Le Garçon Saigon：每「越」之星

灣仔嘅永豐街、星街、聖佛蘭士街一圈，向來都被喻為一個外國小社區嘅縮影，除外國人特別多之外，亦有好多富特色嘅餐飲小店。今晚趁空同老婆拍拍拖，出去撐撐枱腳，選上「Le Garçon Saigon」，一家主打越南菜，卻帶有法式風情嘅環境。其實，我哋前後到訪過越南兩次，兩次都自由行，對越感嘅感覺唔錯，疫情下無得出遠門，趁今次，食咗就當去咗！

MeKong 泰.越.港：泰• 抵食

今晚屋企無飯開，就乘少少機約咗老友短聚，佢話就我，就揀咗晌番中環食，小弟一收工就可以過到嚟。佢話想食泰國嘢，就揀咗間小店「泰潮」，因為食過兩次外賣，真喺幾唔錯。但過到去，原來已經轉咗名「MeKong」（泰.越.港），但睇落好似只喺轉咗個招牌，鋪面格局跟以前喺一樣。反正嚟到，我哋對食嘢又唔喺高要求，隨遇而安啦！

太平洋咖啡 Pacific Coffee Company：悠閒短聚

幾個月前去過一次「饒宗頤文化館」嘅「Pacific Coffee」嘆午餐，覺得環境好好，好舒服，打算趁呢日天氣好，仍然涼涼哋，唔太熱，再去多次，點知原來轉咗為另一家咖啡店，加上「饒宗頤」有啲活動搞，可以講喺人滿之患，所以，轉場落返去「曼克頓山」間「Pacific Coffee」，呢一間分店都好耐無到訪話過喇。

德興茶餐廳：「德」一想二

行山熱血嘅老友今日揀咗由大美督起步，經橫七古道行到去鹿頸， 唔難行，全程約10km，大概用咗4.5鐘。不過，去到鹿徑等小巴出返粉嶺就大排長龍。返到粉嶺，大家第一時間就哋搵地方食下午茶，亦喺行程之一，貪方便，加上大家對粉嶺都唔太熟，就隨意揀咗黐住地鐵「名都商場」內嘅「德興茶餐廳」，見好似好多人幫襯，搏一搏而已。

尚膳養顏滋補鍋 Fancy Hotpot：「膳」用靚料

曾有一段時間，同一大棚死佬不時去幫襯啲任飲任食火鍋店，因為，個個都好擦得，任飲任食就好圍數。不過，偶爾三兩個嘅死佬小飯局，就會揀啲高質素嘅火鍋店嘆吓，今晚到訪嘅「尚膳養顏滋補鍋 」亦喺以高質素為賣點。

古珐蛋糕 Castella Cake：美味嘅不二「珐」門

雖然，台式嘅古早蛋糕開到成行成市，但感覺似去到尾聲，話題性都無初初咁大，之不過，卻又不時從啲報紙、雜誌，見到有新店開張，仲要晌依家疫情都仍然喺反反覆覆，真喺都好佩服啲店主咁勇。過開嚟九龍城，經過呢一家「古珐蛋糕」，唔喺新開，仲晌太子、將軍澳有分店，仲做得住，心諗都試得過啩！ 

B.O.T.H. by Texas Burger：「雙」得益彰

趁戲院開番，專登過嚟荃灣廣場睇早場「複製人徐福」，比正價平一截嗎！個故事都幾有深度，探索少少人生問題，而啲特技亦出色。睇完戲，剛好一點，放飯時間，在荃灣廣場搜尋吓，見到有家餐廳「B.O.T.H. by Texas Burger」，因為曾經都幫襯過「Texas Burger」，知道佢哋嘅出品有水準，所以，對呢家新餐廳都有信心。

Iberians：「伊」食無憂

原本，舊年嘅四月真喺安排咗一次西班牙之旅，由巴塞隆拿入，玩埋華倫西亞，最後馬德里走，可惜，一場新冠令行程泡湯，雖然依家已有疫苗，但外國仲有不少地方疫情反覆，甚至頗嚴重，所以，真喺唔知幾時先有得飛。尋找番旅行感，當然周六、日周圍行吓，亦參加過本地遊，連Staycation都玩過吓，如果想感受吓西班牙風情，當然要擦番餐西班牙菜。舊年疫情嚴竣，就試過一次外送西班牙菜，今回就同老婆嚟到「Iberians」（伊比利亞人）再次感受一下西班牙菜滋味。

餃掂手工餃子雲吞專門店 Nom Nom Dumpling：「松」不孤單一個

睇番啲記錄，剛好4年前幫襯過「餃掂手工餃子雲吞專門店」太子店，自始之後都未有再光顧過，原來，晌中環都有開分店，真喺無特別去留意都唔知咁近我。雖然是晚老婆上堂無飯開，但從不孤單一個，約咗行山友兼老死發哥簡單食一餐聚一聚，收工行過嚟都唔使10分鐘。

叉燒丼家 The Master Of Char Siu：高「燒」費野菜飯

完咗聚會，又喺兩公婆搵地方食晏嘅時間，老婆話周周都喺「太子」（茶記），想今周轉吓口味，所以，改咗試吓附近嘅「叉燒丼家」，其實，都喺一家主打叉燒嘅茶記而已，不過，就唔喺淨得叉燒嘅，仲有其他選擇。

一茗堂 Casa Kitchen：「隱」無可「隱」高質小店

小弟細過晌石硤尾邨長大，雖然，依家搬離咗多年，但屋企人仲住晌度，所以，一年都有三幾次過嚟。今日，就仲更加晌南山邨、大坑東邨、大坑西邨兜個大圈緬懷吓，因為，中學就晌大坑東讀書，睇到變化咗好多。嚟到南山邨嘅「冬菇亭」，就想起中學放飯時過嚟食車仔麵，不過，今次就無晌「冬菇亭」度食，天氣熱嘛，而喺落咗下面街市旁嘅「一茗堂」（Casa Kitchen），喺老友推介嘅小店。

新興美食 Sun Hing Fast Food：「蔥」實午飯

公司有包伙食嘅傳統（三餸一湯，白飯任裝），所以，放飯時間都喺晌公司食，就算疫情下，都照提供服務，只喺轉為兩餸飯盒，同事各自點、各自埋位食。最近，供應商進行大裝修，暫停供應幾日，其中一日就嗌咗「新興美食」，快閃寫番一篇短評。

堤岸酒吧及餐廳 Pierside Bar & Restaurant：回味是「岸」

對上一次嚟「堤岸酒吧及餐廳」已喺年幾、兩年嘅事，嗰時未有疫情，都喺同朋友嚟食吓晚飯。今次再嚟，都喺同啲老友聚聚，事緣晌官網見到好抵嘅推廣，可以講哋心動價，加上呢度嘅環境、服務喺好唔錯。

大利茶餐廳 Tai Lee Restaurant：午餐「常餐」化

又喺一篇行完山，晌茶記嘆下午茶嘅系列，皆因戶外活動做得最多就喺行山喇。今次唔喺同平常行開山嘅朋友行，而喺黐朋友，跟佢啲行山友行，路線就由火炭駿洋邨起步，晌後山一直上，經話搖斗坪、河瀝背、大埔滘，終點就到達大埔四色林，然後坐返車一齊落大圍食下午茶。大家都喺上年紀一輩，鍾情啲舊茶記，所以，搵咗「大利」。

膳坊 Grand Cafe：質素大改「膳」

之前一篇食評「村校小賣部」就講到我哋三幾個死佬入咗去行烏蛟騰、梅子林、荔枝窩、印洲塘海岸公園、三椏村……，兜咗個大圈，行咗5個幾鐘。之後，搭巴士出返大埔，當然，喺食番個下午茶啦。由地膽帶路，又喺嚟番上次嘅「膳坊」，雖然，喺想試其他餐廳，但跟大隊啦，反正，我又唔喺太抗拒翻兜嘅。

英仔小賣部：村校小賣部

無波踢，就唯有繼續行吓山，今次喺人強馬壯嘅組合，所以，一於途程行長啲，由烏蛟騰起步，經亞媽笏、梅子林、荔枝窩、印洲塘海岸公園、三椏村、苗三石澗，到九擔租離開，行吓抖吓，抖吓打吓卡，結果都行咗成5個鐘。我哋各自都帶備乾糧，不過，行到中段到咗荔枝窩，就晌荔枝窩村嘅廣場旁，有一間村校「小瀛學校」，每逢周六、日、假期，門外開咗檔「英仔小賣部」。 

INN - I’m Not Nothing：周末「廠」盪

一連幾日復活節假，除咗頭兩日有啲zoom聚會之外，無特別搞啲咩活動，因為，相信無得出遠門，晌香港度度地方都會逼滿人。而今日，早上完成zoom之後，出去晌荔枝角公園走走，再行落去荔枝角搵食。行近到D2 Place Two附近時，接過張單張，話喺新餐廳，又有9折，就上去睇睇呢間「INN」（I’m Not Nothing）喺點先。

手作功夫茶 Kung Fu Tea：取價「功」道

依間「手作功夫茶」開咗一段日子，較早前幫襯過一次，不過，嗰次就無寫食評。今次兩公婆行完短山上馬騮山，落返嚟美孚，就齊齊買杯台式茶飲解解渴。

元気寿司 Genki Sushi：「中電」為我打氣

早前，無啦啦收到「中電」嘅現金券，原來小弟都算喺低用電量戶，真喺多謝晒中電喇。趁到期前，當然用咗去唔好嘥啦，基本上好多餐廳都用得，不過，發覺好多小店都諸多藉口話用唔到，結果，就近近哋過嚟「元氣」喇，今次精咗，問過用得先坐落嚟。