聚鳥亭：火鍋新秩「聚」

睇返啲食評原來對上一次同老友食火鍋已經喺上年8月嘅事，今晚趁高興同兩位相識數十載嘅死佬聚一聚，搞個死佬小飯局，選址就番大家方便嚟到尖沙咀樓上舖嘅「聚鳥亭」，聽個名以為喺居酒屋，其實主力喺做火鍋架，哈哈，不過，又滲入啲日式元素晌火鍋中，火鍋新秩序。

和道屋 Wado Izakaya：和味「道」航

宮崎駿嘅動畫可以講喺陪伴我哋長大，我個人就較喜歡佢早期嘅作品，例如：「天空之城」、「風之谷」，至於「千與千尋」都覺得喺一齣幾特別嘅作品。最近偶然睇到食友晌「和道屋」嘅食評，見到竟然有個1:1嘅「無面男」坐鎮，加上餐廳嘅裝修和風感十足，絕對可以嚟一趟偽日本之旅美食篇。

一起食堂 Eat Together：皆大歡「起」

老婆呢個禮拜有啲忙，所以，今晚唔好煮，做晚「無飯」夫婦，一於晌街食，走到過嚟灣仔先知「一起食堂」晌呢邊都有分店。大概一年前食過中環店，覺得價錢親民，食物質素又唔錯，所以，今晚翻兜，試試灣仔店。

牛響度麵館：食牛，晌呢度！

雖然家下時興北上，去下啲批發式巨型超市，但喺我哋都唔喺咩購物控，更加唔會大批 入貨咁買嘢，反而老婆就比較鍾意行吓Aeon，既然咁就順便食埋晚飯先返歸啦，因為Aeon裡面有個美食廣場，有唔少選擇。最後揀咗「牛響度」，貪佢有款熱拌嘅刀削麵。

南豐餐廳 Nam Fung Restaurant：我的星期六美孚早餐 ~ 搵食有「豐」險

好耐無寫過呢個系列喇，因為都無乜新嘢試到，嚟嚟去去都喺食番嗰幾間。最近晌屋企附近「盈暉臺」個商場就新開多一間「南豐餐廳」，所以新屎坑專登落嚟幫襯寫返篇早餐食評。其實呢個場越做越「dup」，尤其食肆，連大快活都做唔住，依家剩番一間茶記「雲石堡」。

Ha Noi越南菜：定價「越」目

重慶大廈俾人嘅印象就南亞、印度人嘅大熔爐，不過，原來側邊地庫層卻有個大反轉，變成一個好新簇嘅商場「慶坊」，裡面開咗好多唔同特色嘅餐廳。半個月前先同老婆短短地自由行去咗一轉越南芽莊，感覺非常之好，今晚嚟到「Ha Noi」再重溫越式湯河撈檬嘅「味」力。

萬麗咖啡室 Cafe Renaissance：西班牙「豐」情

舊年就到訪過「萬麗咖啡室」，睇番啲食評，原來剛好一年前嘅事，當時就為通番關嚟食餐好嘅。今次見到餐廳做緊西班牙主題，頗有特色，又做緊啲優惠，所以，同老友嚟嘆番吓。

Homeland：「Home」有成竹

都好耐無同老死發哥出嚟食飯聚舊，就啱佢抱恙初癒，話點都要食番餐好嘅嚟安慰下自己，所以 ，揀咗過嚟「荃灣廣場」嘅「Homeland」，因為住晌荃灣嘅在地老友推介，故對餐廳吧嘅質素胸有成竹，加上出咗個薄餅二人套餐非常抵食。

銀龍冰室 Ngan Lung Cafe：早鳥晚飯

趁天氣唔錯，同老婆行咗轉短山，美孚起步就咁上馬騮山，終點就落番石籬一帶，嚟到石籬商場，見到「銀龍冰室」仲有下午茶餐（供應到6:30pm），就食個早鳥晚飯先。

窩子 WoZi：窩心推介

都好一段時間無入嚟新蒲崗食嘢，依家我哋搭屯馬線過嚟真喺超方便，啟德站直入商場Airside，再穿兩條天橋就過到嚟新蒲崗。今晚嚟到「窩子」，純粹帶老婆試吓佢哋嘅「三重朱古力麻糬窩夫」，呢次喺以目標為本。

菊月町：「鮨」味無窮

約咗老表出嚟食飯，知道佢好鍾意食日本嘢，所以走遠少少過到嚟牛頭角嘅「菊月町」，因為在地嘅老友讚呢間嘢嘅性格比高，用料新鮮，製造用心。雖然隱身於牛頭角廠廈、商廈之中，但離地鐵站唔遠，都喺5分鐘左右步程，非常方便。

老祖食堂：「祖」鳥晚餐

今日有活動入到嚟機場，之後，趁返回東涌，就順道上咗東薈城嘅食代館食個早鳥晚餐先打道回府。晌裡面打咗個轉，就揀咗「老祖食堂」，因為，差唔多兩年前，幫襯過晌「葵廣」嘅「西關老祖」，知道佢哋嘅「叉燒飯」有一手，所以，再重溫一下當中滋味。

祝ご居酒屋 IwaiGo Izakaya：稱心滿「祝」

都好耐無同老婆食日本嘢，不過，老婆仍對日本海產有少少戒心，小弟就無特別話唔食，但亦唔會刻意去食，總之取個平衡，唔好走兩邊極端，故此，最好就喺去居酒屋，選擇夠多元化嘛。趁今日佢要出去返公司做數，就搵咗食友推介呢間居酒屋小店「祝ご居酒屋」。

湄南.河泰式船麵 Maenam：「湄」妙聯乘

老婆有飯局，咁就乘機約啲老死陪我食飯啦，兩個麻甩佬過到嚟荃灣食泰菜，皆因知道「湄南」跟「龍華」聯乘推出咗個乳鴿套餐，非常微妙嘅組合，仲以優惠價推出，咁着數，當然專登過嚟試一試啦。

龍寶酒家 Dragon Palace Restaurant：質素無「寶」證

今年無同細佬妹食團年飯，因為細佬嘅生日好近過年，所以，索性改為食開年飯加生日飯，等我慳番一筆。就返佢哋都喺搵深水埗區，不過今次行遠少少，落到近長沙灣嘅「龍寶」，再者，佢哋一向對食無乜要求，反而呢類街坊酒樓仲啱佢哋。

安娣瑪萊 Auntie MALAY：搵食好「娣」議

近來出親尖沙咀都人頭湧湧，尤其海旁、天星一帶，連帶搭天星過海都要排長龍。唔想同人逼，可以走入「海運大廈」，裡面有唔少高質素嘅食店，其中主打馬拉菜嘅「安娣瑪萊 」就是其一，單睇門面已好洋溢一股南洋風情。

金裝燉奶佬餐廳 Daniel's Restaurant：死佬下午茶

大大話話我諗都隔咗成年無出嚟踢過波，咁啱有場衛生足球，都喺圍內一班老友玩吓。雖然踢得輕輕鬆鬆，無乜競爭成分，但踢完都好攰吓，而補充體力嘅最佳方法就梗喺嘆個下午茶啦！

海灣漁港：「漁」情未了

又喺大時大節同一大班親戚食嘅家族飯，一向都有親戚做搞手，約時間、揀酒樓，我哋呢啲後輩嘅到時去到就喺食同俾錢。而今次揀嚟呢間「漁灣海港」其實就喺之前曾經食過嘅「百匯軒」，格局完全無變，似乎又喺中式酒樓慣上嘅手法，執咗又開返，大多數都喺逃避下啲債項之類。

The Wall Street Bar & Lounge：華爾街內幕好「燒」息

好耐無同老死夏總食飯喇，今晚專誠搵咗佢出嚟食番餐，知道佢鍾意食羊，就揀咗嚟尖沙咀嘅「The Wall Street Bar & Lounge」，除咗風評不俗，位處尖沙咀大家都方便，重點喺知道餐廳推出咗個性價比高嘅套餐，有羊架食，肯定啱晒佢啦，確實喺個好消息。

金朝海南雞：「金」晚食得盡興

大概半年前嚟過「享和街」嘅「小越廚」食晚飯，當時離開時就見到呢間「金潮海南雞」，喺門口睇咗陣，覺得啲價位好抵食，又多選擇，就已經諗過如果嚟開呢頭，就會幫襯吓呢間小店。今晚，就同朋友試試店家嘅雞煲，當然，仲有海南雞啦。

番茄18 TOMATO 18：值得「番」 兜

雖然行過好幾次大欖郊野公園，但民安隊圓墩營就未到過，因為要搞小組活動，所以，同老婆預行一次。咁起步前就梗喺食餐飽飽嘅早餐先起步啦，為方便搭車，就晌荃灣嘅「番茄18」搞掂。

彩福皇宴 Choi Fook Royal Banquet：滿「福」滋味

一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。

Lamees：地中海之夜

上次嚟到土瓜灣北帝街一帶食完晚飯後，經過見到呢間「Lamees」，餐廳門面裝潢幾特別，又有個電視不停播放短片，原來喺賣地中海菜，喺小弟比較少接觸嘅菜系，所以，啱啱約咗位住晌土瓜灣嘅學弟，就諗起呢間餐廳，與期周圍搵就不如試一試吓佢。

覓 ‧ 甜 ONE ‧ SWEET：真材實料

正準備由「寶萊街」行去黃埔港鐵站，偶然望入條巷仔見到呢一家小店「覓•甜」，除因為晌條巷仔中佢顯得燈火通明之外，更寫住手工甜品，就幫襯吓買咗兩客糖水返屋企食。

越旺美食 Yuet Wong Restaurant：美味的「越」歷

大角咀變變吓，可以講越嚟越變得喺平民嘅美食天堂，尤其喺埃華街、大全街、中匯街，可以講喺食街嚟，當中有唔少更喺卧虎藏龍嘅小店。早前有街坊食友試過呢間「越旺美食」，強力推薦，話性價比高，所以，今晚就同多年老友嚟試試，大家都喺鍾意飲飲食食，人大咗，搵食嘅閱歷就會越嚟越多。

公和荳品廠 Kung Wo Beancurd Factory：豆品「公」略

帶啲朋友去石硤尾嘅「美荷樓」參觀，了解下香港第一代公屋嘅變遷，跟住順路過嚟「公和」食過輕怡下午茶。

彩龍大酒樓 Lucky Dragon Restaurant：「龍」情不變

母校搞咗個重聚日，我哋好幾個舊同事約埋返去走一轉，之後，當然要聚一聚食埋飯啦，因為呢個組合真喺自疫情以嚟都無見過。近近哋，就搵番當年久唔久都會幫襯嘅「彩龍大酒樓」。

榮發燒味茶餐廳：等到「發」白

早前挑戰完鳳凰山，今次就輕鬆啲、短啲，由美孚起步上馬騮山，再沿引水道直剷到去大圍，輕鬆行到落大圍剛好喺放飯時間，由地膽朋友帶路過嚟「田心村」嘅「榮發」，喺一間村屋茶記，「快閃」食個午餐。

若男冰室：慳錢嘅靈丹妙「若」

呢間茶記極之隱蔽，一來佢位處工廠區尾，出咗地鐵嘅人都極少向呢個方向行，二來一睇就知喺攞廠廈食堂牌，所以，門面無名無姓，好易行過都唔知。都喺街坊通報，先知有間早餐只喺賣$22嘅茶記，應該算數一數二平通港九新界。

再臨閣 The Haven：春「臨」大地食餐好

睇返啲食評紀錄，原來都有成大半年無食過自助餐，其實，近幾年都少咗食自助餐，因為好老實，無以前咁有食力。不過，一班朋友約出嚟聚一聚，揀食自助餐就方便到大家各有所好，而且，流流長食成晚，大家就可以盡情咁傾，而今次就嚟到尖沙咀「港青」嘅「再臨閣」餐廳。

Plato Cafe & Bistro：高質二人餐

都無約單車老死食飯好耐喇，所以，趁佢無咁忙，就搵佢出嚟聚一聚，就佢返工嘅位置，相約過嚟佐敦一帶，晌網上搵到呢間「Plato Cafe & Bistro」，風評不俗，位置好，食完大家各自搭車都方便。

香港地 Hong Kong Day：絕無「港」究

雖然入嚟大嶼山行過好幾次山，但上鳳凰山印象中真喺差唔多廿年前嘅事，所以，趁住仲喺秋高氣爽嘅日子，就同啲老友上番一轉鳳凰山，之後嘅重點就當然喺嘆吓下午茶啦。返到嚟東湧，近近哋喺地鐵站附近嘅「香港地」食下午茶。

S³ 186：美食3次方

本來就只喺約老表交收，我無飯開，佢又無飯開，就不如約埋食番餐。就一就佢，晌番佢屋企附近搵食，就推介呢一間新開無耐嘅小店「S³ 186」。

望月軒 Moon Palace：討人喜「月」二人餐

近來多咗同老婆出街食飯，其實無咩原因，當喺支持吓香港餐飲業，亦可以話喺想試吓唔同嘢。今晚佢要過嚟港島區攞證書，而食友推介，就嚟咗信德中心嘅「望月軒」，因為信德呢度好似進行大翻新，所以，都要兜兩兜先搵到餐廳。

皇室宴會廳 Royal Banquet Hall：人多擠「室」

都好多年無入過嚟迪士尼，一來我唔喺迪士尼控，二來樂園入場費都確喺幾貴。老實講，今次 喺作為義工身份入嚟，可以講話喺做啲扶老攜幼，帶吓路，幫大家影吓相、拍吓短片。差唔多到午飯時間，就揀咗響旋轉木馬對面嘅「皇室宴會廳」食晏，諗住價位相宜少少。

翠河餐廳 Green River Restaurant：自討沒「翠」

秋高氣爽，週末嘅好節目梗係去行山啦，不過今次唔係平時行開嘅行山友，而喺另一班較少行山嘅朋友，所以，揀咗青衣自然徑，短啲，又輕鬆啲。行完之後落返長康邨嘆下午茶，呢度有好幾間茶記，不過見到「翠河」，比較有信心少少。