2016年5月30日星期一
正宗水上人氣鍋專門店 Boat Dweller Steam Hot Pot Specialist:氣鍋蒸選
近年大行其道嘅蒸氣鍋,小弟唔算食得多,皆因食蒸氣鍋以品嚐食物嘅鮮味為主,所以,一間店食材嘅優劣就成為成敗關鍵。早前同食友飯聚,就聽佢猛讚依一間「水上人」,仲標以正宗,今晚就嚟到一探究竟喺咪好似食友所講咁正。
2016年5月28日星期六
何洪記 Ho Hung Kee:英洪莫問出處
嚟機場唔喺出門去旅行,就一喺送機,一喺接機,仲有就當然喺晌機場或周邊工作嘅人。機場抵港層,食肆多的是,有翡翠拉麵小籠包、太興、Délifrance、星巴克、麥記……等等,唔止抵港嘅人會食,有時離港嘅人都會趁有時間會晌度食個早餐、午餐或晚餐先登機,所以,好幾間食店長期都咁旺。
2016年5月27日星期五
良記餐廳(老鳳冰室):老奉本色
傳統冰室晌香港賣少見少,執一間就少一間,不過,近幾年又興番起啲懷舊冰室,雖然只可以叫做「仿」冰室,但內裡嘅陳設卻又幾令我依等中坑懷念。之前曾幫襯過羅麥記、南龍、金記好幾間懷舊冰室,從食友嘅食評見到深水埗都有一家「老鳳」,我作為半個深水埗人,無理由唔撐吓喎,是夜就「老奉」撐場,順便落鴨寮街買個USB充電插座將來旅行用。
2016年5月25日星期三
2016年5月24日星期二
Holy Crab Bar and Restaurant:蟹逅相逢
一向都因為公司有包伙食,所以,甚少晌返工日在外食晏,中環食晏真喺多人到不得了呀!但喺,偶爾會有啲同樣晌依區做嘢嘅朋友,想聚一聚食吓晏,唔使下下等到邂逅相逢先至約嘅。只不過近德輔道、皇后大道嘅食店都塞爆,食得急,又唔方便坐得耐,所以,揀咗晌蘭桂芳再上啲嘅Holy Crab,貪其靜靜局方便我哋傾偈。
2016年5月22日星期日
Tokyo Milk Cheese Factory:好友狂嚐曲(57)
晌舊年年底先落戶香港嘅日本過江龍超人氣伴手禮Tokyo Milk Cheese Factory,產品當中嘅牛奶芝士餅、艾登芝士蛋糕、海鹽芝士曲奇及蜂蜜芝士曲奇喺店家主打,試過嗰兩款曲奇又的確幾好食,又幾特別。今次食友送上此店嘅曲奇,原以為又喺曾試過嘅口味其中一款,點知喺有驚喜嘅新口味!
2016年5月21日星期六
九重鮮 Steam Fresh:未卜鮮知
過去一年蒸汽鍋可謂大行其道,猶如雨後春筍,開得遍地,連好多酒樓都轉型加入戰團,都咪話唔激烈。不過,正所謂汰弱留強,九重鮮我認為喺其中一支「強隊」,皆因舊年年中由佢哋較先引入九層塔海鮮蒸鍋,經過一年,跳出大坑,再晌紅磡開分店,足證實力所在,可謂未卜先知,不容忽視。
2016年5月20日星期五
柏屋 Kashiwaya:柏案叫絕首嚐懷石
日菜對小弟而言,除咗品嚐其味道,欣賞其做菜嘅細緻,亦喺一個個學習嘅機會。就如今晚一場懷石料理,無論選材、食物嘅賣相、味道,都喺令人難忘嘅體驗,「柏屋」或許你唔太認識佢,但身負米芝蓮三星嚟自大阪嘅佢,低調得緊要,卻喺卧虎藏龍。
2016年5月19日星期四
The Chop House:為食牙斬斬
2016年5月18日星期三
2016年5月16日星期一
2016年5月15日星期日
2016年5月14日星期六
微熱山丘 SunnyHills:丘之良品
你會唔會喺好熱衷儲飛行里數嘅人呢?我都會儲,不過就唔喺搏晒命嗰啲,偶爾,有啲里數就快過期,但又唔足以換張機票遊吓埠,最叻喺換吓機鐵免費飛,今次就摷到原來可以用3,000里換盒微熱山丘嘅鳳梨酥(10個裝),加上老婆對佢哋嘅鳳梨酥情有獨鍾,所以,就更加好好利用就快到期嘅里數換一盒試試。
2016年5月13日星期五
鐵牛台灣牛肉麵 Iron Cow Taiwanese Beef Noodles:打鐵趁熱
老婆上堂,知道今晚得番一支公食飯,所以,就趁機約埋保險經紀傾嘢,又一次過搞埋其他私事,待完晒之後就搵間餐廳舒舒服服食番餐。因為完晒事時身處尖東,順便到半島中心拍卡慳兩雞,出嚟見到對面好似有間新開嘅台灣麵店「鐵牛」,望入去都幾人氣,喺值搏嘅指標。
2016年5月12日星期四
2016年5月11日星期三
奇華餅家 Kee Wah Bakery:好友狂嚐曲(54)
2016年5月10日星期二
公主 Princess Cafe:不萌不紊
初時老友搞局約食飯,選址晌銅鑼灣嘅「公主」,雖然佢間唔時都當我喺「好姊妹」,但我心諗喺咪玩嘢呀,依啲地方唔多似喺男生幫襯嘅地方喎,況且小弟仲喺中佬一名,上到去扮「執事」就有份。不過,經老友解釋後,話人人一聽個店名就好易有誤解,查實店家並非賣萌一類嘅咖啡室,反而喺食到精緻歐陸菜嘅地方,加上最近新推出一個Princess Tasting Menu,故造就是夜嘅飯局。
2016年5月9日星期一
2016年5月7日星期六
2016年5月6日星期五
Jacomax:Jaco防飢
經過艱辛忙到甩轆嘅一週,嚟到快樂星期五,遇著老婆又要返學,捉埋老友聚聚舊吹吓水,大家想食得輕鬆啲,又話想食吓薄餅,講開我又好似一段時間無到訪過薄餅店,所以,晌網上摷幾間心水嘅,就番大家放工,就嚟到灣仔嘅Jacomax。
2016年5月2日星期一
聚德軒 Jade Terrace Restaurant:情軒一線
中學年代,總會因成績關係,轉往唔同嘅班別,嗰時所讀嘅中學,精英班唔喺A班,而喺E班。隨着轉入唔同嘅班別,認識到唔同嘅同學組合,今晚一同飯聚嘅舊同學,算喺保持聯絡得最密嘅一組,不過,對上一次嘅聚會已經喺2014年年初晌德福金滿庭嘅事,今晚嚟到尖沙咀聚德軒,又再讓我哋班老嘢大話當年。
訂閱:
文章 (Atom)