三悅冰室 Sam Yuet Cafe：歲「悅」不留痕

有班行山老死，行5、6個鐘，高難度嘅山都無問題，但今日呢班弟兄，多年都唔行吓山，所以，揀條輕輕鬆鬆嘅「青衣自然徑」嚟行。唔太辛苦，兩個鐘內就行完，仲可以落番「長康邨」食個下午茶先散。剛喺巴士總站側，見到呢間「三悅冰室」，求求其其就入咗去。

三點三冰室 3.3 Cafe：「脷」字當頭

一講到「三點三」，普遍香港人都會想起下午茶，不過，今次唔喺講下午茶，而喺講晌青衣城嘅一間茶記「三點三冰室」。因為老友最近由葵芳搬咗去青衣，約佢聚一聚食餐飯，茶記就最啱我哋呢啲麻甩佬，所以，是夜就到訪咗呢度。

翠河餐廳 Green River Restaurant：自討沒「翠」

秋高氣爽，週末嘅好節目梗係去行山啦，不過今次唔係平時行開嘅行山友，而喺另一班較少行山嘅朋友，所以，揀咗青衣自然徑，短啲，又輕鬆啲。行完之後落返長康邨嘆下午茶，呢度有好幾間茶記，不過見到「翠河」，比較有信心少少。

土司工坊 Toast Box：「司」毫不趕

約咗太太嘅朋友嚟到「吐司工房」食晚飯，雖然我哋合共四個人兩對夫婦，不過，見對方都無影食物相嘅舉動，所以，都唔好意思喺咁影，只影番自己嘅喇沙，同後補少少環境相。

樂天皇朝 Paradise Dynasty：水準無「樂」差

之前響疫情下，我哋個細胞小組斷斷續續有過好幾次聚會，不過，都喺小規模。依家算喺疫情過後，乜都復常，可惜今次細胞小組飯局都喺唔齊人，只有半圍檯多啲。唔緊要，聚一聚開心下都好，簡簡單單約咗嚟「樂天皇朝」食過晚飯。

而打淥滷汁拌粉 E-bittern：台式美味軟着「淥」

又喺疫情下嘅外賣系列，今次就過到嚟青衣城呢頭，自從青衣城嘅UA結業，已好一段時間無過嚟青衣城，今晚過開嚟，就順道買外賣返屋企食。穿過二期商場，見到呢家「而打淥」，除咗個名夠抵死之外，令我想番起多年前晌墾丁大街時所食嘅台式滷水嘢。

太平洋咖啡 Pacific Coffee：又到聖誕！

同老友晌青衣走一轉短山「青衣自然徑」，輕鬆易行，完咗，落番青衣城，都近5:00pm，今次下午茶就唔食喇，因為晏咗，轉頭就返屋企開飯，坐低飲杯嘢兼抖一抖啦！經過青衣城二期門口，撞啱見到間Pacific Coffee，又有啲贈券，一於趁到期前用埋去。

南小館 The Dining Room：「南」得一聚生日飯

細佬生日，例牌約埋一齊食餐飯簡單慶祝一下，舊年就因疫情無搞過，今年都諗住搞唔成，但最近除恢復番晚市有堂食外，仲可以4人一枱，所以，先決定約出嚟。其實，跟一眾老友嘅飯局基本上成年都無搞過，平時唔喺同老婆，就喺一支公，或者三幾個相熟嘅行山友行完山快閃一餐下午茶而已。呢晚，就約咗晌青衣城嘅「南小館」，我同老婆就順道晌UA睇場公餘場（後記：估唔到就喺同UA嘅告別之約，我手上仲有幾張戲票換領券呀）。

101台式休閒餐廳 101 Taiwanese Restaurant：「休」遊午餐

是日星期六，優遊自在同老婆嚟一趟小旅遊，先過嚟青衣城睇場戲、食吓飯，再行轉短山。事緣都喺有啲戲票贈券就到期，唔用好似好唔抵，最方便就喺過嚟表衣城。戲就揀咗套韓國片「無價之保」，喺催淚嘅劇情片，而食晏主要都喺睇餐廳環境，話晒啲疫情仲喺好勁。睇咗幾間，見「101台式休閒餐廳」相對人唔多，而入門右側角落有啲大卡位，自成一角老婆就覺得用餐最安心。

丼丼屋 Dondonya：「丼」年今日

疫情緩和，戲院開番，所以，趁啲免費電子戲票就快到期，「拿拿淋」過嚟青衣城UA快快手用咗去。兩公婆睇完戲，就順道晌青衣城搵城，眼見二期嗰邊啲餐廳好多人排，所以，過返嚟一期睇睇，因為選擇又多啲。最後揀咗「丼丼屋」，因為老婆話好耐無食過啲日式丼，其次，睇見門口無乜人排，小弟就唔喺好鍾意為一餐而排餐懞。

Crostini Bakery & Cafe：寧缺「麥」濫

好耐無兩公婆出嚟睇戲喇，一來疫情緩和咗，就打算支持吓電影業；二來有啲戲真喺值得入戲院睇，畫面、音響都好過晌電視或電腦睇，所以，今次就專登過咗嚟青衣城嘅UA睇「福島50死士」，啲逼真感好強，真喺好似發生晌眼前咁，原來，福島核事故無釀成全日本出事都喺有啲「附碌」。睇完戲就梗要搵地方食晏，「Crostini Bakery & Cafe」喺心水之一。

樸生 Bobsang：一樸多食

早前睇過齣韓劇「一起吃飯吧3」，集集都講食韓國特色好嘢，仲要拍到好鬼滋味，搞到小弟都心癢癢想食番餐韓國菜。韓國菜其實都好多元化，今晚走到嚟「樸生」，就喺為咗一次過可以試到多啲嘢，因為，依家逢星期五至日及公眾假期，都轉咗做任飲任食形式。

Godiva Chocolatier：公朱同好（18）

呢個系列嘅朱古力食評實在相隔咗好多年無寫，對上一次已經喺2017年1月嘅事，有幸得老友送小弟一包Godiva「Assorted Classic Truffles」（什錦經典松露朱古力），又可以為此寫番一篇延續一下。其實，小弟都好鍾意食朱古力，不過，大多數都喺幫襯超市，方便吖嘛，朱古力專門店則甚少光顧，反而送禮之時先會到訪。

奇華餅家 Kee Wah Bakery：姆明之月

既然老婆同姨仔去完北歐，自然多多少少都有啲北歐手信，老婆就送咗隻姆明茶匙俾我，姨仔就送隻芬蘭茶杯，仲加多一盒姆明家族嘅茶包。無獨有偶，友人提前送我月盒，嚟自奇華餅家，最特別喺「迷你姆明奶皇月餅禮盒」，真喺夾晒啲手信。

The Story Cafe and Bakery：湖水下慢活晚餐

每間餐廳都有自己嘅故事，是晚嚟到青衣城嘅「The Story Cafe and Bakery」唔知背後有咩故事，但既然親友約我有嘢傾，佢自然喺有啲故事。地點由我發辦，當然搵啲就到大家嘅地方，就算唔喺文青，都一樣喜歡咖啡店，呢間「The Story」未試過，就決定嚟依間。

東海酒家 East Ocean Restaurant：東．Worry喎！

雖然喺小弟嘅生日飯，姨仔亦話隨我揀，不過，食乜我又無所謂，但求搵個機會一家人聚聚，又就番舅仔一家，專登走過去青衣嗰邊，話晒佢哋有小朋友，就一就佢哋都無所謂。青衣城就最就到所有人，可是問咗幾家都分時段，最後，訂咗無咁旺嘅東海，輕鬆坐幾耐都得。

前門飯莊 The Door Northern Chinese Dining：裹足不前

最近舅仔搬咗，連帶佢太太有身孕，唔適宜走得太遠，地點就一於佢哋話事。原先揀咗青衣城嘅I- thai，原來執咗，結果改去前門飯莊食晚飯賀姨仔、舅仔牛一，一餐生日飯請晒佢兩個，就最益我俾少次錢。

俊達晞茶餐廳小廚：長驅直俊

莫講話青怡花園，地鐵上蓋嘅青衣城都甚少去，今晚長驅直進嚟到跟青衣港鐵站相隔一大段路嘅青怡花園「俊達晞茶餐廳小廚」食晚飯，仲一行12個大漢，都喺友人帶嗆，訂咗張「大枱」，真喺好難得嘅聚會。不過，因為明知喺周六晚會好多人，所以，我哋都訂得早啲去食。

前門飯莊 The Door Northern Chinese Dining：擁滬有理

若非小組成員搞活動，都甚少入到嚟青衣，我哋先飯聚，再打波。每次入到嚟都有朋友負責晒所有事，安心食，安心玩，而揀前門飯莊作為飯聚地點，朋友話貪佢有個房仔，可以自成一角，又無消費要求。

美心西餅 Maxim's Cake Shop：親親熊貓

星期日同一班教會小組朋友晌青衣城食完飯，再到盈翠會所打保齡，喺個大人細路開心同樂日。美心又有新蛋糕推出，仲要喺可愛嘅熊貓造型，一定好啱用嚟氹小朋友，一於熊貓蛋糕做飯後甜品啦！