restaurant & Bar：Happy Friday + Hour Happy Hour

以前一話落吧就會諗啲人落去只喺劈酒、隊酒，但依家嘅印象有啲改觀。先後去過好幾間酒吧餐廳，發覺所做嘅食物都有一定水準，唔喺hea住做嚟應酬啲客，而且，好多都會有Happy Hour優惠時段，真喺夾啱好個時間，三幾個朋友落去當食餐飯，感覺實在唔錯。

麗姐私房曲奇 Lily's Pastry ：好友狂嚐曲（廿二）

自從小弟開始寫依個「好友狂嚐曲」嘅曲奇系列，都會多咗少少朋友送上曲奇作小禮物，因此，亦讓我知道更多城中大大細細嘅曲奇專賣店。若非朋友送嚟呢包「麗姐曲奇」，真喺唔知有間「麗姐私房酥餅」嘅小店。

百樂潮州酒樓 Pak Loh Chiu Chow Restaurant：樂此不疲

第一次到訪百樂潮州已經喺成年前嘅事，當時喺去旺角新世紀廣場嘅分店，今次獲邀再訪，喺銅鑼灣老店，雖然門面簇新，金黃流線，但仍掛著昔日守住舊店的老招牌「百樂酒樓」，喺一份有近50年嘅歷史印記。

馬丁王越式法包 Vuong's French Sandwich：和顏越式

一講越式法包就諗起佐敦渡船角嘅添記，最近從食友口中得知，晌佐敦德興街又有一間主打越式法包嘅小店，仲要主理人喺越南華僑，大部份原材料都喺標榜嚟自越南，如此名正言順嘅「正宗」，豈能錯過！這晚，越式法包當晚餐，一會「馬丁王」。