豆公館 Dau Gung Gun：百變小豆

屋企嘅裝修算喺進行得如火如荼，今晚趁得閒兩公婆出嚟旺角啲傢俬鋪睇睇傢俬，梗喺順便食埋飯先返歸啦。晌「登打士街」遇到一家「豆公館」，豆品嘢啱晒我老婆，佢自己都不時晌屋企整豆漿（當然喺用豆漿機整啦）。

餓媽家姐：搵食「餓」底

早前去過厚福街嘅「元祖沾麵專門店 」食沾麵時，偶然見到呢間「餓媽家姐」，睇佢買啲嘢都幾特別，所以，趁今晚得一支公過嚟尖沙咀，就嚟到呢度快閃食個漢堡包餐。

礦工Café：唔使曠工，亦飲到礦工咖啡！

前文是要吓先，是日請咗假，同老婆入嚟馬鞍山小旅行，睇場早場，食過午餐，就上「鞍山探索館」參觀，原打算之後繼續上，到昂平欣賞西貢海一帶美景，可惜，天公不造美，啲雨越落越大，故此，參觀完探索館部份，就過咗隔離嘅「礦工Café」打躉，等雨停。

龍媽媽糕點 Mama Long Pastry：「糕」手在民間

早前睇過啲飲食雜誌嘅報道，先知呢間賣傳統中式糕點嘅「龍媽媽」原來製作喺咁有誠意，所以，今日襯出開嚟佐敦一帶都有少少專誠過到嚟幫襯下，買啲糕點返去當飯後甜品，加上老婆本身都鍾意食呢一類中式糕點。

餃子冰室 Gogi Ice House：長洲搵食第一站：「餃」得佢掂

清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 

街頭轟炸機：異「轟」突起

作為美孚街坊，都真喺唔知開咗一家小食店「街頭轟炸機」，因為呢一頭啲外賣小店都轉嚟轉去，尤其早輪疫情下，實在無可奈何。 話佢喺小食店，其實，佢有唔少主食供應，正正有啲啱老婆食嘅蕎麥麵，所以，點都要試吓。

The Dutch Cheese and More：焦糖「楓」味

有日路過呢一間小店，不單從店名，抑或從櫥窗，都見到一餅餅、大大嚿嘅芝士，當然，品種喺嚟自荷蘭啦。雖然小弟都好鍾意食芝士，但就未至於食得咁專，都喺貪方便夾吓三文治，搞吓芝士撈丁……之類，所以，都喺晌超市買啲片裝嘅擺晌雪櫃睇門口而已。既然經過，入去打個轉都無妨。

The Bottle & Chicken：「雞」不可失

疫情總算緩和多咗，所以，都放心出嚟人多車多嘅旺角，打算利用啲消費券買番對「免費」波鞋，當然先行一行「波鞋街」睇睇款先啦。咁耐無出嚟，受疫情影響，真哋見到好多吉鋪，就晌洗衣街一段，見到吉鋪堆中有呢一家小店「The Bottle and Chicken」，所以，就支持吓小店撐吓場。

SOYmart by 豆乳狂人：「乳」眾不同

很早已聽聞過這一家豆乳店，從一啲「沙田友」嘅食友所講，佢哋最初鋪仔細細，只賣豆乳（豆漿）同豆花，搞吓搞吓發展埋多元嘅甜品。最近經過樂富廣場，偶然發展原來呢個「狂人」開到出嚟市區，相請不如偶遇，加上老婆本身幾鍾意大豆類產品，我哋屋企都有部豆漿機，又不時以豆製品入饌，故此就試試佢哋嘅手勢，買啲外賣返屋企試吓。

大澳小食 Tai O Snack：妃常薄餅

一行人，其實得4個，趁星期六大家都唔使返工，天氣又涼涼哋，一於沿「離島自然歷史徑 – 昂平及大澳段」由東涌沿海行到入大澳，行吓、抖吓，抖吓又睇吓，結果都要用上5個鐘先入到大澳。嚟到大澳，除買番啲蝦膏、蝦醬做手信，仲試吓啲小食。咯過其中一家「大澳小食」，睇見有一款蛋餅叫「香妃卷」，即做即食，有興致地一試。

Seafood Stand：一嚐素堡

於年多、兩年前曾到訪過Seafood Stand紅磡店，仲記得佢哋啲漢堡做得唔錯，當其時仲留意到有一款素漢堡「野菜農場烤菇堡」，啱晒我老婆。最近，聽朋友講晌樂富開咗新店，而且，大間咗好多，點都要俾老婆嚟試一試依個素堡。

微熱山丘 SunnyHills：丘之良品

你會唔會喺好熱衷儲飛行里數嘅人呢？我都會儲，不過就唔喺搏晒命嗰啲，偶爾，有啲里數就快過期，但又唔足以換張機票遊吓埠，最叻喺換吓機鐵免費飛，今次就摷到原來可以用3,000里換盒微熱山丘嘅鳳梨酥（10個裝），加上老婆對佢哋嘅鳳梨酥情有獨鍾，所以，就更加好好利用就快到期嘅里數換一盒試試。

士林台灣小吃 Shihlin Taiwan Street Snacks：小吃多滋味

近期小弟同西九龍中心真喺有啲緣，繼上個月中晌依度嘅必勝客食飯賀細佬生日，早個星期又同親友晌Cafe Charm's食飯聚一聚。今日又再嚟到8/F嘅美食廣場食餐晏仔！事緣早前晌U Magazine網站抽獎，中咗「台灣士林小吃」嘅4人套餐，所以，趁到期前享用埋佢。

亞玉豆腐花：垂涎玉滴

一大朝早晌新同星茶餐廳食完早餐，就出發踩單車由元朗入到去屯門，因為今朝個早餐都幾飽，之後返回元朗都無食晏，只隨意搵啲小食。嚟到阜財街，最人氣就喺依檔「亞玉豆腐花」，排晒長龍，不過，流轉快，排唔夠5分鐘就輪到我哋。

Seafood Stand：海鮮．漢堡一站過

好耐無同老友夏總及佢老婆一齊食飯，順便睇睇旅行相，所以，相約嚟到紅磡主打海鮮及漢堡嘅Seafood Stand，貪佢環境夠輕鬆隨意，感覺無拘束，一邊食住漢堡，就一邊睇相。

糖村 Sugar & Sipce：登糖入室

「糖村」喺台灣幾有人氣嘅法式牛軋糖品牌（即喺我哋慣叫開嘅鳥結糖），印象中大概兩年前都收過朋友嘅小禮品，就喺佢嘅原味牛軋糖，不過唔喺晌台灣買返嚟，而喺當時晌尖沙咀重慶站有間「糖妹妹糖」嘅糖果店有入貨轉售。今次，同事則晌銅鑼灣希慎廣場誠品書店嘅「糖村」專櫃買番嚟，可謂掛正名號，台灣直送。

點心仔：我的星期六美孚早餐 ~ 點止點心咁簡單

美孚盈暉臺依個所謂商場，好多食店都做唔長，以前有三間茶記，執吓一間又一間，依家得番間荔，苑，而酒家都轉過幾手變成依家嘅百樂門，反而啲小食店捱吓捱吓一年又一年。不過，最近都開始有啲變化，就喺商場內開咗間大快活，面對咁情況，小食店嘅「點心仔」唔知受影響大唔大呢？所以，今早專登同老婆走過嚟幫襯吓佢。

路邊攤 The Lobintan：滋味在路邊・衛生篤魚蛋

過過口癮，間中都有晌街邊篤魚蛋，不過，篤魚蛋食評真喺少寫，因為，一來又唔喺食得多、成日食，二來嚟嚟去去感覺上都相差唔大。但喺，今次朋友介紹嘅「路邊攤」，唔喺話咩全城最好食，但相信喺全城最衛生之一嘅篤魚蛋檔。

零食大王 Lingsik King：梗有一包晌左近

近年收到唔少食友餽贈，都喺零食居多，搞到無論晌公司定屋企，啲零食梗有一包晌左近。其實每星期睇飲食雜誌，都有唔少新推出雲食介紹，就連兼賣零食嘅店舖越開越多。最近，收到一間新開嘅零食網購店「零食大王」（www.lingsik.com）寄嚟兩款零食試食，又可以跟同事、家人分嚐。

熱狗家族 Trigger Dog：家族新成員「奧利華」

身為九龍人嘅小弟，北角區其實真喺好少嚟，所以對依區都唔太熟悉，但認識「熱狗家族」始於食友嘅一篇食評。位處炮台山電器道嘅熱狗家族，其實鋪面面晌內街福元街，正正天橋底下，由於鋪面細細，好易走漏眼，幸好光猛嘅燈箱招牌，一眼就認到！