豆公館 Dau Gung Gun：百變小豆

屋企嘅裝修算喺進行得如火如荼，今晚趁得閒兩公婆出嚟旺角啲傢俬鋪睇睇傢俬，梗喺順便食埋飯先返歸啦。晌「登打士街」遇到一家「豆公館」，豆品嘢啱晒我老婆，佢自己都不時晌屋企整豆漿（當然喺用豆漿機整啦）。

茶茶GO Chachago：「Go」溫救星

過咗小暑，都未到大暑，但近排啲氣溫已日日高升，加上天雨，又熱又濕，最好莫過於買杯凍飲返屋企慢慢嘆。路過「登打士街」見到「茶茶Go」，好耐之前試過其金鍠楊枝甘露，覺得有料到，再者，佢哋喺嚟自台灣嘅品牌，質素有番咁上下，今次就再試試店家其他嘢飲。

貓抓烤肉 Meow BBQ：抓住烤肉的尾巴

最近從食友口中得知，晌旺角有家集韓式及日式嘅烤肉店「貓抓烤肉」，啲套餐非常抵食，而且，環境十分寬敞。剛巧早排小病，好番晒當然要食餐好嚟補數啦，所以，就拉咗老表一齊嚟嘆一嘆，又傾吓近況。

來多碗車仔麵：一「麵」之緣

啱啱去完旅行返嚟，第二日就返工，啲行李都仲未執，所以，今晚收工後就出街食，費時嘥時間煮，食完早啲返去繼續執拾行李。是夜就嚟到「來多碗車仔麵」，簡簡單單食碗車仔麵。

牛丼家 GYUDONYA：活在「丼」下

出開嚟旺角睇波鞋，咁就順便食埋飯先走啦，去到近地鐵站口附近，本來就想試下間茶記，不過見到呢間「牛丼家」，老友又話想試下，我食咩都無所謂，反正都喺一餐。

點點心 Dim Dim Sum：點點心思

約咗啲舊同事出嚟聚一聚，因為人少少得幾個咁就簡簡單單食吓點心傾吓偈，揀咗嚟旺角嘅「點點心」，主因都喺貪方便地點就腳，佢哋對食無太多要求。

天下糧倉牛肉火鍋專門店 Granary Beef Hotpot：勿失「糧」機

早前同啲老死食飯，講開打鞭爐，話想食得有質素嘅，通常喺嗰啲散點嘅會好啲，放題嘅有機會無咁高質，尤其主力食肉嘅朋友，散點起計真喺落樓唔少錢。不過，我話要搵有質素嘅放題店，其實都有好多選擇，不過，主打食牛又想性價比高嘅，就諗起早前有食友推介呢一間「天下糧倉牛肉火鍋專門店」，老死好有興趣，就約埋一齊上嚟拆餐飽。

點心到MIX ▪大排檔 Dim Sum Here Mix Seafood：美食「心」度遊

今晚專登約咗個老友出旺角傾嘢，就打算搵間好坐啲嘅，地方又大啲嘅，可以坐耐少少嘅餐廳，結果就搵到「點心到 MIX 大排檔」。初時仲同老友講話食住點心傾，點知原來晚市無點心供應，主要喺食小菜，但既來之，則安之，反正我哋都無乜所謂。

Luna Kaffe：親民鐵板餐

睇見食友嘅貼文，竟然唔使「一嚿水」就食到威靈頓牛柳，喺真唔喺呀？真喺好好奇咩質素喎！所以，都趁好耐未同夏總食過飯，就約佢出嚟聚一聚，兩個佬講下波經、又講下旅行嘢。

河內越式料理 Ha Noi Vietnamese Cuisine：「內」人尋味

今年3月中去咗一轉越南芽莊，輕鬆渡吓假，由於芽莊喺個沿海城市，海產豐富，所以，嗰幾日 我哋食海鮮居多，反而越湯粉就較少食。今晚兩公婆就懶煮，出嚟尋味搵食支持吓本土經濟，近近哋揀「河內越式料理」，貪佢一出地鐵站口附近就喺，加上風評不俗，定價實惠。

祝ご居酒屋 IwaiGo Izakaya：稱心滿「祝」

都好耐無同老婆食日本嘢，不過，老婆仍對日本海產有少少戒心，小弟就無特別話唔食，但亦唔會刻意去食，總之取個平衡，唔好走兩邊極端，故此，最好就喺去居酒屋，選擇夠多元化嘛。趁今日佢要出去返公司做數，就搵咗食友推介呢間居酒屋小店「祝ご居酒屋」。

Black Coffee：相聚一「黑」

上次出嚟旺角食飯時，經過見到呢間鋪面「暗黑」嘅餐廳，連名都唔見有，都有啲好奇架嘢。今晚又約咗老友聚舊食飯，因為就大家方便，就定晌旺角，結果想返起呢間餐廳，上網搵搵，原本喺間咖啡店，名叫「Black Coffee」，啱晒我啦。

韓川 Han Chuan：滋味城中「川」

同個老友約食飯，約咗幾次都唔成事，卒之約到今晚出嚟聚一聚，食乜嘢菜就由我揀，但喺地點嘅盡量就到大家，旺角咁中間點就最好啦，因為大家都好耐無食過韓國菜，近排又睇咗幾套好睇嘅韓劇，撩起食韓國菜嘅心癮，所以，揀咗嚟「女人街」嘅「韓川」。

長阪燒 Nagasakayaki：和味無欺「長」

表哥就嚟出發去旅行，趁佢出發前專登約佢食番餐日本嘢。近期嘅話題不外乎喺「福島」核污水，講笑咁講，今次真喺「福」水難收。海產類可能會食少啲，甚至停一段時間先，都喺觀望住發展，但其他食材就唔喺太擔心，所以，今晚嚟到「長阪燒」就趁倒水前盡興。

吃扒 Chiba：「芝」足常樂

晌香港做飲食嘅，真喺要各出奇謀，好難靠買三幾樣嘢走天涯，就算出奇招都要有亮點，今晚同老友嚟到「吃扒」，亮點就喺佢哋嘅熱溶芝士鐵板餐，當然，啲扒餐嘅定價亦喺另一吸引點。

龍城冰室 Dragon City Cafe：湯清味「龍」

趁老婆返學夜，得番一支公，出嚟旺角睇睇波鞋，順便食埋晚飯先返歸， 因為得一個，所以食得好隨意，咁快靚正梗係茶餐廳啦，晌鐵站口見到「龍城冰室」，選擇多，最主要喺門口見到有啲招牌海鮮湯泡飯系列。

十十川滬料理 Sha Sha Mala：重「十」繁華

約咗表哥食晏，打算上朗豪坊嘅美食廣場，不過，上到去人頭湧湧，果然市面恢復番昔日繁華，再睇返啲定價，美食廣場內嘅餐廳一般都喺$60、$70一位，咁啱美食廣場側邊有一間「十十川滬料理」，有啲一人嘅午市套餐，計埋茶位加一，好似唔喺貴好多，但裏面望上去就舒服好多喎。

極尚大喜屋 Deluxe Daikiya Japanese Restaurant:：食力「喜」動

日本菜一向都鍾意食，但晌日本餐廳中，真喺唔知點解，日式放題確喺比較少食，對上一次已經喺2018年4月嘅事。最近，老友推介呢間日式放題店「極尚大喜屋」，話性價比高，菜式有唔少賣點，小弟就未幫襯過，咁就啱啦，兩個死佬一於約埋食餐好嘅，加上佢好有食力，咁樣我哋就可以試到多啲嘢。

上州一頭和牛 Jyoushu Ittou Wagyu：招呼「州」到

旺角本身就唔算多嚟，次次出親嚟大多數都喺有嘢想買，而位處旺角東站上蓋嘅「新世紀廣場」就更少，因為覺得有少少吊腳，不過，依家有東鐵延線，收工過嚟真喺方便咗。故此，相約位老死出嚟一聚，試試日式燒肉，佢同我都話好耐未食過日式燒肉，選址就晌「食代館」裡面嘅「上州」，因見其風評不俗，價位又唔太高。

Almond Dessert 杏甜品：有「杏」遇上

小弟甚少出嚟旺角，怕人多，出親嚟就喺行「女人街」、「波鞋街」，主要都喺添少少裝備。而出開嚟都會周圍打個轉，每次出嚟都發覺開咗好多新餐廳，行到嚟豉油街，睇見呢一家以杏仁為主題、門面好清新嘅港式糖水鋪，晌門口望兩望，覺得啲款式又幾特別，所以，膽粗粗一試。