淼屋 Myouya Izakaya：分「淼」必爭

好耐無約以前麵包班同學仔出嚟食飯，佢話好忙，晚飯就唔方便，食晏就無問題，所以，約咗晌佢公司附近食。佢食嘢一向有要求，所以，揀咗食餐日本午飯嘅「淼屋」。

Opa Mediterranean Bar and Bistro：高質寫意晚餐

睇店名都知主打喺賣地中海菜，其實咩叫做地中海菜呢？小弟理解就喺地中海周邊一啲地區嘅菜式，如希臘、意大利、土耳其……等地，亦有聽人講過喺高纖、高鈣、抗氧化嘅食材運用，就喺地中海飲食，查實喺點我就真喺無深入研究過，總之，今晚嚟到「OPA」，就喺輕鬆愉快食好嘢啦！

GREEN：唱出「朱」般甜蜜

對上一次同老婆拍拖食英式下午茶都已經喺年初慶祝結婚周年Staycation時嘅事，轉眼又差唔多過咗成年。最近，到訪唯港薈嘅「GREEN」，因為佢哋同Godiva聯乘，推出咗個「Godiva甜蜜獻禮下午茶」，分兩段時間，選食第二段時間，剛好食完再睇場戲，渡個愉快周末。

燒肉King Yakiniku King：抵食午餐大「King」銷

早前等老婆放完學，一齊晌砵蘭街一家小店食龍蝦車仔麵，但趁佢未夠鐘放學，就晌附近游走吓，偶然睇到呢一間日式燒肉店，見佢啲午餐唔貴，大可搵次過嚟過吓燒肉癮。所以，造就今日同老友晌附近完咗活動，就嚟到食個燒肉午餐。

古早牛肉麵 Gu Zao Niu Rou Mian：心水「早」合

過嚟黃金，都喺整機，年初換咗部微型桌面電腦，早前發覺有啲小問題，拎返去店家搞搞佢。咁今晚老婆有自己飯局，小弟咪一支公晌附近食埋先走。好隨意，點指兵兵就揀咗「古早牛肉麵」。

千の味刺身壽司專門店 Oi-Shi-Sushi：見異思「千」

過到嚟D2 Place睇啲嘢，而老婆今晚有堂上未有時間煮，索性由小弟買外賣返去食。原本都鎖定咗目標，但就晌嚟之前，出地鐵見到呢間「千の味」刺身、壽司外賣店，見門口易拉架顯示嘅價錢唔喺貴，又有啲特價嘢，所以，唔好怪我見異思遷，改咗晌度買外賣。

天吉屋 Tenkichiya：活在「丼」下

10月初去咗一轉東涌Staycation，當時老友送贈咗兩套「昂平360」嘅纜車飛，仲要喺水晶車添，當然，要答謝吓佢啦。所以，今晚專登約佢食番餐飯，選址中間位嘅「朗豪坊」，大家都方便走，而餐廳就翻兜「天吉屋 」，因為兩年多前食過，有保證，餐牌面更印住連續7年榮獲日本天丼金賞獎，實力自然秤高一線。

Roji：巷弄尋味

不時都聽到人家講話咩隱世餐廳呀，點為止隱世呢？好食而無乜人知？今夜到訪嘅居酒屋「Roji」就真喺好隱世，兼極有「秘竇」感，因為唔喺有人帶恐怕都搵唔到入口，經過條巷仔先到餐廳，仲要無一個正規嘅門面，有啲似以前晌九龍城寨搵食嘅感覺，有種尋幽探秘之感。

NutTea：「仁」氣之選

前文就講過去咗「葵廣」買外賣，當晚餐，而晌「葵廣」打個轉嘅時候，就意外見到家「Nuttea」，好幾個月前就到訪過中環店，所以，機緣巧遇，就買杯飲品返去食住飲。

西關老祖 Sai Kwan Lo Jo：最後「西」選

踩完單車都好晏，老婆亦多嘢做，所以，簡單啲索性買啲嘢返去食，當晚餐。過到嚟「葵廣」買日用品，故此，順利成章可以幫襯吓呢度啲小店。晌一、二樓打個轉，真喺有幾多選擇，最後篩選出試試「西關老祖」，因為有老婆超鍾意嘅炒年糕。

Hunky Dory：秋日暖陽下午茶

呢排天氣非常之好，涼涼哋，濕度低，中午曬得嚟唔熱，一喺行山，一喺出車，老友約我踩番轉，由太和沿吐露港公路剷到去大圍，再兜另一邊由大涌橋路上返到去，輕鬆踩。尾程，專登晌科學園食個早鳥下午茶，抖抖之餘，更享受吓秋日暖陽。故此，是日就嚟咗科學園三期呢邊嘅「Hunky Dory」，貪佢屬平台層，有片大草地。

東哥點心籠仔蒸飯專門店 Dong Gor Dim Sum：入「東」火鍋第一撃

以前我哋一班死佬搞飯局，不時都揀啲任飲任食火鍋，因為，個個死佬都幾食得吓，任飲任食就最易預數，大家可以食得盡情。不過，種種原因下，都無搞好多年，依家就只有三幾個死佬約出嚟搞啲小飯局。今晚，嚟到「東哥」，除火鍋任飲任食，仲有多款點心都喺任點任食。

牛牧 Ngau Muk：耳「牧」一新

向來都覺得做飲食唔容易，尤其晌香港，香港人食嘢又咀刁，又鍾意貪新鮮，又要多元化、多嘢揀，當然，又想要平啦。所以，好少餐廳單靠賣幾樣嘢，或一成不變就做得落去。最近，晌旺角試咗間餐廳，啲菜式都幾搞嘢，睇得出菜式設計上都花咗幾多心思，佢嘅名字叫「牛牧」。

七代目食堂 Aniki Don：搵食好「燒」息

自表姨女搬咗入西貢鄉郊住，喺不時先出嚟市區，所以，都好耐無同佢食飯。咁啱傾開偈，呢晚小弟無飯開，佢又出咗嚟市區，故相約食餐便飯。地點就番佢，因為佢出開嚟就會返佢阿媽屋企瞓，揀長沙灣，佢就建議呢一間居酒屋「七代目食堂」，小店，有啲質素。其實，我都方便，兩個站就返到美孚。

SP Flower & Tea Room：小清新下午茶

早陣子，同老婆試咗一家主打花茶嘅餐廳「SP Flower and Tea Room」（現已轉名為「SP Senses」），隨心食咗個晚鳥下午茶，因為食完無耐，傍晚時份話咁快就轉咗天黑。

Lockeroom Dining：從心「鎖」欲

講到踢波，小弟當然有自己捧嘅球隊啦，不過，講到食，就無咩立場喇，小弟咩都食，好嘅食，唔好嘅都試吓，平有平食，貴有貴食。今晚，可以講深入敵軍腹地「Lockeroom」，但就唔喺刺探咩軍情，只喺嚟食好嘢而已！

Poke Go：健康「Bowl」仔飯

大概年多前晌「D2 Place」第一次接觸夏威夷蓋飯（Poke Bowl）呢樣嘢，又多食材混埋一齊，又健康，最緊要夾到，又好食嘛。今日過到嚟鴨寮街睇嘢，順便落埋大南街試吓啲咖啡店，就喺咁啱見到有家主打夏威夷蓋飯嘅「Poke Go」，就喺咁改咗食夏威夷蓋飯為晚餐，健康多一晚咁。

Victoria Restaurant：不以「維」然

前陣子，同幾位朋友落太子食晏，推介咗呢一間西餐廳，正值午飯尖峰時段，門外都出現短短人龍，若非喺老友推介，應該就會轉場，因為小弟甚少為餐飯嘥時間排隊。其實人龍唔算長嘅，但排咗一陣已知流量慢，始終喺西餐廳，唔喺快餐店或茶記，結果都等上大概廿多分鐘。

金紫荊生記粤菜廳 Golden Bauhinia Sang Kee：海鮮配搭新「酒」勢

認識有啲嗜酒嘅朋友，佢哋好識飲識食，成日聽佢哋講食咩菜配咩酒，講到點樣產生化學作用，好神奇。早兩個月前已聽佢哋提過吓由日本食品海外推進中心（JFOODO）跟本地餐廳搞咗個大型日本清酒聯乘活動「SEAFOOD LOVES SAKE.」，而今年已喺第三個年頭。除日本菜，清酒配廣東菜一樣得，感覺非常新穎，是夜就嚟到會展嘅「金紫荊生記粵菜廳」一嚐日本清酒x廣東海鮮料理嘅罕見配搭。

蘇杭冰室 Jervois Cafe：獨領風「蘇」

今晚屋企無飯開，就約咗老死出嚟食飯，趁住要出旺角換啲信用卡禮物，所以，食飯選址於旺角區，加上老死住新界，近番旺角東站佢亦方便走人。最後，搵到嚟「蘇杭冰室」，一來大家都鍾意茶記，二來見佢上環店嘅風評不俗，再者，見佢啲扒餐好似幾得，老死又想平平哋鋸吓扒，所以，就定實晌度食。