華樂茶餐廳：下午茶，有着「樂」

趁住秋高氣爽，梗喺行山好日子啦，今次又帶啲朋友再挑戰「雞公嶺」，最後落返粉錦公路，就搭車返元朗食過下午茶，至於地點無心水，合眼緣就算，總站落車見到呢間「華樂茶餐廳 」，咁就入咗去，亦支持下小店。

羽山冰室 MountainCafe：「羽」眾不同

依家以屯馬線由美孚入元朗，其實快過我過海搵食，不過，總喺有個錯覺好似好遠，入親嚟元朗呢邊食嘢都係因為行山，今次同個老死真喺有啲熱血，30幾度高溫挑戰「雞公嶺」，我哋行得快，全程都要3.5小時，但就幾辛苦吓。最後，搭番巴士出元朗食晏，就晌巴士站附近嘅「羽山冰室」醬肚。

灣仔茶記：隱蔽下午茶

今日入咗去錦田半日遊，參觀下錦田樹屋及一啲一級古蹟，例如力榮堂書室、便母橋、二帝書院，最後一站喺錦田壁畫村。臨離開前梗喺嘆番個下午茶啦，喺錦田公路有好多間茶記，最後揀咗縮入內巷嘅「灣仔茶記」，貪呢度人少啲。題外話，唔知點解佢叫「灣仔」茶記，唔喺叫「錦田」茶記或者「元朗」茶記，不過，臨尾急急腳走唔記得問。

盈滿冰室：補足「盈」養

又喺同班老死踩單車嘅日子，今次嘅人腳可謂人強馬壯，所以，可以踩得盡慶少少，一於由大埔起步，經粉嶺、上水去到元朗，再原路返轉頭去返大埔。10:00am起步，踩到去元朗剛1:00pm，放飯時間，以前會去「南山軒」，因為而家佢哋唔做午市，改為去「盈滿冰室」。

Salamat Café：休閒小區咖啡店

今日唔行山，改為出車，同老友由大埔起步，一直踩過去元朗，呢條線都踩過好幾次，基本上難唔到我哋，大概2.5小時就完成（單程）。校正時間嚟到元朗喺食午飯時間，因為踩住單車，搵食就要揀擇啲，專登過嚟朗屏，離地鐵站遠少少嘅「Salamat Café」，就喺方便我哋「泊車」兼睇實架車。

羅東肉焿番：「芋芋」餸

之前老婆試過台式嘅芋泥吐司，就大讚好食，有機會都想再試吓，無問題，開聲叫到，咁啱今次入到去元朗一帶行山，就可以趁行完可以順道晌元朗嘅「羅東肉焿番」買外賣，當埋晚餐，點知有呢間嘢？咪就喺之前所試芋泥吐司嘅「你妳」時，店員介紹佢哋仲有家「姊妹店」晌元朗，即喺「羅東肉焿番」嘞。

吉祥冰室：各有所「祥」

行咗幾次近市區啲嘅山，今回入嚟新界西行吓啲中長途嘅，由掃管笏起步，經千島湖，再經黃泥墩水塘落番去大棠村，最後坐番K車出朗屏。嚟到朗屏，差唔多5:00pm，最後搵個舒服嘅地方抖抖，嘆番個下午茶就最好不過。我哋就好隨心，見到呢間「吉祥冰室 」就入咗去，近地鐵站，純粹就腳。

富興潮州粉麵：絕不「興」盈

今日約好同朋友踩單車，由大埔出發，北上經粉嶺、上水再沿新單車徑打橫過踩到去元朗，其實舊年10月都踩過一次，不過，當時踩到去元朗就回程返大埔，今次就唔同，踩單程，到咗元朗會再繼續，目的地喺屯門，然後坐返屯馬線走。上到去到元朗外圍嘅「南山軒」食晏，今次就入咗元朗市中心「富興」食粉麵，喺友人介紹，要試試一款大雜會式嘅粉麵，喺絕不輕盈之選。

華星冰室 Capital Café：提「星」滋味

又喺行山日，老友知我喜歡挑戰吓，。又最好行啲未行過嘅，所以，今次由友人帶路，由粉嶺出發，經「蝴蝶山徑」起步，先嚟個前菜上到480M高嘅北大刀屻，接着走到是日主菜566M高嘅大刀屻，終點就喺嘉道理農場。晌呢個位，有巴士駁去大埔或元朗，元朗就大家都方便散水，所以，落到元朗就食個下午茶補補體力，最就腳就喺落咗巴士附近間「華星冰室」，一於揀呢度攤抖吓。

南山軒 Nan Shan Hin Private Kitchen：單車友「南山」秘竇

不嬲都有行開山嘅習慣，但唔喺為打卡而行山，所以，路線都揀得好隨意，有時，就算喺屋企附近行個短山都會。近依半年，多咗項活動，就喺跟啲老友踩單車，其實本身都鍾意踩，只喺以往無乜伴一齊玩。早前，屯馬線開通咗，老友就先去探路，隔多幾星期後先一齊踩番轉，由大埔出發，北上到上水再過打橫過去元朗，到達元朗正好喺食晏時間，老友已計劃好嚟「南山軒」。

農場鮮奶有限公司 Farm Milk Co. Ltd.：零難度山徑、清幽小水塘、鮮到爆鮮奶半日遊。

「農場鮮奶有限公司」聽聞過唔少啦，不過，位置吊腳，唔會無情白事走嚟，最近，晌網上搵啲好行嘅行山路線啱我老婆行，就搵到條零難度嘅路線，由石崗嘅「雷公田村」行到去「清潭水塘」，易行、路程唔長、多樹蔭、有啲景，正正又路過「農場鮮奶有限公司」，點都要嚟飲吓佢哋嘅鮮奶啦！

佳記甜品 Kei Kee Dessert：有口佳碑

之前兩次入嚟三聖食海鮮，跟手都會揸車過元朗佳記食涼粉，今次大家晌容龍食海鮮食到咁高「慶」，就更要食番啲冰凍嘅涼粉降吓溫，更可以延續依份傳統。

Herbs And Spices：零騷擾．嚐美味

真喺好「橋」，上次返完大陸山區工作之後，經深圳灣口岸過關返港，再駁巴士落元朗，食埋飯先返屋企。今次同樣又喺晌大陸山區做完嘢，取道深圳灣口岸過關再轉巴士到元朗，平時甚少嚟依區搵食，加上老婆是晚上堂，就一於食埋先返屋企。問過住晌附近嘅食友有咩好介紹，話我一支公不如試吓小店Herbs & Spices，街角位幽幽靜靜，感覺唔錯。

亞玉豆腐花：垂涎玉滴

一大朝早晌新同星茶餐廳食完早餐，就出發踩單車由元朗入到去屯門，因為今朝個早餐都幾飽，之後返回元朗都無食晏，只隨意搵啲小食。嚟到阜財街，最人氣就喺依檔「亞玉豆腐花」，排晒長龍，不過，流轉快，排唔夠5分鐘就輪到我哋。

新同星茶餐廳：假日單車行．強新健體

身為九龍人，入到嚟元朗食早餐，並非為咩人氣長龍店，仲只喺隨隨便便、隨遇而安搵咗間「新同星」，皆因趁假日同老婆入嚟踩單車，當喺做運動強身健體，我哋住美孚（近西鐵一邊），入嚟元朗非常方便，幾個站就到。

Aldou Café：靜靜街角．一個人的晚餐！

經過五日大陸山區工作，無啖好食嘅結果，就喺一返嚟香港就食餐好嘅，今趟經深圳灣口岸過關返港，所以，過關後就坐返專營巴士落元朗，Aldou Cafe喺元朗其中一間想試嘅小店之一，認識佢喺從食友口中推介佢啲咖啡，不過，因為地點問題一直都未有去試。

佳記甜品 Kei Kee Dessert：佳大歡喜

晌屯門三聖村嘆完海鮮，食埋個美心Line Friends蛋糕，一班死佬話飽話飽，咪又喺專登揸程車落去元朗食B仔涼粉。因為今次食海鮮揀頭輪，食完未夠8:30pm，所以，去到「佳記」九點未夠，等位嘅人唔多，我哋都喺等咗幾分鐘，老闆就安排咗張三連枱俾我哋。

119 Korea Station：邪惡韓流鐵鏟

成日話人大鄉里，即喺未見過世面，其實我依等都喺港燦大鄉里，晌香港好多地方都未去過，所以，又趁公眾假，同幾個朋友走咗入南生圍行吓，因為依家有西鐵，我哋入新界西超方便，仲順道逛埋錦上路跳蚤市場。

緣來素食 Destine Vegetarian Restaurant：秋山之行（三）：緣來，又幾好食！

由元朗行到過嚟屯門，晌屯門Lab Made小休兼食分子雪糕，逛咗陣屯門再搭番西鐵落元朗食飯，點解要專誠過嚟食晚飯，皆因老婆嘅同事介紹佢一間素食店：「緣來素食」，反正買咗張西鐵全日通，點搭都得。

佳記甜品 Kei Kee Dessert：最佳下場

同班「死佬」晌屯門三聖村嘅「興記」嘆完海鮮，繼續「大西北」大食遊，下一站喺元朗嘅「佳記」，有老友揸車認真方便，好似瞬間飄移一陣間就由興記去到佳記。對上一次嚟佳記，已經喺兩年前嘅事，同班朋友行山行完大欖林道到大棠，再去佳記食碗甜品過口癮。