時代冰室 Times Cafe：一時之快

又喺一年嚟一次鑽石山青掃墓，事後就會晌附近搵食，細佬妹對食喺無要求嘅人，茶記就最啱佢哋。雖然，知道附近都有啲好人氣嘅茶記，不過，小弟就唔多喜歡等位，偶然遇到「時代冰室」，就隨遇而安試一試佢。

上海婆婆 Shanghai PoPo：「滬」惠共嬴

好一陣子無約呢位老友食飯喇，趁今晚老婆要上堂，屋企無飯開，就約佢出嚟食番餐。近近哋，就晌黃大仙一出地鐵行幾分鐘就到嘅「上海婆婆」，佢哋晌唔同地區都有好幾家分店，而呢家店就第一次到訪。

木椰餐廳 MY Cafe :「木」標清晰

又喺因為一年一度阿媽嘅死忌日而嚟到鑽石山墳場掃墓，之後照慣例就同細佬妹一齊食埋晏先散。貪方便加上由於天氣熱，所以，大多數都喺行過嚟「慈雲山中心」搵食就算。佢哋唔多試新嘢，茶記就最啱佢哋，所以，一早上網揀定咗「木椰餐廳」，可謂目標清晰。

翠河餐廳 Green River Restaurant：興「翠」大減

一年一度先人嘅死忌日，所以，嚟到鑽石山墳場掃墓，之後就同屋企人一齊食晏。由於天氣好悶熱，所以，費事行咁遠，近近哋過嚟「慈雲山中心」搵食就算，原本打算飲茶，但仲要等好多張枱先有位，結果，好隨心搵咗樓上嘅「翠河」，話晒茶記都應該穩穩陣陣。

Cityfresh Bistro：「佳」坊飯堂

又喺疫情下嘅外賣系列，今晚少有地過到嚟黃大仙區，所以，臨離開就睇睇有咩好選擇。就晌地鐵上蓋嘅黃大仙中心，行咗一轉，有好多餐廳都想試，最後睇啱呢一家「Cityfresh Bistro」，啲嘢食定價唔貴，所以，買啲外賣當晚餐。

禾味家 Wo Mei Ka： 「禾」諧組合

聖誕節期間，同朋友行吓山喺最佳節目，今次就由金山，一直上筆架山、獅子山，最後經慈沙古道，落慈雲山離開。由朋友帶路嚟到呢一間屋邨茶記「禾味家」食個下午茶先結束，唔喺朋友帶路，真喺估唔到呢度有間茶記，隱秘到呢。

湯加 Soup Plus：「加」族小聚

唔喺清明，唔喺重陽，但就會一年一度上鑽石山墳場掃墓，因為就番先人嘅死忌日，所以，慈雲山、黃大仙或鑽石山一帶，一年總有機會有一篇食評出現。今次，外面天氣超熱（今年全球啲天氣都好反常，香港嘅天氣就特別濕、特別熱），故此，近近哋行過去慈雲山中心，由底層行到最上層，揀咗「湯加」，因為之前同老婆食過佢哋嘅「百秘海鱸魚」，喺幾得嘅，所以，投其信心一票。

吉早喵 Catopia：特「糬」口味

前文就提過因為行完獅子山，就落咗黃大仙「新光M2」商場內嘅「Cafe Foodeli」食下午茶，走嘅時候近商場出口位見到家台式古早蛋糕店「古早喵」，無錯，又喺啲古早蛋糕鋪，見人頭湧湧唔少街坊，似乎喺新張，又有啲折扣優惠，就順帶買一個返去孝敬老婆。

Cafe Foodeli：一價兩食

話行獅子山講咗好幾次，卒之都成事，朋友帶路，由大圍經紅莓谷上，過咗獅子山，再由沙田坳落番去黃大仙走，成段路對我哋兩個行慣山嘅人真喺難度無乜，仲比預期快多半個鐘完成。行完山，最佳郵節目喺嘆下午茶，攤抖吓兼補充體力，友人有好介紹，就喺小巴站旁「新光M2」商場內嘅「Cafe Foodeli」。

阮蘭坊 Pho Nguyen Lan：圖個「坊」便

又喺一年一度上嚟鑽石山墳場掃墓嘅日子，唔會揀清明嚟，反而揀先人嘅死忌日，一來呢度晌清明嘅人潮真喺多得好恐怖，二來先人嘅忌日正正喺農曆公眾假，就番大家又實唔使返工，所以，就會揀呢日嚟。掃完墓，一齊食晏亦喺慣例，行過嚟慈雲山中心搵食，舊年幫襯過嘅「安平麵店」原來已經摺咗。而今次本來打算試「中心點」食點心，嘩！人多到呢……所以，「求其」揀咗隔離嘅「阮蘭坊」，食吓越南嘢。

安平麵店 An Ping Taiwanese Noodles：平心而論

又喺一年一度上嚟鑽石山墳場掃墓嘅日子，唔會揀清明嚟，反而揀先人嘅死忌日，一來呢度晌清明嘅人潮真喺多得好恐怖，二來先人嘅忌日喺農曆啲公眾假，就番大家又實唔使返工，所以，就會揀呢日嚟。掃完墓，一齊食晏亦喺慣例，舊年落咗去荷里活廣場食，今年實在太熱，就行過去附近嘅慈雲山中食搵食，故此，是日午餐就喺晌賣台菜嘅「安平麵店」搞掂，因為面向大街嘅地鋪位，外觀較顯眼吸引。

陽光茶餐廳：陽光~~伴你，抵食笑迎面！

又喺一年一度嚟鑽石山墳場掃墓，端午嚟掃墓相信都好少人會咁做，不過，我哋就年年如是，皆因喺先人死忌，再者，端午大家都放假容易就，而且墳場無乜人，唔使擔心人多擠逼。完事之後，都會晌慈雲山附近食飯，過往幾年去敘苑，今次走過啲巷仔試另一家小店「陽光」。

叙苑粉麵茶餐廳：歡敘一堂

每年都會同屋企人上嚟慈雲山一趟，事緣要到鑽石山墳場掃墓，依家同屋企人分開住，唔喺過時過節，就喺依類死忌掃墓嘅日子，先至彼此聚一聚，食吓飯，傾吓偈。過往幾年，不約而同到喺嚟敘苑粉麵茶餐廳食晏，唔喺貪佢有咩好，只喺由墳場行番出巴士站第一間茶記就見到喺佢啫。

奇華餅家 Kee Wah：糉有你心

依家食糉已無分時節，尤其鹹肉糉，粥檔必備。不過，一臨近端午，無論酒樓、抑或餅店，都推出各式各樣嘅糉嚟應節，為咗搶佔生意，更會推陳出新，所以，晌依個時候，就更可以品嚐好多新口味，不得不佩服師傅們嘅創意心思。今次，就多謝朋友送嚟兩隻香糉俾小弟應節，實在有心。

涮得棧星級火鍋 Hot Pot Cuisine：私人房內涮涮烚烚

雖然依家食火鍋都無分季節，一年365日都可以，不過，晌冬天尤其感覺特別有風味。就好似盛夏之時，雖然可以開大冷氣打邊爐，但食完一出門口，夏死辣辣，無晒涮完火鍋之後嗰種禦寒嘅感覺；相反，晌寒冬之下，涮完火鍋一出門口，寧捨有種仲喺暖笠笠嘅感覺。今晚，雖然未喺好凍，天氣都有啲涼，經介紹下，就同幾個朋友嚟到「涮得棧」涮涮火鍋，慢慢涮，慢慢嘆！

叙苑粉麵茶餐廳：生炒咖喱雞飯

嚟得敘苑都喺因為要去鑽石山火葬場，對上一次就喺同家人掃完墓，食埋晏先走。今次就出席朋友爸爸嘅喪禮，送埋最後一程，先會嚟咗依頭。

求其食餐晏，醒番起上次嚟過敘苑覺得唔錯，所以今次再幫襯。同上次一樣，都喺點每日超值快餐，快靚正抵食吖嘛，唯一唔同，就喺加咗價囉！日日唔同款，每日有6款選擇，款款賣$36，送例湯或啡茶，凍飲加$2，轉紅豆冰至喺加$3，今日嘅心水喺咖喱滑雞飯，因為上次食過佢啲咖喱，又確喺幾唔錯。

薩莉亞意式餐廳 Saizeriya Italian Restaurant：薩得盛起

康樂及文化事務署轄下都有幾多特色嘅公園，小弟所住嘅美孚，附近嘅荔枝角公園內就有個「嶺南之風」，古雅盎然；早前同細胞小組去過上環嘅中山紀念公園，大大幅草地，悠然開朗；今回則嚟咗黃大仙山上嘅蒲崗村道公園，特點喺有個頗大嘅單車公園，細路仔可以晌單車場兜吓圈，大人就可以晌架空單車徑度踩，各得其所，唔使入到新界咁遠，都喺多得住晌同區老友Chris引路，先知九龍有此「景點」。一大班人玩完就梗喺要搵食，由公園行無耐，10-15分鐘左右，就去到慈雲山中心，嗰度大把選擇。

八喜：喜有此理

記憶中依次已經喺第5次嚟幫襯八喜，不過對上4次都喺去灣仔店，而黃大仙店就首次光顧。諗住都喺集團式經營，分店間嘅水準應該差唔多，試過之後，似乎黃大仙店就差啲啲，好似幾款例叫嘅點心：灌湯小籠包、八喜招牌春卷、台南胡椒餅、肉燥蒸芋粿，除咗個小籠包仍然喺高水準之作外，其餘3款感覺水準下滑咗啲，例如個蒸芋粿，味道保持到，依然惹味，但質感有啲散。所以，又再次證明，分店不同，好唔好食，還看大廚手勢此真理。

因為之前都寫過咁多次八喜嘅食評，所以今次唔打算寫得太詳細喇，只想重點咁寫幾樣嘢。先講服務，落單時已吩咐先上點心，其他嘅等叫才上，唔使個次序咁亂，好多時啲食肆都做得好一般，不過八喜依方面做得幾好，井然有序。另外招呼都好妥貼，雖然喺星期日晚，既無分時段，又無時限，但依間分店又幾多人幫襯，高峰時段真喺坐到爆喎。 


環境幾雅緻，但坐滿時候就幾逼！