金石寿司 Kin Seki Sushi：金石良「源」

前文提要，因為無得出門，疫情下同老婆、舊同事一齊入到去石門嘅「帝逸酒店」，玩吓宅渡假，由於所買嘅套票喺一個郊遊樂嘅組合，包一晚酒店房、翌日自助早餐及雙人帝逸郊遊籃，而晚餐就自理，故此，我哋就揀咗過石門嘅「京瑞廣場」嗰邊食，並由於其中一位舊同事好哈日，所以，篩選落嚟就揀咗「金石寿司」。

PitStop：「鞍」心偽郊遊

無得出門，只好晌香港住吓酒店，扮吓渡假，2021年中，曾住過晌石門嘅「帝逸酒店」，玩吓宅渡假，印象幾唔錯。故此，又同啲舊同事夾好日子又嚟玩一趟，而今次揀嘅套票喺「帝逸單車樂住宿計劃」，除包一晚酒店房、翌日自助早餐之外，仲有一套雙人帝逸郊遊籃，而食物喺酒店大堂旁「Pit Stop」嘅出品。

鮨廷 Sooshi Gold by Sushi Sooshi：「鮨」本主意

晏晝嚟食「廚師發辦」喺比夜晚相宜啲，繼早前晌上環食過一餐出色嘅「廚師發辦」午餐之後，今回同老友過嚟中環嘅「鮨廷」再一嚐「鮨」味。呢間「鮨廷」新開無耐，但其實佢哋晌尖沙咀有店，仲開咗好耐，風評唔錯，但小弟就第一次到訪而已。

Espresso Alchemy：早 • 有「意」思

難得表哥放大假，所以，約咗佢出嚟食個高檔早餐。海港城嘅「Espresso Alchemy」食過一次晚飯，知道食物質素高，咖啡好，最緊要喺環境舒服嘛，又可以坐耐少少傾吓偈。

村爺爺車仔麵 Grandpa Mura：「村」流不息

早排晌葵涌一間小店食過一道全隻龍蝦喇沙，定價非常相宜，而且，非常好食，今晚趁住老婆要晌油麻地返學，等埋佢放學就會一會「村爺爺」，試試佢哋大熱嘅龍蝦車仔麵，身邊有唔少食友都幫襯過，都一致讚好，加上老婆都話好耐未食過車仔麵，就豪食一餐車仔麵。

La Pizza Express：La La 「臨」開餐

年初嚟過牛頭角食嘢，然後，沿觀塘海濱公園由牛頭角行到去觀塘，發覺原來海濱呢度有幾家餐廳，不過，當時已經食咗晏，就齋睇望望吓。今回就過開嚟，揀間平靚正嘅試試，睇到呢一間「La Pizza Express」，一身橙色貨櫃鋪面，幾搶眼喎。

Vegetarian Kitchen by Dickson Yoga：心中有「素」

嚟到「Dickson Yoga」，唔喺做瑜珈，而喺搵食。老實講，瑜珈呢樣野真喺唔啱我，行山、踢波、踩單車呢啲力量型運動型我就無問題，伸展、拉筋呢類嘅真喺唔搞我。晌「Dickson Yoga」裡邊，附屬提供埋餐飲，所以，就同老婆晌度食個午餐，之後，佢就過「翠屏」參加義工活動。

雲石堡 Marble BoBo：我的星期六美孚早餐 ~ 一分收獲，就要一分耕「雲」

星期一至五及星期日，基本上我倆公婆都會晌屋企食早餐，而星期六喺最輕鬆，朝早最無乜嘢搞嘅日子，所以，就會出街晌美孚周圍搵吓食、輕鬆吓，之後可能行吓公園，或行一轉短山。今次嘅選擇喺盈暉薈嘅「雲石堡」，呢個場越做越沉，幾間食肆撐得住都喺完全靠街坊生意，基本上唔會有區外客過嚟，因為真喺有少少隔涉，而呢個鋪位轉過幾手，依家嘅「雲石堡」算喺做得長。

山系。本舍 yama shǒuzhì：搵食有靠「山」

老友話搵到間隱世日式小店，搵埋我去試試，原來喺位於太子嘅「山系。本舍」。試啲未試過嘅餐廳，當然都幾有興趣，所以，趁老婆返學嘅日子，一支公無飯開，兩個麻甩佬就出嚟聚一聚，傾吓近況，兼呻吓呢樣，呻吓嗰樣。

太平洋咖啡 Pacific Coffee：難得校園好時光

以前，因工作關係，一年都有三幾次到大學出席啲活動，但疫情下，已兩年無到訪過。最近，就代公司去咗一轉浸大，原來變化都已經好大。由於早到咗好多，行吓行吓原來呢度有間Pacific Coffee，就晌度食個下午茶，打吓躉。

海皇粥店 Ocean Empire Food Shop：我的星期六美孚早餐 ~ 簡單滿「粥」

晌美孚想食粥，除咗彬記（最初搬嚟美孚時佢叫彬記，後尾轉咗怡園，依家又叫番彬記）、一粥麵（年幾前新開，食過，一般般），比較穩定又近我哋啲有「海皇」，所以，不時都有幫襯，但寫就好少寫，今次，就因為試咗佢哋嘅粢飯，先寫番次。

The Salted Pig：滄海遺「豬」

疫情下，有啲朋友好耐無見，好似有一班舊中學同學，每年都搞一、兩次大聚會，話大聚會其實都喺剛好一圍枱，不過，已兩年無見過。依家疫情緩和咗好多，大家出嚟都安心咗少少，但喺，大圍人嘅聚會都未太敢搞，反而，小飯局就感覺好啲，所以，約咗兩個舊同學先嚟個小飯局，聚一聚，所以，造就今日晌「The Salted Pig」食餐晏仔。

淳吟居酒屋 Jyungin：「淳」樸和風味

以前去渡船角呢一帶，會覺得唔多方便，依家有柯士甸站就唔同晒，出站後行5分鐘就過到嚟。今晚又趁老婆上完堂，費事煮，到訪「淳吟居酒屋」食餐和風晚飯。呢一帶可謂靜中帶旺，附近全都喺住宅，人口不少，事隔多年再過嚟，眼見多咗好多食肆，而且，特色食肆都可不少。

The Porter：飲到一嚿「雲」

中環「煤氣燈街」間特色「星巴克」結業，位處隔郯商廈內嘅「The Porter」變成晌呢條街啲唯一咖啡店，相信其生意會上漲不少。而同事對飲咖啡都甚有研究，亦喺其長期客戶，不時落去幫襯，剛啱早前有個買一送一嘅活動，就醒咗杯咖啡俾小弟。

稻成京川滬 Dab-pa Modern Chinese Cuisine：志同「稻」合

趁老婆生日，嚟到東涌「富諾特酒店」Staycation，兩公婆開開心勻玩咗兩日一夜，行程豐富，依一刻都接近尾聲，晌東薈城買埋戰利品，打算晌東涌食埋晚飯先走，順便當埋生日飯。晌噚日嚟到東薈城二期嘅「Wheatfield X 羅宋湯專門店」食完晚飯後，落幾層見到這一家「稻成京川滬」，就決定「最後晚餐」晌呢度食，因為兩、三年前幫襯過佢哋嘅葵芳店，印象幾好。有時搵食之道，就喺翻兜食過嘅好店，穩穩陣陣！

香港巧克力藝術坊 The Art of Chocolate：消暑奇「冰」

繼續東涌食評，不過，一跳就由地面跳到上山頂。晌「富諾特酒店」退房、辦好寄存行李之後，就坐「昂坪360」上昂坪，雖然，開咗咗多年，真喺大鄉里出城，第一次坐，仲要試埋坐水晶車。上到昂坪，行吓昂坪市集、遠足昂坪奇趣徑、參觀埋心經簡林。經過一家「香港巧克力藝術坊」(The Art of Chocolate)，主要喺做一啲朱古力展覽，賣朱古力產品，不過，我哋就無參觀，反而幫襯食支高檔雪條。

Essence：Staycation早餐 + 野餐套裝

慶祝老婆生日，乘着「賞你住」嘅優惠，訂咗東涌「富諾特酒店」嘅郊「悠」住宿套票，住番晚渡吓假，我哋真喺當旅行架，有晒景點行程，唔喺齋住。噚日就先晌酒店游吓水，跟住再去機場維修區睇日落及飛機升降，今日呢，早上就報咗O.Park1嘅導賞團，下午就坐昂坪360，行行昂坪市集、遠足昂坪奇趣徑、參觀心經簡林，最後當然晌東薈城買吓波鞋啦。宅渡假嘅套票包咗自助早餐，所以，一早就落嚟「Essence」食餐豐富嘅早餐。

Wheatfield X 羅宋湯專門店：酸香滋味大放「宋」

前文都提及到訂咗東涌「富諾特酒店」嘅Staycation套票，入嚟東涌玩兩日。晌酒店游完水，再到機場維修區睇日落及飛機升降，雖然，海面嘅雲層比較厚，睇唔到「鹹蛋黃」，但黃昏景致都喺好靚。由於套票只包一晚房價、自助早餐及兩份野餐包，故晚餐都要自己安排吓，但成個東薈城，真喺唔使擔心搵食問題。嚟之前已搜羅咗幾間心水，最終決定「Wheatfield X 羅宋湯專門店」，因為老婆好喜歡菜湯食品。 

摩斯漢堡 MOS Burger：「斯」心推介

之前，旅發局再推出咗「賞你住」活動，有幸訂到東涌「富諾特酒店」嘅Staycation套票，可以慳番$500，淨付出$800就可以喇，趁老婆生日，就入到東涌來一趟小旅行。套票包一晚房、自助早餐及兩份野餐包，故入住前就晌「Mos Burger」食個輕怡午餐。

齋啡 Vego Coffee：美味「素」源

素食啱我老婆，咖啡就啱晒我，所以，趁個周六過開嚟尖沙咀，一於拜訪吓素純咖啡店「齋啡 」，齋有素嘅意思，個名真喺改得好有語帶相關。這一家話就話位處尖沙咀，但其實喺晌尖沙咀、佐敦交界嘅柯士甸道，仲要介乎佐敦站、紅磡站之間，位置真喺有少少吊腳，而且，營業時間亦好短，11:00am-6:00pm，不過，卻有唔少人專程嚟幫襯，絕大部份都喺年輕人，要跑「素」喺要啲付出。

鳥山名 Toriyamana：「名」智之選

趁假日，同老婆、姨仔三人行，小弟請睇戲，姨仔請食晏晝飯，原因宦喺老婆生日，搵啲節目賀一賀佢。由於出咗荃灣睇戲，所以，食嘢都揀番荃灣，而餐廳由老婆發辦，幾年前食過「鳥山名」，佢好鍾意呢度嘅銀鱈魚，印象深刻，故此，就一於再訪。佢有心水就最好，唔使我諗得咁煩，「鳥山名」，我都覺得喺明智之選！